古早味澎湖台灣 (已結業)

台式小店 簡單午餐 菜式如下 滷蛋加酥炸雞扒滷肉燥飯 珍珠奶茶雙色香腸 墨汁腸 原味香腸 食材由台灣直送 原汁原味 墨汁腸煎香切片 腸衣帶點脆口,肉質有彈性食到淡淡墨汁香氣滷肉燥濃香撈飯好食 滷蛋仍半熟好滑 酥炸雞扒無骨雞扒香脆可口加了辣粉更惹味香口Shop B,9 Mintai Street, Whampoa Estate評分8/10消費$130…查看更多

9 0 後 的 味 蕾-有晚行過黃埔見到一間新面孔嘅台式餐廳，裝修都幾闊落，所以就入去試吓。-一坐低侍應就俾咗佢哋嘅晚市套餐我哋睇，70幾蚊包一款小食一款主食一杯嘢飲，食完仲送你一款甜品🍮-即刻對眼bling bling，咁抵，一於叫呢個晚市套餐-結果冇咁完美既，整體嘅味道就一般，眼見隔離枱單點餐牌嘅餸好似好味好多，不過勝在價錢平，打返個和-小食揀咗青瓜同木耳，嗰晚嘅青瓜唔係好新鮮，苦苦地，木耳就正常，佢仲有其他小食揀，包括鹽酥雞-麻醬冷麵好味，值得食吓，佢啲麵夠凍，凍得嚟又唔會硬，仲有彈力，佢個麻將條配得幾好，又香口花生味-牛肉麵就一般啦，湯底有少少酸，啲牛肉有少少「銀」，仲要舊蘿蔔勁硬😂，得賣相係ok-食完送一碗薑汁湯圓，正常嘅湯圓，都好味-反而杯抹香珍珠奶茶有驚喜，我叫咗走糖，杯奶茶好有茶香味-整體來講我會覺得不過不失，因為佢價錢真係好平，平時一杯珍珠奶茶出邊都賣緊$30，佢$70仲要包埋湯圓，唔好咁多要求-不過我見隔離枱食佢個刈包，賣相好似幾好，大家可以考慮吓散叫餐牌嘅嘢食…查看更多

試咗下午茶餐外賣有八五折。下午茶餐抵食$40左右，連小食有豉油滷水雞翼兩隻,韭菜煎餅兩個。飲品冬瓜蜜，凍冬瓜愛玉飲有少少過甜不過味道不錯哦愛玉飲入面有啫喱，過癮三杯雞飯雞肉肉質唔差，飯質地軟熟，新鮮。滷肉飯滷肉飯咪有味,半肥瘦豬肉口感,少少油膩,但係多咗啲汁,可以清淡少少飯多,餸唔夠…查看更多

成日都黎食下午茶，貪佢唔洗點等位又抵食😋下午茶包主食+小食+飲品，雖然份量偏小，但人均大概只係$45咋！主食=古早味牛肉麵⭐️4/5男朋友次次叫親都叫牛肉麵，佢話個湯味道唔錯，牛肉入味又煮得淋，只係成碗麵得2舊肉個份量比較少唔夠食😂古早味滷肉飯⭐️3/5我叫左滷肉飯，份量上個人覺得好夠，係會食得飽既，如果滷肉味道同個汁再濃d會更好小食=鹽酥雞⭐️4/5正常野，皮脆雞嫩涼拌青瓜⭐️4/5呢個反而幾開胃，少少辣多多脆😆飲品=冬瓜蜜珍珠奶茶追加=酥炸大雞扒⭐️4/5味道同鹽酥雞一樣😌但份量有一隻手掌咁大，略嫌炸粉太多令個皮有少少厚，但都係好食既總結，以呢個價錢食到主食+小食+飲品，仲可以去邊搵🙈…查看更多

因為呢間古早味澎湖台灣喺公司附近，所以lunch都去過好多次。今日又黎到呢度食晏。其實我好鐘意食呢度既海菜吻魚仔炒蛋(吻魚仔即係白飯魚)，但要到星期三先有呢個午餐選擇，所以我就叫左紅燒牛肉湯米粉，米粉係新竹米粉，比較幼身啲、口感軟啲; 牛肉炆得好入味好軟滑，湯底都好香濃，唯一美中不足係紅蘿蔔未煮得夠諗同入味，食落都仲幾硬身。另外再加左一個小食鹽酥雞軟骨。要一讚既係個鹽酥外皮，好似炸得比之前進步左，個外皮好酥脆，調味啱啱好，這個雞軟骨跟午餐叫都係廿幾蚊，份量都幾多，好味又扺食!…查看更多

呢間野呢排成為我既午餐熱點，本身都冇乜特別野想講，味道一向唔錯，牛筋牛肉麵直情係賣飛佛，湯底濃厚五香味。勾起我寫食評衝動既，竟然係發現店內有一樣野，係好唔掂既。話說我同男友諗住食好啲，就點左價錢比較貴既「魚穫飯」，一齊諗住試下新野，開心下。點知。個魚穫飯賣相已大失所望，唔靚唔在講，料少，大大舊炸粉擋住視線了，足足4大件。一舊仔魚塊，一隻炸蝦，一細截台灣腸，一啲菜。就承惠78蚊。咁炸粉究竟係咩？哇！係魷魚酥，仲係發育不良添。基本上，我好難相信有任何一個人可以食得落一件，全舊係無味炸粉團。條酥幼到睇唔到時，舊粉竟然神奇地包到咁厚。今日係咪休魚期，魚穫零仃到咁既地步，其實我地係唔醒既，應該問下佢今日有咩魚穫先落單嘛。其實我係鍾意食入面既其他野，午餐牌入面都冇野唔鍾意食，仲有+8蚊轉芝士奶蓋真係好抵。下次唔會再叫呢個飯，都提一提大家問清楚咩料先點菜喇。…查看更多

迎接2021叫返個台式外賣返屋企食先～叫咗兩個$79一人套餐～有主食、小食、飲品、甜品～樣樣有D幾吸引古早味牛肉麵～湯底有濃濃牛肉味～面食落都幾彈牙～配兩大舊紅蘿蔔、四舊牛𦟌不過食落酸酸地有D奇怪豬軟骨滷肉飯～有好幾舊豬軟骨～好入味唔會乾～配兩片青瓜、半隻留心蛋～份量適中小食揀咗兩份酥炸鹽酥雞～鹽酥雞味道都可以～但睇落好乾咬落去偏硬～甜品揀咗兩份黑糖薑汁湯圓～每份有4粒～冬天食薑汁最好暖下胃先～飲品就兩份茉莉綠茶～不過佢俾錯茉莉紅茶疫情期間外賣自取有八折:)…查看更多

2021年開始首星期最後一日假期，瞓到成12點先起身，做一陣家務都已經到下午茶時間。咁啱經過呢間古早味，有下午茶提供，又見幾多人等緊位，望望餐牌，牛肉麵望落非常吸引，於是一行兩人就進內幫襯。叫左兩碗牛肉麵，麵底有麵或米粉可以選擇，我同朋友都揀左麵，麵係寛麵，有彈性同咬口，下午茶份量比平時細，有兩舊牛肉，下午茶黎講啱啱好，牛肉嫩滑，湯頭香濃。每份餐都可以搭一份小食，我地叫左宜蘭蔥餅同鹽酥雞，兩樣水準尚可，但唔算十份出色。友人額外叫左個滷肉蛋餅，蛋餅蛋味好濃，餅皮煙韌，滷肉油香豐富，整體好食有驚喜！餐飲叫左桂元紅棗，唔可以改甜度，對於我黎講就覺得比較甜。友人叫左杯白桃四季春，有真桃香，好飲！…查看更多

💕今日約咗朋友一齊去紅磡做facial，佢提議响附近食一間台式餐廳嘅下午茶，佢話之前食過，覺得好味又抵食。下午茶時間餐廳都唔係好full，我哋可以即時入座。下午茶都幾多選擇，我叫左古早味牛肉麵，我朋友叫左炸雞扒滷肉飯，小食選了滷水雞翼同雞軟骨，都是飲熱冬瓜茶🤗🍜古早味牛肉麵-個湯幾濃，牛肉牛味重，但筋位多，咬落好‘un’，麵唔彈牙😌朋友話餐廳應該轉左用料，上次佢食果陣d牛肉類似係牛𦟌咁一片片的，入口即溶😭點解落差咁大，有少少失望！🍛炸雞扒滷肉飯-炸雞扒炸得夠脆，但係上面d香料粉灑得勁多，超級咸，朋友話滷肉都係偏咸😫同埋佢話個飯冇左之前佢勁鐘意的配菜黃色酸蘿蔔🤔🍗滷水雞翼-滷得入味，略嫌上菜時已經凍冰冰🦴炸雞軟骨-炸得夠脆，依個好食😍☕️冬瓜茶濃淡適中，正常😝💕整體食物沒有驚喜，但價錢幾抵食。…查看更多

星期六和同事去lunch，大家都想食台灣野，在OpenRice 找到這間古早味澎湖台灣在公司附近。1點前去到，不用等位，午餐套餐都有好多選擇。我叫咗古早味豬軟骨麵配凍珍珠奶茶。豬軟骨好腍，一咬就可以咬開，但唔夠味。麵係闊條麵，質地煙韌，咬落幾有質感。湯底係牛骨湯，不太咸，配上少少酸菜，味道又幾夾。奶茶茶唔夠濃，甜度還可以。同事叫咗古早味油渣撈麵，佢話之前冇撈混，啲麵食到落底先見到油渣😂不過油渣好香。…查看更多

#蚵仔煎 $55+1 第一次食，無咩鮮味。面上的醬較濃味（像是茄汁+泰國辣醬）搶曬d味#炸地瓜圓 $28+1 沾煉乳。硬硬實實不好味 😂驚喜難吃#西門町小食拼盤 $88+1沾泰式辣醬 。有 #炸魷魚絲 🦑 #炸雞 和 #花枝丸 。 熱脆但嘛嘛地😂粗糙偏硬#檸檬冬瓜愛玉 $21 小少，都好甜🤣記得吉檸檬🍋愛玉無乜味ᶘ ᵒᴥᵒᶅ個人口味評分：2/10#food #hkfood #hkfoodstagram #hkfoodpic #hkfoods …查看更多

今日約左老友食晏，就佢紅磡返工，我今日放假。老友話試下呢間古早味澎湖台灣，上openrice睇過都係啲大眾化價錢嘅台灣餐廳，一於試下佢12點去到都冇咩人，坐低等左陣老友先到。佢有午市套餐，選擇都算多我就叫左牛肉牛筋麵，上到枱已經好大陣牛肉湯味，有啲芫荽、酸菜，我唔知正宗牛肉麵有冇呢啲啖湯濃味的，熱嘅，有冇味精唔敢講紅蘿蔔就只係淥熟左再放上去，冇滷過的粗麵條彈牙，幾掛到啲湯牛筋好難入味的，入口稔滑，可以啦牛肉得兩舊啫，因為牛肉牛筋兩溝，不好筋者可叫牛肉麵:)牛肉正常水平，冇咩特別:)呢個係老友叫嘅豬軟骨油渣撈麵，我試左少少麵，可以，幾香:)加$20配個鹽酥雞，合格有餘，脆、香、微辣啖啖肉我地飲品都叫左珍珠茉香奶綠，好飲喎，唔會太甜，夠凍，奶味香兩個人食左$165，合格嘅，大家一試無妨…查看更多

Lunch諗咗好耐都諗唔到食咩，隨心行咗入去。台式嘢都算係千篇一律，魯肉飯，麵，牛，台飲。諗唔到食咩就叫咗「牛筋牛肉麵」加多個「芋香奶綠」。麵料方面，牛肉係入味又厚又林、有紅蘿蔔大大舊、麵質帶少少爽又有啲咬口嘅，湯底一貫台式味精（去過台灣都知好多地道小台都鍾意用味精），所以哩間算不折不扣嘅台灣店店員態度良好，我朋友因為個撈麵醬唔啱口味想轉，店員都好熱情好有禮講換俾我朋友，所以我覺得佢好好。裝修算係台風新式嘅裝修，幾舒服😁…查看更多

下午茶2:30pm 開始係我正常嘅lunch time餐牌選擇甚多 要麵有麵 要飯有飯套餐包 1主食 1小食 1飲品我揀咗嘉義雞絲飯+滷水豆腐 +熱茉莉綠茶 ($40)份量正常 賣相好ok隻荷包蛋蛋白煎得香脆 而蛋黃就半流心🍳雞絲份量好多 足夠撈飯 雞絲本身唔滑 但係幾鍾意佢食落似肉鬆 仲要上面加咗炸蒜 超香口😋米飯軟硬剛好 仲落咗少少醬汁 (豉油?) 調味 一啲都唔dry 撈埋已經好入味成個飯味道好perfect❤️至於滷水豆腐 亦好唔錯👍🏻一碟三片味道上甜甜地 完全唔鹹 作冷盤幾開胃好鍾意佢個口感 唔似一般豆腐得個軟字佢食落比較似魚彈同啫喱混合體😂可以試吓！茉莉綠茶無糖既 冇咩特別 都香茶味 純悴唔洗加錢-味道好食 冇得去台灣都ok服務就一般環境舒服嘅價錢好抵食 $40包飲品 小食 又好食 份量啱啱好 (飯抵食過麵 因為麵比較少)可以再黎食 (我都食過3-4次)…查看更多

上次食過一次，印象ok，今日到附近買野就食呢間嘅下午茶。點知。。。1. 熱黑糖珍珠奶茶：失望，嚟到已經唔係好熱，只係小小熱，熱飲要熱先好飲，另外冇茶味，得淡淡甜味，唔好飲！2. 盬穌雞：嚟到時熱辣辣，加分，食落香趣，唔油，但味道淡咗啲。3. 牛肉麵：個湯唔係好熱（我鐘意好熱嘅湯麵），牛肉正常，但個麵超級難食，個味怪怪地，有啲似塑膠味，只係食咗2條麵，個紅蘿蔔仲要係有啲爛咁，個心啡啡地色 。。。咬咗幾啖牛肉，基本成碗冇乜食過，就走人。…查看更多