口口口

營業中

休息中

$37 慢煮嫩雞胸柳+芋絲😋 +$18 芋絲帶咗個磅嚟磅下啲食物方便計返營養素，雞胸234g，芋絲192g，椰菜66.8g，番茄仔6g，蛋白質有72g！自己煮計埋時間、燈油火蠟都唔只呢個價，可以成為新嘅打工仔健康食堂

係附近做普拉提所以是但搵間餐廳食個快餐ᡣ 𐄁ᢦ𐄁 ꛁ似係𝔽𝕠𝕠𝕕 𝕔𝕠𝕦𝕣𝕥 成層都係快餐錦濟揀咗一間有輕便快捷既減肥餐·͜·♡揀咗炆煮系列 𝔻.慢煮嫩雞胸+健康芋絲（𝟛舊）再加 $𝟙𝟠配撈烏冬 有埋紙包飲品紙包飲品仲要係無糖既茶✧˗ˋˏ໒꒰ྀི⑅ =̴̶̷̤̄ ₃ =̴̶̷̤̄ ꒱ྀི১˗♡ˎˊ˗超適合減肥人士個雞胸超級嫩滑 ◖⚆ᴥ⚆◗只有一塊雞皮相反如果要雞扒 有超多塊雞皮雞皮易肥 (๑•̌.•̑๑)所以如果想減肥記住揀雞胸醬汁方面揀咗黑椒汁因為其他好似有啲肥 一係就太悶如果有芝麻醬就𝓟𝓮𝓻𝓯𝓮𝓬𝓽 但可惜冇除咗有芋絲同雞胸仲有啲蔬菜有蕃茄仔同椰菜(๑˙❥˙๑)不過男仔就預咗唔會飽我哋要去做運動嘅就啱啱好๑ᵔ⤙ᵔ๑

炸雞🍗：呢間鋪嘅炸雞嘅口感係出面食唔到，佢應該係將一塊雞，捲埋一舊攞去炸，所以炸出嚟嘅雞比出面嘅雞更加脆更加有口感（唔會鎅口的脆），就算外賣都唔驚水蒸氣將炸雞焗淋，重要嘅係佢可以保持到水嫩💦，咬落去係Juicy💦。炸雞唔知定炸漿好似有調味，所以我建議要配主食。總結：炸雞配主食，大推！！！（此款不適合清淡人士）新出嘅牛舌🐂：食過一次，無論聞落去定咬落去都好香～ 而且都每一嚿都大過出面嗰啲，唔係嗰啲骰仔，所以佢咬落去好有口感好滿足同好香～但係有時難免有一舊牛舌係有筋，冇嘅話食落去真係會幾開心幾正！總結：好香、保持到滑，都大推！慢煮雞胸🐓：同其他評論一樣，都係覺得佢好水嫩，食完都唔會覺得寡。分量：間舖比嘅份量絕對唔手軟，無論餸定主食，我都覺得對得起價錢甚至覺得抵。

口口口📌葵涌葵昌路72-76號Life@KCC 1樓111號舖慢煮嫩雞胸+健康芋絲 $37要黑椒碎粒走汁呢間嘅雞胸係做得好滑嫩唔鞋口有少量椰菜再加四粒芋絲其實都算頂到肚餓😅不過如果怕肥最好都係走汁或者少汁比較好我之前試過叫有汁結果打開發現多到成兜都係🤣如果比較大食可以加菜底我加過一次真係太多差d食唔曬😝⭐️Rumple港女評分⭐️味道: 4/5環境: -/5服務: -/5抵食: 4/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩#Rumplestiltskinaka名字古怪的小矮人 #飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #香港美食 #香港美食推介 # 香港平食 #香港平民美食 #香港平價美食 #平民小食 #香港打卡餐廳 #情侶好去處 #拍拖好去處 #週末好去處 #葵涌美食 #葵涌美食推介 #葵涌好去處 #葵涌餐廳 

葵涌打工仔學生健康之選D餐雞胸加菜底，63蚊，好多菜，好健康。有唔同種類嘅菜，蕃茄、南瓜、蘿蔔西蘭花，全部顏色都有，色彩繽紛。平時麻麻哋鍾意食椰菜花或者西蘭花，但係佢煮得一啲都冇草青味，好易入口揀咗洋蔥汁，正正常常，再健康啲可以走汁啲雞簡直驚為天人。間間慢煮雞胸都會有啲鞋，但係呢間清淡得嚟，一啲都冇鞋嘅感覺。真係好想沖去廚房問佢點樣煮。芋絲正正常常不過不失，冇乜味。完全值回票價！冇嚟過呢個商場，原來咁多嘢食良心小店。真係好驚喜

今日食飯嘅時間，同朋友過咗嚟KCC呢邊，朋友推薦咗呢間比較健康嘅小店，我哋點咗兩個餐，一個係台風脆炸雞扒+香腸+泰式魚餅、轉菜底,一個係慢慢的煮嫩雞胸轉菜底,比較貼地嘅小店,老闆好熱情,台風脆炸雞扒,外脆內嫩,多汁,香腸就係普通嘅香腸,泰式魚餅就係一般嗰啲魚餅,唔太特別,最值得食嘅就係台風脆炸雞扒,配搭上個黑椒汁,幾惹味,朋友點嘅慢煮嫩雞胸,一啲都唔柴,真係好嫩,多肉汁,外賣返嚟都仲係暖暖地,炸嘅嘢食都仲係脆嘅,最重要就係即叫即整,唔會整定喺度.咁樣午餐又解決了.

慢煮雞胸肉真係唔錯🥹 但希望可以轉D更好味既汁（倒如胡麻醬、照燒汁、和風牛肉汁） 如果D飯可以轉做紅米or 糙米飯就更加好✨連麩膚質or 敏感嘅人都可以過嚟食 如果可以加少少錢可double 蔬菜仲正 希望口口口 繼續努力比心機去做💪🏼

#搞串個pantry又嚟到KCC(九龍貿易中心)啦，呢度除咗樓上有大量office之外💼，其實樓下都有唔少餐廳🍔，其中有一層仲好似food court咁，有一堆小店。今次就去幫襯其中一間啦💕！我哋就嗌咗台風脆炸雞餐+芋絲底($55)🍗，煙燻黑椒鴨胸餐+芋絲底($55)。兩個餐入面仲有炸腸仔同埋魚餅，包一盒紙包飲品🍹。台風脆炸雞餐+芋絲底🌟🌟🌟有一大塊厚嘅炸雞🍗，食落口外皮非常酥脆，內裏肉質鮮嫩😋，配埋洋蔥汁一齊食，非常好食！！而且份量好多，加埋腸仔、魚餅、芋絲，都好飽🥳！煙燻黑椒鴨胸餐+芋絲底🌟🌟🌟🌟有5-6嚿厚切鴨胸，食落口啖啖肉🤩！口感軟綿，有鴨油同煙燻嘅香味，好正！！呢間餐廳都有座位可以堂食，但就比較少位，大家下次嚟#KCC 都推薦嚟試下㗎🥰！

行過好快就俾意間又天使又魔鬼嘅小店吸引倒😈😈類別佢有好多款炸物 炸燒賣 魚蛋 etc 最吸晴嘅係水牛🧀🧀條 好似好少見 仲有啲幾十蚊自由配搭嘅小食拼盤😇😇類別健身人士 減肥女士最愛嘅雞胸 配搭芋絲 蛋白質滿滿嘅低碳選擇我就叫左e個雞胸x芋絲 （洋蔥汁）由於雞胸係慢煮 肉質好嫩滑亦保留倒水份 好好食！！老闆仲黎教我點整可以甘正 都想dig起心肝準備一堆 番office 食我當然加左炸水牛🧀🧀條 有3大條拉絲🧀🧀好滿足呀

平時好少去葵興，原來KCC入面好多野食唔止連鎖店，亦都有好多小店，等我逐間試下啦🤣🛎 $35 慢煮嫩雞扒 + 健康芋絲雞扒真系好滑，因為唔係煎炸雞扒，所以係好清淡健康既味道🥰我揀左黑椒汁～唔辣的～如果想健康啲，可以揀無汁👍🏻底層係好多芋絲，呢個價錢黎講真係好高質，好夠飽🛎 +$16 小食 - 炸秋葵我以為係得幾件，點知好多😳多到我食唔曬仲有得揀辣度，我就揀左小辣，唔錯幾香口👍🏻🌐 環境/服務小店比較細，只有一張台老細非常熱情同隔離鋪當有聯合搞啲優惠，好似係-$5

葵興番工，食晏都㡳茶記或快廳店為主，又油又咸仲要味精重，食得都都都担人腎功能。😖剛考睡到IG有同事post 就去會一會呢間KCC 口口口做午餐。主打以健康為主線，今次我就試左慢煮雞胸內午餐，入面有6-8件雞胸肉，加少少蔬菜及芋絲，當然喊葵興嚟講價錢唔叫價惠，𣎴過當然可以加錢加多份菜底，醬汁仲有洋蔥🧅、黑椒等選擇。慢煮嚟講就普通啦，肉質一貫的唔鞋，叫勝在健康🤩🤩無油之選。不過留意到餐牌就唔點變，建議佢地後健康餐牌中加點創意😎

外脆內嫰係咩滋味？食口口口嘅炸雞扒就試到喇。炸雞扒（$40）可配飯/烏冬/薯條連罐裝汽水/紙包茶（＋$15）。炸雞扒有三大件，連埋腸仔同魚餅，填滿左成個盒。雖然係食緊熱氣野，但有個餐有少少椰菜中和番。另外勁鍾意食菜嘅朋友，想一次過滿足晒邪惡同健康嘅感覺，可＋$25揀加配健康煮雜菜。雖然今次冇揀，但老闆介紹每日雜菜有6-7款，例如紅蘿蔔、白蘿蔔、青瓜、翠肉瓜、南瓜、椰菜花、西蘭花、粟米、車厘茄。其實佢仲有啲更健康嘅選擇，就係慢煮雞胸同慢煮雞扒（$35），下次要加埋菜底試下健康一餐先。

餐廳Menu 由最邪惡嘅自暴自棄系列（炸豬扒雞胸魚餅炸蝦😈）到超級健康生酮系列（慢煮雞胸）都有。要放縱定要食得健康自由選擇。—————————————慢煮嫰雞胸柳+健康芋絲 （$35）+菜底送飲品（+$25）+多一份慢煮雞扒（+$20）慢煮雞胸非常健康，每日新鮮處理，滿滿蛋白質，正正係減脂時候所需要嘅。唔鞋嫩滑，另外有唔同醬汁選擇，食落冇咁寡。最鍾意佢個菜底，非常新鮮，爽脆有口感，而且一份菜底包含多種蔬菜，青瓜、西蘭花、白西蘭花、節瓜、蘿蔔，豐富營養，食得出餐廳好有心思。作為一個健康餐係唔錯嘅選擇，份量起碼多過出邊啲雞胸沙律好多，飽肚又健康。如果驚唔夠飽，可以學我咁加多一份慢煮雞胸（+$20）分量多到懷疑人生😆咁就可以飽住瘦！—————————————-以健康減肥餐來講，呢個價錢呢個質素，絕對係外食好選擇。除咗健康餐，之前試過餐廳嘅自暴自棄系列😈 同樣好掂😆所以每次點餐，都要好好抵抗誘惑🤣祝大家新一年越食越瘦🥳日日有食神🤤

可能睇魷魚遊戲睇到上哂腦驟眼見到餐廳名果陣🔲🔲🔲諗緊點解會係三個正方形🤔定一定神，然後發覺佢係叫口口口 @ 呢🤣三口成「品」字小店宗旨係提供多款有品質嘅美食喔💛-🥡台風脆炸雞扒+香腸+炸魚餅（$40）足料大份，睇見都流哂口水喇🤤雞扒大約有5件，件件都好大塊咬落去外脆內嫩，口感飽滿而且一啲都唔油膩，肉汁豐富呢😋原來老闆務求做到雞扒香脆嫩滑又多汁嘅效果不厭其煩分咗幾個階段油炸真係佩服佢嘅堅持呀👍🏻伴碟仲有粟米、椰菜、車厘茄食完肉肉肉，可以食番啲菜平衡吓喔🥰🥡慢煮嫩雞扒+健康芋絲（$35）老闆花咗好多心思研製出嚟呢款慢煮嫩滑雞扒！真係健康又好味，大推必食呀❣️想食得清啲，仲可以走醬㗎！雞扒用咗雞胸部位製作但入口啖啖肉，口感嫩滑無比😋真係唔講都唔知係食緊雞胸肉呢💯配搭埋爽口嘅芋絲同伴碟菜🥬健康又有飽肚感喔！🥡炸秋葵+炸雞軟骨（每款$22）食得辣嘅我揀咗加辣🌶面頭撒咗辣粉，係店家自家調製喔！入口辣勁十足，但唔會係死辣嗆喉果種辣得非常惹味💕秋葵炸完唔會吸哂油無咗平日嘅青味就連平日唔鍾意食秋葵嘅朋友仔都讚好呢👍🏻而雞軟骨粒粒都好有咬口好啱用嚟做下酒菜喔🍻以上各款都可以另加+$15可轉飯餐配白飯/撈烏冬

返寫字樓食晏多數都係得茶餐廳選擇多油多鹽，味精又多見到KCC開左間健康午餐店，唔洗諗緊係即刻試啦手機whatsapp落單，然後過去拎，好方便叫左慢煮雞胸（走汁）+芋絲即使我走咗汁，本身雞胸有啲黑椒同香草，就咁食都好有味，唔加汁夠晒健康舊雞胸煮得好嫩口，一啲都唔鞋，好食芋絲正常質素啲菜係白烚，有椰菜、蕃茄、粟米，幾新鮮就咁食完其實都夠飽，中間唔使食下午茶重點佢價錢都係$35 ，抵到爛你自己出面買即食雞胸嘅都成$20-$30啦，有買菜先都係多幾蚊又唔使自己搞，超級方便如果大家係葵興附近返工，一個星期想食一至兩日清淡啲，強烈推薦呢間店