友記小食店

早晨專程來到友記(姑姐)，點了一碗地道懷舊車仔麵，油麵搭配豬大腸、豬粉腸和柚皮，一嚐傳統風味。油麵彈牙爽滑，吸附湯汁後更顯滋味。豬大腸處理得乾淨，燜煮軟糯中帶嚼勁，滷香濃郁。豬粉腸柔嫩鮮美，內裡膏腴甘香，毫無異味。最驚喜是柚皮，醃得綿軟入味，完全褪去苦澀，盡吸湯底精華，入口即化。湯頭清甜不濁，與三餸搭配恰到好處，不掩食材本味。一碗下肚，暖胃又滿足，盡顯車仔麵的街頭靈魂與功夫細節。友記(姑姐)果然名不虛傳，是晨早醫肚的絕佳選擇！…查看更多

被揾食肥華譽為，鳳凰村最強，車仔麵店嘅金寶小食店，在七月一日，光榮結業後，肥華頓失咗，在此村内食車仔麵嘅主場，所以肥華决定在短時間内，同靚媽試匀鳳凰村内嘅，車仔麵店，揾出一間可以令肥華視為，新食車仔麵主場，希望車死車還在，繼續延續到我肥華，食車仔麵做早餐嘅習慣，坐言起行7月2O日，肥華，靚媽就先到此間友記(姑姐)車仔麵店踩場，所得結論，車仔麵個粗麵較硬身，餸方面蘿蔔極佳，更勝金寶，但牛腩，豬皮，豬紅就不及前者，至於鳳爪就最劣，唔入味又炆得唔夠淋，加上此店環境確比金寶差，亦無卡位供客使用，肥華對此店印像平平，衹能俾個B級評分佢…查看更多

喺鳳凰新邨嘅街坊都知道呢區有兩間叫友記嘅車仔麵店，睇嚟都係家族生意然後分家出嚟啦！無論如何，兩間我都試過哂，但本人對呢間情有獨鍾。因為佢D食材比較精緻，用料靚D，唔似大鑊飯般製作，例如: 魚滑、韮菜餃係即叫即煮，魚滑好有魚味，即魚肉的成份多；韮菜餃菜多過肉，食時不會太膩，很有咬口。牛姜也切得细薄，不會黏牙。豬腸洗得乾淨，煮得入味，又不失咬口。四餸麵加支大可樂，只是四十多元，物超所值，一碗菜也只是十二大元。温馨提示: 揀酸齋用碗仔另上，唔會影響本身湯同餸嘅原味。價錢很大眾化，唔怪得咁多街坊幫襯，經常座無虛席，值得一試！…查看更多

以前大磡村未拆果時成日去友記車仔麵食野，條村拆左之後，佢地就分家，響鳳鳳新村開左兩間友記，分別響兩條街。我就鐘意食姑姐呢間多啲，星期六朝早十點都開始多人，要食最好最啲去，五點幾收感架喇，今次我叫左四個淨餸。魚肉 - 好煙韌，唔係粉團，好大條，好好咬口，一啲都唔腥，十級推介，隨時好食過街邊啲賣生菜魚肉舖豬紅 - 唔腥，成粒都熱既，唔會話煮得好老豬腸 - 冇豬屎味，幾林，幾入味，但間唔中啲腸會有肥膏芥蘭 - 冇煮到好老過林，幾甜四餸三十幾蚊，都平。…查看更多

黃大仙鳳凰村一帶不知何時開始成為了車仔麵重鎮，有多家經營方法相似的店，但又各具特色。今次寫的是雙胞胎之一，有另一同名店在鄰街，下次會再評。至於哪一家才是正宗，沒有考究，反正我只在乎食物質素。先到麵檔前揀麵揀餸付款坐低，有辦你睇，方便快捷。今次我揀了素鵝，柚皮，豬腸，加上少許辣汁。先講辣汁，香得來唔太辣，有少少咖哩味，啱我；素鵝，柚皮較少見作車仔麵餸，故特意試下：素鵝香脆，柚皮炆得透，一咬爆汁，正豬腸是新鮮貨，爽口沒羶味。總括而言是一碗高質車仔麵，而且還有很多其他餸選擇，三十幾蚊連飲品，抵食！…查看更多

我同爸都好鐘意食麵麵麵麵麵麵，可能因為佢細個個陣有擺攤賣麵，佢對麵既要求都幾高．今次就係因為出左少少糧，就做孝順女請下爸食麵啦．其實呢間友記車仔麵，我自己就成日食架啦，慣曬門口會有條短短地既人龍，一開始就同近門口個阿姐講要咩麵，要咩菜而家都要講埋架啦，跟住就睇下個日有咩餸就指住佢叫就得，最後講埋野飲就比錢，自己再落辣個d啦．成個過程都唔洗五分鐘（選擇困難症另計啦）．叫完就搵個靚位啦，我就叫左牛肚、生菜、柚皮同豬耳米線，爸就要鳳爪、雞翼、生菜 油麵，通常佢都會問你要唔要腩汁，我就次次都要既。其實我覺得最正係柚皮，以前嫲嫲在生會不時整，而家就要係呢度先食到，d柚皮好冧好吸汁，次次食都好有回憶，豬耳細細條幾易入口，生菜同牛肚就無咩特別啦。爸就最欣賞鳳爪，d皮唔會痴住骨，同埋好入味，岩晒佢吮骨。其實街坊老店就唔會話好乾淨，最鐘意都係個份人情味，而家仲有幾多車仔麵會咁花心機整柚皮？仲要咁多餸樣樣都咁新鮮咁好食，keep住好既水準咁多年真係好難得，有時小店真係好難生存，街坊價27文三餸送野飲，每碗可以賺到幾多？平時行多步支持有心既小店其實唔難，真係唔好到小店頂唔順要執個陣先蜂擁去影相懷念啊。…查看更多

今日又去食啦,一個字,正,又飽:)我今次食米線,水餃,牛腩,雞翼尖,柚皮,同雞翼:)水餃唔係用九菜包, 就問下老闆姑姐用咩包,一問之下,原來係椰菜包,好味,唔鍾意食九菜既人又多一個選擇柚皮好厚身,仲好多汁tim雞翼,魯水既,魯得好入味,好有屋企媽媽feel,甜甜地,所以佢係我每次必食,可惜有陣時去到會賣晒…查看更多

多數人都係去開隔離街貼滿明星相的大磡村友記, 但係我自己比較偏愛呢間A貨......其實呢間A貨都A唔晒, 而且都有段故仔, 話說好多年前友記的老闆係慈雲山開車仔麵檔, 後來輾轉搬左去大磡村, 最後大磡村遷拆, 就搬左去鳳凰新村, 呢間A貨就係佢以前係大磡村幫佢手的伙計開, 比較低調, 而舊老闆本來已經退休, 後來為左個仔大個都有盤生意仔, 最後又出山再搞左隔離街的友記, 仲搞都有聲有色呢間友記鋪位較細, 得幾張檯, 都幾迫, 但係一樣咁多人, 但係點都少過隔離街的友記, 但係味道其實都差不多, 始終同出一轍, 佢地的餸有$3, $4 同$5, 麵底就$3-$4, 加$6有冷熱檸茶, 奶茶或咖啡佢地的豬腸, 牛腩, 豬紅, 蘿白都好好味, 絕對傳統的嗱喳味道, 可惜佢地的酸齋落唔夠醋, 所以唔咁酸, 而小尤魚就好爽口, 撈沙嗲辣汁食一流, 其他地方都食唔到, 佢地的辣汁好正, 千祈唔好錯過絕對係一碗出色的車仔麵, 又平又好味, 雖然已經唔係最傳統的嗱喳麵, 亦再無任何大磡村風味, 但已經比起坊間所謂車仔麵好好多, 足以令人回味無窮 懶理佢地係A貨定係正貨…查看更多