叉燒丼家

今日試咗叉燒丼家嘅叉燒雙蛋飯，整体感覺不錯，但有啲地方可以再好啲。叉燒係今次嘅亮點，肉質軟嫩，醬汁調味適中，甜鹹平衡。雙蛋煎得剛好，蛋黃半熟，蛋邊微微燶香，配上叉燒真是一個好組合。不過，飯粒就略為失望，偏硬同乾，口感唔夠軟糯，食到後面有啲單調。如果飯可以再軟熟啲，或者加啲醬汁潤一潤，應該會更完美。份量方面，雙蛋同叉燒量足，對於平時食量嘅人來講，飽足感十足。店舖環境整潔，服務員態度親切，上菜速度都快，整體用餐體驗舒服。價格方面，性價比算合理，唔算貴但亦唔係平到驚人。總括而言，叉燒雙蛋飯係一碗味道不錯嘅飯，叉燒同蛋嘅搭配係亮點，但飯質有進步空間。如果想食一碗簡單又唔失水準嘅叉燒飯，呢度係一個唔錯嘅選擇，但如果對飯粒質感有要求，可能要調整一下期望。希望餐廳可以再改善飯質，咁就更加無得彈！…查看更多

員工安排混亂，一開始係出面排隊等位同個侍應阿姐講左四位，但佢又比左張大枱人，咁唯有繼續等多陣，等左一陣又叫我地四個人坐三個人既位，叫我地「坐住先」，其實都係好迫下，諗住等隔黎走左先叫野食啦，因為張枱都根本無咩位擺到咁多野，咁另一個阿姐見我地無叫野食，見出面有人等緊，同我地講咩調唔到四人位比我地，同佢理論一陣解釋之前已經比人打尖，仲要係你地叫我地入黎「坐住先」，本身繼續排緊隊，好地地又叫我地入去坐，之後又話番我地轉頭？ 態度真係好差！…查看更多

這家專造叉燒井的茶餐廳真是叉燒杀手，廚師將叉燒以不同配搭呈现而不是傳統的蔥油，薑蔥等。叉燒瘦而不硬，沒有肥膏卻軟熟，很有嚼口。朋友堅持吃茶餐廳的特色菜常餐，当然沒有我這叉燒飯特別。叉燒燒配搭秘製咖喱汁，咖喱濃裂的味道加入辣味，尤如吃香港街頭小食的咖喱魚丸的醬汁一樣，可以吃過不停。沒有吃秘製咖喱汁叉燒飯實在失去太多！不過常餐普通，還是一個好選擇，份量大，質素高，且美味，廚房將每一樣菜式都完美完成。但沒有吃叉燒，唯有下次再來！…查看更多

本身鍾意食叉燒，經過見到用叉燒來做舖頭名再睇埋食評應該都唔會太差星期六都有下午茶時段見到叉燒加蛋，呢啲食神叉燒飯就唔會錯過點知悲劇開始。。。碗叉燒飯嚟到全部叉燒都係有筋同肥食唔到然後隻蛋冇煎過咁，白雪雪叫得叉燒當家，佢真係攞唔到啲見得人嘅叉燒出嚟諗住俾個機會佢叫埋個炒公仔麵點知個炒公仔麵，好似係啲水稻撈出嚟咁濕立立，我真係想喊都喊唔出今次特登餓着個肚影埋相寫食評就係唔想啲人比錯嘅食評誤導有圖有真相，根本就垃圾…查看更多

平時經過《叉燒丼家》，看見餐廳張貼餐牌的食物非常吸引，又很久未吃過叉燒飯，於是放工後便決定到店試試。下午茶時段是二時三十分至六時，下午茶餐牌食物款式多樣，最後決定點了細叉燒煎蛋飯餐。細叉燒煎蛋飯配熱檸水這碗叉燒飯看似平平無奇，卻令人吃著心裡開花🌼。五塊叉燒，雖非厚切，但香軟鬆化，保留肉汁又不乾身。流心蛋下是白飯，配上薑蔥蓉、菜心、拌著甜豉油，一口一口吃著，不知不覺就吃完。極力推薦喜歡吃叉燒飯的你👍😊熱檸水三塊厚身檸檬片，喝著喝著熱檸水，把剛才的叉燒飯慢慢消化。畫上完美的句號。😋😊…查看更多

上次吃了《叉燒丼家》細叉燒煎蛋飯後，當日還想點蔥花炒蛋牛油多士，避免「眼寬肚窄」浪費食物，於是決定再次到訪《叉燒丼家》試試，究竟賣相吸引的蔥花炒蛋牛油多士味道如何？蔥花炒蛋牛油多士配熱檸水烘後的多士塗上牛油，牛油融化後滲透麵包裡，豐富牛油香氣的多士，確實令人垂涎欲滴。外脆內酥多士夾著厚身蔥花炒蛋，賣相吸引之餘，味道也很好。若果蔥花加多一點，那就更加好。熱檸水三塊厚身檸檬片，喝著喝著就把剛才稍為邪惡的蔥花炒蛋牛油多士慢慢地融化。…查看更多

話明叉燒丼家，我當然系為佢叉燒而來，之前聽講肥叉都吾系太特別，所以今次我就挑戰瘦叉 ! ! 假期大概12:30去到，冇大家講既甘多人，吾知系米因為冇乜人，我又冇覺得有咩差既待遇。尼個叉燒丼，睇樣都覺蛋吸引過叉燒，可能系瘦叉既關係。但佢吾系全瘦架，佢食落都有肥位，當然叉燒梗系半肥瘦最好，佢就一系肥一系瘦，有個中和版應該會好好多。講笑甘講，蛋(100分)>豉油(再多D更好)>叉燒(吾覺招牌)>飯(硬左D)。叫得蔥花炒蛋脆多士一眼睇曬，就系甘既樣，我系睇相都好期待的。我就覺得lunch time都將三文治包落當套餐就好，一系就比人加幾蚊要野飲都好吖。個脆多士做得好好，食落好香脆，蛋都夠厚，唯一系覺得個蔥花做得吾夠香濃，食落冇我想像中甘重蔥花味。…查看更多

😡😡😡😡😡😡千其唔好兩個人去食飯，要搭檯唔梗要，lunch時間預咗，無人都要搭檯坐單邊都算！坐坐話有3個客要我地調位都算！要求我地調去隔離二人卡位坐單邊！係唔係痴線㗎？！話二人卡位平時都係坐4個人、本身二人卡位都已經有一個男人坐梗，要我地兩個坐對面，咁做乜唔叫新入嚟個3個人坐埋個二人卡位？！4個人咪啱啱好！難道我地唔係客？唔洗比錢？！ 食個餐都$60，態度差到無人有！澳牛服務絕對比叉燒丼家好廿倍！食物味道正常，咖哩牛腩飯味道不錯；叉燒蛋飯D叉燒唔好食, 好乾好硬。唯人值得讚係整體份量好足夠，好多飯。只係態度極需要改善！…查看更多

在新蒲崗覓食，很少行到這角落，因為大有街及mikiki食店太多，－般情況係在途中已衝入一間餐廳，免得行到盡頭又倒頭。今晚例外係因為飯腳點名要試。周未6點半鐘時段，人不多，以為午餐餐牌晚市不適用，原來午市餐牌直到晚市都有售。當然是要點他們的招牌叉燒；一碗肥叉雙蛋飯，－碗炮菜叉燒飯。肥叉飯的肥叉超肥，似臘肉多過叉燒，真心同港式肥叉有段距離，所以此碗飯的精髓是蔥油雙蛋。飯腳認為飯底過濕，可能係剛煲好関係。炮菜叉燒的炮菜份量多，辣味剛好加上叉燒的甜味，我覺得是幾好的配搭，至於叉燒，我食落去冇乜特別，不是驚喜類別！整體感覺良好，簡單，足料，價錢合理！可以再食！…查看更多

網上睇人推介呢間的叉燒飯決定黎會一會佢細肥叉燒煎蛋丼飯下午茶有2款的叉燒一款係肥的另一款係瘦的呢次試左肥的一碗有5片仲要有薑蔥蛋配白飯一口一口完全香到等不了口熱奶茶吾係好夠熱仲覺得太多奶瑞士汁豬扒炒公仔麵豬扒好有咬口公仔麵吾會糊狀甘剛剛好吾錯…查看更多

新試下呢間餐廳，外賣叫乜唔重要，我手機落單去到攞手機俾個阿姐睇我張單到未，就甘俾佢鬧我唔好阻住曬，佢要收錢，個問題係我企左係度好耐等佢過黎，嗰陣仲未有人埋單，到佢過黎嗰陣先跟住埋單既人，鬧我仲叫我自己去入面對個外賣係咪我既，嗰刻我好想叫佢退錢，我唔想食你既服務態度！野食幾好食都好，就住甘既態度我以後black list!食評:泡菜叉燒飯，泡菜都多，飯有啲硬，普普通通無乜特別，所以更加可以可一不可再。…查看更多

好少會黎新蒲崗呢邊，咁岩見到呢間出名叉燒飯就試試見到餐牌仲有漢堡，炒公仔麵，厚蛋三文治都好似幾吸引，有機會下次再試試細叉燒煎蛋飯 $38 呢個份量好岩我女仔食，叉燒用火槍燒燶邊，簿切小肥咬口唔係乾爭爭，如果可以厚切啖啖肉好食好多，荷包蛋可以煎燶邊會更好😂，只係我個人口味習慣，蛋下有條菜心，係齊既黯然銷魂飯，有比埋薑蔥餸飯，成碗清哂😋整體係正常 不過不失，價錢又唔貴，算係抵食。不過樓面阿姐態度一般，服務麻麻地。…查看更多

今天午餐時段, 叫出名的 蔥花蛋脆多士雖然列入全日餐(all day breakfast ) 的同一頁紙被告知不是全日餐 但全日供應 (burger 也是列入全日menu內)下單等了好久 我舉手追餐 侍應唔睬我 見到我舉手 都扮看不到 最後被告知 要等好耐我咪轉lunch set囉 但侍應的態度嫌棄客人食得便宜, 不睬客人 …查看更多

新蒲崗工廠區隱世美食店叫叉燒丼家，鋪頭唔算大lunch time等位唔算耐，店內環境OK。原本想叫叉燒飯，但見隔離枱D叉燒睇落比較乾身，見到其他午餐好吸引，最後叫咗蒲燒鰻魚滑蛋蓋飯 $58，脆邊蛋蔥油雞扒/豬扒飯 $48，送熱飲。鰻魚大大條鋪係飯上面，燒汁唔太咸，鰻魚好軟身，味道唔錯，滑蛋煎到岩岩好，咁嘅價錢食到鰻魚真係抵食夾大件，賣相好吸引好有誠意。脆邊蛋蔥油雞扒＋豬扒飯,雞扒煎到外皮好脆，豬扒鬆脆，加埋蔥油撈飯，食欲大增，每碟白飯份量都幾大，食極都仲有。大力推介！…查看更多

【黃大仙區】【叉燒丼家】明明之前有機會喺火炭工商業區做嘢，但係忽然又少咗呢個機會，反而要入新蒲崗嗰邊嘅工廈，搞到 1am火炭工業區 系列又要停擺。不過，每日至少一篇嘅步伐係唔會停低，沙田嘅讀者，咪當睇吓其他工商業區嘅伙食。唔知大家返工有冇得自由選擇放飯時間，我就最中意喺下午茶時段食嘢嘅，因為不但可以多個下午茶 menu，而且就算唔啱食，叫返正常 menu 嘅話，多數都唔會為難你嘅。唔知大家點諗，歡迎發表吓意見，無所謂架。一場嚟到見到呢幢大廈間嘢靚過出面市區啲餐廳添喎，個餐廳名有叉燒兩個字，即係招牌菜係叉燒啦。睇吓有冇叉燒嘅選擇，食吓佢啲撚手嘢吖嘛，之但係叉燒多數都配飯，我又唔多好食米飯，所以入去都係有啲擔心。睇下午茶 menu 見到有「細肥叉燒煎蛋丼飯」就知佢幫到我解決我嘅困擾，可以畀我試到佢啲叉燒而又減少到米飯進食份量。叉燒係 okay，略嫌蛋汁同豉油汁有啲唔夠，食到尾啲飯要硬食，但係配「凍檸茶」少甜 $42 又唔貴。見自己仲食到啲嘢，不如叫多個餐，見到「脆洋蔥圈叉燒芝士漢堡配薯條」幾特別，叉燒配漢堡包都冇乜違和感，幾得意。今次我配個「凍檸茶」走甜就 $52，個人認為呢份中西合壁嘢一試無妨。我為咗試多啲嘢，咁又 $94 喇。。。（地址：新蒲崗景福街99-101號啓德工廠大廈第二期地下）#1amfoodie #foodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #鑽石山 #啟德 #新蒲崗 #叉燒丼家 #叉燒 #叉燒飯 #細肥叉燒煎蛋丼飯 #凍檸茶少甜 #脆洋蔥圈叉燒芝士漢堡配薯條 #叉燒漢堡 #1ambackup #1am0772…查看更多