又一間餐室

營業中

休息中

新蒲崗可能較多人上班，所以午市也算幾多選擇，呢間位於工廠大廈地下的日式定食餐廳，快靚正，午市1:30後9折優惠，座位都算幾舒服，最好既係服務好好!今次叫左個黑蒜濃湯豬骨，都只係$49，有野飲，有D小菜咁。湯底好濃好好味，唔會太味精，個人食野最睇真正的味道定味精味，呢個真係幾好味! 幾真正肉湯味! D豬肉都好腍，放左落湯底吸左好多汁好滋味~個糖心蛋我就覺得一般，可以再溶D同流D! 就咁正啦~ 麵既質地都幾精細，又彈牙! 

同唔同人都嚟過呢間餐廳食過好幾次, 最近一次食係感覺最一般般嘅一次..本身最中意呢間餐廳有兩大賣點, 其一係湯水有得任飲, 其二就係1245之前埋單有折~ 襯早放lunch 1145左右去食, 點知落單之後等咗20分鐘先正式幫我地入單, 原來有職員將我地張order亂放, anyways, 我地都食得切嘅。 主菜ok, 非常新鮮滾熱辣, 但今轉啲湯好唔掂.. 特別係羅宋湯, 好似水一樣, 完全無蕃茄味, 得少少辣味! 好彩仲有麵豉湯飲。兩大賣點都非常重要! 希望下次去唔會再有呢啲問題啦!

剛巧有事要去新蒲崗果邊，都習慣左出發前一日睇吓果一帶有咩餐廳值得試吓，見到依間評價不錯，亦都之前未曾試過，一於試吓佢d午餐。餐牌都幾多選擇，平時自己就比較偏好食麵類，就試吓拉麵餐。原本都驚有伏，多數茶記d日式拉麵餐都比較求其，始終唔係主打，不過今次碗麵除左肥牛之外，都算幾多配料，有溏心蛋半隻、芝士、紫菜、昆布、黑木耳絲....等等，相當豐富，仲有個小食(春卷)跟埋。碗麵同小食都幾好食，加左4蚊配多杯熱飲，性價比高。

工廠區食飯真係要預岩時間, 過左飯市去哩間餐廳食下午茶。入去就見個個都叫哩個便當set, 有蒸蛋, 生菜沙律, 鰻魚飯, 飲品。一大特色就係可以自己裝味噌湯同白飯, 但係我已經好夠飽, 所以冇拎。蒸蛋夠滑溜亦唔會太咸, 生菜沙律醬汁唔係好夠, 但個菜夠新鮮。鰻魚飯面頭有蛋絲, 芝麻, 薑 ,真係好夠日式, 而家唔係咁多地方會有。燒汁鰻魚夠大舊夠熱, 份量剛好唔會油膩, 但係比較乾身。但係下午茶價錢都可以話係超值, 更何況跟埋飲品😊

呢間餐廳係新蒲崗裏面算係環境唔錯既餐廳。所有set lunch都係$50蚊，有焗飯/意粉、便當、拉麵等，選擇都算多。Set lunch可以自己出去任斟綠茶同湯。湯通常都係羅宋湯同麵豉湯。間中會有中湯—咁多款湯之中佢既中湯最好飲。呢日我叫左個三文魚西京燒便當。便當擺設好精致，賣相拍得住一些高級日本餐廳。除左三文魚飯之外，佢仲有蒸蛋同沙津。三文魚既味道ok，但嫌佢細塊左少少。成個便當最好食係個蒸蛋，蛋嫩滑，入口即融。👍🏻 Set lunch亦會附送一件小食，今次係春卷，但佢凍左唔好食😢我飲左三碗湯，最後食到好飽，$50黎講係幾抵食。P.S. 如果12:45pm前離座或1:30pm後入座可以減$5架

又一間餐室位於新蒲崗新科技商業大廈地面，由於大廈既規定，餐廳一律唔可以將鋪頭招牌貼出門面，所以都幾隱蔽。呢間餐廳以定食形式，包括一個主食，茶碗蒸蛋，同埋某d 套餐奉送小食。餐湯有麵豉湯同羅宋湯，可以自行去餐湯區任裝。餐廳環境舒適，午飯時間門外會有好多人排隊等位。總體黎講，不過不失，午餐可以多個選擇。😝鰻魚便當⭐️⭐️⭐️三文魚便當⭐️⭐️⭐️黑蒜叉燒拉麵⭐️⭐️淡黑椒雞扒焗意粉⭐️⭐️⭐️每款套餐劃一💲5️⃣0️⃣

今日黎到又一間食午餐。唔講唔知依度有間餐廳😂因為門口除左一個座地餐牌，一個名都無。(之後睇返原來成條街都係咁😂)好隱蔽的餐廳d食物賣相幾靚，幾大份，價值都唔貴，30幾40幾有一個餐，包野飲。d野食食落都幾好味，有日本風味，個饅魚飯好靚(好似$40幾蚊)，成個日本便當咁。味道就正常，唔太濃味，而饅魚係偏彈牙。另外個蛋包飯好大碟，d蛋夠滑，半生熟，賣相都幾靚。d炸雞炸得岩岩好，似新鮮炸好，脆卜卜！

中午嚟到呢度食午飯，入邊環境都幾舒服但係嘢食就麻麻。焗飯非常之漏食到好濟。而唔揀焗飯仲有一啲便當式嘅，例如鰻魚，三文魚，豬頸肉飯呢啲set, 但呢就比較細份餸比較少，味道都叫不過不失。佢好處係湯同埋茶都係任裝。午餐呢就係定咗50蚊食咩款都係50蚊。

中女獨食難肥日誌#又一間餐室 #新蒲崗 #隱世小店 如果不是熟人帶路，又一定錯過了這美味！在工廠大廈地下，但其實招牌都沒有，自己不會找到來，但一試難忘呢！朋友說冰火三文治一絕，下次試！蒲燒鰻魚便當 $50木盒上便當，整個定食令人感覺瞬間身置日本，精緻得很。不過最擔心得個樣，然而茶碗蒸一進口已有驚喜十分嫩滑，而且高湯做得好，鮮味非常，是個出色前菜！午市套餐有餐茶及紅白湯任添紅湯味濃，白湯忌廉味亦重，滿足可以飲哂紅白湯，沙律大大碟，感覺新鮮又健康，好少外食可以有很多菜食呢！沙律還加上炒香了的煙肉，好有心，還有小食泰式蝦餅！終於到主菜鰻魚飯好高質，鏝魚烤得底脆，但肉質鮮嫩，好好味好滿足的一個午餐！

今日在新蒲崗返完學，行經大有街新科技廣場有間又一間餐廳，歎番個下午茶。好耐冇食西多，於是叫了客西多巨無霸，西多蛋面金黃，煎得幾香口，內有大量花生醬，加埋牛油糖膠，足料兼美味，不過食完就要做運動消耗吓啦。

午飯時間係新蒲崗食乜野好，到到都咁多人。$50一個餐係自助吧枱到浸水或茶，還有兩款湯選擇（面 湯及羅宋湯）肝醬焗牛柳粒，我絕對可以比十分的飽呀！雖然和便當不一樣沒有前菜，但這個焗飯是我近期內見過一人食用的較大的一個焗飯。牛柳粒粒都咁大粒，還有廚師掌握焗飯的時間和焗牛柳粒的時間配合得非常好，可以見到牛柳粒中間不是全熟的。每一粒牛柳都很好軟熟。梅菜扣肉飯，男人的浪漫。講完。梅菜很足夠，但梅菜沒有什麼味道。而扣肉就肥瘦均勻。就是因為便當所以會有沙律，食完梅菜扣肉再食返少少沙律就不會感覺太肥膩。

喺新蒲崗做嘢梗係食埋下午茶先，都係幫襯e間餐廳，價錢抵食，而且環境坐得舒服，$22有個包仲有杯好飲嘅奶茶喺邊度搵，焗奶油豬外皮焗得香脆又唔會焗🉐️都好乾身，配合牛油及煉奶非常一流

今日放假，去新蒲崗同老婆食午餐拉，上次已經幫襯過一次，諗唔到食咩，都係幫襯呢間餐廳，因為午餐選擇多，而且$49蚊既午餐，有可以任飲湯及綠茶🍵，今次試左個巴黎焗豬扒意粉，焗豬扒size算ok，巴黎汁好好味，有少少甜甜地，但是意粉比較細左少少，意粉上面有太陽蛋，正，每條意粉都掛上巴黎汁，但配林左既炸春卷😰可以加四蚊有熱飲，奶茶香濃而且滑身-在12:45前結賬有九折優惠，抵食！環境坐得舒服😌😌😌

去新蒲崗做野，上次已經食過一次，今次試下其他先，因為五十蚊有找既午餐，有可以任飲湯，綠茶🍵，今次試左個蒲汁鰻魚便當，鰻魚體質算ok，味道正常，系飯細左少少，但有冬菇蒸蛋，冬菇蒸蛋滑身，沙律份量多配林左既炸餃子🥟😞，加四蚊有熱飲，奶茶香濃而且滑身-12:45前結賬有九折，午餐選擇多，抵！而且環境幾舒服😌！

49元午餐，都有好多日式款式的便當，拉麵。午餐加熱飲要4元，凍飲加7元， 如果唔加錢飲呢啲，可以自己行去水吧。有日本熱茶，埋羅宋湯或者麵豉湯，呢三樣嘢都係任加。 叫咗咖哩魚柳蛋蓋飯和三文魚便當。 咖哩香葉吉列魚柳唔會炸到乾身仲會保留到魚柳嫩肉， 三文魚便當都係唔會煮到三文魚硬，保留到三文魚嘅魚香同肉汁。 每份便當都會送蒸蛋或者小食一份，視乎廚師配搭。 如果係12點45分埋單或者下午一點半入座，全單會有九折優惠。