又一間餐室

營業中

休息中

湯同茶都可無限添飲湯有羅宋湯同麵豉湯茶有麥茶亦可加錢配其他飲品，熱飲 ＋$4，凍飲 ＋$7- 山椒味噌豬骨湯肥牛拉麵  $55微辣有芝士加入湯麵中，味道搭配- 巴黎焗豬扒飯  $55豬扒口感唔錯雖然係焗飯，但唔算等得耐

話說呢間嘢一到午市嘅時候一定大排長龍，次次想食都冇機會食到😵印象中喺好多年前食過一次，今次終於搵到機會係星期六既午餐時段黎食，果然假期係工廠區會容易啲搵食😍😋肝醬牛柳粒焗飯我係一個食焗飯焗意粉都好好怕唔夠汁既人😢但呢間絕對唔會有呢個情況發生，啲肝醬多到係可以包哂落每一粒飯到🤗啲飯仲要用珍珠米添☺️仲有牛柳粒好淋，煮到五成熟，有少少粉嫩😊仲有好多粒添😍最重要個飯底係蛋炒飯底呀😱超有誠意。呢間餐廳仲有麵豉湯同羅宋湯任飲真係打工仔恩物🤗舔舔脷指數👉🏻9😋/10😋滿分 一定要試😋

第一次入去食人唔多環境唔錯空間都好大好舒適食物款式都好多選擇價錢嚟講都覺得合理仲有得自助任拎湯水飲😍食物質素都真係唔錯，尤其是燉蛋特別好食不過就覺得飯嘅份量少咗啲，我都竟然覺得唔夠飽😂

Intro: 新蒲崗真係有好多民生餐廳，今次就去左比較隱蔽嘅餐廳（又一間），佢地主打平價嘅便當，款式極多，仲可以免費添湯添飲，真係包保食到好飽，另外加熱飲要$4，加凍飲要$3；___________________🍽 蒲燒鰻魚便當💰 53 ⭐️8/10✍🏻 整個餐除左有一盒鰻魚飯外，仲有一盒雜菜沙律，再加一個茶碗蒸；✍🏻 鰻魚唔會多骨，口感偏冧，雖然就比較細條，但味道都同香港坊間嘅餐廳差唔多，如果鰻魚汁多番少少會更好；✍🏻 雜菜沙律就相對上唔算新鮮，細心啲就發現有兩粒限定嘅炸燒賣送，都幾新穎又唔會太肥膩；✍🏻 茶碗蒸蛋滑但唔會太多水，算係唔錯嘅茶碗蒸。✍🏻 有麵豉湯同羅宋湯任飲，正正常常，飲埋湯一定會飽肚。___________________🏠 又一間📍 新蒲崗大有街34號新科技廣場地下7-8號舖⭐️ 8/10___________________

餐廳環境唔錯，唔會好迫，落單快手。朋友們最buy係湯係任添！多數係羅宋湯同麵豉湯，無限任添！我鍾意羅宋湯，因為好多蔬菜😋本身鍾意鰻魚，就鰻魚便當🍱啦！有份前菜，好好味嘅蒸蛋，主菜鰻魚便當有少少蕃茄仔、秋葵同日本姜伴飯等你開胃啲～ 鰻魚超肥美，好juicy！份量啱啱好👍🏻朋友話焗飯都好好好味，性價比👍🏻

星期六新蒲崗工廠區下午茶之選 - 又一間，人不多地方寬敞坐得舒服，叫咗兩個下午茶，一個溫泉蛋牛肉飯+紅豆冰，牛肉飯- 牛肉嫩醬汁又好味（推介之選）紅豆冰-紅豆都軟甜唔錯，但奶太多。另一個叫咗雞扒蕃茄湯通粉，麻麻地，雞太少，湯太濃好似獻汁，算幾抵食埋單$80幾

呢問神秘食堂可能係因為工廈內既位置開放時間短而且門口冇寫店名唔覺意都會miss左價錢平 50幾蚊一個餐餐湯自助式飲到飽肝醬焗牛柳粒飯首推呢度既焗飯飯底粒粒分明唔會過濕肝醬芝士咸香撈飯一流牛柳粒就份量唔多但粒粒爽口彈牙黑蒜豬骨濃湯博多拉麵鐵碗裝有啲好笑味道只屬正路野附近番工好選

每次湊小朋友去新蒲崗都會佢又一間食早餐😎因為我好鍾意食嘅麻辣牛肉（唔會太麻辣好適合早餐唔使咁刺激）又有可以選擇雜菜，雖然唔係咩豪華裝修，但係坐得好舒服😌餐廳啲姐姐又好禮貌👍🏻

由於工作關係，經常係新蒲崗食飯。呢間係幾神秘既日本餐廳，佢既茶，湯係任飲，自己行出去refill ，一個肥牛便當餐，包埋有一份野菜沙律，麵豉湯，同埋日式蒸蛋，抵食，個肥牛便當味道幾好，啲汁又可以撈飯食，蒸蛋幾滑，當佢甜品咁食，呢間係新蒲崗食晏既一個唔錯選擇。

難得嚟到新蒲崗工廠區，見到呢間嘅Menu幾有日式小店風入咗去啦👻叫咗兩個日式便當，啲配菜都非常出色，每個便當都有跟茶碗蒸和時令雜錦蔬菜🤤茶碗蒸好滑，仲好香蛋味，另外木魚湯同茹味都好出😋 大推！！！配住便當仲有酸薑，雖然酸味唔突出，但薑味十分之濃厚🙈而時令雜錦蔬菜清甜，啱晒鍾意健康啲嘅人😗🧡蒲燒鰻魚便當 $53 🤩7.5/10比起配菜，主角就冇咁搶眼啦，鰻魚煎得有啲燶，但鰻魚汁偏濃，撈菜撈飯一流🤤🧡香茅豬扒便當 $53 🤩 6/10一嚟到已經覺得好香香茅味同埋芝麻味，豬扒煎得好香口，但係太乾冇乜肉汁總體而言，午市套餐cp 值都幾高，仲要湯水任添，每日唔同，呢日就有麵豉湯同羅宋湯，兩個湯都好足料，一啲都冇味精嘅感覺😝

新蒲崗新科技廣場樓下有間又一間餐廳午餐便當都有好多選擇當中有沙律、日式便當同埋拉麵順帶一提就係佢可以無限refill 麵豉湯或者羅宋湯。其實係有個自助bar 自取的今次試了叉燒黑蒜拉麵，坦白講！質素一般，賣相同味道都唔算太出色。佢今日配送嘅小食係炸燒賣，um.. 雖然有啲奇怪但不過不失啦。拉麵既賣相不算好好，不過都材料豐富嘅。相對其他客人嘅日式便當，相信日式便當嘅賣相會比拉麵更加吸引至少日式便當起碼有沙律同埋蒸蛋作為會送小食。 下次有機會會試埋日式便當

📍[個人口味不同，只供參考］📍日式饅魚飯$48（飯）+ $2 外賣盒份量：飯（珍珠米），沙律🥗，炸燒賣2件，饅魚兩件（約5x6cm)，蒸蛋，麵豉湯🐟饅魚：泥味偏重，食到少少要吐嘅骨，如想食到高檔饅魚飯/ 日本食嘅味道/怕腥，建議俾返高價$幫襯其他店舖🥣麵豉湯：自覺出面食到麵豉湯非常咸，呢間反而適中其他：無特別

工商區最多茶記間間都差唔多咁，好似無乜好食不過新蒲崗又零舍不同畢竟新蒲崗出名多隱世小店依間又一間咪以為普普通通荃灣嘅分店以前我都去過最記得佢地任拎嘅羅宋湯真係出哂名咁好飲而家係新蒲崗嘅分店都唔輸蝕最鍾意佢地嘅早餐，大份夠抵食好似今次咁~一碗米粉加三款餸加熱飲都係$40樓下而家佢地仲有個懷舊福麵餐一於下次去試試先

人人都話工商業區最多隱世美食其實除咗好食，最緊要夠抵食今朝同屋企人趁住星期六近近地去咗新蒲崗嘅又一間嘆嘆以前係荃灣大西北番工都去過佢地分店食，室內環境唔會太逼，而且都多梳化位俾大家坐，依樣嘢新蒲崗分店都做到。至於食物水準方面都KEEP到唔錯！有唔同套餐選擇，咪以為早餐淨係餐肉蛋、腸仔蛋咁悶淨係麵餐都有漢堡扒、煙肉、麻辣牛肉唔同餸可以揀40唔洗係咪抵先！而家仲有個懷舊福麵餐，無得搭船過澳門時食，咪係岸食住先囉！今次就叫咗個早餐C，有扒有腸有多士多士烘底再加大大舊牛油邪惡不過好味嘛！牛扒大大塊唔孤寒，雖然口感未係超嫩滑，不過加埋黑椒汁就夠哂惹味！食到咁上下又有粟米粒俾大家清清，唔怕食到悶。套餐包埋飲品，梗係要叫茶走先夠經典啦！

公司係大有街附近，間然中都有幫襯下， 食物味道同份量一直好正常。 之前一直都係堂食，但最近既一次外賣經驗， 令人非常失望，真係要小心唔好係呢間餐廳外賣。 當時同同事各自外賣一份三文魚西京燒飯， 但點知打開一睇， 得1(片）三文魚， 大細厚度就好似平時食$2x 2件三文魚壽司上既三文魚， 份量細既程度都已經唔可以用（塊）去形容， 邊個可以想像到1個三文魚餐，主菜三文魚竟然係得1片？？？？明白市道差， 生意難做，但如果三文魚餐成本真係高到$5x /餐只能夠被1片三文魚既話，其實餐廳應該取消呢個餐或者選擇加價！！