原汁原味

營業中

休息中

今日放工超級肚餓，好難得在灣仔這邊，一定要試這間我想食好耐的「原汁原味」中菜一向是我愛的，這間環境好中式，有隔離板加上有空間，好安全；舒適乾淨的，不錯我點了午餐套餐：滑蛋炒蝦仁，是配了白飯及餐湯中餐湯無味精好清潤又足料的湯，最愛飲湯的我好喜歡有湯料的，好好飲又去熱氣呀滑蛋炒蝦仁配白飯及熱茶滑蛋炒得好靚好香口，配有爽口蝦仁幾大隻又有健康入味菇菇及香口韮菜，白飯香又軟硬剛好！好滿足又飽飽飲埋個熱茶剛剛好，推薦再來

已經食過好多次，最鍾意食籠仔蒸飯，今次試左海皇泡飯好足料，起碼十幾粒貝貝，又有蟹柳同蝦湯好濃，好好食😋，暫時係我食過最好味既泡飯仲有老火湯相信係無味精，食完唔會口乾如果第一次黎食，推薦食籠仔飯，包你翻尋味

發現要搵啲一圍枱食小菜嘅餐廳真係唔簡單，早幾個月仲係8人限聚令嘅時期小編就搵到原汁原味，如果喺港島想同朋友一圍食小菜，又或者自己一個食吓好食的中菜，都可以去吓原汁原味試吓㗎！😋 蜜汁金柚片皮雞（全隻） $308呢味真係非常值得推介！片皮雞非常脆口，雞肉被片皮腐後同柚子撈成沙律，食落口食到柚子香味又食到啖啖雞肉，真係估唔到咁清新，絕對係有「哇」一聲嘅感覺😝😋 薑蔥桶蠔煲 $158薑蔥蠔煲看似平凡，價錢亦都看似不平凡，正當你懷疑緊：「食個煲啫，使唔使158呀」嘅時候，發現啲蠔真係好鬼大隻，長9厘米呀痴線😱 煲完縮完水都仲有9厘米，咬開入面仲好肥美仲有蠔汁，唔乾㗎！

作為港島人既我地,成日都會經過今次哩間💛小店,但一直都無機會試,難得同長輩聚餐,絕對值得訂枱黎試一試！#原汁原味 我地一行五個人,因為唔係太大食又唔想頭㾗諗食咩餸,所以就快快手決定叫左個四人套餐！有五款小菜+湯品蒜蓉🧄粉絲蒸元貝芝士🧀龍蝦🦞伊麵底西蘭花炒龍躉球柚子片皮雞半隻鮮竹白果浸時菜每款小菜都炒得非常有鑊氣,色香味俱全！重點係唔太多味精☺️用料新鮮,唔會欺場！龍蝦🦞大大隻,芝士🧀味亦夠晒香濃🤩🤩柚子片皮雞🐔非常特別一道菜,雞肉撕開到好似手撕雞咁,再配上大量柚子肉及特製既柚子醬汁,口感豐富,又感覺清新😋酸酸甜甜好開胃！食到最後仲附送甜品🍮(杞子木瓜雪耳糖水)服務員姐姐好好人,見我地有五個人,湯品同糖水都送多左一碗俾我地,等我地可以人人有份,永不落空🙃小菜既有酒樓既鑊氣又有住家菜既味道！正😛

夜晚為左唔好食得甘heavy，於是就搵中餐食。見呢間有浸時蔬揀，又唔太貴，就揀左呢間。我地兩個人叫左兩個小菜，一個小食。小食叫左個芥末雲耳，小菜就叫左個Xo醬豆腐牛肉煲同金銀蛋浸時蔬。芥末雲耳($48)，芥末味唔係好出，但個雲耳係爽口嘅。有小小辣，都幾開胃，份量都唔算小。Xo醬豆腐牛肉煲($88)好濃味，XO醬味唔太出，豆腐個皮硬硬地入面幾軟滑，不過個牛好鬆，咬落去除左調味料都唔係好食得出牛味。不過都大份，好足料。時蔬有幾種菜可以揀，我地就揀左莧菜。金銀蛋浸時蔬個湯好濃，有小小似芡，蛋同免治肉都多，雖然覺得啲免治豬肉有小小肥，但我覺得整體都唔錯。最後，餐廳話有糖水送，係雪耳燉木瓜。總括黎講，我覺得性格比都高，而且食完唔覺好口渴，應該都無咩味精嘅。真係煮家飯甘嘅feel。

黃店呀，仲要係中式餐廳，真係好感動！身為鍾意食中菜、飲湯嘅人，見到原汁原味嘅餐牌係感動嘅！今次去食lunch，要排一陣，好快就安排入座。以蒸飯嚟講，一啲都唔平，我叫咗個土魷蒸肉餅，要70蚊。因為太鍾意飲湯，所以唔記街咗影，得返湯渣相😂睇得出好足料，無味精，但我就覺得有啲細碗，如果大碗啲就好啦！佢哋嘅蒸飯都用炒飯底，所以好香，肉餅都好入味，又唔會好肥，但我就嫌有啲油，如果少啲油就好。份量方面就好足，完全食唔哂，眼見好人都食唔哂，如果可以少飯就好啦！

平時出街食飯一向都係濃味又重味精。好難會食得健康。呢間舖係少有健康之選，淨係佢個老火湯，每碗好足料又有味之餘，飲落就個完全冇加過味精！以午市價送湯送飲品黎講，真係超值又有良心既小店🤩。/原籠雲耳紅棗蒸雞飯🌟好多餸足料既蒸飯，飯量睇落等於平時的兩碗飯。而餸量都好多，蒸雞肉質幾嫩，唔會好「鞋」，仲有好健康的紅棗雲耳做配菜，健康飲食的人一定好鍾意！/原籠鹹蛋蒸肉餅飯🌟肉餅飯賣相一樣咁吸引，個肉餅唔會話好鹹，味道啱啱好，配埋有荷葉味既飯，好香好吸引。/

之前食過籠仔飯同小菜都唔錯，近期見佢告急又去支持下今次叫埋套餐(+$20 配白飯及燉湯，個湯都足料。).魚香茄子:煮嘅時間啱啱好，唔會太淋太油，少辣鹹香，撈飯一流。.金銀蛋上湯浸白菜仔:落左大量蒜頭同皮蛋鹹蛋一齊炒，白菜仔夠哂入味。.糖醋咕嚕肉:咕嚕肉份量充足，炸完唔韌有肉汁，可惜外殼硬左，配料有齊三色椒、菠蘿同洋蔥。.梅菜蒸肉餅(趕住食無影相):越簡單嘅嘢越難整得好，呢碟係屋企人食過話要encore嘅菜式，肥豬肉嘅比例同蒸嘅時間尚算控制得宜，但大家都覺得之前好食啲。.部分菜式比之前退步左，希望係一時失手，唔係轉左手啦......

叫咗個外賣西檸雞丶咕嚕肉丶同埋龍躉蒸飯，全部食物都好好味。西零雞就算拎到返屋企仲係熱個炸皮脆卜卜。龍躉蒸飯超香！之前都食過，水準保持到。喺灣仔搵啲有水準又有心幾做嘅廣東菜餐廳越來越少，非常推介此餐廳！

今時今日特首要終極攬炒，我地要救救黃店。為左健康，我地無去堂食，叫左網上外賣平台 。叫左1小菜，2主菜，1湯，份量好足，滿$300減60，total $280幾咋。又即做西檸雞又蒸倉魚，好抵食！西檸雞夠脆又嫩，魚夠新鮮，蒸魚豉油好好味。碗湯都好足料，有螺片，雞腳，雞肉，龍眼，仲有唔知係淮山定玉竹咁，岩晒想食住家飯又唔識煮既兩口子另外佢有個柚子雞同wasabi 牛肉都好好味架，但2個人食唔到咁多唯有下次先叫。

最近發現嘅一間小店,食過一次以後經常回來!!!午餐非常抵吃，送無味精老火靚湯!最喜歡咸蛋/土魷肉餅飯以及蒜蓉蒸籠仔班球飯！份量很多亦非常足料! 喜歡蒜蓉的話必定要試試!☺️ 而且價錢非常合理，午市套餐<$100!😯 另外，推介小食手拍青瓜和芥末雲耳!除此之外，亦有試過晚餐小炒，薑蔥蠔煲一流，老闆更主動送糖水! A very nice and reasonably priced chinese restaurant!! Dishes with generous portion!! I would definitely recommend it’s signatured rice Steamed with fish and garlic and it’s minced pork with squid / salted egg which are sooooo nice!!

一間由6月開始有罷市嘅小黃店💛同埋佢之前係門口有一個香港人加油站 超有愛🥰🥰呢間我同同事食過好幾次㗎啦 真係超好食 但係我地之前share黎食 我唔夠喉🤤🤤我今次就自己嗌一個完整嘅籠仔飯 超滿足😍😍·原籠雲耳沙薑紅棗蒸雞飯$ 70呢一個真係超好食 佢啲飯係索晒荷葉嘅味道 而且個沙薑雞超入味 啲雞又嫩渦 係真係每一啖飯都有好濃嘅雞汁味 我自己超中意🤤🤤佢仲有個老火湯跟 都唔錯keke·原籠土尤肉餅蒸飯$70呢一個又係超好食 佢個肉餅超真材實料 超多土尤係入面😋不過呢個我覺得個飯無索到咁多精華 所以遜色少少 但係都超好味😍😍·📍灣仔灣仔道141號地舖

成日拍拖都食都係食西餐、外國菜為主，好耐冇食過中式嘅飯。今日去開灣仔，就試一試呢一間由6月12號已經罷工嘅餐廳，食中菜！（佢告緊急呀而家！！）💛·蒜香豬扒飯餐超級大份！個豬扒exactly係椒鹽豬扒🤣🤣，有成個餸咁大份，仲有啲鑊氣😨，兩個人食都每人食到三四塊，好抵🤯·魚香茄子煲就係中上嘅水平，茄子就條條分明，魚香仲有埋冬菇同一粒豆咁大嘅肉水一齊煮，個汁唔會過分杰撻撻，高質😎·明太子雞翼絕對有驚喜！佢釀左成粒魚蛋咁多嘅明太子入隻雞翼！食到眼都突，咬落啲明太子差啲辣親口！帶少少辣，做前菜開胃！🤤·是日蔬菜係菜心，切得好靚，亦都冇菜花，廚師細心！抵叫🤑·最後送埋碗海帶綠豆沙，開心仔。淡淡地幾平均，又係捧住個肚走囉😋黃店抵支持！！🥳💛-蒜香豬扒飯餐｜$80魚香茄子煲｜$78明太子雞翼｜$20是日蔬菜｜$10另收加一-原汁原味 (灣仔)灣仔灣仔道141號地舖

【黃店推介 - 灣仔原汁原味籠仔荷葉蒸飯🍚】🐷🐷 💭呢排好多人都#WFH，喺港島區做開OFFICE客生意嘅小黃店都開始告急... 所以大家要出去食飯嘅 希望都可以黃店做首選啊 今次介紹呢間係出名無味精住家飯嘅原汁原味💕 佢多次參與罷工同喺遊行時提供地方同茶水比同路人休息💪🏼🐷🐷 💬籠仔荷葉蒸飯+老火湯 （$60-$90）呢間鋪頭嘅籠仔飯我地食過好多次！😍證明真係好好食好值得覆啅😛 點解？因為佢同佢個店名一樣 - 原汁原味！哈哈哈 蒸飯以荷葉擺底包住咁蒸 令到成個飯充滿荷香味～ 個人最推介係食蒸肉餅 好有家的味道架🥰 午市套餐仲包左碗老火無味精靚湯 勁正😍 佢地每星期個餐牌都唔同架 入面仲有好多住家菜 得閒就去支持下啦💪🏼💛

weekday lunch今次來到灣仔同朋友食lunch 係灣仔站出黎大概10分鐘先到 好彩早左黎 唔洗等位 佢既lunch menu應該係日日都唔同 叫左我籠仔鱔魚飯 跟餐有個老火湯 加3蚊 有熱飲 5蚊凍飲 因為即叫即蒸 要多d時間 大概20 分鐘左右個老火湯係紅蘿蔔粟米豬骨湯 正常味 多渣好野係值得等 個飯係非常出色 首先用荷葉子係底 個飯好入味 蒜泥同個鱔片 非常夾 個鱔片好肉而且滑 同埋勁多 加埋少少菇一齊蒸非常新鮮 lunch set 90 + 5 蚊凍飲 下次再黎