印度美食風味屋 (已結業)

最緊要係唔使排隊，環境幾好，傾到計。食物：1. 咖喱角 - 正常印度咖喱角。2. Naan bread 印度包 - 味道好。3. 香草羊 - 好 「嬉」，個人來說不推介。4. 滋味羊 - 味道比香草羊好。推介。5. 餐湯- 個人不喜歡，味道怪。6. 印度飯 - 色香味俱全。7. 適合飲可樂。8. 印度脆餅：個人不喜歡，太熱氣。環境：1. 闊落。2. 傾偈一流。服務：1. 感覺上只有一個人打理所有事。2. 叫了三次之後可以攞到水飲。總括來說餐廳可以，坐得舒服，不用排隊，上菜比較慢，食物味道一般。…查看更多

係金百利商場市集收檔後就上左樓上搵食，冇得去印度旅行就食住印度野先去到都差唔多9點所以無咩人，由於waiter同煮既都係同一個人，所以佢都好忙，不過服務態度都好好。我地叫左Dahi Puri (乳酪炸米餅粒) $58，芝士咖哩，鷹嘴豆咖哩，炒通菜$78，咖哩角同3款薄餅 (Masala Naan, Paratha Naan)第一份到既係乳酪炸米餅粒，太肚餓冇影到相就食左，係一塊塊圓形餅加左鷹嘴豆同乳酪，酸酸地加埋係幾好食，但餅有少少硬唔鬆脆。芝士咖哩(左)，鷹嘴豆(右)賣相差唔多。炒通菜偏咸，都幾重味。3款Naan放埋係同一個藍度。其中有款Naan炸到有d硬...咖哩角係完全啱啱炸好就上，熱到燙口，正！本身咖喱角炸完皮比較厚有d乾，加左3色醬汁加落咖喱角度就好好食，酸芒果?!醬食落酸酸甜甜好開胃。環境坐得幾舒服，但食完成身油煙味，千其唔好著吸味既衫去。由於本身鐘意重味野，但有d都偏硬同重味，整體都算ok，加埋醬料就好好食。…查看更多

平日放工來到，六點幾來到時間尚早，加埋我地，有兩枱客餐廳位置不多，一排卡位和另外幾張枱2人餐，巧豐富勁多野食！烤餅配湯印度湯不太習慣糊糊的，重有胡椒味烤餅薄又脆，好食😋，少許油小食咖喱角併燒雞咖喱角皮粗，好飽肚餡料就是香料主食牛油蕃茄雞咖喱魚呢個主菜味道不算突出肉質一般般印度薄餅好鐘意食，熱的不油的薄餅特式黃飯白色橙色的一粒粒，散散的食落幾特別混合咖哩一齊食，有少少咬口⭕️全店職員戴上口罩 ⭕️座位間有距離感…查看更多

復活節假期的星期一去左呢間印度餐廳食午餐，入座時間大概2:00，去到一枱客都冇😂我地叫左咖哩雞同羊肉馬莎拉！兩個午餐！有餐飲餐湯 同主菜+飯+薄餅+一個烤雞真係好好食！很有風味！點解會冇人去食 好飲包左場咁！有咁多野食好抵！冇得去旅行唯有食外國美食，日韓店泰食得多！印度菜真係幾多豐富口味！…查看更多

出左銅鑼灣行街買聖誕禮物，攰攰地就諗住揾野食。去到金百利排晒長龍搭𨋢食晏，咁啱有人派傳單，又好耐無食咖哩，就去左呢間餐廳喇。（有另外搭𨋢位）去到餐廳得兩枱客😳心諗係咪中伏呢🤔！但望望下餐牌都有印度人買外賣，咁應該都幾正宗。叫左個羊肉餐，佢有四款羊既款式。我叫左滋味羊肉。餐牌寫得好豐富，黎到最有問題既應該係個沙律，唔知果幾塊菜係咪就係沙律呢？😧碗湯係雞肉加芫茜同埋好似係唐芹。主食有飯有脆餅，仲有兩塊薄餅添！我食晒d 汁呀！羊肉無黏牙，一d 都唔辣。仲有番茄添。野飲方面可以係汽水、茶或咖啡，我就一向響印度餐廳飲芒果Lassa 既。所以加左$20飲返杯。夠晒大杯又美味埋單$65+$20 再加一。其實呢個價錢響銅鑼灣真係唔貴，野食又唔差，點解會無咩客既呢？…查看更多

I have ordered butter chicken and kesari pulao. In the butter chicken, there was a small cockroach. It was very bad experience…查看更多

之前我去過印度，印度d咖哩水份比較多，但呢間餐廳就調整到啱香港人嘅口味，唔會太啦，醬汁亦都好濃郁😋.叫咗兩個午餐，分別配是日餐湯、雜錦沙律🥗、脆薄餅、印度燒雞(一件，很小的一塊)、烤麵包、蒸飯、主菜同飲品。如果主菜係咖喱雞就$62，羊肉就$65。.咖喱雞雞件唔算多，蕃茄汁都幾好食，啱撈飯。而羊肉我更中意，香料味重d，仲有椰奶，我like! 我幾鍾意佢個烤餅，似炭火燒，別有一番風味，點醬汁食一流啊！😚😚😚.成個餐有咁多嘢食，價錢唔算貴，唔錯！…查看更多

樓下派傳單收到佢地單張，中日韓泰台成日食，不如今晚試印度food! 過往食印度都ok, 呢間都唔例外, very OK! 本來諗住散叫羊、雞、薄餅。。但單張上$248呢個餐仲更多嘢食，比多$30零蚊試到更多嘢！特色烤脆餅好正！上面係青瓜同生洋蔥，感覺又香脆又fresh!咖喱角裡面應該無肉，加薄荷醬入去就好好味！個香料燒雞嘅雞好滑好新鮮好好味！印度飯真係好好味！軟軟綿綿，再加任何醬上去都係一流！印度餐廳嘅肉一定無得輸！因為佢地對肉類有要求，據聞餐廳有綠色logo 即係餐廳嘅肉都係經人道殺生！即係唔會隨便唔知邊度入貨！印度餐廳其實食得過！污唔污槽？我諗覺得污槽嘅人睇太多重慶森林啦，總之過幾次食完返到屋企無事囉～…查看更多

呢間開左好耐嘅印度菜一直都好想試，今晚上到去感覺好似去左印度咁👍🏽8點幾去到唔洗等有卡位，我地叫左個二人餐，有湯，前菜，兩個主菜，薄餅，飯同野飲。辣度揀左中辣，幾好食。服務亦不錯，會推介食物又主動收碟。埋單二百幾，價錢公道。…查看更多

Food was delicious. I took the lamb madras and garlic naan. taste was very good... Portion was perfect.Service was slow, how can it be on a Saturday evening that there is only one waiter for the whole restaurant and bar?Defenitley I'll come back soon.…查看更多

全部都唔錯，老闆人好好，識英文又識廣東話，教我地正確嘅食用方法。食物都好好味，而且都幾大份，我地三個人食二人餐都飽。環境乾淨，背景音樂不錯，價錢也算適中。咁多樣野加埋都算係一個好評。依間餐廳可以再黎。…查看更多

同朋友行經銅鑼灣，想試新嘢，就入左呢間。三個人叫左四樣嘢食，分別係 香料雞，免治肉餡燒餅，蟹膏炒通菜同 印式雞肉炒飯結果等左四十分鐘先到仲要啲嘢份量勁少 ，香料雞嗰碗一個手掌咁大 省惠$45，雞得幾舊，啲雞肉好韌，番茄多過雞又好貴 (最後每人埋單 $100)食物質素差，只係微波爐食品，真係唔知點解整咁耐隔離臺有對情侶都頂唔順，食左一樣嘢就走左，嗰侍應仲叫佢地等陣。我諗佢地可能等得仲耐以後都唔會黎食，本來開開心心，結果一肚氣！…查看更多

菜式選擇多，就是麵包也有十多種。老闆熱心推介的 chicken chettinad 味道不錯. 另外點了的二人套餐賣相精美。.而且可以點不辣，即使是平日不吃辣的我也可吃到印度菜。…查看更多

話說，同事想食哩間嘢，咁就 Lunch 去試咗，本身對印度菜都無咩好感，唯一最最最鍾意嘅係印度薄餅，睇佢門面有 show 印度薄餅 出嚟，咁好啦 就試吓。入到去 選擇唔多，要叫一 Set Set Lunch，價錢都 $60$70 起跳，食物細份，所有肉類都係紅卜卜，食落香料多過肉味，尤其係雞，我唔明點解印度人可以將雞肉整到冇晒雞肉味，成餐飯我最期待係印度薄餅，只有哩一個菜係我鍾意，其他都係唔夠熱，得香料味。可能係香港太多好嘢食，哩間唔知叫唔叫正宗啦，我本人就唔會再去。…查看更多

我的丈夫是印籍，所以我可以知道印度餐的好與壞。加上在印度住了五年多，正宗的印度菜(家庭或餐廳)也吃不少。今次來到這家菜館的是本人的不幸。1. 午市不太滿座，但只有一人招呼樓面。2. 職員態度不友善也是可以想像。3. 小食：Dahi papdi chaat 要58元，但papdi是炸後，放了太久，已經可能是幾日前炸的。有少許益味。4. 我叫了Set E 腰果滑汁蝦，蝦不新鮮，汁是黃色的沒錯。但肯定不是kroma 汁。因為有色外，沒有味道。5. 另外跟一塊燒雞，是涼的！也是不新鮮。6. 燒餅Naan 是微波爐加熱的。總之，是我有生以來吃過最差的"印度菜"。因為經營者跟本沒有將最基本的菜做好。也就是他們不是良心店鋪吧。…查看更多