印尼沙爹屋

營業中

休息中

黎到東大街附近，好多人都會掃街，今日試左呢間沙爹串燒店。我地揀左好多款串燒：（佢地既沙爹醬好好味，好濃好掛汁，微甜，而且有加少少花生🥜，增加口感）🤌🏻秘製燒白鱔：最推介，肉質好彈牙，完全冇泥味或者腥味，非常好食！🤤🤌🏻沙爹牛扒：好林，類似牛柳，口感不錯。🤌🏻沙爹豬頸肉：好爽好彈牙🤌🏻沙爹牛肉：因為細細粒，比牛扒沾到更多汁🤌🏻沙爹雞肉：標準，彈牙滑既。不過，佢只有外賣，想即時食就只好去附近公園了，不過應該係東大街食野既常態吧🤜🏻

.📍印尼沙爹屋📍#饅頭去筲箕灣 #饅頭食印尼菜 #饅頭的掃街系列------------------------------1️⃣ 沙爹牛肉 ($13)2️⃣ 沙爹羊肉 ($14)3️⃣ 沙爹豬肉 ($13)因為要遷就唔太食到辣嘅同行友人🫡，小編今次就揀咗小辣嘅沙爹醬。我覺得呢度嘅沙爹質地非常濃稠😚，結遢遢咁會見到入面啲香茅、薑蒜蓉同花生粒，味道上反而係以辛香料味道(特別係黃薑😍) 為主，辣味較香濃突出，為舌尖帶嚟真實嘅刺激感，花生味道雖然明顯，但相較香辣反倒成為配角，主要用作點綴，令沙爹味道層次冇咁單一，甜味亦相比一般沙爹醬低，係我好鐘意嘅調味同質地，配烤過嘅肉嚟食真係好惹味😆。肉類我哋就揀咗牛肉豬，用碳火燒過嘅肉帶有些微碳燻香，過小一段時間食都依然keep到溫度，再喺燥熱嘅辛香料加持下，食完感覺人都升溫咗幾度🥵，非常適合喺冬天食。牛羊豬唔會片到好薄，三都肉質都足夠鮮嫩軟腍唔嚡口💯，牛可以話係完全冇筋，牛味濃郁突出；羊肉係我認為最好食嘅一款，嗰陣由肉汁散發出嚟羊羶香明顯但唔霸道，配沙爹醬真係OMG；豬肉比嘅部位亦係半肥瘦，脂香四溢。我最欣賞嘅係呢度嘅沙嗲醬濃郁得嚟又唔會蓋過肉味，感覺肉同醬兩者都

行完 龍脊回程入夜了，回程來到筲箕灣已經餓到不行了，我們出發到行山前後在這裏著名食街東大街「掃街」！ 看到很多舖門前都有一堆人在等外賣，非常熱鬧！ 看到甚麼就想吃甚塺遠處聞到一陣陣香燒肉味道，我們便首先試這間印尼串燒先印尼沙嗲屋鮮魷 ：會分做 2串，不會過韌、不會太硬，火喉控制得好，鮮魷有咬口，鮮味不流失，不會很乾雞腎：薄片，比較淋沙嗲汁叫左唔辣，好濃。花生味好重，可咬到粒粒花生有機會會再返黎試其他串

東大街成條都係食街，而呢間只係做外賣為主，係其中一間出名小店，閒日去都幾多人排隊。有午市飯餐，見佢地做到冇停手，好好生意。淨要串燒嘅話要等耐少少。沙嗲汁要左小辣，辣味比想像中突出，好惹味，但唔會辣到搶哂focus。嗰醬夠濃味，花生味都好出，就咁食會偏咸但用黎撈飯一流。要左豬頸肉($25)反而一般，可能有咬口得濟唔太襯做串燒，食落比較韌，性價比冇咁高。仲要左羊肉($14)，羊味冇比沙嗲蓋過，都唔錯。雞($13)夠滑，仲有肉汁。最後要左秘製燒白鱔($30)冇骨，食落夠滑，魚味幾出，不過就貴左啲。

一向都有幫襯 今次經過見到佢竟然12點都有開 平時好似都係開四五點 見佢個餐牌同平時吾同就試試佢落單個妹妹話牛扒即叫即燒,就叫左個牛扒飯少辣 大概十幾分鐘就拎得 吾洗好似夜晚甘等甘耐仲有包紙包飲品送都係46蚊反到去一打開好驚喜😍好似日式便當甘一格格放 有西蘭花有紅蘿蔔仲有溏心蛋 個汁仲係分開上牛扒真心好味 好淋吾硬 分量又多大滿足

早幾日同屋企人去試下呢間好出名嘅沙嗲屋，本身住附近都知道排隊排得耐，但係現況真係想像唔到...🥵去食嗰日係普通星期五夜晚，我哋知道會好長龍，所以預先大概20分鐘到用外賣平台嗌咗外賣自取。大概嗌咗$200到，喺嗰日啲客人入邊都唔算太多。去到嘅時候見到成間舖頭都圍住人就知道有排等啦😵 不斷有人排隊落order, 但係最受歡迎嘅串燒又出得好慢，廚房煮咗啲飯出嚟都就咁擺喺張枱上面，擺咗喺度好耐都唔俾人拎。可以見到佢越積越多order但係就一啲進度都冇。同埋佢出單嘅順序都好令人迷惑，明明每張單都有號數，但佢完全冇跟過號數排列order, 可以見到全部單都好混亂咁樣堆喺塊板上面🥲 根本冇辦法可以根據號碼你判斷大概會幾時攞到嘢食。而我哋嗰張外賣平台嘅單就更加淒慘，不斷喺佢排單嘅時候都係放喺原位，一啲都冇郁過🥶結果我哋喺外賣平台顯示嘅時間遲咗超過45分鐘先攞到嘢食😶 攞到返屋企之後啲食物已經開始唔熱，暖暖地，唔似啱啱燒出嚟嘅串燒。雖然幾好味，但係無論嗌咗邊款肉類都係同一款醬汁，同一款味。屋企人話以後應該都唔會再去食😅結論：食物質素尚佳，希望服務態度、排隊時間等等可以改善。建議各位如果有極多空餘時間先去

豬肉$13雞肉$13牛扒$21腸仔$11鮮竹卷$13.筲箕灣東大街嘅印尼沙嗲佬都幾出名，都會係我經常去嘅地方，佢嘅沙嗲真係好好味，燒得又香又多醬，係煩在成日都好多人。.今次叫咗呢幾樣係我平時都會叫嘅沙嗲，豬牛雞係一定會叫嘅嘢，平時都會叫牛肉唔叫牛扒，冇乜點留意價錢，但今次寫文望到個價錢，差$8梗係叫牛扒啦唔叫牛肉，感覺上牛扒同牛肉會係比同樣嘅你只係份量牛扒都好多😁.豬肉會有啲半肥瘦，但係要出面啲餐廳豬扒通常都好少會比半肥瘦。另外嗰日唔想食雞扒😌.腸仔都係以前成日都嗌嘅但係今次唔係咁好食燒得唔香，下次俾多次機會佢，再唔好食就以後都唔會叫腸仔。😔.鮮竹卷都係一定要叫，配埋啲沙嗲醬，我覺得係上左另外一個層次🥰.CP值及夠飽價錢絕對唔貴特別係塊牛扒😝.翻啅冇得講啦，一定會返嚟㗎喎😆

難得黎到筲箕灣梗係食暈東大街先走啦 ᕕ( ᐛ )ᕗᕕ( ᐕ )ᕗ 又有人問我有無食串燒，答案梗係~~有~~~~🐑沙嗲羊肉串 $14有grill嘅炭燒味，但羊味唔濃。它只是個普通肉串呀。🐣燒雞軟骨 $13也是炭燒味濃，雞味也有，覺得OK。但比天后地鐵站門口嗰間還差啲，因為串燒醬太濃，蓋過雞味。🐟燒白鱔 $30一咬即散，無鱔嘅彈牙，應該唔係好新鮮嘅魚，但可以理解，貴所以少人食啲魚自然放得耐啲。炭燒和串燒醬太濃。三種串一樣味，濃濃嘅醬味，呢間串屋好像係賣醬多過燒串燒，食又得唔食又得嘅感想。¯\_(ツ)_/¯

行過聞到咁香串燒既味又見到好多人買黎食我地都唔執輸買兩串串燒試下先買左一串沙嗲雞一串沙嗲豬店員會問你想要大辣/小辣/唔辣我地都怕辣，要唔辣就好每串13蚊 都算正常價吧買完佢即刻燒同埋見佢有好多order 整緊所以都要等幾分鐘食左啖覺得佢個沙嗲汁非常正係略帶dd 甜味，好香呀🥰🥰同埋有少少花生醬既香味！另外d 肉好juicy雞好多肉汁同嫩滑🤪豬應該係豬扒既肉都好易咬唔會太肥太瘦👍非常之好食 下次要試下少辣應該會更加惹味😎😎

以前住東區 揾食活動範圍離唔開太安樓 東大街 搬左之後後 如果唔係今日有工作在身 都好難會再經過呢度😅😅😅十幾年黎佢既門面 依然係冇裝修 煙霧離漫 係香味依舊一樣👍🏻👍🏻今次買咗沙嗲豬頸肉 炭燒魷魚鬚同埋雞軟骨 其實是私心推介佢哋嘅老闆娘炒飯 但係今日再食唔落喇豬頸肉分量足夠 配合小辣嘅沙嗲汁 沒有太油膩的感覺 另外炭燒魷魚鬢和雞軟骨 雖然凍左 但炭燒既香味依舊被保留💁🏻‍♀️店員服務態度就唔好期望太高 諗好左食咩 拎定錢 先好去排隊呀！

黃薑飯次次黎到都賣晒今次我醒左打定電話留定先 終於比我食到原來黃飯係有餸架 有薯仔餅 雞翼 蛋絲 青瓜 花生同巴東牛肉 好豐富呀成件事 ❤️飯食落有椰香 完全食吾到薑味 同巴東牛肉既汁一齊食好夾 如果食辣一定要叫佢加辣椒醬食 佢個辣椒醬又係無得輸每次黎必嗌豬頸肉白鱔同魷魚今次試少汁 問過老闆佢地啲肉有醃過 所以好惹味 白鱔都好脆口 魷魚大大塊 燒得好香 串燒黎講價錢吾算貴 係我周未晚餐首選仲有佢個珍多冰我次次都會嗌 椰汁味重 珍多好重斑蘭味

夜晚同女友專登去筲箕灣到試下串燒，諗住甘多人比讚好評，以為實冇死，點知出事喇。服務方面就冇咩好講喇落單比錢攞串燒，想有咩服務可以評論叫左8串串燒沙爹牛肉，豬肉，雞肉，豬頸肉沙爹汁只可以話不過不失，但肉方面，我只想講冇味，佢啲串燒完全係用沙爹汁就算數，我明佢係叫沙爹既串燒，但食落去除左表面既沙爹汁，其他咩味都冇雞軟骨，鮮魷，牛舌，雞腎我心諗前面冇寫到沙爹應該會係鹽，黑椒果類調味，點知佢同上面啲沙爹串燒放埋一齊，食埋去又係得沙爹汁，我心諗唔係呀，大佬你咩放沙爹汁就算數甘求其。唔會再有下次黎食🙄🙄另外佢地牛舌好薄。鮮魷唔新鮮，一陣雪藏味，重點係上面挂唔到汁🙄同冇味一樣

因為對沙爹非常完全沒有抵抗能力，週末的時候專門去打卡，我選了豬頸肉，魷魚，雞肉，雞翅，雖然打包回家的時候已經冷了，但是說實話味道還是很不錯的，是甜甜的口感，我很喜歡因為對沙爹非常

Had a home party and it’s the first time we ordered from Indonesian Sate House. In fact we have had food from here every time we finished hiking and never were we disappointed. We ordered the following : 沙爹羊肉*6串 kamping沙爹牛肉*12串 sapi沙爹豬肉*6串 babi沙爹雞肉*12串 ayam炭燒魷魚酥 * 6串 Keripik Cumi印尼炒飯*1 nasi goreng 印尼黃薑飯*1 nasi kuning印尼炒粉絲*1 su un goreng炸薯仔餅*2 perkedel淨巴東牛肉*2 rendang淨咖喱雞*2 Kari ayam炒娃娃菜*1 Piring bayi炒雜菜*1 Sayuran campur炒椰菜*1 Brokoli炒通菜*1 Tongcai珍多冰* 10杯 CendolFamily members gave credits to how we

依間沙爹屋係東大街已經有30年，由正宗印尼華僑經營，店主真係識講印尼話架叫左幾串串燒試下，價錢超級抵食啊！珍多冰好香椰子味雞腎好爽好彈牙沙爹羊肉就有啲蘇，如果鍾意食蘇味嘅人一定鍾意沙爹牛肉好食😋有炭香味所有食物配埋個靈魂沙爹醬間直冇得輸正宗嘅印尼沙爹醬係好甜嘅，但老闆為左岩返香港人食，調配咗佢哋獨一無二嘅沙爹醬岩返香港人口味沙爹醬入面好香花生味同埋入面有勁粗花生粒