博多拉麵別天神

別天神近年享負勝名, 今次專登去左北角嘅別天神一試係咪真係咁高質。今次叫左蝦味噌豚骨拉麵。首先黎講, 成個拉麵都好正,首先拉麵嘅麵身質素唔錯,夠爽口彈牙。其次主打嘅叉燒肉質嫩滑,味道濃郁,好適合一d叉燒愛好者。至於湯底方面, 今次嘅湯底係蝦湯,所採用嘅蝦係櫻花蝦,蝦味好足。除左拉麵之外,我仲特登試左餃子。由於好多人幫襯， 餃子基本上係即叫即整,熱度十足。餃子係皮薄餡靚, 我自己就試左5隻。整體黎講,別天神拉麵質素高, 值得拉麵愛好者去一試。…查看更多

之前，我去了別天神旺角舊店、將軍澳店，今次來到北角店。北角店在港鐵站旁，小店只有六七個位。A，拉麵，只有兩種選擇，湯底是基本的豚骨湯底，另一種是蝦味噌豚骨湯底 。叉燒都可以，不太硬，又有咬感。別天神的叉燒是放在湯麵中，而另一間蝦味噌豚骨拉麵店肉是分碟上的。我喜歡蝦味噌豚骨湯底，特別。B，小食，主要都是兩種，餃子 (6隻)，及小龍蝦蟹子沙律，兩項都好吃。套餐是A+B，要注意的是，第一，套餐餃子只有4隻；第二，套餐送蛋 - 味付玉子。如果不喜歡吃蛋，建議單叫拉麵。他們聲稱，湯底不含味精、牛乳及豬骨粉，湯可以飲。麵質可以叫由軟到超硬，分別在煮麵的時間。總評味道：一分錢，一分貨，中高級日本拉麵店；環境：環境很舒服，我喜歡小店；服務：店員有禮貌；衛生：乾淨。博多拉麵別天神北角書局街22號地下…查看更多

多年前食過一次感覺正正常常無咩好投訴，今次再去食感覺湯底無以前咁濃，麵身質地明明同staff講咗要硬麵但出到黎係頗軟嘅軟麵，個人覺得依啲事加加埋埋都好影響用餐體驗呢～值得一讚嘅係糖心蛋醃得非常入味，蔥同其他配料份量大方，好似糖心蛋咁係比足足一隻而唔係半隻架～～糖心蛋fans表示開心！！麵量都好足夠，今日到訪食到嘅叉燒比較瘦，紫菜就正正常常，如果依碗拉麵價位低少少嘅話都還好，依個價位黎講就算係一般般啦～…查看更多

都係原味最好食去ge時間人唔多態度正常ge味道一如既往！餃子都脆身好鍾意個蟹籽沙拉！！超級好味😋最開心係芽菜可以自己夾黎食不過好辣如果d肉片可以切得均勻d就好啦。咁樣口感會更加好…查看更多

和朋友中午去吃了大個兩個小時開頭點左兩個唔同拉麵，廚師煮完之後，我哋問咗三次邊款係豬骨湯拉麵，佢都係lur嚟答好細聲.食完之後, 我哋一路坐喺度傾偈飲下佢啲水咁樣啦, 跟住呢位男員工就坐我哋隔離張枱休息，之後見我哋未走，佢就又出又入，跟住又搞下我地隔離枱櫈啊大聲打乞嗤又叫一叫聲咁樣。咁則係暗示叫我哋走，我哋即刻走。好耐都冇見過咁差嘅服務態度，啲嘢食幾好食都無用，雖然唔係真係好好食，我覺得只不過係普通拉麵，但係係冇味精嘅。本身好想支持小店，但係咁嘅服務態度已經turn me off. 以後唔會再去…查看更多

单价是75港币一晚，我加了雪碧和面吃了95。给分是7。豚骨熬制的浓厚到有点黏嘴的汤底，盐底构建的简单感觉。虽然和一兰加了大量鸡骨和味噌的味道比起来缺了复合的香气，但是简单的味道也不失为一种思路。让我觉得惊喜的是叉烧，不是软烂的做法。而是简单的炖煮后浸味，保留了肉的脆感。下嘴吃到明显的肥瘦分明，以及火枪燎过的香气。而且切片很厚，十分爽口。还有就是这家店居然有生蒜。吃面陪生蒜泥的吃法，我大抵也只在日本的影视里见过，却不曾真正品尝。倒是我是个吃面甚爱加蒜泥的人，若是在建瓯吃闽北拌面，我至少要下两勺。今天我更是下了四大勺蒜泥，顾不上口臭了，蒜泥的香气配上浓厚的猪骨汤，确实是美味异常。…查看更多

我同男朋友都鐘意食日本野❤️今日男朋友就帶咗我黎北角食博多.別天神拉麵🍜哩間拉麵店勁日本Feel ❤️ 點餐係用點餐機❤️ 選擇方面有豚骨同蝦味噌，我地各自叫咗一個，另外叫咗個跟餐嘅日式餃子🥟食拉麵我會首先飲個湯底先，佢哋個湯底真係好濃郁，味道岩岩口，飲完亦都唔會好口乾❤️ 叉燒大舊，肥瘦均勻👍🏻麵嘅軟硬度適中，爽口彈牙👍🏻 仲有個糖心蛋，蛋味十足，好食到不得了至於跟餐餃子一啲都唔馬虎👍🏻 煎得香脆之餘唔會好油膩❤️ 餡料仲好足添 充滿人情味嘅牆身其實都係我選擇佢哋嘅原因之一，下次經開北角或者佢地其他分店都可以再試下啊❤️…查看更多

老老實實我見到咁多正評抱住一個非常期待嘅心態入去食個湯底真係麻麻地唔夠濃厚亦好淡味好多好多好多粟米可惜個粟米唔好食冇味成個過程都冇service我行去嘅時候樓面指住門口部機成間舖嘅人全部都黑口黑面我想坐嘅位佢就同我講唔好坐呢度啦有人㗎跟住就有個員工坐咗喺嗰個位度食外賣將心比己我係唔介意係人都想坐得舒舒服服食飯但係佢個外賣係譚仔好大陣味個面係幾彈牙仲有一個明太子嘅沙律呢個反而幾好食不過絕對唔會再返嚟食…查看更多

很喜歡呢度嘅設計好有日本地道食拉麵嘅感覺好明顯想重拾日本旅行嘅回憶座位不多同廚房好貼近好彩冇油煙味講番碗麵特登只叫最平實嘅豚肉拉麵唔想有其他雜質影響湯底果然冇令我失望湯底好濃,但唔會好咸飲左好多之後都冇口渴細細碗,夠唔夠飽就見仁見智拉麵我揀左徧軟,我覺得可以再腍啲入口仍然好味😋…查看更多

剪完髮經過呢間小店,又肚餓咪入去食碗麵囉。見門口有部賣拉麵機覺得好有日本feel(不過周圍都有啦)。坐低後,覺得裝修同燈光都好舒服,間舖仲不停播放日本歌,真係有少少覺得似去咗日本食拉麵嘅。 先上左個小龍蝦沙律,估唔到有五塊紫菜仔畀我包沙律喎,仲估唔到咁好味添呀!跟住就嚟碗拉麵啦,見到牆上貼上介紹,話湯底係每朝新鮮熬製,绝不含味精、牛乳同豬骨粉,都有啲懷疑。因為我係味精敏感嘅,一食就知有冇味精喇。呷一口湯真係冇味精喎,仲好滑口添。再試啖麵,軟硬度適中;糖心蛋軟硬度同溫度適中;係嗰幾塊叉燒一般啲囉。最後要介紹埋個蒜蓉同埋紅薑絲,好好味,我添食左呢兩樣配菜。 總括嚟講,價錢同水準比例合理,可以再食一次。👍…查看更多

間店似足日本嘅拉麵店，撳完機等佢煮，而家無得去日本，係香港食下拉麵都好。有一日經過，於是入去試下，間鋪係細啲，唔係幾好坐，但食物一試難忘。因為個湯底真係好正。首先係個沙律，非常之好味個豬骨湯底最推介，奶白色，唔稀幾稠，非常之香！最緊要係唔太鹹。記得以前係日本食，有啲都係過鹹，呢個稠得黎絕對唔會鹹得滯，好好味！最後我飲咗唔少湯之後竟然都冇乜口渴！麵質軟硬又適中。支拉麵胡椒超級正！總共食了一百一十蚊，由於個湯底很好味，已經無視係幾多錢了，一定會再去。…查看更多

成日聽到別天神呢個名好耐，咁啱今晚係北角上完堂，見9點落堂都仲有一個鐘頭時間堂食，就開個OpenRice睇吓附近有咩食，點知俾我發現附近有間別天神，就二話不說咁衝過去。去到嘅時候9:15pm，見間舖得2個客同2個職員，又冇咩動靜收舖，咁就走去架買嘢食機度買嘢食，佢好似日本咁要先買飛再坐低比張飛俾staff，但架機又勁好笑好似金拱門架機咁，好fusion。我就order咗個蝦味噌豚骨拉麵同一份餃子，我個位咁啱對住個煎餃子爐，就見住果個人將d餃子係個包裝袋度拎出嚟放喺個爐度，原來都係日本嚟嘅急凍餃子，就即刻冇咩期望。過咗5分鐘左右，個麵就先到，份量都幾細，對男人嚟講係唔多夠。先試試d湯，勁濃同好有膠質，飲得出係豚骨湯，拉麵都好味，個叉燒又瘦瘦地，好啱我哋呢d營養太豐富嘅香港人！最正有啲櫻花蝦係碗麵上面，微微咁有啲蝦嘅香味！三扒兩撥咁就食晒碗麵，連湯都飲埋，所以之後勁口渴！到我食晒碗麵飲晒啲湯，個餃子都仲未到，於是我就拖慢少少步伐去完成碗麵，正當我夾埋最後一粒粟米嘅時候，個餃子就出現啦！嘩！個餃子煎到勁燶但係又勁乾，個餃子個頂嗰啲皮都有啲硬，唔好食！又係快快手咁食完個餃子，其實都係9:30，但人哋已經拉半閘，好在我早d到咋！…查看更多

已經食過好多次，依然喜歡。個人喜歡白身幼麵，別天神既麵質好好，口感適中，麵滑唔太淋，有口感，麵質掛湯適中。湯底濃味而唔太”傑”，朱骨味濃，加上乾蝦既鮮味，絕對會繼續支持。…查看更多

今日同朋友行經北角，諗住輕食少少野，上open rice 睇下有咩食，見到呢間博多拉麵別天神好似唔錯咁，於是去食呢間，去到間鋪地理位置好方便，北角站一出就見到，鋪仔細細，坐落有日式拉麵鋪頭feel, 於是同朋友叫左個豚骨拉麵，賣相幾好既，食落麵質唔錯，價錢都算合理，但叉燒好韌，紫菜得一塊，湯底雖然好似無味精咁，但食到咁上下就覺得好‘漏‘要飲好多水先得，好彩飲水自助無限refill, 整體黎講一般而已，試過一次就夠。…查看更多

呢間拉麵舖都係一直想試既🍜係多區都有分店都係出曬名有良心又品質好既拉麵💛拉麵款雖然唔算好多但係都係好日本既拉麵🇯🇵每一款拉麵都可以自己揀軟硬度 枱頭仲有芝麻蒜蓉同芽菜自己落🧄🥬可以令到個湯底既味更加濃😋🥢蝦味噌豚骨拉麵 $85個櫻花蝦係超濃 而且櫻花蝦份量好足夠🦐湯底都係好濃既豬骨味🐷叉燒食落口好淋 一啲都唔硬🥩加埋隻真係流心既流心蛋係超滿足🍳但我同友人一個揀軟面 一個揀硬面 食落分別係唔大整體黎講個拉麵都真係幾正而且拉麵份量好夠🈵…查看更多