南記粉麵 (黃埔天地奇妙坊)

營業中

休息中

今日約左朋友出黃埔花園, 買完野天氣又超凍，最岩就緊係食番啲暖身嘅野啦 行下行下就見到南記粉麵,最後抱住一試的心態入去食。入去就發現原來地方環境都算OK, 而且好整潔。跟住我同朋友分別叫左招牌河和肥牛小窩米線, 但係發現左樣好得意嘅野肥牛小窩米線(32蚊), 招牌河(24蚊), 兩樣野差8蚊, 份量差好多囉。味道方面我覺得還可以, 唔會令人失望, 尢其係肥牛小窩米線個湯底酸酸地幾醒胃。總括黎講三十幾蚊可以食到一碗份量咁足嘅面做下午茶真心非常值,下次我都會再去。

這天去紅磡辦事，lunch就諗住隨便解決下@@正好經過這間南記，見到有poster寫著11：30前可享有19蚊優惠賺買鴛鴦河~咁鬼抵?！反正俺早餐未食，11：30又未到~那就食這間吧！^w^/這時段還不是打工仔食飯時間，所以店內基本上沒甚麼人...俺叫了個19蚊河+3蚊配凍豆漿(真平~)沒等多久就叫號了！ (要自己去捧餐的說@@這鴛鴦河的料很足，春卷+魚蛋+貢丸，這年代要在哪找廿蚊都不到的河粉食?！還要是三拼的@@~豆漿不是紙杯上，反而是用細細個膠杯裝(幾環保)，幾乎上裝有十分滿，之前的食評~俺也提過不太喜歡太大杯的飲品，這樣的就剛剛好，不怕會浪費(好吧!是俺浪費，俺喝吾哂~== )而豆漿味不太甜，算是普通~講番河粉~俺猶其喜歡那春卷(說是春卷，其實也就是用類似腐竹嘅嘢包著蝦肉(？)QaQ~)其實俺也想問那是咋做出來，因為真係好好食，煙韌彈牙(默默地留一條最後食...食到一半，俺就忍不住下辣椒油了，但事實證明人不可太自信TAT杯具的嗆了，咳咳！orz。。。這辣油是哪品牌哪賣???俺也要去買一瓶回家吃\(=3=)/~嗯…這天用廿二蚊就打發了早午餐，這要去邊度揾先揾到咁平ga?!~如有，請

黃埔食店多但人流重多,想好好地坐下食一餐真係唔容易.南記粉麵開左一輪都未試過,就食佢啦!叫左:豬腩肉小窩米線,招牌米粉豬腩肉小窩米線:豬腩肉好淋好入味,小窩米線湯底係酸辣湯底,味濃帶微辣幾野味.米線份量唔小,唔太肚餓但話都夠兩個人食.招牌米粉:有春卷,魚片,牛丸,用料新鮮味道唔錯,春卷必定係首選,香口肉彈牙有口感好實在.魚片鹹鮮又唔會腥.牛丸彈牙,可惜牛肉味淡左小小.整體:幾十蚊食到飽,味道又唔錯.重要有黃埔卡有折扣.

一向都幾喜歡酸辢米線，所以黃埔有新開一間呢類，男朋友就帶我去試一試。其實都幾多人等位，每次黎都要等一等，有兩次都因為多人得濟，走左。不過總有次等五分鐘啫，食到嘅！我叫左個小窩米缐加木耳加腩肉，而男朋友叫左菜肉餃米線，大家都叫左酸辢湯底，而辢度又可以揀小小辢。我地覺得個湯底好入味，酸辢度好平衡，冇話邊個搶左邊個隻味，而且湯底濃郁，加上米線又煮得剛好，唔硬又唔太軟，我差D連D湯都清埋

南記粉麵係黃埔新開左分店，唔算太多人都好易搵位，同埋坐得舒服。春卷牛腩小窩酸辣米線同春卷豬頸肉小窩酸辣米線，仍然好味。但而家覺得中辣都好辣咁呢！每人40幾蚊一個晚餐都算化算啦。

本想為我的最愛南記出一點力打首篇食評，怎料已被截足先登地點就在原來海皇粥店那兒，即bread talk旁  下班下課，本想附近旺角吃結果女朋友仔離奇建議吃南記魚露辣椒油春卷的影像立刻在腦內翻滾一人一碗大雜錦米線米線，新鮮，幼細，帶少韌清湯底，香濃不覺咸惟沒有魚蛋，收銀處亦貼有"休漁期沒魚蛋"的告示魚餃、墨丸、牛丸、春卷紛呈加上大量魚露，少許辣椒油，馥香可口，回味無窮下次再來便試其小鍋，看看與銅鑼灣店、灣仔店、上環店有否差別凍豆漿較淡，$9略貴環境不錯在黃埔這個寸土呎金的地方開店，竟不是全場圓桌像譚仔般，務求令食客坐得不舒適，吃得不閒逸相反，內裏有一半地方卻寬寬的放三張卡位桌，即最多僅可坐十多人試想如放滿的是圓桌圓椅，起碼可坐二十多人這就是謀利與空間的平衡，南記太棒了，並無唯利是圖以往都是在港島區想不到吃甚麼結果還是回到南記，現在在九龍開新店，我這些新界食客也可沾點光，最少不用越海就可吃到南記嘛下一站，來新界開店吧

 聽說黃埔店是九龍區第一家分店.我之前都沒有食過,男朋友是港島人,經常都是去食.我只聞其名,未曾見識過此店有6月底開舖,一直都非常多人等候時間很長. 上星期六再去碰一碰運氣在等待5分鐘左右有位....(雖然等候期間有D小插曲)但還算順利....想了又想, 3人點了 鴛鴦河,牛腩河, 大腸小窩米線 (走辣)及3杯凍OT 黃埔VIP CARD, 有DISCOUNT(抵) , 每一碗粉麵都減$2-31) 鴛鴦河 (有招牌春卷,牛丸及魚片)原本MENU是魚旦而不是魚片, 但因是休魚期所以沒有供應湯底很清,只有少許味道, 很清淡, 招牌春卷好好味,好似用魚肉整既而牛丸跟魚片沒特別,可以接受, 河粉份量多2) 牛腩河 (上) 牛腩看起來很瘦, 但爸爸說很淋,他老人家也可以叫咬出來3) 大腸小窩米線, 大腸很多, 不過都是切為一條條絲, 說多不算多,也不算少就是.酸菜就相對多... 如果配上小辣,應該會很美味 (因這次要遷就爸爸所以不要辣)下次一會嘗一下. 有要求分開上辣,但被要求追加$1, 我拒絕了3杯凍檸茶$12@, 夠大杯. 但味道我覺得不夠. 不夠甜. 只有茶味.喜歡喝甜的我覺得有點美中不足