南島

營業中

休息中

我嗌咗海南雞飯， 坦白講我要求已經唔高，但係啲雞真係‘’鞋‘’又冇雞味， 全碟全部雞胸得一舊雞翼。碗湯唔夠熱，杯嘢吹左3次，食完飯先嚟。朋友就叫咗生牛肉湯河， 湯底味道可以，湯底完全唔夠熱，蘿蔔係凍嘅，由於湯唔熱，生牛肉最尾都變唔到熟牛肉。間餐廳坐得係幾舒服，裝修好新，但呢兩個食物質素令人失望， 真係唔明白點解可以咁多好評 唯一係凍檸茶茶底好味及凍咖啡質素可以。西灣河選擇的確唔多， 但呢間如果想食泰國南亞菜就未必要去， 真心希望呢間餐廳可以改善下食物質素。

呢間店開咗幾年，今日都係第一次食。環境非常乾淨，好多座位，兼有梳化位，裝修簡樸，睇落舒服加順眼。食物餐廳收19:30，下午茶餐牌竟然供應到19:00，太好喇！餐牌選擇非常多，有飯有麵，有乾有濕。由於約咗朋友18:15，大家都未係話非常肚餓，餐牌都有唔少輕食之選！T19 咖喱配烤蒜茸包 $38蒜茸包有4、5塊，熱辣辣，烘到好脆！咖哩係奶味比較重，唔係好辣，入面都有少少料，份量都非常夠。飲品加$3要咗青檸梳打，夠大杯，和味！T28 青咖哩雞配印度薄餅 $49呢個係跟隔離檯叫，清新之選～薄餅有四塊，同印度餐嘅NAAN唔同，但都好熱好香口，仲可以同朋友開心share～朋友加$3要了薏米水。服務大致上都係好有禮貌。最欣賞係延長下午茶，人人happy，好多早食的老友記幫襯，最緊要係平貴都有得大家選擇，輕食又得，想食得飽又得。

下午茶去到7:30 pm (Last order 7:00pm)下午茶份量夠飽肚仲有嘢飲 呢個餐係海南雞撈麵 $58 抵食味道不錯 個麵有少少印尼撈麵味 甜甜地 幾開胃份量比想像中多 食得飽店長/經理姐姐態度非常好 坐得舒服會再嚟食其他餐

無骨海南雞喇沙板麵 港式奶茶（熱）今天來了西灣河見客，午飯時間經過這間南島便入來嘗嘗。海南雞是滑也都夠香軟，味道不錯，但不知為什麼沒有那些海南雞的醬料，有點奇怪。喇沙湯的湯底很濃郁及後勁有淡淡的椰香，連豆卜一起吃是很棒的，豆卜滿滿喇沙湯，很讚。我是很欣賞的那幾塊魚片，好像是暫時吃過最好吃的，板麵吃起上來很像越南的河粉。其實這餐是不錯的，奶茶已經點了多奶，茶底不是很濃厚但沒有太苦澀，可以接受的。男士的話，這個午餐應該不夠飽。這個午餐也要72元，感覺有點貴。#小數怕長計 #慳家 #優惠 #著數 #小師奶 #美食

星洲肉骨茶出前一丁這道創意料理將出前一丁與星洲肉骨茶結合，帶來全新的味覺享受。肉骨茶湯底香氣濃郁，豐富的中藥味道，而出前一丁麵吸收了湯底的精華，每一口都充滿濃郁的香氣。排骨肉質不錯，不會太硬，而且肋骨的部分，本人喜歡🫶🏻另配上炒蛋、油條，炒蛋柔滑可口，與濃郁的湯底相得益彰。而油條則提供了額外的口感層次，酥脆的外皮吸收了湯底的香氣，整體來說，如喜歡吃肉骨茶的朋友可以試試。既有肉骨茶的獨特風味，又能吃出前一丁的風味。

好耐冇嚟到港島東行下，今日放假就嚟呢頭lunch! 發現有間幾大嘅南洋餐廳—南島🥰Lunchtime 比較多人，我哋都等咗一陣，入座自己scan code order. 叫左個雞卷雞絲米線🥰 雞卷幾脆口，入面都多料！少少油膩咁。米線正常，雞絲都唔干😀另一份嗌咗喇沙海南雞米線，雞件有雞味，仲一d都唔乾，幾好食😋喇沙有椰香😝入面有啲豆卜同魚蛋同個湯一齊食係夾的😌仲買咗一杯南洋咖啡，飲落去有啲炭香😉都幾特別出面好少有😀😀 #hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

西灣河近近地裝修環境唔錯既星馬泰餐廳食下午茶，價錢一般，不是最平一間，味道及熱度接受！熱辣辣的喇沙湯底，飲一口暖入心，又濃濃的海鮮椰子奶味，又有蝦既鹹香味，好好味！至於另一碟肉骨茶，濃濃的藥材味，排骨易咬開，整體來講唔錯，座位闊落！

南島以多元的亞洲風味為賣點，提供星、馬、泰菜，而且餐廳有兩層，環境乾淨整潔，坐得舒服。《海南雞撈撈板面（非油炸）》$72海南雞一般都是配油飯的，這里除了配油飯，可以配撈板面，相當特別。面條口感稍帶彈性，沒有油炸過的重口感味，配上特製的醬料、炸蒜片、粟米粒、青瓜絲和蟹柳絲，份量相當充足，而海南雞肉質鮮嫩，雞皮似jelly，配搭海南雞三種醬汁，其中酸辣醬最惹味。《泰式炒金邊粉》$72金邊粉是泰國的名菜，除了金邊粉，還有蛋絲、蝦仁、豆芽等配料，口感相當豐富，而且粉條不會黏在一起，每一口都能感受到濃濃的泰式醬料味，帶點酸辣，非常開胃。《龍眼冰》$14 《熱薏米水》$14龍眼冰是典型的泰式飲品，清甜解渴。薏米水有足夠的薏米，淡淡的米香，非常之暖胃。

一直有幫襯開，見住佢由初開張充滿熱情的招待到後來黑口黑面。食物份量少左又加左價，但都繼續去貪佢坐得舒服。但個別店員態度惡劣，呼喝D客人，大把空枱叫人二人坐一邊卡位。近日生意已差左好多，仲咁對D客，真係冇言。

西灣河地鐵附近有間幾出名嘅星馬泰餐廳，成日見到都有好多人幫襯，身為一個鍾意食星馬泰美食嘅人當然都要過嚟試吓啦😍 佢有好多午餐嘅選擇，包一個主食同埋飲品，全部都好吸引😛泰式蓮藕餅 🫓平時好少見有蓮藕餅，每次見到都一定會叫，佢真係用咗兩片蓮藕入邊夾住啲蝦膠，仲有甜酸醬點添，好惹味👍無骨海南雞喇沙米線 🐥 食星馬美食一定要食海南雞，再加上喇沙米線，喇沙湯底好香濃，海南雞好入味，唔錯🤭青咖哩雞配印度酥餅 🍛 泰國代表美食就係青咖喱雞，青咖喱少少甜甜地好開胃，唔辣嘅，可以揀配白飯或者印度酥餅都得，我就揀咗印度酥餅啦，因為好鍾意佢脆脆哋好好食🤩檳城白咖啡 ☕️ 飲品就當然要試吓馬來西亞檳城白咖啡啦，咖啡味好香濃，好飲😌凍檸茶 🍋 另一杯就揀咗凍檸茶啦，最近天氣比較熱一定要飲返杯凍飲解渴😂

最近好想食星馬泰菜，見佢幾平又多選擇，於是約埋媽咪一齊食，估唔到又幾好食喎😍1️⃣新加坡肉骨茶配白飯（💰72)個肉骨茶超級足料！有原粒蒜頭🧄、枸杞、龍眼肉、冬菇、腐竹同肉排等等。冬菇同腐竹好索湯汁；肉排係一字骨嚟、大大舊，啲肉炆得好腍、入口即融😍個湯嘅醬油味好濃，帶有淡淡嘅當歸同黨參味，配飯同油炸鬼都好夾，淨飲飲完都唔會頸渴😋2️⃣招牌海南雞飯(💰72)係無骨海南雞嚟，雞肉好嫩滑、雞皮好薄、雞皮同雞肉之間有層啫喱，雞肉質素好好👍醬汁係經典三款醬汁：鹹香嘅蔥蓉、甜甜嘅黑醬油同酸酸辣辣嘅酸辣汁，三者完美咁帶出雞肉嘅鮮甜，亦都帶嚟唔同味覺享受、夠哂好開胃🤤油飯亦都煮得好香，粒粒分明，唔錯👍3️⃣馬來蔗蝦（💰68）熱辣辣，舊蝦肉好彈牙多汁，蝦嘅鮮同甘蔗嘅甜味互相配合，意外地好食👍

店名/Shop Name：南島(西灣河)地址/ Adresss: 西灣河筲箕灣道143-145號大來大廈地下B號舖及地庫種類/Type:串燒/多國菜推介/Recommend：海南雞飯， 泰式燒豬頸肉 ， 泰式肉碎生菜包，人均價錢：$100店舖環境:裝修簡潔乾淨座位舒服交通:西灣河地鐵站行5分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️海南雞飯$72海南雞飯做得好好，海南雞嫩滑有雞味，配上特色的醬汁非常惹味，海南雞飯嘅飯都非常好，飯粒爽口，唔太油膩泰式燒豬頸肉$68 泰式豬頸肉燒到金黃金黃，配上特別的醬汁，非常香口泰式肉碎生菜包$68泰式肉碎調味得剛剛好，酸甜香辣，令到個肉碎非常惹味，配上清新爽口嘅生菜，最鍾意這一個

鋪頭有上下兩層，餐廳座位舒服，而且寬敞店員服務態度好好，上菜速度好快菜單款式好多選擇新加坡肉骨茶（白飯）$72一放上枱已經聞到好香藥材味，飲落去好濃郁！肉排大約4件，炆到好淋，啖啖肉之餘，內有一整舊大蒜，腐竹，可選擇油飯或白飯配有一條短油條，卜卜脆好香口巴東牛肉$78牛肉炆到好淋，好軟滑又入味，呢款巴東牛肉偏多汁，醬汁好好食又惹味，唔會太重口味，啱晒香港人胃口，撈飯一流香茅豬扒星洲喇沙米線$72香茅豬扒超大塊，煎到金黃色，湯底都好出色，湯底嘅微辣同椰香味混合平衡，個湯好好飲，仲愈飲愈開胃。豆卜索晒湯，每啖都有湯。魚蛋都好彈牙，有魚香味，又唔會太咸。成個米線都好好味整體份量都好多好大份龍眼冰$28

位於西灣河嘅「南島」星馬泰餐廳,為食客帶來一個別具特色嘅味蕾之旅。我地喺下午茶時段黎，點左「星洲肉骨茶配油飯油條」。濃郁醇厚嘅肉骨茶湯底, 茶湯好滋補，唔會過重藥材味，肉質亦軟淋，吸哂啲湯汁好惹味！配合軟糯香甜嘅油飯以及酥脆可口嘅油條,每一個元素都恰到好處,百吃不厭。而「招牌海南雞飯」亦相當出色,雞肉嫩滑多汁,加上清新爽口嘅醬汁,吃落十分開胃。最後必試嘅「椰香咖央多士配半熟蛋」,可謂集星馬特色於一身。香濃似絲嘅椰漿,配合酥脆松軟嘅多士,再配上半熟蛋,實在是一道絕妙無倫嘅異國美食。每一口都帶來豐富複雜嘅味覺體驗,彷彿置身於東南亞街頭小販間。總括而言,「南島」不但環境衛生明亮，食物質素亦優質，推介可以黎試一試呢！

海鮮喇沙米線 $82可以改河粉底， 河粉吸晒湯汁既風味.海鮮都算多， 有蝦，帶子，墨魚！ 唔算辣， 所以岩我食🤣🤣 大大碗 一個人食夠晒飽！ 招牌海南雞飯 $78雞肉嫩滑多汁， 唔會乾柴. 油飯有雞油既香味！ 粒粒分明既飯呀！ 湯唔會太咸. 有3種醬汁掂～酸辣去骨鳳爪 $58鳳瓜去左骨真係食得爽勁多！ 啖啖肉 ！ 熱奶茶 - 有茶餐廳既香味； 想飲特色野飲，可以揀熱薏米水 - 都多料係裡面嫁. 幫助去濕👍🏻推介指數： ⭐️⭐️⭐️⭐️/5