南島書蟲

營業中

休息中

放假一日來到南丫島遊玩，平時個人都有去離島逛下的習慣，搭下船看下大海，吸收下大自然的氣息。行到有點累，其後去到一間「南島書蟲」歇下腳食點東西。好多年前我都有來過，印象中此餐廳是主打素食主義，本來想試番上次食過私千層麵，可是今天的千層麵及burger 已經沽清了。再翻下menu 看下食什麼，最後我點了一個「牧羊人雜豆薯蓉批」($70)，飲品方面我點了一杯「意大利泡沬咖啡」($35)。意大利泡沬咖啡做出了心心圖案，賣相都幾美，可是奶泡打得較粗泡，奶味都算是濃郁細滑，但咖啡的質素就一般，沒有一些甘醇芳香，所以飲了兩啖都已經放棄。不久牧羊人雜豆薯蓉批(shepherdess pie)已經端上來，溶化的芝士鋪在薯蓉上，薯蓉內有充滿了lentil 及甘筍粒粒，薯蓉軟滑夠綿，散上陣陣的芝士香，伴碟有大量的沙律菜，沙律菜都非常新鮮，爽脆鮮甜，枱上一樽油醋汁，客人可以自行添加，整體水準都不錯。環境方面都不算太靜，不時都有車輛走過，都幾吵鬧，店中都設有不少書藉，讓客人可以閱讀，衛生就真是較差， 都有不少蒼蠅飛來飛去，希望店方多加注意，服務方面其中有位店員都幾冇笑容，又站在我旁等待我落單，感覺就不太友善。

當天中午12:45左右到達，佢哋話仲要多十分鐘準備才能開門，因此等了一陣才能入內。薯條很脆口，漢堡包的麵包有烘過，而當中的蕃茄同青瓜亦新鮮啲芝士很幼滑、creamy，所有蔬果都很新鮮爽口，唔會有陣青草味上枱時還熱辣辣，入口順滑，咖啡味不會很特出，甜度剛好(我沒再另加糖)除圖中的餐枱外，還有幾枱是卡位

香港地實在太多，放假入南丫島兜兜風，行下釋放壓力~見到南島書蟲餐廳好多人食，就決定跟風吃下!宜個芝味全素闊條麵以甘荀、香草、蓄茄、白菜、菠菜製成，好有創意!因為宜個全素闊條麵用左好多材料而整成，所以屠次同口感都好豐富!雖然闊條麵唔係好大夠份，但可能加左芝士，所以食完都夠飽!伴碟仲有兩件蒜蓉包，非常香脆!不過可能因為即叫即整既原因，由落ORDER到上檯，都等左成15-20分鐘...如果勁肚餓果陣就唔可以去宜間餐廳食了!!!

趁中秋假期來南丫島行吓一落船係榕樹灣大街就見到各類嘅餐廳比呢間南島書蟲吸引左入去一試餐廳唔算大 約有10張台到主打西餐有機食物 即叫即整坐低叫左一個pizza,薯條同飲品等左20至25分鐘 終於有得食薄餅好脆身 配搭上新鮮蕃茄同幾種芝士兩者非常夾 番茄中和芝士濟胃嘅感覺每件面頭都有大量餡料 正食完個健康薄餅梗係要返個肥仔嘢炸薯條一上菜已經聞到震震時薯香味特別一讚佢完全油 我最怕見到薯條油淋淋薯條上灑左一啲香草同粗鹽 食落唔咸有陣陣香草味杯嘢飲雖然係朱古力色但其實主要成份有香蕉，蜂蜜同其他有機食材一飲好濃香蕉味 蜂蜜味反而唔太出質感有啲似沙冰 成個感覺好健康埋單每人$100 以呢個食物質素來講絕對好抵食

趁天氣沒之前熱，到了南丫島逛逛，幾乎每次來南丫島都會光顧書蟲，今次也不例外。有機豆蓉餅漢堡個包烘得夠香，薯條亦香脆，至於豆蓉餅，主要用上紅腰豆，所以本身不會太淡，不過豆蓉餅易散，有點失色。Vegetable wrap同樣是以紅腰豆為主，混了黃椒及蕃茄粒，面層加了少許芝士令口感更有層次更香。再配以牛油果及蕃茄蓉，整個wrap的味道很豐富。一向喜歡素食，卻怕中式素菜偏油膩，幸好近年素食文化愈趨普及，各式各樣的素食都不難找到。

到南丫島行山也要扮偽文青？鑽入書蟲咖啡室，一室的書卷氣，但我們的單一目標當然就是「食」！食物選擇不多，漢堡、薄餅、三文治、意粉等等。想到很快便到晚餐，我們選了豆腐蓉漢堡一試。包經煎脆，豆腐蓉有些香料味道，弄成漢堡扒亦是煎得外脆內軟，比想像中有質感，再加上茄醬，沒有那麼寡。沙律上的時候是無任何沙律汁的，食客需自行添加，很喜歡這種做法，因為若果菜蔬夠新鮮，我們都較愛吃原味的。薯條夠熱夠脆，二人分享一份下午茶都已夠填飽肚子了。環境舒適怡人，應該會再來的。

滿心歡喜諗住試下咁出名既cafe 但點知一入門口態度已經好差 雖然音樂氣氛唔錯 但啲Dishes 完全唔得 千層麵超油份量又少 果啲自製漢堡好難食......杯野飲又淡唉好失望

三日假期的最後一天、入了南丫島、雖然被國內人攻陷、點都想入去走走、自己香港人地方呀馬。人流確係多了、少了一份寧靜閒適、南丫島本地居民亦因應時勢、前舖後居、餐廳食肆相對多了。Ｂｏｏｋｗｏｒｍ是一間有機素食餐廳、装潢保持舊有的冰室風貌、吸引不少外國人幫襯。鮮榨金荀、蘋果、薑汁味道相當清甜、還有微微薑的香氣、非常醒胃。有機菜沙律健康有營、新鮮、甜美、素食者必選。Ｐｉｚｚａ新鮮焗製、餡料有芝士、栗米、蕃茄醬、橄欖。。。味道不錯、如餅底再薄一點就更完美、只是個人喜好。食物水準不錯、但清潔度有待改善、如枱舖佈滿污穢、不會更換、有點嘔心。

機構退修，包左個場食lunch。去左咁多次南丫島都未黎過呢到。作為第一次，呢到俾我既感覺幾好。有d書係旁邊，d凳又好有風情，有d cushion，坐得好舒服。呢到主要食素。平時喜歡吃肉既我，揀左濃味少少既千層麵。唔好睇好似唔係好大舊。食到超飽！差d食唔晒。d芝士好多，落足料！好似仲有幾種芝士，但我唔太sure係邊種。入面有好多菜，好有咬口。旁邊個salad落左黑醋，酸酸甜甜好開胃。更特別既係佢d drinks, d名好可愛！我飲個個叫寧神養氣。好有書卷味！飲落清清地，有d lemon味。我地仲take away左個carrot cake. 好特別，第一次食。無咩carrot本身既味，但可能因為係carrot個種自然甜，我覺得食落都幾舒服，唔會好膩。

南丫島［榕樹灣大街］★南島書蟲（素食cafe）FB/IG: followfooddiary數數手指，今次應該至少都第４次黎幫襯喇！好似南丫島行山＋南島書蟲開餐已經變左固定組合，每次黎襯南丫島對腳都有自動導航系統direct我去間cafe不過最近2次一般般既進食經歷，開始令忠實小fans既心有所動搖今日同樣係由索罟灣行去榕樹灣，原來行少左索罟灣果個圈，成條路線係短咁多，一粒鐘都唔洗就到。係榕樹灣大街左穿右插，好容易就搵到Bookworm果個色彩繽紛既招牌～入面既環境多年不變，繼續保持住果種書卷味略為昏暗而舒適既環境，每次都令人一坐低就放鬆心情（或者係每次都行完山黎到終於都有得坐所以先咁鬆弛。。哈哈）搵食時間原來轉左新menu，食物選擇少左好多，有d似all day breakfast果幾個dishes都無左而pizza又得番一款，有點失望不過最無奈都係平日２點幾黎到，menu上7款食物有3款已經無晒（？！），選擇少上加少。無奈小插曲：記得上次黎食果個"清新無五辛豆腐漢堡"太重香料味唔太鐘意，拎住張相問staff宜家果個"清新豆腐漢堡"係咪一樣，佢話係。咁我地就放棄埋佢啦，即係得番3個選擇

南丫島上，符合Cc要求的租盤不多，兩個較接近碼頭或大街，另一個，則位處偏遠的大坪舊村。該處，四周都被頹坦敗瓦包圍，了無人氣，且連手機訊號也接收不了，搵鬼住﹗在離島睇樓，上斜落斜，是一件十分辛苦的事﹗我們不禁感到有點累和口渴，就去榕樹灣大街的南島畫蟲，嘆個下午茶了﹗南島畫蟲的裝潢以淡綠為主調，一側牆身放有一個擺滿了書本的木書櫃，前面放有枱椅；另一邊則設有懷舊卡座。店子的後方，乃開放式水吧，放有甜品櫃。往後，就是廚房重地。友人要了一杯冰凍清爽的Bookworm Lemonade $30。小妹則要了一杯檸香突出的熱飲$40，忘了名字，打開茶壺，只見茶色淡淡的茶，不見茶包或茶渣。要來了一客茄醬、新鮮番茄、蘑菇、粟米、洋蔥、車打芝士自家製薄餅$100，一客切成六件，賣相甚佳。薄餅餅底非常薄脆香口，惜芝士和饀料均味淡，味道不免過份單調乏味。吃罷一件，已沒有再吃的念頭。幸而，藍莓芝士蛋糕$40水準甚高，蛋糕幼滑的口感和濃濃的芝士味，令人無法抗拒。香濃厚實的忌廉芝士，蓋上了一層厚厚的藍莓醬。香甜的藍莓平衡了芝士的滯膩，是完美的配搭。

因為南島實在好多好味素食店，晚餐時間仲係好飽，結果兩個人只係叫左一個pizza同兩杯飲品。羊奶芝士真係好重口味 友人話個pizza底整得好好。雖然貴左少少，但有興趣既朋友可以試下飲特色飲品，做個半日文青。

南丫島★南島書蟲係索罟灣繞場一周後已經腳仔軟，好想撘船走人……不過南丫島效遊大目標之一既bookworm cafe係另一個碼頭！！死死氣對住個太陽行多一粒鐘終於到達榕樹灣，簡直熱到一個點…哈哈！入面既環境一如以往地舒適，成排書櫃為我地2個行山友加添左d書卷味（不過掛住食梗係無睇書...）坐低Mr. Pig已經即刻叫杯沖繩Orion（$45），竟然用冰杯裝住，消暑誇啦啦七點黎到有幾個dish已經無左，揀左個“清新無五辛豆腐漢堡”（$75）。哈哈，食漢堡包最開心莫過於有埋隔離既薯條D salad好fresh仲有自家製甜酸沙律汁！不過主角burger好似加左d香料一般般……嫌唔夠heavy再叫左其中一個自家製全素pizza（扮係健康d?..haa）（$100）。鋪滿茄醬新鮮蕃茄亞枝竹青椒香蒜片車打芝士好色彩繽紛！自家製pizza dough係唔同d，食落好raw今次突登揀個材料特別d既pizza，但最後都係，受唔住亞枝竹既特別味道liu走晒佢 ……哈哈～最後，啤酒肚忍唔住追加多一杯冰凍Orion。妹仔肚就飽得濟品嚐唔到到佢地既自家製cakeeeee……埋單$291.5/2ppl。今次可能揀既

難得放假入南丫島 當然要試啲特別野。。鋪頭細細 位置唔多 可能閒日無乜客入到去好舒服 卡位兩邊放左咕 之後相信係老闆娘既人都主動招呼我地 好nice仲驚我地對住風口位會凍 亦好主動sell野飲個啲(但要成45蚊杯 實在太貴)野食方面，我同男朋友一人一個"餐"。。(嚴格黎講都唔算 因為無野飲無湯 全部都另叫)我地叫左個豆腐蓉漢堡($75)同紅腰豆蓉漢堡 都配薯條同沙律($75)雖然大碟 但味道好一般 唔值呢個價薯條夠熱 幾好食，沙律都係普普通通啦至於個漢堡啲料好易散 同埋豆腐蓉個個無乜味紅腰豆個個因為有茄汁 所以就食到好重茄汁味囉。。食完漢堡薯條又點可以唔飲野呢試左佢個特飲--南島書蟲($45)有啲香蕉 麥味咁，幾好飲 不過都係太貴啦。。最後埋單都成二百幾。。過對面買左杯野飲都係22蚊但環境的確唔錯 可以靜靜地咁傾下計睇下書都唔錯既 但唔好對食物方面有太大期望~

十二點行到去仲未開門，於是係對面分店hea 陣，終於開門明明bk 左位都居然可以無我record, but anyway 早到有著數可以有位，入面好有情調，而且可以是但拎本書睇，朋友好樂意做書蟲。我地食左芝士千層面，同埋豆蓉餅漢堡。芝士千層面: 有個沙律入面，少有無醬，幾好ar, 青瓜少少辣，面頭芝士好脆，整體味道唔會太濃，個多士有香草，惹味!豆蓉餅漢堡: 個包都有焊過，好大份，豆蓉好好食，配合左個茄醬令到唔太滯，薯條好有薯仔味，唔會好似某d 地方無味，即炸但唔會淋，原味同茄醬各有各好食不過外面好多人等位，唔可以做太耐書蟲ar