南北杏甜品

營業中

休息中

💚雜果綠茶味綿綿冰 嘅綿綿冰可以揀唔同口味😆呢個綠茶味好有驚喜 首先啲冰打得好細碎 真係綿綿嘅感覺 👍跟住綠茶味都幾香 有啲煉奶味道 甜度適中配料有Oreo 碎🍪仲有唔同嘅生果 啲芒果幾甜 仲有西瓜火龍果哈密瓜 💛芒果爆珠豆腐花🥭 亦都好有驚喜啲芒果汁多到瀉出黎啲豆腐有豆味有芒果粒粒 甜甜嘅爆珠份量十足😻😻另一個叫咗雪糕窩夫🧇個窩夫熱辣辣焗出嚟 幾有蛋香嘅味雪糕我就揀咗椰子味道 🥥有啲焦糖同埋朱古力醬 啱啱好最後仲叫左個熱辣辣既🤍腐竹薏米蛋花白果糖水腐竹好滑捋捋 有幾粒白果 仲有薏米 同埋幾靚嘅蛋花

今晚到坑口食晚飯，見到有新開的甜品店 ~ 南北杏甜品， 在新寶城商場地下G03號舖。小店有中式和西式甜品，我點了腐竹薏米蛋花桃膠糖水$38、夠薑芝麻湯圓$26、椰汁雜果仙草凍$45。🔹腐竹薏米蛋花桃膠糖水 ~ 味道清甜，滋潤養顏。🔹夠薑芝麻湯圓 ~ 薑味夠辣，最適合冬天吃，非常暖胃，湯圓皮薄煙韌，內餡有香濃芝麻。🔹椰汁雜果仙草凍 ~ 仙草凍口感q彈，雜果有火龍果、芒果、西瓜和哈密瓜，份量多。平時都會到坑口食飯，又多一間甜品店選擇了。🏷️溫馨提示～ 整個用餐體驗均屬個人分享意見， 只作參考😊。

今日係坑口地鐵站附近經過見到呢間甜品舖 勁多選擇🤩而且中式 西式 窩夫 沙冰 乜都有決定入去試吓 睇下正唔正先😛見到隔離碗芒果糖水好大碗🤣所以分別嗌咗一本 芒果汁芒果西米露同埋一碗多芒芋圓 二碗份量都勁足料芒果汁唔會太甜 西米煮得岩岩好😛西米唔好淋哂 仲會保持到有啲咬口 值得一讚嘅係 糖水會有新鮮芒果😋都係比得非常之多 芒果唔會碎濕濕而且切得粒狀 大大粒 而且非常香甜🤪另外仲嗌咗份雪糕窩夫 配埋雪糕窩夫係即叫即整 新鮮熱辣上枱🤩窩夫焗得好香脆 而且口感鬆軟配埋雪糕一齊食 冰火兩重奏 好正🥰🥭芒果汁芒果西米露（加仙草） $48🥭多芒芋圓（加仙草） $48🧇雪糕窩夫 $48

最近坑口新開了一家糖水店，主打經典糖水加創新配搭。店舖雖然不大，但裝修簡潔乾淨，座位舒適。甜品選擇很多，包羅萬有。⭐️芒果配鮮奶燉蛋白鮮奶燉蛋白口感超級滑嫩，入口即化，奶香濃郁但不會過甜。新鮮芒果肉香甜多汁，我還加配晶瑩剔透的雪燕，增添了一絲高級感，整體口感豐富又養顏，大推！ ⭐️夠薑芝麻湯圓薑汁湯底辣度適中，味道甜。芝麻湯圓皮薄餡多，咬開後芝麻香氣湧出，甜度剛好，配上薑湯非常暖胃，喜歡薑味的朋友一定滿意！

喜歡食糖水嘅朋友有口福啦~坑口新開咗一間糖水店鋪同一班朋友試下先😆有中式糖水、豆腐花/河粉、西米露、雪糕沙冰等楊枝金露小丸子好受歡迎啊😛Q彈軟糯口感小丸子配搭清新楊枝金露啖啖芒果果香鮮甜濃郁，口感一流！椰汁仙草西米露係簡直係夏天救星！💦香甜椰汁同清涼仙草混合一齊，滿到瀉嘅西米，食起來特別爽口。招牌心太軟窩夫配雪糕🍫心太軟一切開，朱古力呈半流心狀態口感好似朱古力布朗尼，窩夫外脆內軟配朱古力雪糕朱古力控必食~唔少得杏仁露雙拼芝麻糊杏仁露香氣十足，口感好滑搭配上香濃芝麻糊，原來係咁夾~其實中式糖水都可以好好味

香港人普遍都鍾意食飯後甜品，而我就係其中一個😋最近我發現將軍澳新開咗間糖水舖，店內裝潢擺設簡約，令人感覺放鬆，糖水嘅選擇亦豐富多樣ღ雜果仙草小丸子 $45仙草嘅香氣撲鼻而來，小丸子口感軟嫩，搭配多種新鮮生果，好清新✨ღ風花雪月 $42有花奶、仙草、紅豆、豆腐花同香滑嘅雲呢拿雪糕，暖心嘅搭配令人無法抗拒，每啖都滿滿幸福感ღ芒果汁芒果西米露 $40香甜嘅芒果汁搭配粒粒西米，食落果汁嘅甜美瞬間喺口中爆開，加上香甜芒果🥭令人回味無窮

同班friend一齊打牌😈玩完之後意猶未盡，落咗去食埋個糖水先返屋企😽糖水舖店舖唔大，一眼望晒，座位都唔多，好彩我哋去得早，唔使等位👍🏻🌟椰汁雜果仙草凍 $45椰汁嘅香味濃郁但唔會太甜，仙草凍嘅口感滑溜QQ，食落去好清爽。雜果有哈密瓜、火龍果、西瓜同芒果，同椰汁仙草凍好夾，不過食到一半賣相有啲核突😹！🌟招牌仙草QQ $40配料有紅豆、珍珠同芋圓。另外仲有黑糖同花奶可以根據自己愛好加落去，我加咗花奶🫶🏽紅豆煮得軟糯帶甜味，珍珠同芋圓嘅口感煙韌。仙草凍嘅味道清新，撈埋花奶甜度啱啱好😻啱晒我！🌟腐竹薏米蛋花白果雞蛋糖水（熱） $33腐竹唔會話爛曬，幾鍾意薏米帶少少咬口，白果味道清香。最令人驚喜嘅係入面原隻雞蛋好好食😻係一食就食得出特別好食😻🌟芒果汁芒果西米露 $40芒果汁非常濃郁，西米煮得剛剛好，成個甜品係有啲稠身嘅，而且入面嘅鮮芒果份量都好多，成碗都幾大碗✌️

🐧 今次來到坑口，試下依間係地鐵站附近嘅糖水舖😚 內裡裝修簡約明亮，坐得幾舒服👍 同朋友仔食完飯黎食個甜品就啱曬☺️ 本身想試下佢哋力推嘅心太軟🌟 但老闆娘誠邀🐧 試下佢哋嘅中式甜品🥴 盛情難卻咁就一於試下📍 㨂咗三款老闆娘推薦嘅熱食甜品❤️ 包括有腐竹薏米蛋花桃膠糖水、黑糖紅棗雪耳燉桃膠以及芋圓配鮮奶燉蛋白✅ 全部上枱都熱辣辣香噴噴😍 超級誘人☺️ 值得一提嘅係，三款糖水嘅甜度都唔高，令本身食材嘅原味更出眾👍 啱曬怕甜又關注健康嘅朋友仔🥴 🐧 最欣賞佢哋嘅腐竹薏米蛋花桃膠糖水❤️ 甜度恰到好處👍 飲落充滿腐竹和蛋花香氣☺️ 值得一提嘅係佢哋嘅腐竹係大大塊超有口感😆 桃膠大大粒，入口彈牙有嚼感，超優質之作😘 

💡甜蜜嘅夜晚 今晚同朋友去咗一間甜品店，試咗幾款招牌甜品，真係甜到入心。🥥椰汁芝麻湯丸 湯丸外皮煙韌，芝麻餡好香濃，咬落去啲芝麻流晒出嚟，好滿足！椰汁湯底好香滑，帶少少甜味，同芝麻湯丸好夾。食完之後成個人暖笠笠，好適合冬天食～❄️🥭芒果配鮮奶燉蛋白 🍮芒果好甜又多汁，鮮奶燉蛋白好滑溜，入口即化！🧇招牌心太軟窩夫窩夫外脆內軟，切開之後朱古力心太軟流晒出嚟，好治癒！朱古力味好濃郁，帶少少苦甜，完全唔會膩。椰汁夠清甜，口感層次豐富。🖤🤍黑白戀人 （內有花奶、仙草、小丸子、珍珠、 雲呢拿雪糕） 呢個甜品好有創意！花奶同仙草嘅搭配好特別，小丸子同珍珠煙韌有咬口，雲呢拿雪糕香滑又帶少少甜味。整體口感好豐富，每一啖都有驚喜！😍

♥將軍澳新開糖水舖！🍧港式台式甜品款式繁多♥✎ (❁ᴗ͈ˬᴗ͈) ༉‧ ♡*.✧喜歡的話記得like & follow我喔♥將軍澳區居民有口福啦！坑口新寶城新開了一間糖水舖，港式、台式冷熱甜品任君選擇，當天我們平日夜晚去到，發現不少外賣單呢！我們最推薦招牌仙草QQ冰 $40🍧，裡面有珍珠、芋圓、紅豆、仙草，可按個人口味自行加黑糖漿及淡奶，味道特別又好食，而且仙草真的有淡淡仙草味～整體口感豐富，清涼又滿足，特別適合炎熱的天氣！☀️蛋白燉鮮奶 $28的鮮奶香味十足！🥛桑寄生紅棗蓮子蛋茶 $32，比較濃郁，搭配紅棗和桂圓肉，有補益脾腎、養血補血之效，從而緩解月經和經痛不適，是女生恩物！🙆🏻‍♀️楊枝甘露豆腐花 $30搭配新鮮，我們挺喜歡豆腐花的豆味～📍 南北杏甜品將軍澳銀澳路1號新寶城商場地下G03號舖.・。.・゜✭・♥・✫・゜・。.#南北杏甜品 #將軍澳 #港式甜品 #將軍澳糖水 #將軍澳美食 #將軍澳餐廳 #香港糖水 #香港甜品 #坑口糖水 #坑口甜品 #坑口餐廳 #坑口美食

初初諗住新開又係正屋企樓下，試吓無妨，第一次叫咗個芒果小丸子，好好味，又足料，啲小丸子做得好好，夠晒煙靭，用料都非常新鮮。真心推薦！第二次去就試咗個糖不甩，連隔籬枱個小朋友都非常鍾意食。都係新鮮即做，雖然等咗一陣，但係絕對值得。連我爹哋媽咪都非常鍾意去，佢啲熱嘅甜品都非常之出色，真心唔錯，亦都想幫吓小店，老闆同埋老闆娘都為人真誠，見到佢哋咁俾心機做甜品真係想多多支持。希望佢哋可以繼續做落去，咁我哋一家繼續可以食好好食嘅甜品。

個人第一次出Post😉住附近見新開同老婆同阿B試下叫左燉蛋白同埋雪糕香蕉船蛋白甜度同(潔)度都幾好香蕉船生果正常，但個雪糕幾有誠意，好重奶味，幾香，似係用維記雪糕，因為平時響其他糖水鋪食果D雪糕球應該大多數係牛奶公司或雀巢雪糕，全部口感一樣。另外，雪糕面有浸白白地響面，似係本身已經筆定出嚟雪住先，同埋雪糕球個形狀幾齊口，唔係平時果D筆到散晒咁。整體嚟講，味道都幾好，價錢唔貴。埋單$76蚊，老婆都話可以覆卓。