協香麵飽西餅

我是為了雞髀包而來，住了這麼久也沒試過，聽聞雞脾變大了加了$2，一入到鋪見到好大個雞脾包超吸引，就買了兩個超香，麵包柔軟好味，可惜雞脾沒有味幸好肉質不柴，麵包推薦，可以試其他包，下次都會再來，嘗試蛋撻有分牛油皮和酥皮兩款還有葡撻，但今天太飽，所以沒有買😅…查看更多

「雞髀包」這個粉嶺名物，相信不少人即使未吃過也都會有聽聞過🙉這天難得到聯和墟探朋友，當然要來一嚐這個街知巷聞的美食😃———————————————————————雞髀包人如其名，就是用麵包包著一隻雞髀🍗麵包味道正常，質感尚算鬆軟👌🏻就是平時腸仔包或餐蛋包的那款麵包🍞至於雞髀則是豉油雞髀，肉質雖不算嫩滑但亦未至於乾柴，調味稍淡，未夠入味😗不過勝在肉量多，一口咬下去啖啖肉，非常飽肚😆———————————————————————雖然雞髀包味道只屬一般，但以它只售$9.5的價格來說，有這麼大隻的雞髀已經值回票價😎難怪會成為街坊恩物🙂…查看更多

昨天去咗粉嶺聯和墟梗係要買個聞名已久嘅雞髀包啦麵包裡面有原隻豉油雞下脾只係 HK$9.5，真係好抵食 雪咗一晚，拎出嚟焗返熱佢食烘至麵包微脆，加埋啖啖雞髀肉加杯黑咖啡就係滿足又飽足嘅早餐** 以上分享是以我的口味、體質和情況作出分享及感受，一試 / 合用與否請自行決定…查看更多

我相信好多人都聽過粉嶺遠近馳名嘅雞脾包🍗平時星期六、日、假期去，雞脾包🍗通常都要等，見啲人都買好多返去，難得平日收工去居然有一大盤擺係到任你揀，所以都即刻揀返兩隻返去試下食下睇下係咪真係咁好味先😋☺️佢個麵包係麵包鋪傳統口味嘅甜麵包，而雞脾就唔算太入味，但味道都唔錯嘅，平時一隻雞脾都唔止$9.5啦，所以性價比係好高架，雖然雞脾唔算係好大隻，但買黎做下午茶過下口癮好唔錯😋jan_foodie…查看更多

入到粉嶺食完飯想買手信友人話一定要試下粉嶺名物！雞髀包！其實我都一直有擺入wish list只不過係一直無機會試一係就太飽一係就當時唔想食一係就有其他更加想食嘅嘢想食種種原因一直都冇試過不過當日就咁啱經過附近所以就的起心肝買一個試吓啦！門面係屋邨麵包舖而家連鎖式麵包店林立其實我都好鍾意呢類買少見少一個雞髀包9個半買隻雞髀都唔只啦講返個味道先相信大家都有食過屋邨麵包店嘅腸仔包就係嗰一隻甜餐包嘅味道然之後喺佢接近餡料嘅位會比較濕同埋痴牙你話個麵包好好食就唔能夠咁講只不過係佢外型夠特別又好揸手而且隻雞髀同KFC嘅照燒雞差唔多算係幾出色買返屋企叮一叮喺梳化un 住腳咁食Happy就是咁簡單yeah…查看更多

短髮女店員(疑似老闆娘)講嘢無口德，唔會再幫襯我哋一家本身經常幫襯，之前買開蛋糕都係買現成嘅，今日小朋友生日，一早去訂蛋糕就想寫埋生日牌仔到左夜晚食飯前去攞蛋糕，入盒前要求睇下個蛋糕先，點知見到個生日牌有2隻字寫左簡體字，我就同個短髮女店員（成日幫襯都係佢收錢，不過唔肯定係咪老闆娘）反映，個店員完全無話唔好意思，仲好無口德😡(生日牌要求寫以下祝福語：豬B，生日快樂！身體健康！）我：下，個生日牌啲字係簡體字嘅？店員：有啲字太多筆畫，師傅寫唔到，簡體字咪一樣我：簡體字喎，點樣一樣呀？同埋我訂蛋糕個時你哋都無同我講話太多筆畫寫唔到要寫簡體，如果有講嘅個生日牌我就唔會寫中文啦店員：(又再重覆）啲字太多筆畫寫唔到架，我成日都同你哋講唔好寫咁多嘢架啦！生日就生日，寫咩身體健康呀，生日關身體健康咩事呀我：個個都想身體健康架啦，你自己都會想架，同埋我訂蛋糕時你哋都無講話唔可以寫咁多（個店員仲係咁重覆話生日唔關身體健康事，話洗乜寫身體健康）個下聽到佢咁講，我已經嬲到唔想再同佢理論，要求佢比多個現成嘅生日牌就走左（我行緊出鋪頭嘅時候都仲聽到佢又再重覆生日做咩要寫身體健康嘅說話）經過今次之後，以後都唔會再幫襯呢間鋪，佢哋自己有問題，但個店員講嘅嘢完全係推卸責任，唔認錯都算，仲要咁無口德😡…查看更多

因網上推介又咁岩睇完戲而慕名而黎，買了三個雞髀包，個包係幾好食既。之後陳述一下買個過程: 我夾了3個包去收銀:「唔該分開裝」店員:「分開3個裝?」我:「是的」店員:「2個裝一袋，另1個裝一袋ok嗎?」我:「我想分開3個裝，因為分畀3個人的，唔好意思」店員:「下次要收多2蚊, 多2個袋,政府收, 一蚊一個」我:「哦......」當時唔係太識反應, 但已有一種莫明的不滿，但都冇再回應就走左。事後諗番，咁如果戈3隻包唔係我一個人買, 而係3個顧客買, 你唔係都要做用3個袋仔?我又冇要求你要畀大袋我，同政府徵費有咩關係?哪是什麼邏輯?難道想我逐隻夾去畀錢, 找錢, 行出去再入番去買, 做3次?定想我剩係買一隻, 咁咪真係剩係用一隻袋......全日的愉快的心情都冇了，下次可能未必會再買。…查看更多

依間舊式既麵包店位於粉嶺聯和墟，終於有機會買黎試一試依個粉嶺名物雞髀包🍗今日好幸運，行到去剛剛好，雞髀包剛剛出爐，所以麵包熱騰騰，味道一般但以$9.5 黎計真係性貨比高！…查看更多

又係一間由細食到大O既麵包店, 雖然不是每次都每返粉嶺幾次都總有一次會去買個雞脾包食.只係 $9.5 當真抵食.我買O個日得三隻, 有個男仔要左兩隻我要埋另一隻, 真係手快有手慢冇.…查看更多

系新漢記食完飯，過嚟買左雞脾包（$9.50）和scone ($10/3個）雞脾包熱辣辣，麵包微甜，系老式麵包鋪嘅味道，隻雞脾size 一般而且冇乜味，收$9.50，都對得住個價錢嘅。Scone 就真係太硬太乾啦，食完個口應該損損地，真係吾建議試。…查看更多

粉嶺聯和墟人氣麵包店 偏向懷舊傳統麵包店風格 見到網上個個黎呢間都會講⭐️雞髀包$9.5 一個 重點真係有原隻雞髀插咗喺麵包入邊 雞髀包有大有細 大概有女仔手掌咁大 細隻都有拳頭咁大 啱啱出爐咬開仲有肉汁 整體過癮 ok啦.見到呢間嘅酥皮蛋撻 酥皮化開一層層應該會好食 下次黎再試試.#hkfunfoodrecord窮遊香港#hkfunfoodrecord_粉嶺.#協香麵飽西餅 (粉嶺)地址：粉嶺聯和墟聯盛街24號地下.⭐️評分：味道：2.5/5環境：-/5服務：-/5抵食：3.5/5.‼️想睇更多資訊‼️ig/mewe： hkfunfoodrecord今次嚟到‼️fb:funfunfoodrecord.#飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #hongkongfood #吃貨 #食評 #增肥 #搵食 #食好西 #相機食先 #香港美食 #粉嶺美食 #麵包店 #泡芙 #聯和墟美食 #雞髀 #雞髀包…查看更多

嗰日咁岩入到去粉嶺 當然就要食呢度最出名嘅雞髀包🍗成隻雞髀放入個餐包入面 賣相真係夠晒吸引🤩雞髀肉好嫩滑勁多肉🐔個餐包索晒雞髀個汁 焗返熱之後食 真係正到爆炸！！…查看更多

傳說中的聯和墟雞髀包，接近七點，麵包店也是人頭湧湧。看見雞髀包仍然有得賣，經過了這麼多次也沒有試過，今次就順道一試。雞髀包裏面的雞腿是雞下髀，經過烤焗之後再裹上包皮，麵包皮外層鬆軟偏甜，是一般傳統腸仔包的包皮，雞腿表面肉汁適中，也不會令包皮內層過濕，雞皮部份減少了很多，很容易吃到雞肉，可惜的是內裏有點不熟，有些微血水。醃料充足，味道方面可以接受，但並不是特別出眾。但勝在價錢平只售$9.5，性價比高。…查看更多

香港人創意無限，不時會發現有店家將平凡的食物加以增潤，又或者將完全沒有關聯的食材，花心思設計出賣相獨特、味道新奇的創意食品，當中不少都廣受市民愛戴及追捧說到其中一款香港獨有的Crossover，想必以下介紹的必定榜上有名雞脾包 $9.5想來這個應該是全香港🇭🇰第一間港式麵包店設有的特色美食！有誰會想到，麵包的餡料會是一隻雞腿🍗呢？店家會先把原隻雞下腿以豉油醃好後烤焗，再塞進麵粉團再烤至粉團熟邊，馳名的雞脾包出爐！吃的時候必定是一手拿著雞腿骨大口撕🤣，入口先嚐到鬆軟微甜的麵包，再吃到鹹香十足的雞腿肉，由於雞腿的肉汁仍然保留著，故此不會覺得太乾身口感不錯呢不要少看這個麵包，看似份量不太大其實蠻飽肚的，加上不用十塊錢便可以吃到餡料十足的麵包，性價非常高！絕對是值得嘗試的創意美食～這間位於粉嶺聯和墟的港式麵包店，原來已有逾60年歷史，裝潢亦保留在90年代的佈局，當然少不了一些傳統的港式麵包跟蛋糕可供選購店家會在每天焗製不少盤雞脾包，如有機會碰巧這款麵包出爐，定必要買一個新鮮吃，必有一番滋味，下次到聯和墟時緊記帶一份粉嶺名物回家啊～…查看更多

今日到流水響，行完係粉嶺找點吃的，原來有一麵包店頗有名氣，特意一試。地點不難找。椰撻大大個都係五個半。雞髀包九個半，香港無幾多地方咁平啦。椰撻出色，餡又厚又多，皮又薄，真係好出色。又無出面做得咁甜，食多隻都得。個皮都好鬆脆。雞髀包。先滷好雞鎚再做包，工夫嘢。靚仔。首先個包又好，薄薄地又香又甜，咬一啖雞一啖包，真係幾好。雞髀都滷得好食，滷水好香有層次，真係就咁賣都十蚊啦，而家做埋包先係九個半。真係無言，好食。後尾買多個。整體而言，真係行過路過唔好錯過。唔好就係一盤一盤咁出，我買第二次時賣晒，企係門口等，等十五分鐘左右，一出爐想買，有個客行入去見到就要三個，賣嘢阿姐就執俾佢，我都話咗我黎先，等好耐，賣嘢阿姐又大大聲話我唔知我啱啱返工，三個俾錢。最後行入去想買三個個客表明佢唔知所以唔要唔好意思。其實都係小事，但睇到有時管理都好緊要，同埋排緊隊真係要出聲。…查看更多