半島酒店大堂茶座

營業中

休息中

14/7 姐姐生日，揀左好耐先決定食半島，要high class,好食的。每樣食品看似細份，其實都好飽呢😆 生日蛋糕實在吃不下呢🤣。大家都吃得好滿足，現場live 音樂很柔和，好好氣氛，很適合聚餐傾計。

Arrange a birthday dinner for my Dad with my family early this year at the lobby in Peninsula, we chose the “5 courses Birthday Reward Offer dinner menu” plus a complimentary birthday cake! 🎂The food portion and the quality it’s just average while the nice environment and lighting is nice. And this is the lobby, so the seating area is not too spacious but acceptable. Surface is quite attentive

終於來到期待中的星期五喇收工雖然個人好攰但諗起可以去食好西就咩疲勞都無曬哈哈。多謝同事帶我地出城入到去半島酒店大堂 樓底高 用具典雅 係華麗既感覺 🌹好彩我地被安排左係比較光既位置因為暗黃既燈加上悠閒既環境更令我睡意重重XD今日既生日set menu揀好之後order完侍應就先送上餐包總共有3款分別有法包香草包,我就最鐘意上面果款。食落去香甜同好煙韌。配湯都好好味！之後就上頭盤煙三文魚加蘋果沙律賣相同味道都可以。最鐘意佢有核桃點綴！呢個粟米忌廉湯十分creamy! 大家都好鐘意飲啊！再黎就係主菜了！我就揀左燒牛柳。平時食開7成熟但侍應話最推薦係5成熟，好啦甘我試下🤣！果然呢度既5成無血水得黎係十分十分juicy燉薯仔質感好特別。一路傾一路食不經不覺又食完個main course 😂之後侍應就上左個生日蛋糕 係開心果味呀一開始大家以為係抹茶食落先知係開心果，好香濃既mousse 加少少海棉蛋糕做夾心。喜歡食完個蛋糕仲有甜品。為左消滯就揀左配野莓雪葩既士多啤梨卷。來到既時候大家都醒唔起佢有蛋卷淨係記住個需葩lol雪葩好fresh 蛋卷雖然中間有cream (上面果d完全被移走哈哈)但配士

慶幸得女神帶我去半島食tea，環境優雅，食物又精緻，真係有一半時間都係影緊相Afternoon tea set for 2 ($688) 第三層係放scone，我最愛既英式鬆餅，儘管我唔食提子乾~ 鬆餅焗得超鬆軟，牛油味都幾重，塗埋我最愛既忌廉簡直冇得輸第二層放三文治類，中間煙三文魚包加埋沙律醬，睇得又食得。第一層就係甜品喇 但其實食完底2層就已經好飽！每件甜品都好食，但因為都係偏甜所以只能食到一半另外呢度既茶都好有特色，外面好少飲到既味道，用黎消滯一流

食物種類不算多，不過食物好精緻，食物都好好味。不像一般自助餐那樣，無海鮮山、無生壕，如果你追求食物多樣化的自助餐，還是去紅磡都會海逸比較好。不過這家自助餐，勝在讓人有fine dine 的感覺 ~ 不用急急去食，跟閏蜜慢慢食慢慢談心，非常好。熟食跟生冷野比例都好好，不會偏重於生冷野或甜品。照顧到我呢d上左年紀，唔想食太多生冷野的人。自家製雪糕👍🏻

得閒都會同屋企人黎食佢既afternoon tea set.到而家都保持水準.同埋會有吾同主題轉下.但吾變既係佢既鬆餅.一樣咁大粒同好食.加埋佢自製既牛油同jam.味蕾既享受.佢既熱朱都特別.個杯靚不在話下再加上佢好滑又濃既朱古力醬.加埋d 奶.成杯野好厚好滑

對上一次寫依評已是2年前，世事難料，又回到此時此地。今次在棉棉細雨下到半島一嘗其下午茶，不知是否天氣影響，即使到達茶座時已是3時多，人潮不算多，不消5分鐘，便安排入座。入座後，waitress有禮地為客人遞上餐單及napkin，一貫恰到好處的服務，不多不少。看看menu，有著吸引人的signature afternoon tea set，但這天沒有充足的用餐時間，只好要英式鬆餅配豆奶咖啡($180)了罷。大堂內的氣派的裝潢，金碧輝煌而不失高雅。惟獨當日有一群客人在大堂內大聲呼嚷，有失雅興。友人點了selected tea，酒店以一套典雅的茶具為客人奉上茶飲，這樣的派場，難怪半島長年深受富豪遊客的青睞。 等了一段時間，餐點終於奉上。 兩件英式鬆餅，配以濃郁的clotted cream及士多啤梨果醬。輕輕將鬆餅用刀一分為二，仔細地抹上clotted cream及果醬，貪婪的放入口中。「哇！真肥！真飽嘴！」(哈哈哈哈) 豐厚的奶香加上香甜果醬，的確令人難以抗拒。鬆餅的水份也足，牛油香氣令人不禁一口接一口把鬆餅送到嘴裡。不消三兩下功夫，談天說地之際，碟子也掃得一乾二淨。另配的豆奶咖啡，不幸是敗

偷得浮生半日閒，個會早咗完，上司請食tea，慰勞大家最近成日OT順便避雨 haha難得唔洗等位，應該同過咗黃金週有關。坐定定後，服務員馬上遞上餐巾和餐牌，態度一流。問佢係咩茶，就算唔識答，都依然保持笑容，之後返黎詳細彙報。Afternoon tea set $388@ 太奢侈啦況且我最鍾意食scones，就叫咗個英式烘提子鬆餅配半島精選名茶 $170鬆餅熱熱地勁香牛油味一次唔會散晒唔會好痴口真係好好味陪埋cream and jam真係好滿足cream足夠食晒兩個scones飽飽原來可以改跟咖啡 cappuccino latte regular coffee都得可以忙碌中的一點甜

上次男朋友生日去咗鋸扒，本來諗住我生日都係去鋸扒，點知男朋友會帶我嚟半島食生日飯。平時見啲人嚟半島high tea, 都會心諗想嚟試下呢啲生活，不過覺得太奢侈，好難實現，估唔到今年生日可以願望成真大堂好有氣派，金碉玉砌，樓底又高前菜係面包，面包鬆軟，我覺得最出色既係牛油，入口即溶，牛油味又香黑松露忌廉磨菇湯，黑松露美好香，忌廉好結，同街外果啲水稀稀既白湯好唔同，飲得出好足料我點咗牛仔柳，男朋友點咗三文魚扒，牛枊好好好嫩滑，應該係我食過最嫩既牛肉，肉味亦濃；三文魚係慢煮咗好耐，一啲都唔似出面既三文魚扒咁會嚡口最後傀生日蛋糕，影相好靚，女仔見到一定開心

男朋友今日生日！！唸住俾個驚喜佢！！想同佢去平日好少機會會去嘅餐廳嘆過早餐！！玩足一天！！上綱睇左好耐！！終於俾我揾到半島洒店地下大堂嘅大堂茶座！！一世人真係要豪幾次！！我哋一早起身扮到靚靚咁行入半島大堂！！環境一流, 很華麗！！彷如置身皇宮中嘅感覺！！坐低後我叫左我嘅至愛美食之一班尼迪蛋, 凍咖啡！！我男朋友叫左肉桂蘋果吐司同熱咖啡！！主角班尼迪蛋有兩大份, 一份包含最底層香香軟軟麵包, 接着放左塊大大塊香口火煺, 嫩嫩滑鷄蛋 , 香濃荷蘭汁, 最後最面頭滿佈濃郁嘅芝士, 伴碟仲有甜甜蕃茄同脆炸薯角, 其實我食完一份都飽左大半, 超漏呀！！不過真係好好味道！！加埋杯凍凍多cream香滑咖啡！！超超超幸福呀！！而我男朋友叫嘅吐司都有三大塊, 厚厚的, 煎焗得表面很香脆, 中間又軟軟的！！而廚師都很细心, 將酸酸甜甜嘅肉桂蘋果醬放係吐司旁邊！！鍾意放幾多由我自己揀！！肉桂蘋果醬仲有很多果肉呀！！加埋邊香氣滿溢的熱咖啡, 完美呀！！

朋友生日，一行5人，4送1，超級扺食。有appetizer, soup, entrée, dessert, coffee. service 好好，五星級酒店係唔同啲。同行有朋友係素食者，侍應係即時解答到同解釋素食的餐單。salad同蘑菇湯雖然味道一般。entrée 兩款都可以。三款甜品非常好食。仲有生日蛋糕送，都好好味栗子味。加上環境同service呢個價錢係抵食的。

星期日的中午，來到半島酒店的大堂茶座。由於時間尚早，茶座沒有那道長長的人龍，顯入得清靜。半島酒店的裝潢一直都是其他六星級酒店無法媲美的，尢其喜愛他們的live chamber music，可能因為他們的位置處於高閣，音樂來得温柔舒服，在這樣的環境下享受早午餐，舒適而沒有半點壓迫。他們的weekend brunch menu選擇不算多，但相信仍可以在當中找到你想要的。而且選擇多不代表味道好，找吃的當然以味道為先啦！想了一會，最後我選了和牛漢堡，朋友選的是蒸鱈魚柳。先來的是兩杯新鮮果汁，由於我們不喝香檳，所以我們每人可多要一杯果汁代替。還有他們餐廳新鮮焗製的麵包。配以新鮮嘅果子醬及蜜糖，任君選擇。再來的是朋友點的龍蝦湯。我們喝過不少餐廳的龍蝦湯，有的酒味太濃，有的龍蝦味太淡，有的份量太少⋯⋯這裡的龍蝦湯份量不少，酒味恰到好處，龍蝦味滿滿的，十分好喝，推介！喝過湯，就是上主菜的時候了！朋友的蒸鱈魚柳配小棠菜。小棠菜入口嫩滑而鮮甜，令人驚喜。鱈魚柳相對地有點失色，入口感覺是蒸過頭了，加上鱈魚本身的味道較淡，雖然不可以說是難吃，但相信下次不會再選了！至於我，則是水牛芝士配番茄沙律，番茄很鮮甜，配

原本同老公打算去cafe landmark 食早餐，未過海時已經11:15， 打埋電話去問原來早餐到11:30 咁就唔博啦，就因為咁同老公嘈起上黎， 佢嬲嬲地見到半島就入左去，俾左代客泊車，就入左lobby。 睇食評多數嘅人都係食lobby afternoon tea. 好小人會係果到食早餐。 坐係隔離嘅都係酒店住客多。 一坐底， 望下個餐牌， 一碗麥片都百幾好貴丫！ 把心一橫，就點左個最貴， 名叫「半島早餐」3xx 加埋一4舊。 點餐時，經理問左好多問題，真係好多野揀(menu 無寫到d選擇, 我係用我有限嘅記憶，憶述講返侍應問過我啲乜諗）飲品 不同種類鮮榨果汁cereal,oatmeal之類蛋嘅煮法肉可以揀腸，煙肉，火腿仲有包類 : toast , waffles, scone, danish, croissant 撇除價錢，概然黎到就好好享受下，半島出名環境好， 服務周到。佢啲餐具都好靚。最欣賞啲刀叉， 係用銀造嘅。杯杯碟碟都係好豪華。 等左都唔夠3分鐘，蘋果汁到左，作為一間頂級酒店，佢所有嘅果汁都係即刻榨🍹）我揀左蘋果汁（ 但因為佢連埋果皮榨所以好澀）， 再黎cereal !

終於試到半島既tea set了!!!!! 一入到去已經有長長既人龍 2pm開始排隊 排左大約45分鐘就入得去了 被分配坐近走廊位 感覺冇其他位置咁好 太大風了 三層既傳統英式下午茶 配上好靚既茶壺 絕對係影相既點😍😍 第一層既 green tea macaroons 比想像中好食 因為本人唔好綠茶食物 覺得冇乜綠茶味幾好檸檬味蛋糕酸酸地超級好食！ 粉紅色既cake 口感有啲似mousse 但有藥水味 第二層既三文魚麵包最好食 青瓜三文治食入口好fresh的感覺😍 鴨肉卷初初以為係吞拿魚包🤣最底係期待已久既英式鬆餅 每人有兩舊 佢提供左clotted cream同strawberry jam 用黎點鬆餅 個人偏好strawberry jam 鬆餅有小小甜 不過還可以啦食左一舊已經飽飽地 為左可以試其他食物 忍痛捨棄第二舊😭雖然覺得冇想像中咁好食 個人認為有d偏甜 但還是很不錯因為一路食一路有好飽既感覺 所以都坐左好耐啦 茶亦都不斷幫我地refill 等左咁耐都覺得值番🤭🤭

無得訂枱，只可walk in當日好神心1點就開始排隊排到頭位,2點就可以入座老實講個tea set係合格以下最底層既鬆餅ok,食得下,已經係全個tea set最好食中層鹹點有3款:煙三文魚三文治可以算上好味,但吞拿魚三文治,芝士蘑菇酥就好一般啦頂層甜品,最中伏就係依層:開心果馬卡龍:如果最上個糖霜花都算入得口檸檬切片蛋糕:太乾身,一般朱古力慕絲撻:如果鐘意朱古力就覺得好正,但太濃感覺好膩覆盆子蛋糕:100%中伏,藥水味全個蛋糕既味都唔夾我都加左35蚊轉左本凍朱古力，係不錯的香濃又滑,飲多幾啖都唔膩環境係無得講,豪華有氣派✨總結：No next time 🙂