半島漁港/阿翁火鍋館 (南昌薈)

半島漁港/阿翁火鍋館南昌薈1樓F102鋪今日同朋友去南昌嘅半島漁港，呢餐真係驚喜夾抵食🤩，唔怪得知座無虛席啦！首先個$1雞半隻真係抵到喊！調味適中肉夠嫩，咬落仲juicy，完全唔似平價嘢嘅質素🐔 然後個上湯波士頓龍蝦伊麵，龍蝦肉彈牙鮮甜，伊麵吸晒濃郁嘅上湯，每啖都夠晒鮮味🦞 蒜蓉粉絲蒸蟶子都好出色，粉絲索晒蒜蓉香同鮮味，蟶子肉厚飽滿🤤另外，職員態度幾好，落單上菜都夠快手，酒樓環境乾淨企理。呢間真係隱世海鮮酒家，$1優惠啱晒平靚正之選，下次要試埋其他海鮮菜式🦞整體埋單486蚊，喺酒樓食海鮮喎，掂❤️#半島漁港 #阿翁火鍋館 #香港生活 #香港美食 #食好西…查看更多

去搵食，梗係揀啲大件夾抵食㗎啦，是晚就黎左半島，佢推出左$1燒味三選一，星期一至五晚都有，超抵呀😆南昌分店超大間，店員好快就帶位入座，入面食客唔少，食小菜同打邊爐各佔一半啦，全場熱熱鬧鬧氣氛唔錯。餐牌實在太多野揀，睇左好耐先決定點咩，附上店員墨寶～⭐燒鵝例牌$1真係無敵抵食，例牌份量唔少，仲有個火烘住，誠意十足啦😋燒鵝皮脆肉嫩仲唔肥，燒鵝汁鹹鹹鮮鮮好正，大堆😍⭐枝竹火腩炆大鱔煲仲叫左大鱔煲，火腩同鱔件都下得多，配料有枝竹、冬菇片、蒜頭等，又香又入味勁好食😋⭐清炒時菜呢餐咁多肉，叫返碟清菜啦，菜心翠綠淋甜。⭐臘味糯米飯冬天啦，又係時候食臘味糯米飯😆軟軟糯糯好香口，啱食啱口味😆食飽飽有糖水送，是晚係綠豆沙～無估到份量咁多，食唔哂打包走唔好浪費😆…查看更多

朋友介紹這間優質酒樓，提供時令優質海鮮及粵式小菜，環境舒適，地方企理。還有三款特價燒味，星期一至五更提供$1優惠，星期六日也有三選一特選優惠，相當抵食。燒鵝以明爐上枱，皮脆有光澤，非常厚肉帶有濃郁鵝油香氣。吃落多汁鮮嫩。鹽焗奄仔蟹是其中一樣我很喜愛的食物，蟹肉鮮甜又多膏，豐富滑溜，甘香無比，用鹽焗令蟹味更突出，香鮮帶鹹。茄子牛仔骨好大碟，份量十足夠鑊氣，牛肉嫩滑唔韌，惹味多汁，茄子口感軟糯入味，送飯一流。…查看更多

同朋友去咗亞翁漁港，果然冇失望！重點推介$1燒鵝，真係抵到爛！皮脆肉嫩，蘸埋酸梅醬食簡直無得頂，呢個優惠唔試走寶啊！蜜糖薯角牛柳粒係驚喜之作，牛柳粒啖啖肉又juicy，蜜糖薯角外脆內軟，甜鹹配搭出奇地夾。蝦仁炒蛋就係穩陣之選，蛋滑蝦爽，睇得出火候夠。最後叫咗個臘味波菜平衡下，菠菜吸晒臘味油香，送飯一流！食飽飽之後，酒樓仲送咗糖水，係煲到起沙嘅綠豆沙，甜度啱啱好，為呢餐飯作個完美結束。呢度d侍應招呼真係唔錯，由帶位到收銀都好有禮貌，令人感覺幾舒服。 已經約定朋友下個禮拜再encore！…查看更多

屋企人鍾意食中菜，所以嚟咗呢間酒樓我哋點咗點了豉椒牛肉粒和一份例湯——鯪魚粉葛赤小豆～首先，豉椒牛肉粒的味道令人驚豔。牛肉切得均勻，炒得恰到好處，保留了肉質的鮮嫩和多汁。豉椒的香氣與牛肉的鮮味相得益彰，每一口都充滿了濃郁的風味，絕對是肉食愛好者的最愛。接下來是例湯，鯪魚粉葛赤小豆的組合讓人耳目一新。湯底清淡而鮮美，鯪魚的鮮味與赤小豆的甘甜相互融合，十分養生。粉葛的口感滑溜，為整碗湯增添了豐富的層次感，讓人一試成主顧。更值得一提的是，餐廳提供的大聖子，每隻只需$88，份量十足，肉質鮮甜，吃上一口便能感受到海洋的滋味。而最具吸引力的優惠則是以一蚊便可以品嚐到乳豬，實在是物超所值。總的來說，菜品的品質定係價格的合理性，都令我十分滿意，絕對值得再嚟多次…查看更多

岩岩出左糧就帶屋企人出去食餐飯，佢地都係鐘意食中餐多，帶左佢地去南昌呢邊既酒樓食飯，呢度平日食有$1燒味好吸引 😄至尊燒鵝1/4隻（$1）個$1燒鵝見到佢皮好脆，鵝肉厚實，肉嫩多汁，$1就食到真係勁抵👏🏻2-3位晚飯優惠套餐（$488） 小食一款沙薑雞腳佢用鍚紙包住，所以特別入味，沙薑味突出，雞腳膠質軟腍☺️老火靚湯個老火湯每日都唔同，佢地係有埋湯渣比客人食，夠曬火候既湯🫕燒味雙拼蜜汁叉燒+燒腩仔叉燒肥瘦適中，有肉汁唔好乾，燒腩仔好靚，皮脆肉嫩，咸味夠，都係一樣有肉汁，又唔會太肥😋荔芋滑雞煲個滑雞煲既雞件全部浸既入個汁度，雞肉滑嫩入味，芋頭幾粉，個汁係偏濃，用黎撈飯食勁夾🐥金銀蛋時蔬食左咁多肉要叫個菜平衡下，佢個湯汁又冇好咸，菜都唔會煮得太老，仍然保持到翠綠，咸蛋皮蛋份量都多🥬呢餐食得好豐富，野食又大碟，4個人食都夠食，有湯，有肉，有菜乜都齊，仲有個$1燒鵝，好鬼抵食👏🏻…查看更多

這是南昌一家傳統的大酒樓，一進門就感覺非常氣派。空間寬敞明亮，乾淨、舒適的用餐氛圍。無論是家庭團聚還是商務宴請，這裡都很合適！🍍 拔絲菠蘿咕嚕肉 「拔絲」的效果不僅視覺滿分，更為這道經典菜色帶來了全新的口感體驗。咕嚕肉外層的糖殼脆而不硬，搭配經典的酸甜醬汁，裡面的肉塊依然保持外酥內嫩，火候控制得恰到好處。熱呼呼的菠蘿果香濃郁，酸甜多汁，解膩又開胃！🍲 沙爹粉絲金菇牛肉 沙爹醬汁調得十分出色，鹹香中帶有花生和椰奶的溫潤甘甜，味道層次豐富，牛肉片軟嫩滑順，充分吸收了沙爹的精華；粉絲和金針菇更是「吸汁神器」，每一口都掛滿了濃郁的醬汁！🍆 四季豆茄子炆豆腐 豆腐煎得金黃，外皮吸收了醬汁，內部卻依然保持豆香與嫩滑。茄子和四季豆燜煮得軟硬適中，清新健康！🍖 叉燒 18蚊就有一碟，平日更加優惠1蚊一碟，蜜糖甜香醃製得非常入味！…查看更多

✨️蠔皇六頭鲍魚扣玉掌 $168鮑魚品質優良，切起時黏刀，口感煙靱。✨️BB猪 (例) 假日價 $88外皮超級香脆，入口溶化，伴有沙糖 和 甜醬一齊食，滋味無窮。✨️花膠四寶羹(小) $118小份都太約有3碗，花膠切左絲，味道更出。羹内裡仲有豬肉絲和冬姑，材料十足。✨六.日特選優惠 灼海蝦 $18 因為是特惠菜，必須要$10 前菜，前菜可選青瓜 或 花生。我就選了青瓜，微辣開胃。返回正題，灼海蝦鮮甜Q彈，大大碟，才$18, 超級抵。汽水(罐) 玉泉冷藏過，夠哂冰凍。備有玻璃杯，方便飲用。📍港鐵南昌帖A出口,歩行約5分鐘…查看更多

講到南昌薈食飯，我成日掛住間「半島漁港」，之前試過覺得幾抵食，今次特地再嚟幫襯，果然冇令人失望！首先要讚「荔芋滑雞煲」，荔芋炆到夠淋，咬落仲有少少粉糯，雞件夠大件，肉質滑溜唔柴，醬汁鹹香夠味，撈飯簡直一流！跟住上嘅「蝦乾粉絲虎蝦煲」都好有驚喜，虎蝦新鮮彈牙，連殼都都好香，粉絲吸晒蝦乾同醬汁，索到满满嘅鮮味 !「清炒菠菜」就夠鑊氣，唔會太油膩，菜葉爽脆，解膩又健康，配住兩個煲食啱啱好。仲有個驚喜係特價啤酒，$30有3罐，凍冰冰嘅啤酒配住熱辣辣嘅煲仔菜，簡直係人生一大樂事！酒樓好大，座位寬闊，服務員都幾快手，街坊feel好重，埋單人均二百幾，下次想食家常菜，一定再嚟！…查看更多

天氣開始轉涼，打邊爐的確係最好不過的活動，尤其是任飲任食的火鍋。同事之間的飯局，三五知己的聚會，以及二人世界的約會，都適合。有海鮮，有牛肉，有刺身，有汽水，有啤酒，不輪男女老幼都適合。最近的工作比較忙碌，約了朋友今天收工後去打邊爐，這間火鍋店的食材很新鮮，價錢公道，環境及衛生程度都不錯，火鍋湯底有10款，可以說很豐富了。由於我的朋友係第一次來吃的，見到他吃得很開心，我也很開心。因為很多時候嘗試新餐廳都會怕中伏。…查看更多

飲飽食醉真是人生一大享受！有咩好得過三五知己圍埋一齊吹水啤啤佢？所以Gathering當然首選放題同邊爐啦！不過一班人出得來食飯，兩粒鐘真是唔夠時間㗎，嚟呢度就fit 曬，因為係無限時半自助任食，坐幾耐都得，仲有啤酒任飲㗎！一於晚餐食到宵夜慢慢傾啦！(≧∇≦)原來呢度食法好得意，分“每人一份“同任食唔嬲，每人一份就包括是日剌身同海鮮，亦都有鮑魚或燕窩(隨機)，而極上手切牛頸脊就會因應人數而有不同的份量，然後仲會可以揀一份雞煲或者豬骨煲或者羊腩煲，三選一。初秋梗係首選雞煲啦，勁辣重慶味啱晒我！剌身方面呢度每人幾塊而且得幾種款，雖然份量唔多，但係質素高，尤其是帶子食起嚟非常鮮甜，三文魚亦都係腩位，好肥美下！原來今日的貴價food 輪到鮑魚花膠，看起來是糖心鮑魚，味道結實飽滿！食完就到任食環節啦，都有好多選擇架！例如有魷魚、鱔片、脆鯇魚、大青口、粉腸、豬腰、豬肚、羊肉片、雪花肥牛、豬頸肉、魚皮餃、小燕餃、魚腐、牛丸、魚滑、墨魚滑、鮮蝦滑、四寶丸、炸響鈴…………等等等等嘩多到數唔曬囉！我决定放棄數落去(>﹏<)因為其實我食完“每人一份“之後已半飽喇！海鮮拼盤上有大蝦、桶蠔、特大蟶子王、帆立貝、墨魚和大花蟹！陣容非常強勁，見到有特大蟶子王真係心心眼！大蝦新鮮度十足，上枱時彷彿還腳伸伸的，所以不用多說，味道自然鮮啦！肉質自然爽啦！最正就係蟶子王，真心大隻，食落真係非常鮮甜！另外強烈推介白鱔片睇下幾咁厚切！塊塊都好有質感架！厚厚的一片食起來煙煙韌韌，肉質非常飽滿！牛頸脊好嫩好滑，口感軟綿綿，而且充滿油花香，在嘴裏便縈繞不散，倍感享受！…查看更多

天氣漸轉寒冷，係時候打邊爐🍲。朋友聚會相約南昌薈半島海港/阿翁火鍋館貪其有無限時任飲任食火鍋，仲贈送海鮮拼盤、鮑汁鮑魚花膠、刺身拼盤、重慶辣雞鍋/澳門豬骨鍋/時令羊腩煲，騎地理位置方便南昌站A出口過馬路，直到南昌薈商場一樓。 湯底款式眾多，有冬瓜瑤柱鍋、皮蛋芫荽湯、招牌鴛鴦鍋、滋補藥膳鍋、秘製麻辣鍋、蕃茄薯仔鍋、姬松茸什錦鍋，總有一款啱口味。刺身拼盤：厚切肥美三文魚🍣、嫩滑帶子、彈牙螺頭、軟糯甜蝦，整體新鮮，婢美日本料理店。海鮮拼盤：竟然有花蟹，肉質紮實，鮮嫩多汁、大大粒扇貝，仲有彈牙肥美蟶子！海蝦呈上時仲郁緊！脹卜卜墨魚仔、仲有啖啖肉肥美生蠔，全部都好新鮮。鮑汁鮑魚花膠：花膠可以補充骨膠原、鮑魚夠晒入味，就咁咬都可以食到，炆得夠腍，熱辣辣鮑汁配西蘭花至尊水餃皇：話明係水餃王，內餡充滿粒粒蝦肉，食得出蝦肉新鮮，保持汁水，仲有雲耳絲增強口感，仲有大地魚粉底味！食咗咁多嘢之後都飽咗一半，但係而家先至進入火鍋直路，打邊爐配料非常多，太多不能盡錄，但係食個美國雪花肥牛都已經回晒本，仲未計佢色澤均勻送贈嘅阿翁極級牛頸脊，口感肥嫩而具彈性，被譽為牛肉的最高境界，牛味香濃！蔬菜及面類有好多款，唐生菜娃娃菜，油麥菜皇帝菜等，金菇，苦瓜，合掌瓜、正有得任夾涼拌青瓜和涼拌雲耳。飲品方面有多款汽水啤酒任飲，有忌廉，可樂橙汁，巨峰提子等、當然唔少得有烏龍茶，鴨屎香檸檬茶茶。總結：食到捧住個肚走 精緻海鮮拼盤刺身火鍋#深水埗#南昌#南昌薈#阿翁火鍋館#半島漁港#火鍋#刺身拼盤#海鮮拼盤#花蟹#海蝦#蟶子#鯇魚#牛頸脊#鮑魚#花膠#雞煲#任飲任食#回本#啤酒汽水…查看更多

欖角骨點了我最愛的欖角骨，因為喜歡這道菜的開胃，酸酸甜甜，跟豬肉是絕配，就像名菜咕嚕肉，黑醋骨等等，而欖角骨還多了欖角的香味，更勝一籌，就是喜歡它的獨特香味。而且還用了大大件的一字骨。用手抓來相當的滋味豪邁。一麵骨的肉質相當好。骨與肉之間位置的半筋半肉是最爽口的，又滋味。吃了幾件都不覺得滯，簡直是停不了口。最重要的是有欖角的香味。它和蒜蓉都切得夠細碎，所以吃起來味道不會怪太搶的同時又吃得到，調味相當成功，單單醬汁已經夠我吃一大碗飯了。…查看更多

曾經去灣仔分店食過晚飯,沒有開瓶費,今日下午想在南昌薈食,都專登打電話去酒樓問有沒有開瓶費,聽電話的服務員答話唔收,我問佢係什麼名字,好等我到店時找她可以方便安排,但她只回答話你今晚嚟度就有位,唔使book,點知去到門口一問服務員,佢話要收100蚊一支開瓶費,我就將電話查询的過程話佢知,以我了解是不收開瓶費的,但她說不是她聽電話,並回答:收100蚊一支開瓶費…查看更多

5月9日大仔仔仲記得世上祇有媽媽好，所以在此酒楼提早為靚媽慶祝一年一度偉大的母親節，順帶請埋揾食肥華呢個肥爸食晚飯。今餐大仔仔在此酒楼所點嘅食品，(一)秘制靚义燒(二)沙薑雞腳(三)鑊仔爆尖椒豬頸肉(四)芥蘭炒牛肉(五) 原隻脆皮咕嚕肉，呢幾款，食品，此店做得非常出色，全是高水準出品。加上今晚此店雖然有爆場盛況，但各侍應員工，個個盡忠職守，换骨碟，加茶水，上菜速度和服移顧客態度都做得非常好，真喺值得一讚美味嘅食品，優質嘅服務，令此餐由大仔仔做東嘅頌母宴攞盡滿分。👍🏻👍🏻👍🏻👍🏻👍🏻👍🏻…查看更多