半島漁港/阿翁火鍋館

營業中

休息中

🍽半島漁港/阿翁火鍋館（油塘）📍鯉魚門道80號鯉魚門廣場2樓208 B舖呢餐真係矜貴又豐富，食材好高級，每樣都食得好滿足！🦐🍲🥢 ～環球海鮮盤 🐟🦞海鮮種類齊全，包括 三文魚、甜蝦、墨魚同帶子等等，入口啖啖新鮮，滑溜鮮甜，絕對係海洋嘅精華！ ～蠔皇鮑魚扣鵝掌鮑魚同鵝掌肉質嫩滑，吸滿蠔皇汁嘅濃香，軟腍得嚟仲保持有口感，滋補得嚟又好美味，感覺非常豪華！ ～阿翁極級牛頸脊🥩🔥用料上乘，牛頸脊牛肉味香濃，油脂分布均勻，肉質特別香嫩好滋味，一大碟都好快俾我哋秒殺，完全食到幸福感，頂級享受🥰～至尊水餃王🥟💥水餃皮薄餡靚，咬落去仲有肉汁，皆因餡料鮮甜，豬肉同蝦肉都好新鮮，好味呀！其實仲有好多任吃嘅食物可以挑選，但係每人限定有的高質食材已經食到我哋好飽，所以都係試咗其他少少，有四寶丸、鮮蝦滑、豬膶、鱔片、大魚頭同炸響鈴，食物款款新鮮好味，真係食得超滿足😍另外值得一提的係經理彬彬有禮，服務殷勤，令我哋食得非常開心，值得推介！😋👍✨

半島漁港食評｜$1燒鵝！油塘抵食中菜推介📍地址：鯉魚門道80號鯉魚門廣場2樓208B號舖 今日喺油塘行到腳仔都軟，諗唔到食咩好，突然見到「半島漁港」！見佢晚市有$1/碟餸優惠，仲要係有得揀海鮮$1咁誇張😱，仲使諗？即刻衝入去試吓！ 環境：地方夠寬敞，枱與枱之間唔會逼夾，坐得舒服，啱晒同班Friend慢慢食、慢慢吹水。 食物： ✔️ 沙薑雞 - 份量十足！雞肉嫩滑，沙薑味好出，仲要夠晒入味，正！ ✔️ 剁椒蒸大鱔 - 鱔肉超彈牙，辣辣哋好過癮！不過小心有骨，食嘅時候要慢慢嚟～ ✔️ 文昌雞 - 雞肉滑到冇朋友！一啖接一啖，個個都話正！ ✔️ 豆腐海皇羹 - 湯頭鮮甜，豆腐滑溜，飲完成個人都暖笠笠又開胃！ ✔️ 咕嚕肉 - 經典港式風味餸菜，酸甜開胃，炸得外脆內嫩，送飯一流！ 重點嚟啦！佢哋嘅$1優惠餸真係堅抵！💥 👉 $1燒鵝，你冇聽錯，真係一蚊雞！皮脆肉嫩，油香滿溢，配白飯簡直無敵！呢個優惠唔係度度有，真係要把握機會！ 總括來講，依間餐廳真係大件夾抵食，晚市套餐夠晒經濟，再加$1餸真係抵到爛！如果經過油塘，一定要試吓！👍 #半島漁港 #油塘美食 #香港中菜 #抵食推介 #

半島漁港地址：鯉魚門道80號鯉魚門廣場2樓208B號舖黎開油塘，行咗成日唔知食咩好，俾我見到依間中菜館好有特色，而且有$1／碟餸優惠😋，唔洗念一於食佢啦😊地方夠大，坐得又舒服！而且款式又多，所有香港特色小菜都有👍超讚！晚市有唔少套餐優惠，大件夾抵食😍叫咗個4-5人套餐，再追加$1優惠餸菜，超正！小食叫咗個沙薑雞☺️大大份，其實都唔小，好入味！讚呀👍剁椒蒸大鱔，鱔肉口感係最正，彈牙，不過有少少骨，同埋係辣既文昌雞雞肉滑嫩，好易入口，肉又多，個個都話好味！豆腐海皇羹，鮮香四溢，滋味豐富，豆腐滑嫩，海鮮鮮美，湯頭清醇！咕嚕肉，個個人都鍾意食！酸酸甜甜又係煎炸野😋好味！當然唔少得係餐廳推出$1／碟餸既優惠啦！真係唔係間間都有㗎！你無睇錯，真係$1！抵到爛😍我就叫咗個$1燒鵝，勁好味，送飯一流😋

復活節留港消費，再訪半島漁港/阿翁火鍋館，因為上次試過他們的無限時任飲任食火鍋，材料新鮮，食到勁滿足！一上桌先來一份炆鮑魚鴨掌西蘭花，鮑魚吃起來爽口彈牙，鴨掌炆得入味，接著是刺身拼盤，包含三文魚、帶子、虾，八爪魚，還有附送的海鮮拼盤，裡面有蟶子、生蠔、鮮蝦、青口、墨魚和凡立貝等，超新鮮的，簡直是奢華的享受！再來是極級牛頸脊，油脂分布均勻，肉質嫩滑，牛味濃郁，真是美味得不得了。而至尊水餃皇更是給人驚喜，皮薄餡足，蝦肉彈牙，吃一口就讓人心滿意足！出面自助區則提供了大量的丸類、魷魚、豆腐，新鮮蔬菜都有好幾款可以選擇，還有響鈴、炸魚皮和公仔麵等。#半島漁港 #阿翁火鍋#香港美食

所謂食過返尋味，上次打邊爐咁正，今晚就試吓啲小菜，有好多優惠套餐，好味又抵食👍 今次分享吓海鮮孖寶同龍蝦👍❤️清蒸游水星斑真係鮮甜嫩滑，魚肉細緻，入口即化，完全保留住海洋嘅原始鮮味🐟🍲蒸魚豉油同蔥絲嘅搭配令味道更加突出，每啖都係精華，簡單但極致享受！❤️大連鮑魚肉質爽口彈牙，鮮味濃郁，配埋特製醬汁，令口感更加豐富，每隻都係矜貴滋味，食落去真係有種奢華感！🐚✨❤️波士頓龍蝦伊麵🦞🍜 又係好正，龍蝦肉質爽彈，啖啖鮮甜，蝦膏濃郁，食落口感豐富，完全係海洋嘅精華！🔥伊麵吸晒龍蝦湯汁，滑溜又帶濃厚蝦香，每啖都充滿滋味，食到停唔到口！😋 整體嚟講，呢餐真係高質，食完回味無窮！😋🥢

🍽半島漁港/阿翁火鍋館（油塘）📍鯉魚門道80號鯉魚門廣場2樓208 B舖呢餐真係好豐富，食材新鮮又惹味！😋🍽️ ～欖角骨角骨🍖鹹香惹味，排骨炸到外層金黃香脆，內裡保持嫩滑，咬落去啖啖肉汁！🔥欖角嘅獨特香氣滲晒入排骨，酸甜味道又平衡得啱啱好😋 ～沙薑豬手（小食）🐷🔥豬手煮到淋身入味，沙薑香氣十足，皮滑肉嫩，食到停唔到口！ ～海鮮孖寶清蒸游水星斑🐟🍲魚蒸得嫩滑，時間掌握得啱啱好，保持住最原始嘅鮮甜，好食到不得了！ 大連鮑魚🐚✨有六隻厚肉爽滑嘅鮑魚，有鮮味，好享受！ ～者者通菜煲通菜爽脆，上枱香氣撲鼻，夠哂家常風味，正😁整體嚟講，呢間酒樓海鮮同肉類都處理得好有心思，調味適宜，食完絕對滿足！👍✨

食物不錯，價錢合理，服務員態度非常好👍雖然每一位服務員都要負責很多枱，但樂於幫助客人，以誠懇態度待客結賬時的收銀員態度悪劣，工作表現差，並對客人悪言相向！難怪人們北上消費都不想幫襯！這些收銀員服務態度真係差勁👎令人不想再光臨🤦‍♀️

啱啱搬來油塘，就去咗屋企樓下呢間半島漁港飲茶，一入嚟，座位非常迫，服務員放低餐具，啲餐具勁污糟，碗都換咗兩隻，完全係未洗乾淨….如果帶小朋友嚟嘅，真係要三思我哋嗌咗七樣嘢食，但普遍都係偏鹹，特別係黯然銷魂飯，叉燒又鹹令到啲飯都好鹹，灌湯餃叫正正常常，不過不失，特登等到11點後叫乳鴿，但都係偏鹹最後一舊都食唔落！薄撐粉漿比較多，所以比較厚，雖然味道唔錯，但唔係我杯茶仲叫咗煎釀孖寶，一般一般啦！ 每次飲茶我哋必叫嘅蝦餃，呢間就有啲遜色，嚟到嘅時候已經蒸到爛晒，皮同餡分開😌

位於油塘鯉魚門廣場既半島漁港，星期一至五晚市推出$1燒味同時令海鮮，另外亦有多款孖寶套餐，價錢親民。🍴BB豬 （例牌） （$1）$1真係好抵食😆份量都唔少，bb豬外皮燒到脆卜卜，肥瘦分明，帶油香😋呢個價錢呢個質素好唔錯 😝🍴黑椒茄子牛仔骨煲 （$148）一上枱夠哂熱辣辣🔥牛仔骨同茄子軟腍入味👅充滿黑椒汁既香，幾惹味，送飯一流🍚🍴孖寶套餐（$218）蒜香雞半隻蒜香雞外皮炸到金黃香脆，肉質幾滑，蒜香味突出🧄非常香口👐🏻蒜蓉粉絲蒸元貝元貝一共有6隻，大隻啖啖肉😍最正係d蒜茸同粉絲，吸哂元貝既精華😋仲有紅豆沙送

早前經過鯉魚門廣埸的半島漁港，見餐廳門外有“一蚊小菜”的推廣，今晚一於去試試。🫕🥣足料老火湯～今日有我至愛的粉葛煲鰂魚湯，湯底濃郁清甜，老火湯只要材料十足，基本上不需任何調味。💲1️⃣每檯都可選$1優惠小菜，三選一有BB豬、文昌雞及燒鵝，識得揀當然揀BB豬，皮薄香脆又少脂肪，沒有半點油膩感。🦐茄汁虎蝦碌～虎蝦大隻，色澤亮麗。乾葱蒜蓉的焦香與茄汁的酸甜完美融合，蝦肉彈牙，鮮嫩入味。🥬蒜蓉炒西洋菜～西洋菜爽脆嫰綠，蒜子香氣四溢。🦪🪿蠔油鮑魚扣玉掌～鮑魚有半隻手掌般大，入味軟糯，鵝掌黏口嫰滑。人均消費$270半島漁港/阿翁火鍋館鯉魚門道80號鯉魚門廣場2樓208B號舖

今日小編去咗油塘鯉魚門廣場嘅半島漁港/阿翁火鍋館，真係食到停唔到口！呢間藏喺商場二樓嘅海鮮火鍋店，絕對係打卡兼滿足味蕾嘅必去之選。首先登場嘅係極品bb乳豬！🐷 呢道菜一上枱已經香氣四溢，個賣相簡直係藝術品！啲乳豬皮烤到金黃酥脆，一咬落去就會聽到「卡嚓」嘅聲音❤️。豬肉嫩滑多汁，入口即溶。最正嘅係佢個醬汁，香甜惹味，將乳豬嘅鮮味提升到另一個層次。真係食到停唔到口呀！跟住係黑椒炒牛仔骨，正到冇朋友！🥩 呢碟牛仔骨炒得香噴噴，黑椒香氣撲鼻。牛肉嫩滑多汁，黑椒醬汁香辣惹味，將牛肉嘅鮮味完美提升。最吸引嘅係啲骨仔，啖啖肉💥，好夠骨感，啲肉仲入晒味，真係食到過癮！壓軸嘅豆豉蒸白鱔，真係一食難忘！🐍 呢碟白鱔新鮮彈牙，肉質幼滑，一啲腥味都冇。最正嘅係佢個豆豉醬，香濃惹味，將白鱔嘅鮮味提升到極致💞。配埋啲薑蔥絲，香口開胃，絕對係下飯之選！總結嚟講，半島漁港/阿翁火鍋館絕對係油塘嘅聚腳點 ！無論係同朋友聚餐定係家庭聚會，都啱哂💯地址：油塘鯉魚門道80號鯉魚門廣場2樓208B號舖

我地點了極品BB豬(半隻)，另外再叫了個套餐極品BB豬，啲皮燒得好酥脆，食落啲皮脆口，肉唔柴口， 食落感覺唔油膩，好食😋一字骨，醬汁見有欖菜，好夠味，味道👌，但骨太大舊，而且骨比較多，比較難咬蝦球，蝦幾大隻，配上酸酸地嘅醬料，食落脆口，可惜有啲油膩，味道幾好富貴斑，魚蒸剛好，都算滑，係無嘜魚嘅鮮味，主要靠鼓油提味，味道👌送嘅紅豆沙，味道普通，好在唔甜整體來講，價錢可接受，服務還好，食物味道還可以

半島漁港油塘分店美 🍽️✨今日我同朋友去咗半島漁港油塘分店，聽聞佢哋而家有$1優惠，忍唔住想試下！😍$1至尊燒鵝皇 🍗我選咗至尊燒鵝皇，真係超值！一/4隻燒鵝皮脆肉嫩，咬落去香氣四溢，肉質滑溜，完全冇失望！而且賣相靚到爆，實在太驚喜啦！✨椒鹽鮮魷 🦑接住嚟，椒鹽鮮魷都唔可以錯過！魷魚炸得金黃酥脆，椒鹽味道恰到好處，食完一口就停唔到！😋白汁明蝦球 🍤白汁明蝦球味道鮮甜，每一口都充滿蝦肉的鮮味，外脆內嫩，真係好好味！🍽️海皇粉絲什菜煲 🍲呢個海皇粉絲什菜煲真係一大碗，海鮮新鮮，粉絲吸晒湯汁的精華，味道濃郁，令人回味無窮！😍口水雞 🍗🔥最後，口水雞就係我心目中嘅最愛！雞肉嫩滑，配上特製醬汁，香辣入味，根本一口唔夠！🤤環境都好舒服，服務態度一流，店員笑容滿面，真係令人感到好開心！👍

明天假期，今晚和老公去打邊爐。朋友介紹這間火鍋放題的食物非常新鮮，而且價錢實惠。星期一至五只需$268一位，而且無限時任飲任食。酒樓地方很大，坐得很舒適。我們都吃得很飽很滿足。重慶辣雞鍋湯底香辣濃郁，雞肉鮮嫩入味，搭配各種香料和辣椒，讓人吃過不停。不嗜辣的我就覺得辣了一點，但老公則覺得味道很好，十分惹味。蠔皇鮑魚扣玉掌鮑魚很鮮嫩，蠔皇醬汁濃郁，讓鮑魚的鮮味更為突出。鵝掌亦非常入味。刺身拼盤三文魚厚身，蝦肉鮮甜，還有帶子、赤貝，全部刺身都很新鮮。至尊水餃皇水餃的外皮薄而有嚼勁，內餡有4隻鮮蝦，味道鮮美，每一口都能感受到蝦肉的鮮甜，非常滿足。環球海鮮拼盤拼盤中的海蝦、蠔、蟶子和帶子等時令海鮮新鮮無比。阿翁極級牛頸脊牛頸脊肉質鮮嫩，油花適中，在火鍋中灼一灼便可吃，肉質更加軟滑，味道濃郁。我們點了胡椒豬肚雞鍋湯底。其他的食材如美國雪花肥牛、黑豚肉、鱔片等，均質量上乘。我們還點了脆鯇片、鮮蝦滑、墨魚滑和炸魚皮。配料區自助的配料區提供了多款新鮮的蔬菜和丸餃類，烏冬、菠菜、娃娃菜等都新鮮可口。特別推薦鵝腸，口感爽脆，令人驚喜。飲品與環境飲品選擇多，還有汽水啤酒任飲。

店名：阿翁火鍋館/半島漁港地點：油塘鯉魚門道80號鯉魚門廣場2樓208B號舖1.古法雙東羊腩煲羊腩煲非常出色，羊腩淋身，醬汁惹味，配料豐富，有枝竹，馬蹄，冬菇，大蔥，仲要係份量十足，羊腩份量足，炆嘅時間又充足，真心推介2.環球海鮮盤會配上時令海鮮，今日有蟶子，扇貝，魚，蝦同埋生蠔，樣樣新鮮3.刺身拼盤刺身肥美，今日有蝦、三文魚、帶子同螺頭，師傅會因應時令海鮮，自行提供四款4.至尊水餃皇水餃皇不愧水餃皇，有成隻嬰兒拳頭咁大，食嘅時候發現去面嘅餡料有六隻蝦，食到嘅時候都我哋都哇左一聲，勁香麻油味5.阿翁極級牛頸脊佢可以選擇本地手切肥牛或者極級牛頸脊，咁話明極級牛頸脊，梗係試試佢啦，佢會用人頭去分返我地嘅份量，2-3人會係細份，但唔好以為細份就真係好少，嗰度都有十幾塊，油脂分佈均勻，入口好好食6.蠔皇鮑魚扣鵝掌鮑魚非常淋身，唔駛好用力就咬開，非常正，鵝掌正，不過記住趁熱食食完上邊幾個菜式，就可以打邊爐啦😂，不過大家要注意，如果想選湯底（冬瓜瑤柱鍋，皮蛋芫茜鍋，招牌鴛鴦鍋，清湯鍋同龍蝦鍋「需另+88」）只可以選擇重慶辣雞鍋，另外二個鍋（豬骨鍋及羊腩鍋）只可以加湯打邊爐。想食羊腩鍋嗰啲第一時間叫