半島宴會廳阿翁火鍋館

之前食過晚餐，今日試吓飲茶，估唔到咁抵食，食物質素正常，唔算有太大驚喜，但呢個價錢，性價比絕對高。而且選擇亦都非常多，份量亦都好大份。唯一不足嘅地方係，無鳳爪排骨飯食。呢度地方好大，有好多張枱，所以比較容易搵位。鍾意食芫荽嘅人，可以試吓鯪魚球，我覺得好食。花生甜薄罉，小朋友最鍾意食。招牌海鮮腸粉，真係有多款海鮮，餡料都多。蝦餃，皮厚。小籠包，皮厚，唔推薦。煎釀虎皮尖椒，非常辣，鍾意食辣嘅人，唔好錯過，必食。…查看更多

以前食開天水圍頌富個間，但近排係元朗開左分店，貪近就來食晚飯。首先叫左個菠蘿咕嚕肉，睇賣相就唔錯，似乎係原個菠蘿切出嚟，不過就功高蓋主，個咕嚕肉係麻麻哋，雖然係細細粒容易食，但係就炸得唔夠酥脆，食菠蘿開心過食咕嚕肉。跟住就係個金蠔煲，唔錯，金蠔粒粒都好大粒，雖然份量就少咗啲，但係蠔呢d食得多都漏啦，所以我係OK嘅。最後就係金銀蛋浸時蔬，估唔到呢味最簡單反而做得最差，我見佢用咗白菜都已經有少少失望，雖然時蔬都係好似開盲盒咁，但係舊幾水俾白菜人食，真係有人會高興咩？重點係味道真係唔得，唔知係啲鹹蛋問題定係點，我食到有浸酸味，當然酸得來係接受到，唔係即時要投訴嗰隻。總括成晚最唔滿意係呢味。…查看更多

今日行經元朗呢間半島宴會廳阿翁火鍋館，見到佢嘅文昌雞$1就有半隻，真係非常抵，即管去試吓😍🔥 沙嗲金菇粉絲肥牛煲沙嗲濃郁惹味，肥牛嫩滑吸收晒沙嗲汁，入口香濃😛粉絲掛汁能力一流，完全將湯底精華鎖住，加埋金菇，爽口又帶出層次感🍲🐟 豆豉鯪魚炒油麥菜豆豉鯪魚鹹香十足，炒得入味，配上清爽嘅油麥菜，完全唔會過膩，仲鑊氣十足🥬🕊️ 紅燒乳鴿（兩隻）乳鴿燒得外皮金黃香脆，皮脆肉嫩，正🔥🍖 文昌雞（1/4隻 | 半隻）文昌雞肉汁豐富，份量夠晒足，口感滑溜，絕對係超值🐔✨臨走之前，店員仲奉上一人一款紅豆沙，非常滿足！…查看更多

尋日同老婆喺Yoho睇完戲諗住跟手食晚飯，喺商場入面揀嚟揀去都揀唔啱，心目中就想食海鮮小菜既，最後揀咗係Yoho附近嘅半島宴會廳，商場行去大約5-6分鐘倒都非常便利，去到大約06:00上面仲有好多位，裝修好靚有貴格👍🏻，座位寬闊坐得舒服， 坐低隨即點菜，揀咗【是日孖寶】西澳龍蝦伊麵底配清蒸沙巴龍躉仔($338)，沙薑豬手($68)、鹵水豬腳仔($68)，最後仲用埋個晚市優惠($1)揀咗極品BB豬(1/4隻)，除咗蒸沙巴龍躉仔之外其他菜式都好快送上，先嚟1蚊BB豬份量都夠兩個人食，夠哂皮脆肉嫰好食又抵食，鹵水豬腳仔煮得好入味相信炆咗好耐咬落去做到骨肉分離，至於沙薑豬手就剛剛相反，做到皮同肉都好爽彈再配合埋個沙薑汁 真係好夾，龍蝦伊麵食得出個肉質新鮮唔係雪藏貨， 配埋上湯焗嘅煮法都好好食，最後出場嘅沙巴龍躉仔 雖然唔係好大條，但兩個人 都好夠食蒸得啱啱好唔會老配合個豉油汁非常滋味， 呢度整體食物水準都好高，現場侍應服務都好好時常幫我地換碟，如果第日行開呢頭又想食小菜，呢間一定係首選👍🏻👍🏻…查看更多

呢間餐廳主打豪華任飲任食火鍋，食材質素遠超一般放題 🤩🔸 海鮮拼盤新鮮度超驚喜！有生蠔、蝦、元貝、墨魚仔、青口及魚片，全部都很鮮甜 😍 特別是元貝，很好吃 🤤🔸 刺身拼盤有三文魚、帶子、魷魚及蝦，想不到質素比日式放題更好 🥰🔸 極級牛頸脊油花細膩，涮煮後肉香濃郁，口感軟嫩帶嚼勁，喜歡牛肉人士必點 👍🏻🔸 雞茸燴燕窩湯底醇厚，燕窩滑嫩，足見師傅功力 🙌🏻任食任食選擇包括多款肉類、手打丸類、時令蔬菜及眾多飲品 😎 環境寬敞舒適，服務周到，適合聚餐，整體而言值得一試！…查看更多

元朗終於有半島漁港、阿翁火鍋館啦🎉🎉之前已經食過其分店嘅火鍋、小菜。覺得不論材料、味道都十分出色！可以一直去幫襯火鍋店保證任食火鍋性價比非常高。每次都係最期待呢碟肥牛⋯⋯非常滿意冇得彈，肥瘦均勻又有牛味海鮮配料一點都唔馬虎，每款都非常新鮮。我最欣賞係石斑魚，不單止厚，一層層魚肉連爽彈魚皮！超鮮甜！又係我最愛厚切三文魚刺身，只能夠用肥美來形容。今次要咗個消暑嘅冬瓜瑤柱湯底，好濃郁嘅瑤柱味冬瓜亦都清甜。…查看更多

最近元朗嘅半島宴會廳阿翁火鍋館做緊大優惠，「至尊燒鵝1/4隻」只係$1咋😳 立即同家人黎食飯試下😛🌟粉葛赤小豆煲豬展🥣粉葛煲得夠晒入味，赤小豆帶來微微嘅豆香，加埋豬展，令湯底更加濃郁但又唔會過膩。飲完即刻感覺暖笠笠😍🌟豆豉鯪魚炒油麥菜🐟豆豉鯪魚味道香濃但唔會搶味，加埋爽脆嘅油麥菜，咬落去口感豐富，仲帶有豆豉微微鹹香😳🌟脆皮蒜香雞（半隻）🐔雞皮炸得香脆，入面嘅雞肉仍然保持嫩滑，唔會乾柴，每一啖仲帶有惹味蒜香☺️🌟🪿至尊燒鵝（1/4隻）燒鵝外皮燒得金黃香脆，肉質厚實又多汁，搭配一點點梅子醬，酸甜開胃，提升整道菜嘅味道🔥食完飯，餐廳仲送一人一碗紅豆沙，大滿足❗️半島宴會廳阿翁火鍋館 …查看更多

成日喺Yoho 搵食，食到悶悶地，行過少少去鷄地搵食，發現呢家酒樓已易手做阿翁火煱。見個無限時任食火鍋好扺食，只需要$268 加一。個任食套餐好大堆頭，好多野揀😁包個環球海鮮盤，有6-8款時令海鮮，好期待呀！之後要選食辣鷄鍋定豬骨鍋，食完再打邊爐，湯底我地揀左個招牌鴛鴦鍋（元茜皮蛋及番茄）。套餐包埋數款刺身拼盤、水餃皇、極級牛頸脊，鮑魚扣玉掌或鷄蓉燴燕窩。另外，亦有多款可自取食物、飲品，呢個價錢真係無得彈。先黎左個鷄蓉燕窩暖暖胃，材料足，食落滿口都好滿足。雞窩嘅雞件配埋d香葉，整得好惹味，但都唔敢食太多，要留肚。趁食物未上，出左去自助區拎左d蔬菜、菌類、丸餃類、麵類食住等。肉類就要以點紙嗌的，落單後廚房直出，以保食物安全、衞生。海鮮拼盤及刺身質素唔錯，推介蝦、帶子、墨魚都的新鮮、鮮甜。水餃皇亦係必食，唔知係咪自家製的，jumbo size , 滿口蝦肉，彈牙又爽口，真想再encore。極級牛頸脊係必食，估唔到分量好多，係出面食要幾百蚊嘅質素。飲品亦有數款選擇，鍾意飲啤酒嘅，都可以啤啤佢。今晚真係食到捧住個肚走，可惜又做左大嘥鬼，應該要俾多啲耐性等啲正嘢嚟晒，食完唔夠先再點自助區食物。呢度性格比高、重要冇時間限制，可以慢慢食慢慢傾，值得再黎encore!…查看更多

早幾日同老公行元朗Yoho，睇咗好多間食肆都唔太啱心水，老公跟住話想打邊爐仲要係港式嗰隻，跟住就搜尋商場附近就發現有間半島漁港係任食打邊爐仲要係無限時😁，跟住我地就行咗6-7分鐘到就去到呢間半島漁港，上到去店員安排我地入坐，現場環境裝修金碧輝煌乾淨又企理，好有以前高貴酒樓嘅格局👍🏻，喺呢度任食火鍋價錢係$268一位加一，我地先落左個姬松茸雜菌鍋底，跟住食物陸續送上，嚟咗個至尊餃王、刺身拼盤(有三文魚、帶子、甜蝦、墨魚)、雞蓉燴燕窩、海鮮拼盤( 有大蝦、生蠔、龍躉件、扇貝同青口)、阿翁極級牛頸脊(細)，真係淨係食以上呢啲已經足以回本而且質素仲要好高👍🏻👍🏻👍🏻👍🏻，特別要講牛頸脊真係頂級，剩睇雪花紋理同色澤已冇得輸，食落有牛味又好淋滑，我老公差唔多成碟食哂，另外仲有啲單點嘅火鍋配料有脆鯇片、白鱔片、四寶丸同黑豚肉，出面仲有兩個大雪櫃有一啲火鍋嘅食材譬如，丸類、蔬菜、烏冬、炸魚皮同鵝腸等等，同埋一個飲品櫃選擇都幾多啤酒汽水樣樣有，呢度侍應都好好服務，時常都會嚟加湯同埋換碟，食物新鮮之餘質素又高，所以下次行開呢頭要打邊爐一定揀呢間，另外現場廚房嘅櫥窗見到好多燒味同燒鵝睇見都流哂口水，有機會會試埋小菜同燒味先😋…查看更多

三月尾突然天氣又轉涼，今晚得12度咋，咁涼爽最啱去打邊爐。近近地到左屋企附近的半島，平日晚$268一位，八點後入坐有八折，價錢幾抵喎。是晚全店滿座，大部份都係點火鍋。套餐包括刺身一份，海鮮一份，靚牛一份，其餘食品就任食嘅。是晚海鮮盤有蠔、青口、帶子、蝦、墨魚仔同龍躉片，幾鮮甜呀。刺身都新鮮，可惜唔係任食😂湯底要左滋補藥膳鍋，滾起左陣藥材味都幾香👍阿翁極級牛頸脊，靚牛真心正，又嫩又滑入口無渣。至尊水餃皇 & 雞蓉燴燕窩，呢兩樣都係按人頭計的。任食火鍋料有落單有自助，個人大推鱔片，新鮮切起又爽又彈牙，勁好食！名碼實價，無茶位費無醬油費，由入座食到收檔無限時，我見好多食飽飽嘅都坐住飲啤酒吹水，好不寫意😎…查看更多

平時同屋企人去開天水圍間阿翁飲茶同打邊爐，超興奮佢近排連元朗分店都開埋啦。見佢呢排推出$1燒味優惠，可以揀BB豬，燒鵝或者海南文昌雞，呢晚冇煮飯就同屋企人去咗食晚餐啦。我哋揀咗$1半隻文昌雞，再嗌咗個晚市優惠 $398 3寶，呢個餐勁抵，包左原個菠蘿咕嚕肉，白汁明蝦球，清蒸富貴班一條。雖然係套餐，但係一啲都唔差！蝦球大大隻，配埋沙律醬汁好開胃；咕嚕肉簡直讚嘆，即嗌即炸，豬肉好嫩；富貴班魚肉細嫩，完全唔腥。今餐好滿足，臨走前仲送每人一碗紅豆沙。…查看更多

趁晚市優惠相約爸爸到元朗新開的「半島漁港」晚餐，整體體驗超出預期，7點多來到，餐廳的客人好多，幸好酒樓佔地很大，未滿座。首推$1優惠的1/4隻至尊燒鵝皇，份量十足，足夠2-4人分享。燒鵝以燭台保溫，吃到最後仍微暖，肉質軟腍不柴，皮下脂肪適中，燒得很好，入口甘香鵝皮微酥脆，鵝脾啖啖肉超滋味，難怪是招牌菜。$1還可選擇bb豬、文昌雞、魚或海鮮等。豉椒炒蜆$108 鑊氣十足，蜆肉炒得剛好不會過老，雖然醬汁味道較濃但仍吃到蜆鮮味，洋蔥與三色椒增添爽口感，配白飯一流。大龍躉兩味$338 展現師傅功架，金銀蒜蒸斑頭腩蒜香撲鼻，魚肉嫩滑帶膠質；蜜糖豆炒龍躉球則以甜椒、雲耳同炒，甜椒清脆帶天然甜味，龍躉球厚切彈牙，一魚兩吃夠抵食。飯後贈送的紅豆沙意外驚喜，陳皮香氣濃郁，甜度適中，為晚餐完美收尾。服務方面值得一讚，店員換碟勤快，經理更主動發現有菜式出品不合標準，即時拿走重做，誠意加分。見鄰桌龍蝦伊麵很吸引，$398套餐有龍蝦與沙巴龍躉，可惜當日售罄，留待下次再試。…查看更多

最近在網上得知元朗新開的半島宴會廳阿翁火鍋館，晚上有小菜或者火鍋選擇，還有限定小菜$1優惠，我們看到這麼吸引當然要去品嚐這間中菜。入到去，近門口看到大大的魚缸，巨型龍躉好震撼，以及鄰近掛滿燒臘的燒味部，有專人即場燒製；這裡環境亮麗，裝修雅致，地方非常寬闊，完全不會有壓迫感，舒適寫意。至尊燒鵝皇        $1見到晚市有好多優惠，極品BB豬、至尊燒鵝皇及海南文昌雞全部都是 $1  ;  還有時令 $1 優惠，白灼海生蝦、金銀蒜蒸生蠔、豉汁蟠龍鱔、梅菜蒸原條吊水鯇及蒜蓉粉絲蒸元貝，真的很實惠。另外，優惠三寶 $398 一樣都好划算。三款 $1 燒味優惠，我選擇燒鵝，皮脆肉嫩，新鮮即切且啖啖肉，聞到濃郁的鵝油香氣，好好吃。魚湯野菌浸魚肚       $138鮮味上湯，飲落好清甜，魚肚和野菌都吸滿湯汁，口感清爽，與翠綠白菜一起吃，口感豐富，鮮嫩爽脆。漁香茄子        $108這款都可以是吃小菜必吃的餸菜，一上枱已經聽到咋咋聲，煲是熱騰騰的，令到咸香氣散發出來，裡面有好多茄子和肉碎，新鮮的茄子吸入醬汁味道，鹹鹹香香，好惹味，用來送飯一流。瑤柱蛋白炒飯      $138瑤柱炸至金黃脆脆，好香口，炒飯粒粒分明，鑊氣十足，吃起來每口都滲出瑤柱鮮香，炒飯份量十足，真是不簡單的炒飯。最後送糖水紅豆沙，香甜潤喉，滿足了！…查看更多

原本一家人去食晚飯，訂左一圍12位，但去到竟然無mark到位，又要後補返。之後發覺原來好多人訂左位，都係無位無留枱要等，咁究竟book位訂左位係做咩？最後等得太耐決定走人。。。…查看更多

與天水圍的半島比非常垃圾但以這樣的價錢食到打邊爐還是可以的若果你想體驗打邊爐，值得一試希望你過到去不要嫌上菜速度慢嘢食質素正常沒有特別驚訝只有特別驚嚇希望你用餐愉快…查看更多