千鳥Shabu Shabu (彌敦道)

油麻地旺角一帶為美食天堂眾所皆知，平時行街只有見到一人燒肉餐廳，例如燒肉LIKE 、牛繁等等，近排睇Thread見到一間大熱的日式火鍋店，叫做千鳥しゃぶしゃぶ，呢間火鍋店係一人一鍋模式，即是一人獨食又得，多人共享都可以，仲發現原來地點同小妹居住點近在咫尺😍琴晚就同老公去咗食啦！昨晚大概七點搭三去到千鳥，已經要攞飛排隊等位啦，好彩早咗少少🤏🏻到咋，越晏越多人等位呀，因為呢間餐廳係沒有限時㗎，非常難得🤩好彩人流都算好快，等咗大概三、四個字就入得嚕😎店內環境非常舒適優美，兩人座位有撐枱腳座位及排排坐座位（意思是膊頭掂膊頭果種），小妹兩公婆被安排坐排排坐座位🤭小妹與老公「肥C大隻」排排坐都唔覺得迫，張枱都算幾大架，腳長都不怕，冷氣夠強一啲都唔熱❣️抵讚呀🥰🥰餐點方面係以套餐形式提供，每一份套餐都包括前菜、飯、湯底、肉類、野菜盛合！價錢由最划算$68到最貴價$198，套餐份量仲分為150g、250g、350g，一個人食絕對夠飽。肉類擺盤非常精美，睇落份量好多㗎，仲可以用靚靚價錢食日本A5和牛；野菜盛合有菇有菜有南瓜🎃仲有少有的心內美蘿蔔添😍；唔想食白飯可以加錢轉食烏冬、拉麵或玉子雜炊飯；湯底合共有六款揀，免費的只有豬骨湯及日本昆布鰹魚湯，其餘的要加錢改配。小妹兩公婆每人叫一個餐，一個配白飯，另一個配玉子雜炊飯：🍲極上千鳥套餐（$168/250g）肉食：日本A5黑毛和牛上肩肉、特級牛舌芯［牛舌最粉嫩部位］、美國特級牛板腱🥬🍄‍🟫野菜盛合湯底：日本昆布鰹魚湯主食：玉子雜炊飯（+$12）前菜：芥末枝豆&醋薑🍲幸福滿滿套餐（$148/350g）肉食：美國特級牛板腱、美國特選安格斯牛肩胛肉🥬🍄‍🟫野菜盛合湯底：自家製鮮番茄濃湯（+$15）主食：白飯250g前菜：芥末枝豆&醋薑兩份套餐共四款肉食，除咗牛肩胛肉牛味比較騷之外，其他都非常好食丫，小妹的番茄濃湯超級濃厚，第一個感覺係似龍蝦濃湯，如果配烏冬一定超級完美❣️前菜酸酸辣辣超解膩😚玉子雜炊飯被直男老公讚好有儀式感🤭🤭。因為火鍋食到差唔多先再同店員講可以上炊飯，店員會親自上陣，將雜炊飯材料：白飯一碗、日本蛋、黑椒碎、紫菜絲、蔥花、芫茜、櫻花蝦及拌飯素，逐一在眼前調製給你食😳如同直男老公所說「真係好有儀式感！」…查看更多

前兩日經過油麻地見到好多人排隊，本來想食隔離嘅sukiya，但因為sukiya太多人排唔到😅所以試咗呢間澳門過江龍！上網見佢標榜係$68起嘅火鍋，但其實$68嘅選擇唔多，只係有牛五花同兒童餐揀，素食火鍋就$78！因為我擔心牛五花太油，所以我就叫其他選擇，其他嘅選擇由$118起250g！套餐包括一個野菜盛盒，白飯可以自己揀份量（大中細size），湯底，肉類，前菜（青豆同子薑），份量打卡一流！我揀咗壽喜燒湯底要加$15，壽喜燒湯味道幾濃，甜味好夠，我個人嚟講係幾鍾意！點埋生蛋食其實都好滿足！我嗰日係平日晚上7點左右排隊，大約等咗半個鐘頭左右，人流都去得幾快。最後連加一兩個人埋單係$300，人均$150…查看更多

喺網上睇到好多推介呢間話抵食心思思一直想試 但經過幾次都排長龍今次計啱時間17:30夜場一開始就即入揀咗特選千鳥套餐（牛肩胛+豚五花250g）+350g白飯+蕃茄湯底一個人食成枱嘢 枱面少少逼 但土地問題都可以將就下份量方面呢個叫法剛剛好 雖然啲肉切得比較大片 所以好快都食曬啲肉 但啲白飯撈咗蕃茄湯 再加上又有啲菜、金針菇最後都飽肚蕃茄湯真係好一般 唔夠濃味 唔係好值得加$15 好淡 所以啲肉最後撈啲醬油食計埋加一$157 比起開業已加價 抵唔抵就見人見智了…查看更多

見dpost講到$68就有一set 話幾抵d肉吾錯 就去試下 $68系得150g牛五花一個set 系最平個個 其他都貴d 叫左個豚梅花150g 豬骨湯 $78 之前見do餐牌好似只系$68 加左價？ 但黎到比碟牛我 我即刻問 呢個系豚梅花？個職員有d口音 唔知聽吾聽得明我問麥 答我系豚梅花 但個樣明明系牛五花 牛同豬個分別都好明顯 再問另一個 即刻話換翻比我 個牛五花好彩無叫 白色肥膏多過肉既部分 隔離位食完 成個鍋面一層厚厚既油 牛五花隨時差過吉邊大家樂個d個豚梅花系OK既幾嫩吾鞋 150g細食人就夠 加$12要炊飯 其實個飯味道OK但吾系話好特別好好食 偏鹹 自己系屋企都易整到個湯底唔係最hea最cheap個種 價錢甘平現成都好難避免 接受到既 似超市一包包 一包一公升個d日本湯底 但好鹹 未煮野第一淡已經覺得太鹹 懷疑加左鹽 餐包一碟菜 入面得幾條海鮮姑 dd金菇一粒冬菇1/4條娃娃菜 3/4條小棠菜 兩片南瓜 一片紅心蘿蔔 吾夠喉 明明菜啊菇啊都好平 少到呢轉炊飯要加錢 野飲又要加 免費湯底得兩個 轉壽喜燒湯底又要加 白飯轉烏冬/拉麵又要加 可樂都$10罐 免費水都無 仲要加一 加加埋埋都百令 叫多d肉加送自然系加錢 甘最後要百令蚊包一碟肉火鍋既有好多選擇 人地有埋自助吧任食飲品任飲隨時有埋雪糕甜品添 系度叫多d肉加下飲品都2百令 甘我直頭可以去食放題火鍋啦 洗麥甘樣樣得少少 想多d麥都要加錢 水都無一淡 都要$10支 陰d陰d加到隨時雙倍 排餐懵 位窄窄 菜又得雞碎咁多 服務又一般 真係唔建議大家去食 貪新鮮試一次可以 但真係無吸引力再食 吾會翻兜…查看更多

最近油麻地開咗一間新嘅日式火鍋，見到好多人講，門口仲好多人排隊，排咗差唔多2個鐘先食到🥲希望之後有方法改善呢個情況今次四個人去食，四人枱都算闊落，坐得舒服講返野食！旺區嘅地舖嚟講，呢個價錢算係非常抵，最平$68都嗌到牛餐嚟食，仲有前菜不過，難得排到入去，就嗌咗另一個人氣No.3！250g肉加250g飯，以我嘅食量係十分飽，再有機會食嘅話應該150g飯都夠肉嘅質素對得住價錢，昆布湯底食到最後有啲太鹹，建議唔好最後先食菜🤣…查看更多

見新開張就搵日下午去左試一試真係有驚喜環境乾淨，店員服務態度良好，亦都好醒目套餐選擇都好多最終同朋友share大一兩個餐一齊食左一個豬梅花肉（250g),一個極上千鳥套餐(250g),轉左食烏冬啲肉嚟到好靚仔，牛舌好好味好正，個湯亦都好濃味見到隔籬枱最後食炊飯超級吸引不過已經太飽食唔落無加到😂食物及服務資素，環境都好好…查看更多

抵食好食服務好座位舒服夠大，裝修新冷氣足，三十幾度中午shabu shabu 都唔覺得熱服務態度非常好，兩位阿姐同一個男人都好有禮貌兩個餐 350g ，250g lunch 食到好飽呢個價錢性價比大…查看更多

旺角新開既Shabu Shabu🎏位置幾方便 好近地鐵站全日套餐🍲$68起有1x款選擇🫢選擇幾多仲有兒童餐可以叫好小shabu shabu餐廳可以叫下次會試下其他set🥢美國安格斯牛五花套餐(豬骨湯) $68 套餐包括前菜,飯,肉類,野菜盛盒店員拎上黎既時候已經見到牛肉好靚 唔係細細塊既 食落去肉質好滑 唔會話好嚡既豬骨湯唔會好鹹 加埋牛肉食岩曬中意食好既你一定要去試下…查看更多

油麻地新開抵食一人日式火鍋 最平套餐只係$68😱今次試吓⭐️美國安格斯牛五花套餐 150g $68套餐包左 前菜, 湯底, 牛肉, 飯, 蔬菜籃今次揀咗⭐️自家製鮮蕃茄濃湯$15👌🏻蕃茄味都唔錯 亦都有幾舊蕃茄同埋⭐️日本清酒白貝蜆湯$15😋真係落咗新鮮蜆肉 湯底酒香味幾重如果想高級啲 亦都可以選擇⭐️日本A5黑毛和牛套餐$198 200g仲有⭐️北海道人氣套餐$198有日本A5黑毛和牛肩胛小排 同埋日本北海道豚五花250g肉眼可見和牛油花勁靚 份量啱啱好.餐廳亦都有自家製冷泡茶最後打完邊爐可以加多個飯 再落埋雞蛋 調味料🥰一個好簡單玉子雜炊飯咁就完成啦.千鳥日本Shabu Shabu地址：油麻地彌敦道552號地下(咸美頓街、碧街段）營業時間：星期一至日12:00-15:30；17:30-02:00**最後入座時間: 01:00…查看更多

油麻地新開式日本Shabu Shabu，門面同裡面裝修都好靚，睇落好似貴店，但一睇menu，$69都有交易，痴線真係茶記價！一人一爐，擺盤又靚（最鍾意兜菜），咁嘅價錢牛肉質素真係掂，自己一兜湯底，鍾意點溝都得，唔駛就人哋，整體價錢，味道，質素都絕對唔錯！我哋幾個人都叫咗幾個唔同嘅套餐，又可以Share一齊食；食完淨返個濃湯底又可以打埋個飯落去，成個餐真係可以全部食晒唔會嘥😂😂😂（個人最鍾意埋尾個飯）食到平又靚嘅嘢，即刻變開心仔！🥳🥳🥳…查看更多

加班放工路過，見這個位又轉新舖，門口店員熱情介紹是澳門過江龍，喺澳門須然不是開在旅遊區，但是每晚必爆嘅人龍店，便和同事入去試試，套餐形式，不是放題，十幾個套餐選擇，價位中下，你要食和牛最貴都唔使200，最經濟68有交易，咁又真係抵過大X樂，起碼坐得預服，我哋兩個超級肚餓，梗係食2個250g肉啦，上檯盤肉超誇張，我試咗個蜆湯，都有7-8粒蜆，最攪鬼係套餐飯可以揀大、中、細，大食積都唔怕唔飽，最後我哋兩條友唔使1個鐘，掃晒檯面所有嘢，睇落以為唔多，食完先知真係飽到頂，小店沒欺場，值得支持。…查看更多