千賀水產の鮮鍋道場

這個水產鮮鍋道場有海鮮放題火煱跟熟食自助餐，飲品，甜點任食，很吸引。熟食味道還可以，但海鮮很不新鮮。火鍋不論order 什麼味道的湯底都是一樣的味道，是沒有味道像水一樣。幫襯過一次都不想再幫襯了。…Read More

完全唔知自己食咗啲咩，好差，不知道為什麼那麼多人説好食，外面放題的長腳蟹、青口等千年雪味，咩都好難食，得個牛肉還可接受，其他嘢都好污糟和不新鮮，等一次食放題心咁難受，300一位真心不值，外面茶餐廳60多的火鍋都好過距。…Read More

叫咗牛同豬都返唔到邊樣打邊樣淨係得雪味一條條蟹腳完全係得個殼入面啲肉 好鹹好似食緊鹹魚咁，嗰啲用zipblock住既生果似雪咗一個月， 凍到牙都甩.... 最正常嘅甜品就係豆腐花, 真係請我都唔會再去…Read More

牛氣，見佢叫牛，原來都有豚肉嘅。不過入去攞嘅，唔係打邊爐，係為左食其他嘢嘅。蛋 向my favour，好入味，再有唔太辣嘅魚蛋同蘿蔔，啱口味。仲有牛牛蕃薯包，記得出面見過真係牛肉包，但今次呢到個係甜包，唔太甜，但個樣夠甜。其車仲有春卷之類食物，味道普通，但種類真戊唔少。打邊爐嘅配料，講真都唔算多，但D食材新鮮，仲要有D自家制或者日本食材，感覺好高質。好似紫芯蘿蔔，仲有好似手打的烏冬，好煙韌同彈牙，呢個都好值得試。仲有拉麵，完全鮮制D麵粉仲痴住個麵，不過食唔到咁多了，食左烏冬先，下次再試拉麵。蕃茄湯底，唔算濃，但係似新鮮嘅，加豚肉唔覺有蕃茄味，但係如飲啖湯又ok嘅。個魚蛋魚好得意，真係好似魚蛋，但個樣搭夠。其他配料，一般打邊爐都類似，但佢選材整體較高質嘅。最後就係甜品時間，包括奶凍，puff，但最引就係綠茶蒴餅，真係不得了，好味到食左一大碗。總結，抵食，好食，同埋個感覺衛生，高質，一定再黎幫襯。…Read More

平日1:30PM 到，可以直入! 無論你叫咩餐都好， 3:30PM就 last order,  4點要清場(見到有幾位女士兩點半左右入座，叫咗最貴個隻4個鐘任飲任食，其實都幾唔抵 )我哋叫咗 $99 (另加一) 90分鐘打邊爐 (每人兩碟肉，可選豬或牛，包一款湯底)，可任食自助區 (除咗刺身區)，自助區有邊爐料、壽司、沙律、涷海鮮、熱食區、中式點心區、甜品、生果、嘢飲。> 邊爐料食落係平價貨仔> 長腳蟹非常唔掂，輕飄飄 (不過幾廿蚊就算啦 )> 壽司出得好慢，見到有個食客伯伯都唔多滿意成日都唔refill，喺到鬧人> 中式點心剩係試咗小籠包，皮好厚......> 青口相比下都叫還可以> 壽司飯少> 熱食有唔少款，最正嘅就係 蒸 魚! 好好食，一啲都唔腥! 可惜只係refill咗一次... 兩點後就轉咗做豬頸肉同雞翼...)> 坐得舒服呢個價錢都唔expect太多了，簡簡單單食個lunch 少少肉 多多菜的話 都算合格啦…Read More

朋友標哥同我講呢間好抵食，100蚊就有蟹腳任食，我真係唔信有咁平，所以同朋友嚟一嚟呢個地方試一下，果然係原來68蚊就可以食一小時自助餐，有熟食，有雪糕，淨係花茶都有20種。如果加多20蚊就可以食個半鐘頭多個碟頭鋸扒。98蚊就係食個半鐘頭打埋邊爐，有兩碟肉畀你加出面嘅牛丸，菜，豆卜等食物，總之食到你飽到不得了都得。…Read More

執枱完全唔明D嘢仲要唔要我朋友行開咗但 支嘢飲唔知仲飲唔飲，個侍應無問之下照收，見個侍應反正都掂咗之後疫情關係唯有同佢講：「您都掂咗咯，咁你照收啦」個侍應發晒癲鬧我：我而家唔俾你飲咩，咁巴閉，出面大把，你咪再攞過囉！向經理反映，經理不斷say sorry ，都話e個同事本身比較燥底。食物不差的，食物質素同價錢都ok,不過地板比較濕滑,同埋無辜要受氣。以前銅鑼灣嗰間分店比較好。個人嚟講都係寧願食單點台式火鍋，勝在態度好，唔洗貼錢受氣。…Read More

因為疫情關係，放假期間都好少出街食飯，今次係FB見個午市自助餐$68蚊咁抵，又好似幾多野食，所以特登去觀塘試一試。驚會無位所以幾日前就已訂定位，到門口個阿姐叫我裝安心出行，但明明有登記紙填，我就填好放入箱無啋佢。入到去坐底，全部都係好闊落既卡位，坐6個都無問題，2個人坐真係訓响度食都得😂攞野食既地方好闊落，最搶眼應該就係呢盤長腳蟹，有壽司，有沙律，有點心，熱盤都超過10款，飲品同甜品都有唔少選擇，仲有自助花茶😍我當然第一時間試下D長腳蟹，雖然無提供較剪，但食開蟹既又點會難到我，一樣成條肉抽到出黎，質素唔錯，收過百既自助餐都係食呢啲咁上下啦！熱盤推介豬手，夠入味點心唔知點解得包同包同包，仲有魚肉燒賣今日既6款甜品蛋糕全部試哂，推介右下果2款，其他可以唔試雪糕試左比較特別既沖繩海鹽同港式奶茶，味道幾特別，奶茶味淡左少少如果我响觀塘返工應該起碼一個月去食一次，久唔久可能打埋邊爐，可惜......…Read More

地方好大，環境好闊落，而且睇到都有唔少人幫襯，重點係近地鐵站同埋商場，行街去其他地方都好方便係門口會問你揀邊款價錢，＄６８就６０分鐘任食無主菜，＄８８就９０分鐘任食＋１主菜，仲有＄９８係９０分鐘任食＋火鍋任食一坐低其實就去搵野飲，重點係佢超多茶葉揀，花茶同果茶都有，有苦瓜茶，檸檬乾，陳皮茶，普茸，茉莉花，玫瑰花。。。。太多了我地就揀左＄８８，一人一份主菜，其實唔好當主菜，份量只係小食，一條吉列魚柳，不過上枱熱辣辣，而且炸漿唔厚，炸得金黃香脆，正另一份係刺身拼盤，不過睇黎就似漏單嘅放題刺身盤咁不過算啦，咁我就可以出去攞多Ｄ自己拎嘅野食沙律菜都豐富嘅，有粟米同車厘茄，有秋葵，刀拍青瓜，涼拌木耳，麻醬四季豆汁醬有三款，法汁，油醋汁，仲有款唔記得出面仲有多款壽司拎，墨魚，甜蝦，三文魚，加州卷等等，舊飯仲暖暖地，應該係個司傳即整中湯好甜，老火煲成，不過淨係飲到有羅蔔炸物都多，麥樂雞，咖喱角，印度酥餅，炸薯角，蒜茸包點心自己拎，有奶皇包，紫薯包，燒賣，蒸餃講埋熱食其實都好多，係無影相蓮藕排骨，蒸雞，蒸魚，炒菜，炒飯麵，炸三文魚件，所以６０分鐘個餐其實都夠飽嘅甜品好似種類係最多，杯仔有芒果布甸，士多啤梨奶凍同埋果凍雪糕櫃都唔弱，冰菠蘿，冰西瓜，冰蜜瓜，泡芙，可可貝妮嘅雪糕杯同雪條仲有個蛋糕櫃，蛋糕味道唔錯，我幾欣賞，睇樣都知唔會過量魚膠令蛋糕變到硬一硬，同埋款式都係易討好嘅。有提拉米蘇有朱古力林明頓，其實都係椰絲包住件朱古力蛋糕抹茶芝士餅，抹茶味就假啲，不過質地實淨好食，檸檬撻撻底夠脆，餡料唔會好酸，可以一試價錢可能貴正常午餐少少，所以間中黎食下，滿足下自己嘅食慾我覺得係OＫ嘅，經常黎就一定會覺得悶，佢好似好多種類，但係款式應該唔會換得好密，而且講質素當然亦唔係非常好，只係中中等等，有機會黎試下吧…Read More

星期五黃昏六點，人不多，搭仲未需要排隊，上到去響門口出示 openrice 購買嘅券，就可以入座，唔駛等。因為第一次嚟，對周圍環境同點火鍋食物程序都唔清楚，好彩侍應都算解釋清楚。因為未齊人，所以唔點火鍋住，出去攞現成食物同飲品先。刺生只有幾款揀，但都係受歡迎嘅款式👍，我只點了三文魚及帶子；三文魚不過不失👌，但帶子就無味😣。飲品櫃嘅飲品有好多，讚 👍 連清酒都任飲。最特別係有花茶區（無影相），有好多花茶揀，但有提示不要多過三款，怕影響味道。我揀咗玫瑰花同胎菊，我嘅養生茶 🤣熟食都唔算太少，各款天婦羅，關東煮，點心……齊人就點了鴛鴦鍋（豬骨＋叻沙），相中嘅都係得一輪……但任食嘅菜，丸，麵，烏冬，響玲……都不錯。實情係……我呢啲我已經飽到食唔倒 🙄因為我留肚食甜品 🤭 差唔多全部食一件，但雪條真係食唔到 🤣 對甜品控嚟講，款式不算多，但味道不錯，尤其推介 mousse cake 👍👍👍整體嚟講性價比高，值得一食。PS,人手有需要改善，當晚人不算多，但每次落單都要等人嚟好耐，而且牛每次得四片……如果唔加人手，可以考慮電話落單 😔…Read More

5個套餐比你選擇原先想選擇海鮮餐 不過唔係任食 所以轉左個打邊爐任食叫咗個豬骨湯底 啲牛就正正常常啦仲有都算多嘅甜品壽司種類唔多長腳蟹就 麻麻地啦個人覺得最正係自制花茶🤣🤣…Read More

晚上的火锅放题可以吃足6个小时，如果韌力够，又好胃口是一个很好的契机。位于观塘广场的顶楼，大堂有一部升降机直接上15楼，等候时间不长。晚餐时分生意不错，坐满了百分之九十的座位，不少人六点前已经到场开始作战。虾、猪牛肉等都是无限添食，向服务员下了单过一下就会有人拿到餐桌。其它配料如各种丸子、蔬菜、饮料等都是自助，种类蛮多的。他们另外还有一些熟食和魚生供应，非常丰富。上汤时会有一盘海鲜首先送到，虾、带子、扇贝、蚬等等，除了鲜虾，其它都是只上这一次。边聊边呀，喝点啤酒，很快就到10点钟了。这里时间较长，东西又多，环境又较宽敞，值得一试。…Read More

為了有更多美食介紹比大家，最近都四出尋找美食，今次就搵到係觀塘廣場既千賀水產の鮮鍋道場，正打算Book 可惜見到最快都要星期六先有位，好在餐廳有Whatsapp 咁就用Whatsapp Book 好（我打字就叻即，但講電話又有點怕醜）。午市有幾個餐選擇，今次就先試試$128 食90分鐘先，下次再試下218食足4小時．12點去到安排好坐位， 雖然都很多人即場walk in，但不到15分鐘就已經爆滿，建議預早Book 位。去到已經眼花撩亂，太多美食了，有點不知從何入手，推介壽司好好食，還有長腳蟹腳，不少熟食，最特別是有中式點心。湯底點了芫茜皮蛋湯底好足料，夠濃，用來整熱蟹腳是很不錯的選擇，加飯落去直頭變，芫茜皮蛋長腳蟹粥。不過飲品種類只算合格，橙汁忌廉汽水都沒有，但有青蘋果汽水。甜品種類超級多，每樣都很有水準，所以記得不要吃太飽，留番個胃食甜品。總結，食物ok,價錢合理，有空會再幫親。…Read More

今日同朋友一行四人去呢度食lunch,佢地話食到1600，但1530會收自助食物，咁我地打算1400去到先食，佢90分鐘任食，覺得都ok啦，點知因事遲左，最後1430入座，食$98位加一，即係$110位，火鍋連自助熱食炸物等，我仲以為自己去錯地方！🙈個鍋係快上嘅，豬牛羊雞每人一份，唔係一碟，係一份！總次我地四個人有六碟正方形嘅肉，當中就包括呢四樣肉，肉還算新鮮ok,但d雞，🤦🏻‍♀️，佢直頭係一舊雞扒隨意切開兩三舊大大舊，都唔知點問唔問佢攞刀差黎食好😅熱食同自助冷盤炸物，真的精彩，九成已經被夾得七零八落冇晒咁濟，總之就係覺得自己夾緊廚餘，或者係人地食淨唔食唔夾個d野食咁囉！佢似乎12點頭輪出一次食物就算，唔會再refill,如果只出一輪食物，咁唔該就唔好收客收到咁尾，放人入黎比錢食廚餘？🍦最後佢地提供個個北海道海鹽雪糕😂😂😂我認為簡直係全場最經典食物之冠！相信佢地個買手對味覺嘅觀感一定係別樹一格到一個點！這是我非常個人的食後感：🍦個個味道，完全非筆墨可以形容，如果你自問係食界勇者，你一定要親身感受，我地四個人，各試一細啖後，分別釋出一個前所未有，由心而發，扭曲到差d五官走位嘅表情，個種味蕾嘅侵略，味覺嘅衝擊，已經深深打入我畢生難忘十大之榜，然後我實在說不出那種復雜的味道時，朋友的女兒突然說「這個味好像我小時候很喜歡lam自己流出後的X涕味！」全枱靜止了。唯一可取的是服務很好，但是，實在不會有下次！…Read More

因為同家人慶祝生日，所以就揀咗一間平日嘅午市放題加打邊爐。因為職員話只有5號餐先可以又打邊爐又食刺身，所以就揀咗5號。5號餐可以任食呢個牌上面嘅肉，但因為我哋只有兩個人，基本上每次上枱真的只有4位勁薄的牛肉。贈送的海鮮拼盤，蜆是沒有吐沙，每粒都食中有沙。刺先拼盤也沒多少誠意，刺身好細片，吞拿魚好「鞋」身，惟獨甜蝦比較大隻，而且每次限取一小碟。自助吧唯一的海鮮是長蟹腳，瘦得很難找肉食。唯獨值得欣賞是有花茶飲。但最無奈是職員告訴我們，5號餐才可吃刺身和自助區，但我們選了5號餐才知道自助區的食物一點也不吸引，壽司也比連鎖店差得遠，肉類食沒甚多要求，基本都只是沸熟一堆肉吃完就走人。如果真的要吃，也只建議3號餐，價錢比5號足足一半，只是沒有自助吧和限選2款肉。…Read More