千之壽

營業中

休息中

再度吃午餐，想不到人更多，又是學生為主，難怪，有主食加小食及飲料，學生只需三十多元，比起餐廳頹飯性價比高得多。 三文魚手卷，大卷，幸好三文魚夠長夠厚，不致於令手卷太大，沒出現空口吃白飯的情況。三文魚厚而鮮，雖不太肥美，但作為餐前小食也算是相當不錯。不知為何紫菜黏著飯較久，便軟弱而煙韌，咬到一半分不開，難捨難離，情何以堪。咖哩吉列蝦餅豬頸肉撈烏冬 咖哩比「銀咖哩」辣，但不致於辣到流汗面紅，汁醬不夠稠，如果杰少少撈烏冬則更佳。豬頸肉五六片，薄薄的不太肥膩，少許醬油有點微咸，味道不錯。蝦餅像迷你泰式蝦餅，魚蛋般的質感，醮點咖哩汁還可。烏冬偏淋，如果煮少一會可能較彈牙。非學生也只是收費四十多，比起佳記餐廳划算得多。

馬田呢邊因為就近中學…所以愈來愈多食肆林立…見到門口咁多學生排隊等位…於是乎走走看…大大個餐牌放左係門口…係日式食品…看來都唔差吧…而且價錢相當便宜…相等於茶餐廳呢…不過地方淺窄…一定要搭枱坐…前菜小食…例牌果幾味…反卷好實淨…螺肉有7、8粒…小爪魚有3、4個…沙律醬好多…蟹籽亦唔少…一d都唔孤寒…飯睇落得一碗仔…但其實壓得好實…靖魚肉好實淨…鹽燒已經好夠味…煎得咁香脆…連唔食魚皮既我都食哂…望落去唔多似地獄…朋友話唔辣…拉麵就腍左d...豬軟骨都夠腍入味…湯底唔突出…烏冬同拉麵同樣都係過腍…蝦餅幾好味…可惜浸腍左…軟殼蟹係新鮮炸出黎…有3、4隻蟹腳…凍烏冬比湯烏冬更加爽而彈牙…撈混沉左係底既芝麻醬…甜甜地又開胃…朋友讚不絕口…雖然午餐時份要等位…但相信時間唔會好耐…因為大部份都係學生黎…趕住返學唔會久留…而且唔駛40蚊仲包埋餐飲汽水…真係超值…

多款主菜及多款小食，隨意配搭。煎龍俐芝麻醬冷烏冬，烏冬夠冷，夠韌夠彈牙，加入青瓜及芝麻醬，又爽又香。煎龍俐，夠薄，外皮夠脆，內裏肉質極嫩，還附帶小許肉汁。三文魚手卷不太小，比爭鮮散買的還大些，三文魚都有三兩條，至少師傅有心思將其中一條放在最尾， 免得到最尾要空口吃紫菜白飯。 友人的鰻魚手卷環境甚怪，中間大大個廚房突出來在餐廳正中央，但又沒有咖哩店的“拋麵包表演”，只有兩名師傅在搓壽司，弄手卷。其餘位置方為座位，像U字形圍繞廚房。$41的午餐，份量多又多元化，划算！