千の味刺身壽司專門店 (海福花園商場) (已結業)

一直對外賣壽司都冇咩興趣無他既，因為食壽司刺身最緊要就係新鮮但係外賣店質素往往都係爭Ｄ但朋友極推薦呢間店比我，果然令我大大改觀，十分有驚喜有好多唔同優惠，5點前仲可以午餐價，都幾抵五色丼（三文魚2件、吞拿魚赤身2件、赤蝦1件、油甘魚2件、三文魚籽）首先當然要食魚生啦呢到既魚生真係好有驚喜佢既新鮮程度直頭同元Ｘ呀壽Ｘ郎果Ｄ堂食店有得比特別係吞拿魚，食落去會有吞拿魚獨有既血味同魚脂味，而且唔會腥三文魚籽咬落去更加係爆晒漿其他刺身都非常高質鰻魚飯定食除左刺身類，最估唔到係熟食類都咁高質呢個鰻魚飯用既料十分靚鰻魚非常肥美食落口感軟得黎唔會散而且會食到鰻魚豐富既魚脂惹味香濃既照燒汁更加令你忍唔住食完一啖又一啖燒汁牛肉定食牛肉份量都幾多，味道同牛肉既質素更加係完勝Ｄ連鎖店

千の味刺身壽司專門店📍 大圍積運街海福花園商場地下31-C1地舖★★★★★★★★★★★★★★★★★★★★★最近皮膚敏感🥲，攪到乜都唔食得，咁岩經過大圍，見到千之味個燒鯖魚定食好似幾好咁，清清地，一盒又有飯， 又有沙律🥗。如果咁岩唔舒服， 食呢個都ok 既。🌟燒鯖魚飯定食 $73呢個餐個價錢都算合理既， 條鯖魚都算幾大條，一個餐盒有齊飯餸，同埋沙律，都唔錯既。整體推介指數：❤️❤️❤️🤍🤍★★★★★★★★★★★★★★★★★★★★★

呢間餐廳多區都有分店，日本癮起，確係唔錯嘅選擇。重點係價錢都好經濟抵食。「角切魚生飯」珍珠米上舖上滿滿嘅魚生，夠新鮮，角切幾有口感。「壽司冷麵餐」冷麵加入麻醬，好香，再配搭五件壽司，蟹籽．芥辣八爪魚．北寄貝．白身魚．三文魚，好味。「火炙丼」三文魚．左口魚．赤蝦．玉子特別喜愛赤蝦，大大隻．蝦頭勁多膏，鮮甜，厚厚嘅玉子口感豐富，份量足「照燒雞扒飯定食」即叫即製熱辣辣，雞扒煎得外皮香脆，夠嫩滑，配照燒汁好惹味，仲跟沙律．螺肉「蟹柳小卷．黃瓜小卷」簡簡單單嘅卷物一樣好食店員好貼心問需唔需要冰種，以免食物受天氣影響質數。$300已經有送外服務，下次足不出戶都可以食喇。

今日同朋友去咗大圍行街 行到咁上下我朋友就話肚餓 不過因為疫情關係 而家冇堂食 所以就決定去買外賣 咁啱見到呢間千之味 價錢好大眾化 而且質素好似幾好 就決定入去買啦首先叫咗一個壽司拼盤 有三文魚 吞拿魚 帶子 甜蝦 蟹子同玉子等等 全部都好新鮮 尤其是係帶子 非常鮮甜 加上我最鍾意嘅左口魚裙邊 油分豐富 食落啖啖甘香 值得一讚之後就到今日嘅主角三文魚刺身 叫咗一盤50件嘅三文魚刺身 非常足料 睇相就知道好肥美 每一塊都係酒店級嘅三文魚刺身 於算我同朋友都係刺身控都唔係好食得曬 呢一餐真係好滿足

之前都有幫襯開千之味嘅外賣，今次咁啱經過大圍，就一於外賣自取吧！除咗壽司之外，原來佢仲有唔少套餐、熟食，之前都冇留意添！叫完好快就有，見到佢好貼心，有冰袋同埋仲有大量豉油、芥辣！散叫咗好多款唔同嘅壽司，放得勁靚，真係見到都開心！海膽軍艦 $48/2 件好新鮮而且好足料，有海膽獨有嘅鮮甜味！帶子壽司 $35/2件 大大隻嘅帶子，真係見到都好想食，好後悔淨係叫咗兩件！火炙左口魚邊 $28/2 件 好抵食，28蚊2 件，左口魚邊火炙過，口感好好！火炙三文魚腩 $28/2 件 最鍾意食三文魚，梗係要叫返2 件！三文魚籽壽司 $48/2 件 三文魚籽大大粒，超鮮甜！吞拿魚蓉 $30/2 件吞拿魚茸配埋少少蔥絲，真係最佳配搭，好食！其他壽司都非常好味，總結嚟講，價錢合理，食物質素又好，會繼續幫襯！

千之味對我黎講係高質version嘅爭鮮🤣好食得黎又平不過同爭鮮最大嘅分別除咗💛就一定係個飯爭鮮啲飯又凍又硬但呢度個飯勁好食！加埋啲刺身簡直perfect!

最近常常掛念日本的味道， 一於光顧大圍這一家以外賣為主的日本餐廳。每個飯都送氣水或烏龍茶。火炙井$85有左口魚入口即溶，魚油香濃，三文魚肉厚，火炙過帶有焦香又不失其鮮味， 兩隻大蝦鮮味無比， 雞蛋香甜，吞拿魚蓉飯$88吞拿魚蓉鮮味十足，吞拿魚蓉幼細又香滑，口感軟綿綿加上魚的油香，大蔥微辛， 味道很夾， 飯粒粒飽滿！照燒雞扒定食 $73雞排皮香脆， 雞肉嫩滑多汁，肉厚，燒汁入味， 咬下去啖啖肉！前菜有新鮮沙律和螺肉，螺肉爽口入味日式豬軟骨定食$78非常入味

因為太想食日本野，但又唔太方便除口罩堂食，一於外賣啦。原來滿$300 好多區都有外送服務，即刻拎定Menu單張放屋企看門口。即叫即製．套餐又唔貴喎，仲跟埋飲品「角切魚生飯」魚生角切粒粒，好足料玉子．三文魚籽．三文魚．吞拿魚．甜蝦，青瓜絲好爽脆。加豉油同Wasabi撈飯食好正「燒汁牛肉飯定食」燒汁好惹味，配牛肉好夾，仲有螺肉同沙律「壽司冷麵餐」加入麻醬嘅冷麵味道更香．再配搭五款壽司「火炙壽司餐」十件款款不同，家人唔食生野，食完都話好正。「蟹柳壽司」長長嘅蟹柳．有口感，比外面嘅更好食

自從停咗夜晚堂食之後，依家只可以食住家飯或買外賣，收工時間想食壽司，凍凍地外賣返屋企唔怕容易變壞，過下壽司癮。去咗千之味買壽司，我揀咗御品壽司拼盤和蟹柳玉子燒，等咗大約10分鐘就可以拎，店員非常有禮貌，服務很好，下次會再幫襯。御品壽司拼盤三文魚2件、油甘魚、白身魚、甜蝦、赤蝦、吞拿魚、帶子、墨魚、左口魚、海膽、魚子、吞拿魚蓉、龍蝦沙律、辣味三文魚壽司拎到返屋企都仲係Keep住凍，第一次的有趣的體驗，越食越滋味，發覺原來我都幾鍾意食壽司。天氣凍冰冰開住暖爐食壽司，同夏天熱辣辣開住冷氣打邊爐都係同一道理，香港人精神，哈哈！

晚晚係屋企食到好悶，今晚屋企人話不如叫外賣，最後擇左千之味壽司外賣🙈$300就有得送貨，勁方便👍🏻.千之味應該大家都食過，佢生意好到不得了🤣因為性價比真心高，壽司同刺身新鮮又大份。.雙色三文魚丼(晚餐) $65左口魚$20粟米沙律$15炸蝦卷$68 三文魚腩$20 油甘魚$35鰻魚$18 蟹柳玉子燒$38火炙芝士熟蝦$22.一家三口叫左以上野食都好夠飽，佢啲壽司🍣正在舊飯唔大舊又唔硬身，刺身新鮮有鮮味，除左散叫壽司，佢啲lunch/dinner set仲抵食，好似雙色三文魚丼份量勁多，仲要送汽水。另外炸蝦卷同蟹柳玉子燒都十分推介😆送到黎都keep到個鮮味同準時👍🏻.疫情難捱，大家支持下小店啦😄

今日又同朋友聚會 喺冇晚市堂食之下唯有外賣返屋企慢慢食啦經過大圍嘅呢間千之味刺身壽司外賣專門店 佢係日本料理嘅外賣店 仲要係良心黃店添梗係要幫襯下啦下午時間嚟到 餐廳唔太多人落完單之後等大約十五分鐘就有得拎啦 最驚喜係仲包埋個巨型保溫袋仲有冰種 住遠啲都唔怕十分細心我同朋友都係三文魚狂熱者 於是就嗌咗一大盤嘅50片三文魚 擺盤勁靚十分澎湃 肉質紅潤而且有光澤 肥瘦適中 食落口淡淡如有爆發出嚟 上品之作三文魚粒粒海膽丼 海膽用上大大件嘅加拿大海膽 食落口非常甘甜鮮味 三文魚粒粒都好肥美而且係一口size 每啖飯都配到三文魚

我好想食壽司🍣今日買咗一盤壽司拼盤15件，我第一時間食以下壽司:海膽😋新鮮，鮮甜的👍(唔係苦嘅)，赤蝦就大(大隻)又爽口👍，帶子係(大舊)嘅👍魚子亦(好多)，呑拿魚蓉同龍蝦沙律又係好食😋，另外我叫左個角切魚生飯，魚生粒食得出都係新鮮，肉質彈牙，所以店舖細唔緊要，最緊要係品質新鮮👍下次再見。

鍾意呢間外賣壽司店刺身、壽司即叫即整、所以相當新鮮！每次外賣點完餐，只需要等10分鐘內就有。鍾意佢又午餐、晚餐、價錢親民，性價比高！今次揀咗兩個午餐-刺身飯及散叫咗一啲壽司。午餐、晚餐包埋飲品，今日有烏龍茶或可樂揀。揀咗烏龍茶！▶️五色丼$98三文魚2件、吞拿魚赤身2件、赤蝦1件、油甘魚2件、三文魚籽呢個非常豐富！三文魚、油甘魚夠肥美，吞拿魚有入口即溶之感！赤蝦好大隻又鮮甜。三文魚籽撈飯就一流！▶️三色吞拿魚蓉丼$98吞拿魚蓉、帶子2件、甜蝦2件帶子大大粒、又夠厚、鮮甜。甜蝦又鮮甜。吞拿魚蓉夠多。▶️散叫壽司🍣左口魚邊$20、北寄貝$18、赤貝$20、帶子$35、腐皮$12、八爪魚$20壽司款款都唔錯！我最鍾意左口魚邊。貝類都相當鮮甜爽口！帶子當然都好食😋必叫。

呢日行完山，就順便過黎買埋壽司返屋企食落完單等大約十分鐘左右就拎得壽司有拼盤或散叫，套餐更連飲品叫左三個餐，分別有壽司餐(10件)，火炙壽司餐(10件)，火炙丼，仲包埋飲品幾乎每次都會叫火炙丼，大大盒，有火炙三文魚，火炙左口魚，赤蝦，玉子火炙三文魚，油脂豐富壽司餐有9款唔同壽司，有兩件三文魚、油甘魚、白身魚、赤蝦、吞拿魚、蟹籽、熟蝦、玉子、鰻魚最愛大隻又鮮甜赤蝦，刺生亦切得十分厚，好滿足而火炙壽司餐最愛火炙左口魚邊，有入口即溶的口感水準不錯，都好新鮮，叫滿$300送貨仲免運費

上次朋友叫咗千之味壽司外賣，感覺刺生新鮮質素唔錯。 今日出去大圍整嘢，記得間壽司店就在大圍火車站附近，一於去外賣回家吃。 壽司有拼盤或散叫，更有指定套餐連飲品。 價錢唔算貴。今次叫咗3 sets 套餐，每個套餐也包飲品。五色丼 刺生切得十分厚，全部大大片，由刺生色澤及亮度，未食已感到它的新鮮度。角切魚生飯只係$65 ，大大碗，飯面上滿滿魚生。咁抵價錢咁好質素，真係好難運搵到。 壽司餐 比起魚生丼 ，這個就沒有太大驚喜，但就也有大大隻刺生蝦及大大片魚生放在飯面上。