十八座狗仔粉

營業中

休息中

收工買個外賣狗仔粉去男友公司食+探班，本身堂食有分大同細碗，外賣的話就只得一個size，$30價錢覺得算係正常啦。本人叫左走蔥的，粉仔入面有辣菜圃，蝦米，冬菇同豬油渣，口感都ok，粉仔都有咬口既。外賣一碗份量都足夠我一個女仔食，不過如果男生就應該唔夠，可能要再加其他小食先會夠飽。本身正常出係偏辣d架，因為菜圃算係較辣，如果唔食得辣既朋友仔叫個陣要同伙記講聲唔辣或小辣至得。個人覺得雖然十八座狗仔粉都頗有名氣，不過其實不算太突出，係而家唔係好多地方有賣呢種小食，間中食下都ok的，都算係香港懷舊小食。

已經好耐冇食過十八座, 今日見完客經過有 D 餓, 就外賣左碗鴨絲碗仔翅返公司食!!因為係街尾嘅關係, 所以呢間十八座冇咩人堂食, 而且間舖太細, 感覺再熱 D連冷氣都唔夠, 外賣係一個正確嘅選擇十八座其中一個重點係辣菜圃, 我呢個好辣人士當然要加啦～不過講真個翅見佢煙都唔出下, 都有 D 擔心唔夠熱返到去都仲暖暖地, 都 ok 啦雖然, 都唔錯, 料都好多同鴨絲都好香! 不過....就冇以前咁多種類嘅料重點佢地嘅辣菜圃依舊都係咁夠辣!!作為下午茶都唔錯

呢日約左同學佬放工溫書，做勤力學生🐤。做🐥之前當然要e肚，見呢間十八座狗仔粉順路，而且一直都想試，所以就入左黎小試牛刀，淨叫左碗狗仔粉。無記錯好似係27蚊碗(大)d狗仔粉同係街市買既銀針粉有d似，但狗仔粉就實d同頭尾係鈍既，口感幾特別，吾錯。個湯底有d油，可能因為由豬油造掛。每張枱仲有d菜餔比你加上去調味，有辣有吾辣。5滿分賣相味道回頭雖然狗仔粉有特色，但吾係咁岩我口味，下次應該有排先會再食。

我真係鍾意食呢間，一係太子一係尖咀，冇去一排冇得叫雙拼，我都唔唔食腸肚，得一個人唔會叫細雜燴囉。呢間遊客區，都好多本地人開飯，唔知係人手不足定咩，速度偏慢，仲有啲燥底，我試過太子5分鐘食完碗粉走得，呢度等都唔只。細粉多蔥唔覺多咗。1點未夠燒賣賣晒要等，焗叫魚皮餃。

甚少開po 仲要寫劣評！嬲左！話說頭先去尖沙咀間 #十八座狗仔粉 買兩碗 #火鴨翅 ~ 同個啊姐講辣菜脯另外，之後另一位啊姐擰過嚟，態度不友善話冇得另上！一係就加落去！我停左兩秒後答：咁唔使喇～買兩碗就走左！我喺佐敦買都可以另上，間間做法唔同都唔緊要，問題係妳嘅態度好有問題。唔係老公鍾意食～應承左買返去，我真係唔會買！亦唔會再去！！#花無百日紅#今時今日咁嘅服務態度唔夠架#咁有性格就留返喺屋企享福#南大門韓國料理 #慢煮豬手 #dinner #travel #holiday #foodie #instafood #cookingram #delicious

呢間嘢真係幾好味今次我係食佢個 火鴨燉翅一入口真係好大陣火鴨味同埋佢一齊煮嘅料材料都好豐富有木耳絲個感覺有啲似食火鴨味嘅蛇羹咁樣囉我都幾鍾意嘅千祈唔好落辣菜脯呀會冚咗浸火鴨味就真係嘥料啦 我真係好鍾意食佢個辣魚蛋夠辣夠咬口因為佢 所有嘢我都差唔多試匀曬咁濟佢個燒賣 無甚驚喜反而魚皮餃幾好食皮薄餡靚彈牙我都係覺得佢個辣魚蛋同佢主打嘅十八座狗仔粉最得我歡心因為佢個辣菜脯 夠曬辣其實個主角係個辣菜脯囉下次都係專心一意食呢兩樣嘢算數

本身今晚約咗朋友食飯，但因為未夠鐘，又黎開呢邊行街，之前記得喺元朗食嗰啲間狗仔粉都幾好食，今次特登再過嚟食番。。。咁我就叫咗個細嘅火鴨翅同埋細嘅狗仔粉，堂食每樣$22.本身見到地下有啲垃圾，都無人打掃，牙籤又有，紙巾又有，但始終新裝修，其他嘢未至於去到好殘夠，所以環境屬於一般。。未去到最差嘢食黎至，終於都開心返D，買相唔錯，食個火鴨翅先，味道有d淡，問個店員拎醋。。。點知佢答我。。。我哋呢度係無醋同呢度食係食原味既。。我都即刻打咗個突。。其實冇醋唔係問題嘅，不過我覺得佢呢個又好似有啲問題？？定係我多心左呢？但起碼我覺得好似都真係冇乜服務可言。。之後食埋碗狗仔粉。。。真係覺得好難食。。。我都不予置評了。。

諗住開咗幾間分店，又係食香港地道小食，便去試一次...點知係一個伏兩個人食，叫咗火鴨絲碗仔翅（小），大雜燴（有豬皮，豬肚，豬腸，蘿白），香辣魚蛋，仲有招牌既十八座狗仔粉（小）！先講招牌狗仔粉，味道真係一般，加咗辣菜寶，先叫先食得落...😑😳碗仔翅，好難食，好「杰」似白膠漿，味道又怪！😓🙁☹️大雜燴真係好好好好好難，蘿白又硬又苦，豬肚硬，豬腸有陣味，豬皮都好硬，但個汁先係極品....又苦，又杰，又粉...又唔辣，又無鹹味😡😡😡🙄🙄，就算唔想浪費，都食唔到落去....惟有剩返晒喺度，似未食過咁！😖😖😖諗住最無問題應該係魚蛋，竟然出奇地難食😓魚蛋好淋，個汁真係好難食，苦+辣，味道好怪！

已經第二次來尖沙咀這家十八座狗仔粉這裏舖面不大 位置較窄 也不多堂食的話每人最低消費$20上次試了狗仔粉 口感和味道都不太適合我沒加辣菜脯的話味道普通 沒甚麼特別可是辣菜脯真的是辣度十足 不是每個人都受得了（同行朋友就受不了）這次又點了雜燴 有大小之分 叫了小份的好吃在乎它家的醬 重口味 惹味然而這次又叫了火鴨下脾可選上脾或下脾 下脾較貴沒加配碗仔翅 但店員還是會澆一點在上頭肉質挺結實的 但味道沒有太驚豔份量大 $30 划不划算就見仁見智

人靠衣裝 食物靠賣相 都說得有點道理就正正因為咁 浪費了今晚一個quota碗仔翅 狗仔粉 咖哩魚蛋 如此大眾化的食譜 想弄得特別好吃可能不易 但弄得難以入口都應該幾難。。。。。 呢一晚，我們正正遇上了後者 最後 我們每樣都食剩三分二。。。 真的不想浪費食物 但過唔到自己個關心裡好大疑問 敢問幾位「廚師」 有沒有試吃先開店？

今日好趕，所以路經見到十八座，立即入去醫肚點左魚肉翅及蘿蔔豬腸，問店員攞醋，店員話「夠哂味，唔駛落醋㗎」，但係由細係街邊食，慣左要落醋落到成碗粉紅色，所以無醋確係唔慣話說回來，味道係夠，而且足料至於豬腸，煮至軟淋，清淡既蘿蔔配上醬汁，好味。當然而家既小食，貴過食個飯盒，間唔使一次都ok既

呢度嘅魚蛋 都尚算彈牙汁醬 豐富 但係個大雜燴雙拼就麻麻地 佢都係sell神秘醬汁個神秘醬汁係幾好食少少辣多多趣 但係個大腸煮得太耐咬唔爛剪得又大舊食到個口勁攰囉 撈上嚟嘅時候 跟得太多水溝稀咗個神秘醬汁 一大敗筆因為個主角係神秘醬汁 溝稀咗咪成個唔好味囉豬皮ok啦 冇咩驚喜神秘醬汁 係好味 但係配料咁差都係唔食我寧願加多啲錢叫佢用神秘醬汁溝魚蛋好過但係佢魚蛋個醬汁同呢個神秘醬汁又唔同 兩個都幾好味下次都係食番狗仔粉 撈佢嘅極辣菜脯算數

我第一次食呢間嘢咋見到咁多負評諗住都係打定輸數但係我真係覺得好好味喎成碗食曬一滴冇漏我問其中一個食客係咪其他分店好食啲但係 姐姐都話唔係佢好驚呀我係第一次食其實呢間嘢聽就聽好耐 但係唔係我活動範圍之內所以到今時今日先試食希望香港島可以開分店佢個豬油渣用豬皮炸 雖然係膽固醇高但係夠曬香湯底味濃厚佢個炸菜真係勁辣落咗一匙羹就夠曬成碗啲粉稍嫌煮得淋咗少少其他冇事喎雖然22蚊 冇乜特別嘢食但係湯底夠曬甜美唯有當貴嘅小食食食件西餅咁嘅價錢囉

受同事推介到位於金馬倫道嘅十八座狗仔粉分店一試招牌小食，小舖大概有12個座位， 小食店內空間狹窄是常識吧，沒有半點挑剔，座下之後馬上向店員點了火鴨翅及狗仔粉+豬油渣，心裡想著快食快走只求滿足一下口腹之慾，店員一來一回已將兩樣食物送上。先講狗仔粉~煮得很淋很淋， 湯很黏很糊蒜蓉味亦很重，而豬油渣炸得非常乾透就像感覺咬下凱撒沙律上的麵包糠，再多吃兩三啖後失望之感不斷俱增，心想為何這‘起朵’鎮店小食竟然做出如此水準難道是米芝蓮的詛咒影響下令食物質素下降？？再說火鴨翅~鴨肉絲很豐富，木耳亦多得很，味道像吃老火鴨湯，還煮得很不錯的糊狀，吃到底也沒有變稀，香噴噴的合格有餘，但欠缺了傳統碗仔翅的粉絲雞蛋絲冬菇絲， 咀嚼時少了份層次感。

十八座狗仔粉這店算在香港好多人都知！最近尖沙咀新開 ，好想支持下，此於香港出名小食，作為香港人更加要支持下。我個人估計新店開張，應該好多人排隊食，因為尖沙咀午市十分緊張，周圍大排長龍。好奇怪，經過一段時間此店中午時間人流一般，今日把握機會去試。終於試到此店狗仔粉，真心味道一般，麵無味道，無特色，靠"結"湯底支持，狗仔粉必須加菜甫一同食，但辣菜甫辣到吃不下，店內開放式令，冷氣不足，加上超辣食物，"得在" 你會馬上叫飲品，仲需要一包紙巾。魚皮餃要靠辣汁，本身食材無味，個汁太咸太辣受不了。食物被辣味蓋過，完全食不出味道。我有點失望，名過於實，此終新不如舊。