十二味 (黃大仙中心南館)

營業中

休息中

已經來過黃大仙分店好幾次，每次都會吃酸菜魚加寛粉（小辣），夠香又不會死辣，魚肉夠滑，分量也多😋酸辣土豆絲炒得爽脆夠味、口水雞就正常發揮，價錢就適中合理啦～侍應姐姐態度不錯👍最怕西口西面嘅服務，所以喜歡來這邊分店🥰

唔係第一次食十二味啦，次次都會嗌人見人愛酸菜魚、飄香毛血旺、辣子雞。酸菜魚唔錯，酸酸辣辣咁而且d魚都好滑，黎親必點。飄香毛血旺-呢個係比較辣既，裡面有好多配料，午餐肉，芽菜，大腸，牛百葉、魷魚…辣到越食越過癮辣子雞-份量唔少同埋加腰果落去好香口。過一段時間又會再去

天氣凍想食D辣野暖下胃，就簡左食川菜餐廳環境都幾闊落，落單都方便，自行掃code落單 川式口水雞賣相都幾別致口水汁夠麻辣，辣中都帶香、香中帶麻雞肉嫩滑，無雪味亦唔會好柴麻麻辣辣好提高到食慾 飄香血毛旺（小辣）辣度比較溫和，如果中意食辣可以叫中辣以上份量好多，裡面配料都好實在牛柏葉，肥腸，毛肚，豬紅，午餐肉，黃豆芽，魷魚味道麻辣鮮香汁濃味足和口感都好豐富 炒花椰菜不過不失 見到隔離枱叫酸菜魚都好大盤，仲聽到話好食整體都幾好，會再食

每一次入嚟都叫一個經典香辣鍋，兩個人的份量可以食唔晒，平時我都會拎走外賣。今日就響餐廳入邊食。經典香辣鍋，入邊有好多嘅配料，可以加肥腸，牛肉，唔餐肉等配料。佢哋個份量好多，鑊氣非常足夠！再加上佢哋有一杯特大嘅特飲

黃大仙中心閒日食晏時間不嬲都人山人海，咁啱佢有位唔駛等就入去食十二味午市套餐包個主菜、飯、飲品我哋一行三人叫咗口水雞、酸菜魚、牛肉麻辣香鍋，大家share食原本諗住收得五六十蚊價錢，餐廳仲要有啲裝修，應該都係細細碟點知一嚟到，嘩！咁大碟嘅！口水雞接近有半隻雞，味道還可以，個辣幾香，不過隻雞唔知係咪因為凍食所以冇乜雞味酸菜魚好食，個湯夠酸，又多配料，入邊有埋寬粉、萵筍牛肉麻辣香鍋夠麻夠香，有我最鍾意食嘅蓮藕，蓮藕配辣好好食最後我哋三個都食唔晒，呢個份量四個人食都得美中不足嘅係，餐飲一定係甜嘅，我想飲杯無糖嘅飲品都冇😅有機會下次想試埋佢晚市

平時鍾意叫外賣上樓食！送到屋企凍晒😥，今日終於嚟到食晚餐，店內好有氣氛，見有食客慶祝生日！會有人唱埋歌，勁開心囉！食咗辣子雞正呀！仲有酸菜魚好夠味個湯鹹鹹酸酸一流😋會再嚟食！

💙十二味💙川式口水雞呢個醬汁夠辣，夠麻，夠香，都重口味，所以個味道OK。（唔肯定係米加咗辣，因為同事幫手落單🤔）雞肉份量都多，係一個碗嘅份量。肉質正常，唔‘鞋’，但又唔嫩咁😂雞肉有少少少唔係好熟，仲會見到紅色，不過好似好多地方嘅口水雞都係咁。牛肉麻辣香鍋份量都算多，有唔少牛肉。小編冇選辣度，所以應該係正常辣黎，但完全唔辣亦都唔麻，所以味道上就差啲。配料都有唔少，有蓮藕，薯仔，芽菜同木耳。所有配料都爽脆，除左焗‘林’嘅薯仔。但蓮藕好多都已經氧化咗，變咗黑色，感覺上唔太新鮮。牛肉質素參差，有啲勁韌，有啲又正常。同時有啲牛肉唔夠熟，仲見到紅色（雖然我明白牛係冇必要全熟），但可惜佢好難咬，唔知點解好韌。酸菜魚（唔辣）呢款有得俾你簡辣定唔辣，我地就試咗唔辣版。不過佢唔辣之如，完全唔酸，唔知係米因為辣度影響咗。魚都麻麻，魚肉‘鞋’身，唔夠滑。份量亦比較少，魚肉少，但酸菜好多。同埋成兜都超多油，勁油，真係比起出面食嘅多好多😂另外就係個飯。因為套餐配飯，所以人人都有碗飯。但係真係唔得，佢個飯唔知係米太多水，煮得太爛，太‘林’，小編甚至覺得好難吞😂

午餐時段黎到，揀左一個牛肉麻辣香鍋同埋個個酸菜魚牛肉麻辣鍋既份量都唔少，牛肉量都適中，我就叫左少辣，非常香既麻辣味，食落都好香麻辣味，配菜有好多蓮藕，但有d生，食多兩舊就唔想再食酸菜魚既份量都足夠，略嫌魚既份量少左d，但整體味道都唔錯，酸辣道都好岩食

Lunch時段黎左黃大仙十二味食最愛既酸菜魚，呢個時間唔算多人，唔使等位。酸菜魚配白飯 $75好抵食大大碟！味道唔錯！魚質新鮮滑嫩嫩😋😋😋叫左小辣岩岩好。酸辣土豆絲 $75份量好多！辣辣地好開胃👍🏻👍🏻跟餐加左$8 熱情果梳打超級大杯！👏🏻👏🏻👏🏻整體黎講幾滿意！味道夠，價錢抵食，份量多！

事說十二味質素同埋味道跟大陸的很相似，經過便順道試吓是如實。不知是否星期六關係，有很多人在等位，想食都唯有等候一下😆。餐廳都算乾淨企理，而座位都寬敞啊！落單十分之好方便，用QR code 便可以😌。9今次點了飄香血毛旺（小辣），好大的碟裝全，上面全是鋪滿的辣椒，最主要想食鴨血，真的是滑滑的沒腥味，配料有豬皮、魷魚、午餐肉，仲有肥美的豬腸，有大量嘅芽菜墊底，份量夠晒2人食用，辣度都啱晒我哋嘅口味👍下次都要黎試埋其他菜式至得😄。

之前食過其他分店，覺得佢個麻辣香鍋質素都幾好，食得好過癮～午餐嚟呢度試咗兩次，兩次都好失望，雞翼麻辣香鍋$54，得兩隻中雞翼仲要切開一半，然後大量蓮藕同埋芽菜，冇得走芽菜，飲品選擇又少，唔使加錢嘅剩係得維他奶。

12味係我喺香港第一間食嘅酸菜魚 一開始嘅時候佢哋午市套餐做緊$68 送嘢飲超級抵 慢慢越做越旺 開多咗好多間連鎖店 而家酸菜魚嘅午市套餐係$78 送嘢飲 酸菜魚嘅份量啱啱好 魚相對比較淋身 有新鮮嘅魚味 店員話佢哋用嘅係鱸魚湯底比較濃 同埋夠酸 辣方面亦可以揀小中大辣 面上有一薄薄香油 仲有菊花花瓣作為點綴 湯入邊有辣椒同埋花椒 配菜有少量嘅香菇 萵筍 成個酸菜魚嘅層次感都幾豐富 飲品加$10嘅話有天然椰子汁一罐 可以清下熱有時我都會叫佢哋嘅麻辣干鍋 夠辣夠過癮 不過配菜會吸咗好多油 不是太健康～ 酸菜魚（散叫、二至三人份量，lunch set 會細分啲）麻辣干鍋

休息日唔想係屋企煮飯，兩公婆無無聊聊行下黃大仙中心順便來十二味食酸菜魚。午市套餐真系抵食，而且份量都係幾大噶。兩個人叫左份酸菜魚、香鍋田雞、口水鷄。疫情期間不能上深圳來十二味食酸菜魚都系唔錯噶選擇😊😊😊

近期陪人去十二味唔同分店好幾次啦，惟一失望就係哩間分店，口水雞實在好鹹，明明叫咗中辣，又唔覺得辣，得個鹹字，搞到要撈出來晾下先敢入口。香辣田雞鍋用咗碟上，鍋都唔見，配菜好雜亂，雖然份量睇落好大，但要撥幾撥先搵到件田雞，薯仔芽菜藕片等等一大堆。好在酸菜鱼係保持到水準嘅，中意佢地用嘅魚，唔會碎，又滑又嫩，食極都唔厭。環境方面幾好，因為大間啲，中式設計好有心思，留意到梳化底係石磚，有創意。不過下次都要返旺角店先啱口味

今日放假想食辣野，見到黃大仙中心有呢間，就係OPENRICE BOOK位中午到，中午見到入面仲有位，呢到D LUNCH SET好抵食，叫左:-(1) 酸菜魚(少辣)包野飲，前菜同飯，今次一上枱就好大碗(以前食係細D既碗)，魚都好大塊同好多，仲要係食落係好滑雖然只係揀左小辣，都比香鍋既中辣勁,撈飯食食得過癮.(2) 田雞麻辣香鍋 (中辣+加麻)同另一半之前食過小辣，今次叫中辣+加麻，比酸菜魚(少辣)輕鬆，下次可叫大辣，呢味有田雞、蓮藕片同薯仔片，呢個整得干身D，真係好惹味，好有返左大陸食川菜果種辣的感覺，同酸菜魚一齊，一濕一乾,又夾.食完1點幾見門口好多人等，呢到要BOOK左位先安全D.呢度係用QR code自己落單,成功落單後店員會比返張單據我地.到比錢時，我地拎住張單出去比錢,點知侍應print 過另一張單比我地,話我地改過單. 其實我地落單後根本冇改過，所以覺得呢個落單系統都有少少混亂.整體而言都唔錯，不過覺得比十二味尖沙咀店失色.