十二味 (如心廣場二期)

營業中

休息中

酸菜魚好好食！魚夠新鮮，沒有腥味，酸菜又好食，湯唔會太油，所以d湯送飯超正！份量夠多，加了寬粉，最佳配搭。叫左小辣，不過對我而言都已經好辣。口水雞好入味，唔會太辣，有酒香。涼伴土豆絲好有驚喜，夠凍，又酸酸甜甜，超開胃！不過d枱就唔係抹得太乾淨，有待改善。

一眾好友對川菜情有獨鐘，自從上次去銅鑼灣試食咗十二味之後念念不忘，聽聞荃灣也有門店，更大間更多座位選擇特意前來諗住再次滿足口腹之慾，結果……大失所望，同一間集團的出品都可以如此參差，沒有對比就沒有傷害！間嘢好趕時間，d餸拎過嚟嘅時候凍哂，完全冇鍋氣，田雞只有背隻d皮，全部下腳料，椰菜花也是淡而無味，如同學校飯堂大鍋飯，煮定，等你嚟到就撥俾你，冇賣相，色香味乜都冇，一言難盡，唯一的分數我俾侍應，反應夠快，酸菜魚質素如同兩份快餐溝出來，辣子雞濕漉漉唔夠乾身疑似昨天的廚餘，腰果完全冇口感，咬落去隔夜感不言而喻……第一次，亦是最後一次……中伏！

落單直接用wechat scan QR code揀食物，方便自己方便侍應👍🏻上次試左酸菜魚，今次決定試香鍋。麻辣香鍋，以前去深圳食得多，香港極少見，十二味既然有得食，當然要試下！🥘個人喜歡食辣，經典香辣鍋就岩晒我😍$38。另外要揀最少5款餸去一起炒😬+💰38🥢雞翼：一開二，方便食。+💰42🥢金錢肚：大大塊，有咬口。+💰28🥢寛粉：食辣野，落左寛粉會索晒d醬油，又辣又彈牙，好味！+💰48🥢田雞：大陸叫牛蛙，辣干鍋必食配菜！唔好話佢醜樣核突，保證你一試難忘！+💰28🥢油麥菜：食番d菜平衡下，成件事都係好合理😂總結：性價比很高的川菜，店舖位置都又就腳，環境又舒服，整體感覺就係好！👍🏻如果你想吃川味，十二味一定適合你口味😋

今晚好想食川菜 近近地就落咗荃灣食前菜 麻辣口水雞🐥麻辣唔夠麻🌶 隻碟好大但份量太少 雞冇咩肉 「鞋」左d為咗酸菜魚而來😻叫咗小麻辣 魚片好滑 仲有好多酸菜 但個湯底真係太太太太酸👎 而且嗰種酸味係好似就咁加咗醋咁 完全冇上湯嘅感覺👎 就咁食魚片OK 但如果連埋個湯飲就蓋左啲魚片味大盤花菜 🥬🥓即係腩肉片炒椰菜花 炒得好惹味 食落椰菜花散發陣陣麻辣味 但比較細碟蔥油拌麵 好失望👎 首先冇咩蔥 得麵上面少少 又無油香 乾爭爭 食落一pat野🤭我覺得小菜館嘅川菜比起呢間連鎖餐廳更好味😾

因為疫情既關係，相信好多鐘意去內地食川菜既人小左好多選擇，估唔到荃灣依排開左咁多餐廳，竟然會喺位置好方便既新商場整間川菜入到去，落單嗰d自己scan QR code ,店員會建議客人用WeChat ,不過我地同好多客人都無wechat😂好彩佢QR code用普通apps都開到我地叫左個燒椒皮蛋同四季豆，可以揀辣度，我就唔係幾食得辣😂又想試下，所以就叫左個最小既辣喇好快店員就上菜，個皮蛋係透明色，好入味，好彩唔係勁辣，40幾元依個份量依個地點，ok喇四季豆炒得好野味，都大碟既，送飯一流我去既時候做優惠，打卡可以有汽水飲！

呢次同男朋友黎到荃灣，好想食啲川辣既午餐，所以就去左開左冇耐既十二味食lunch。我同男友都非常餓，就叫左3個餐。不過呢到要用手機個wechat app掃描qr code落餐，但我地冇，只好問staff拎個平板電腦落單，可能我地old school d 如果唔洗咁落單更好口水雞幾大份，味道都唔錯，食落口會feel到有陣麻辣既感覺。雞肉都算滑川香回窩肉用左腩肉片加蓮藕同蔥等配菜一齊炒，香口好餸飯另外估唔到午餐既酸菜魚都幾大碗下，而且入面既魚肉好滑，值得一讚。可惜係當日人手不足，不過侍應態度好好，彌補不足

經過附近見到好耐冇食的酸菜魚同水煮牛肉，再加一個燒椒皮蛋。午餐非常抵食，$70/餐。味道同係大陸食差不多，值得一試。晚餐時段要排隊，午餐在疫情時間都滿座。大家又可以考慮外賣避開人群。

位於荃灣大河道98號如心廣告商場二期2樓215號舖的十二味 (Twelve Flavours )，主打四川菜，餐廳的門口有一隻可愛的熊貓作標誌。餐廳的午市套餐頗為抵食，約四十多元便有一客，包前菜、一碗白飯及一杯酸梅湯，而且也有幾款套餐是不辣的。麻辣香鍋 加配 牛肉Dried Hot Pot with Vegetable and Beef這道麻辣香鍋熱騰騰的，氣味相當濃郁，令人垂涎三尺。醬汁鹹香而濃郁，伴飯吃一流。香鍋又麻又辣，嘴唇感覺麻麻的，相當刺激。香鍋的配菜有切得薄薄蓮藕片、薯仔片(土豆片)、大荳芽菜、雲耳，以及額外加配的牛肉片。川式口水雞 Sichuan Style Chicken in Chili Sauce朋友點了一客口水雞套餐，雞肉的份量比想像中多，雞胸的位置啖啖肉。口水雞的味道香辣濃郁，愛辣之人一定相當喜愛。。底下還有沾滿辣油的青瓜絲，味道也不錯。尖椒皮蛋 Preserved Eggs with Chili Sauce多點了這款小食，QQ的皮蛋配上辣椒醬，鹹鹹香香，香辣刺激。辣味在舌頭擴展，令人熱血沸騰。除了酸梅湯，也可以加錢轉飲椰青水或加多寶，還有一道迷你前菜，是日前菜

今日帶朋友品嚐 四川風味 的酸菜魚，其實他倆都不好辣的，但吃酸菜魚冇辣也差了一點點，於是都點了有辣的和加上最佳拍擋 - 粉條。上桌時已聞到一陣陣好吸引的酸菜味道，樣子又非常吸引，店子食神推介，酸菜和魚一樣好吃！我嚐了少少湯，味道不錯好醒胃，吃了一口酸菜，好味不太鹹，用筷子夾起魚片，很挺很大片，魚片質地很滑彈牙而且唔會好辣，非常好味。粉條QQ的，但吸收了湯汁所以有些辣。我們叫了白米飯，我覺得吃酸菜魚要配上白米飯來吃才是最佳配搭。叫了兩杯欲望酸梅汁，好大好大杯，酸酸甜甜好解渴。我叫了一個 幺妹兒冰粉準備留給不常吃辣的朋友，因為冰粉可以解辣，真的很奇妙。紅糖糍粑這兒做得不太好，有些死實的感覺，我喜歡較鬆軟的那種。雖然疫情還在，一般食肆都不太多顧客，但這兒要排隊等位，很不錯呢！

如心廣場2期新開了些餐廳，約了同事去試，今日好大雨也要出去食午餐，哈哈！見到有十二味同埋有其它餐廳，我們今日試十二味先，下次先試其它。餐廳入面原來也好大喎，裝飾佈置好古色古香。用手機掃QR Code就可以落單，好方便，我們落完單就馬上出單，勁快！然後送上飲品同青瓜前菜。我餃慾望酸梅，同事飲可樂，我杯酸梅汁味道好唔似平常的酸梅汁，唔係好有酸梅味。唔知咩味咁。青瓜味道幾好。水煮牛，好大碗，賣相幾好，好多辣椒，牛肉也是正常份量，味道就選了小辣，所以唔係好辣，小小麻，牛肉可能係剛剛放下去的，所以不是特別入味，有生菜同青瓜，但午餐就冇薯粉。58元包飲品，不加一，十分抵。另外叫了一份口水雞，這個味道係最入味的，有好多件雞，唔算好辣，好香，雞也是滑的。午餐~酸菜魚，也是好大碗，酸菜，辣椒，魚片，唔夠酸又唔夠辣，魚肉也是好滑的。可能又係唔夠時間煮，入唔到味。跟一碗白飯，飯身比較淋身。甜品~紅糖糍粑，感覺一般，比較幼身，都好軟的，但又係不入味的。人手不足夠！！

之前食過其他分店 見到呢頭有 見食晏幾廿蚊 好抵食 又去試下叫左幾樣辣野 呢到我最欣賞就係 香得黎唔會辣到食唔到 先黎少少前菜 都幾開胃 少少辣既涼菜之後叫左水煮魚抵讚就係份量多 好多魚 另外就係個魚好滑 至於味道係少辣 所以好易入口 但味道又唔會太鹹 good ar另一樣係四季豆 四季豆係炒 相對油就多d 呢個可能整法唔同 辣d 不過都係香口同惹味 配埋d肉碎 好食餐跟左白飯同酸梅湯 酸梅湯就解辣 不過無咁甜就更好！！咁既價錢 份量又足 如果食晏 都推介！

嘩真係好耐好耐冇食過酸菜魚😳咁岩知道如心廣場呢度開左間係食川菜🌶，當然要試下😎估唔到星期六日都有午市套餐提供，價錢都好抵啊🙈而餐廳係採用了QR code落單，非常方便！-🎈川式口水雞 $48賣相非常吸引，而雞肉好嫩滑，醬汁又麻又辣～-🎈酸菜魚 $68呢度既酸菜魚有得揀辣或者唔辣，今次我就揀左小辣😎魚肉好鮮甜又啖啖肉，而酸菜好開胃，酸酸辣辣般配上白飯一流，裡面仲加左草菇添😊套餐份量來說還可以，一人食岩岩好👍🏻-🔸十二味📍荃灣大河道98號如心廣場商場二期2樓215號舖

今日同男友去荃灣行街，發現新開一段時間嘅如心廣場原來有十二味，之前去過西環分店食過一次好食到念念不忘！我哋之前好鍾意返深圳食太二酸菜魚，因為疫情關係暫時無得去，於是今晚見到諗都無諗即刻入去食~新裝修都帶有中式味道，感覺好古色古香~ 而餐廳亦有因應政府嘅規定而安排坐位每枱相對1.5米嘅安排都做得幾好👍🏻令我哋都食得好放心~店內落單係利用手機QR code嘅方法，選擇都唔算好少，我哋當然叫咗最想食嘅酸菜魚啦~ 有得自選辣度，咁我叫咗少辣，另外再叫咗乾煸四季豆、葱油伴麵同白飯~先黎人見人愛酸菜魚，上枱覺得有啲驚喜，原來都好大份，三個人食都可以，入口酸菜比較咸同重口味，但真係好好味😋魚肉入口口感又夠滑，係好好送飯嘅~ 另外葱油伴麵味道好似食緊豉油無炒嘅麵咁，入口甜甜哋，麵質都比較淋身，都可以一試乾煸四季豆亦炒得好出色，我發現比較出面普通小菜係多用咗辣椒，原來味道係惹味啲，又炒得好乾身唔太油~

話說我發掘到荃灣西開了很多新商場今次就帶朋友來探索一下.十二味就是在荃灣西站C3出口，穿過很短的橋，到達如心廣場之後右邊有一條電梯，一上去就見到十二味，超級方便。.其他餐廳我都有略略見過，不過這應該是如心廣場最抵食的午餐之一。.口水雞$48雞件卷成一個半球體，很精美地放在一個大碟上。風味悠然，是十分正宗川式口水雞的味道。下面還有些青瓜碎，浸得很入味。每一個餐送前菜及酸梅湯，因為太抵食朋友叫了一個外賣回家晚夜吃。.酸菜魚$68不吃辣的朋友不要怕，這裏有不同辣度選擇，我叫了不辣，而我朋友就叫了一個中辣。一看就知道中立的那個放了一點辣椒，紅噹噹的。酸菜鍋湯底煮得酸酸地，撈飯食很開胃。而且材料，多魚片，又有很多酸菜等，是很滿足的午餐！.飲品方面酸梅湯是免費的，當然也可以加錢換其他飲品。

本人第一次在香港吃酸菜魚想不到出奇地高水準，非常美味。魚夠滑，湯味夠濃，兩個人吃剛剛好，再加一碟小食簡直完美！但魚有少許骨，如果無骨就perfect !職員服務很好，我會再光顧！