十二味 (如心廣場二期)

營業中

休息中

香锅好味，服务态度不错，就餐环境都不错。小炒有鍋气，应该不是完全预制。和我在四川吃得味道一样很正宗。overall pretty good restaurant in hk.

今天和朋友來荃灣吃飯，朋友們想吃辣，於是便來這間十二味吃午餐。平日中午有午市套餐，我們分別點了水煮牛肉、雞翼肥腸麻辣香鍋、紅糖糍粑和冰粉。水煮牛肉：牛肉的數量很少，只有幾塊，而且質感太軟完全不像是吃牛肉，感覺是鬆肉粉用了太多了，至於其餘統統全部都是配菜，例如芽菜和辣椒等等，我們點了大辣，辣度是足夠的，很適合喜歡吃辣的朋友。雞翼肥腸麻辣香鍋：雞翼和肥腸的數量都算多，肥腸的外皮很香脆，而且沒有異味，雞翼雖然比較瘦削，但是肉質都柔滑嫩滑，鮮美多汁，配菜有薯仔和芽菜等，薯仔很入味，這份我們點了小辣，微微香辣挺好吃。紅糖糍粑：從賣相看來，感覺上火候未夠，外表不夠焦香金黃，可惜店員堅持是這個樣子，唯有接受吧，口感煙煙韌韌，可惜外皮不夠香脆可口。冰粉：冰粉的甜度剛剛好，味道並不會太甜膩，解辣一流。價錢方面，水煮牛肉$71，雞翼肥腸麻辣香鍋$86，紅糖糍粑$48和冰粉$28。總結來說，這間餐廳的食物是夠辣的，午市套餐價錢亦算划算，適合愛吃辣的朋友來吃。

本身自己都好鍾意食辣同川菜，十二味係我覺得新派又抵食既餐廳，特別係lunch時間，基本上都會爆滿。今日一行三人又去食啦，三個人叫左四個set lunch😋😋招牌酸菜魚：酸菜魚係我每次都必點之一，魚好嫩滑，今次叫大辣，夠辣夠酸，好開胃😋川式口水雞：中辣，口水雞都好滑，都係我推介之一😋雞翼肥腸麻辣香鍋：香鍋都係餐廳招聘，好大碟，入面有蓮藕，郁雲耳，薯仔，好惹味。回鍋肉：回鍋肉係第一次食，覺得比較普通，肉比較乾身

我已經唔係第一次經OpenRice訂這間餐廳，入餐廳前已經100%同餐廳同事確認有OpenRice訂座。但每次之後都會收到OpenRice email 告知缺席。收到OpenRice嘅電郵後，打電話過去餐廳查詢，餐廳職員就話係我哋入座前冇同佢地同事confirm，因為佢哋同事係會即時確認，餐廳方面，事後就冇得處理。我去親的時間係下午2點後，過咗最繁忙嘅時間😆幸好今次有攞到食飯收據，可以同OpenRice 進行申請更正。溫馨提示，大家記住拎收據，如果有咩誤會，都可以有證據反駁。❤️🤭公道d , 食物水準，環境，都正常嘅。

12味幾乎係我飯堂， 唔知食咩嘅時候邊去嘅地方。香港好多間十二味 我都去過最好食應該係如心廣場呢間。今晚照舊幾人同行去如心廣場。點花椒魚、 小籠包、自選乾炒鍋和新推出嘅豆湯腐竹奶菜。見到隔離枱， 有人數畀我多嘅點菜畀我少；亦有人數畀我少嘅點菜多，侍應都一視同人完全冇比不悅嘅面色。花椒魚//冇得走辣，不過可以加麻。 我最欣賞係芝麻豆腐小籠包//比較辣皮係好似麵包咁，夠飽又實在，好味自選乾炒鍋// 依家蔬菜出咗半份 成個份量非常之平易近人我主要都係食素菜炒。 小辣啱啱好新推出嘅豆湯腐竹奶//十二味出品以為會好濃味，點知真係夠清淡！冇味精食完一啲口渴嘅感覺都冇，菜份量亦足夠真係「萬辣從中點綠」

朋友話想食十二味既乾鍋～一於收工就約去食😎lunch 食過幾次，dinner都係第一次食~.經典香辣鍋最少要叫五款配菜，我哋就揀左雞軟骨、牛百葉、嫩牛肉、蓮藕片同豆皮。一上到枱見到勁大個碗嚇親🤣叫左少辣味道唔錯幾惹味，但嫩牛肉有啲咸，雞軟骨就似雞肉，軟骨部分較少。.人見人愛酸菜魚配寬粉酸菜魚叫咗小辣，魚肉幾嫩，酸味十足，寬粉煙韌吸哂湯，正～.百香果梳打梳打大大杯，叫左少甜！唔會太甜，味道都ok.

黑豆花鮮椒魚在湯裡有份量頗多的黑豆腐、放在熱湯裏卻不會輕易散開，原本以為入口的質地會粗糙，但仍然比想像中柔軟；而且吸收了湯汁，我點了小辣，辣度不高，一人幾乎完食一碗魚片沒有骨，也挺嫩滑

十二味新派川菜，上次同大家跑完青公去左食呢間，第一次食覺得好好味😋叫左幾樣野食一齊share：。肥腸雞翼麻辣香鍋，好惹味😆。麻婆豆腐 ，因為有人唔食辣所以叫左唔辣，不過就覺得好多油。酸菜魚，好食好開胃，D汁用黎撈飯超正。回窩肉，不過不失。口水雞，正常發揮

夜晚8點後見有8折優惠，咁就要食兩個人叫左酸菜魚，涼拌土豆絲，柚子蜜酸菜魚夠晒大份，兩個人食都有少少多土豆絲味道好好，酸辣味適中好開胃，食完再再食有子蜜夠晒大杯，兩個人飲都得

口淡淡，就好想食辣嘢。十二味周圍都有，今日經過荃灣，去咗荃灣如心廣場入面食十二味。我地叫左經典香辣鍋（最少要叫5樣餸）：排骨仔、滷水肥腸、鮮魷、嫩牛肉、萵筍味道係叫左少油少辣排骨仔略嫌煮過龍，有啲硬同唔入味滷水肥腸，我嘅最愛，個皮好脆鮮魷唔硬，好有咬口，觸鬚入哂香辣鍋嘅味道嫩牛肉，鹹咗少少萵筍吸左香辣鍋啲油，太油了另外，我地叫左桂花冰釀，好好飲，解辣之選，玻璃瓶身雪凍左，配上細杯，飲一杯仔已經可以解辣。

性價比高lunch已經唔係第一次嚟食十二味，我哋基本上都係叫呢兩款lunch包括係酸菜魚同牛肉麻辣香鍋。佢午市套餐除咗主菜同白飯之外，仲有一盒檸檬茶同埋前菜。 兩個人百零蚊，性價比都算高。先講酸菜魚，佢魚片嘅份量都充足，另外仲有啲萵筍同埋菇作為配菜，不過唯一美中不足嘅係平價版係冇寬粉喺入面。牛肉麻辣香鍋內面有蓮藕，薯仔，芽菜，雲耳等等嘅配菜一齊炒，仲可以揀唔同嘅辣度，惹味得來又唔算太油膩，不過我哋覺得今次食嘅份量係比之前食嘅份量少左，不過都尚可接受。

荃灣十二味，之前見到喺某飲食APP度做緊午市優惠有50% off，咁就去試吓啦。留意番：唔同時段做唔同優惠，正價餐牌先有架。食物同環境都係不錯的，有優惠都抵食之選。酸菜魚係叫咗小辣，酸味辣味啱啱好，裏面仲有好多配菜，一個字正🤝干鍋的話，必叫肥腸，好有口感😽

呢間十二味愈開愈多分店，真係屋企附近總有一間，而且佢比起出面既川菜，定價都唔算話好貴，出面有啲仲貴，而且我覺得質素係有既，我覺得佢係有啲模仿大陸既川菜，大家唔駛返大陸食都得啦，係香港都食到性價比高既川菜了，而旦佢啲野飲係大大杯既，真係好有大陸味，因為大陸都係大大杯，夠哂飲，食川菜既時候會好辣，一定要飲杯大大杯既野飲。再講下佢啲菜，佢可以比你揀唔夠辣度既，入面啲主食都唔少，雖怨鄀係辣椒偏多嫁啦，食得呢啲預左

点了加麻加辣，吃出了上海菜的甜味，求心理阴影面积……如果嗜好川菜的小伙伴慎重……如果是只是想体验港式川菜，可以值得来……总而言之言而总之，期望值越高失望就会越大……

又係忽發奇想突然想食酸菜魚，諗起個種辣味就好想食😋！荃灣其實都好多間酸菜魚，不過放工附近既位置，叫做較就腳嘅就如心廣場二期🤨！上咗OpenRice見到晚市8:00就有八折優惠，咁就揀咗呢間十二味😌。雖然話今日好肚餓，但係兩個人如果點咗一碟酸菜魚，都驚食唔到咁多嘢，所以最終只點咗四樣嘢連涼拌前菜😛:主食當然係「人見人愛酸菜魚」🤩可以有五種辣度，我哋叫咗小辣，啲魚片好滑，小辣就啱啱好，唔會太搶味。除魚片外，仲有其他配料：酸菜、萵荀同磨菇等，配料仲好食😂。但魚片既份量好似少左啲，同埋啲魚肉相對夾起嚟較易碎開。其餘就叫咗個乾煸四季豆、蔥油拌麵，前者味道尚可，但稍嫌油左啲😅，碟拌麵都係一般，沒有配料的拌麵，可以不試。😅後來都加左涼菜-燒椒皮蛋（有辣度可選），喜歡食辣既，真係要揀起碼中辣先感受到辣味，尤其食佢皮蛋蓉時撈埋啲紅椒🌶️絲🙂🙂。今晚雖則其份量好似唔係好多，但味道都算交到功課，座位二人坐門口四人檯，都尚算寬闊同唔嘈，環境也算滿意。今餐有OpenRice 訂位的八折優惠，埋單$368呢餐也算是不錯的選擇😛