十二味 (嘉峯匯)

營業中

休息中

星期日行開黎啟德，附近嘅餐廳唔算太多，就食呢間平時都鍾意食嘅川菜，入面空間超級大，坐得都幾舒服，最抵即係星期日都可以嗌午市套餐，夠哂抵食😊👍🏻，會包白飯同埋包裝檸檬茶酸菜魚配粉條🐟 （$96）加咗錢配埋粉條，食落滑滑，又煙靭，酸菜魚都幾大，仲可以叫少油唔使咁油膩，酸菜魚食落都幾濃味但係可以再酸啲，魚嘅份量都十分之充足🐟，大大片，仲要好滑👍🏻田雞麻辣香鍋🐸 （$63）又係超級大碟，仲會有好多嘅配菜，有蓮藕，土豆絲，芽菜，雲耳，全部都係爽口嘅配菜增加口感，田雞就會斬開細件少少，超級麻辣香口，撈飯一流😊蔥油拌麵🍜 （$38）蔥油味香濃而且又醬油嘅香味，麵條嘅口感煙韌，唔錯😝桂花冰釀🌸 （$28）桂花有清甜嘅香味再加埋酒釀嘅香氣，有解解膩後果紅糖糍粑🧱 （$48）可以後起，即叫即炸，外脆內軟，糍粑軟糯，點埋呢個紅糖同埋黑蜜🍯，甜而不膩，超級好食📍 十二味 (嘉峯匯) (九龍城)九龍城沐泰街9號嘉峯匯1樓10號舖

2022-09-24同女朋友去親戚到玩完🏠走個時見到有間十二味🌶就入去試吓了🤪星期六晚飯時段，唔算太多客🫶🏻餐廳個場非常大，裝修古典風格🔥店員安排我哋坐近窗口嘅卡位🤗仲有可以到獅子山嘅景色🏔用手機落單📱我哋點了，人見人愛酸菜魚，218蚊碟，酸菜魚好大碗份量十足，揀咗小辣，酸菜配上嫩滑嘅魚片，魚片最重要係唔腥，估唔到小辣都夠哂惹味，仲有，香菇，萵筍作配料，湯底都好足料好濃郁，唔算太酸，覺得酸度同辣度都啱啱好，十分推介🫶🏻☺️燒椒皮蛋，53蚊碟，好有心機擺盤，每嚿皮蛋都放得好靚，唔算太辣，皮蛋口感好特別，同平時食開有點唔同，味道都幾好🥳蔥油拌麵，38蚊碟，麵條係類似烏冬，幾有彈性，每條麵都撈到蔥油，上哂色，每啖都可以食到，麵條充滿蔥油味，好好食😋紅糖糍粑，48蚊碟，紅糖糍粑熱辣辣新鮮炸起，外面炸到香脆可口，口感好軟糯，彈牙，外脆內軟，食嘅時候沾少少黃豆粉，再點紅糖汁，味道甜而不膩，作飯完甜品好滿足🤗🫶🏻整體環境坐得舒服，仲可以睇住獅子山景食飯😋服務都幾好，主動加水同埋換碟👏🏻食物份量好多，味道都唔錯，會再幫襯十二味試吓其他小炒🫶🏻🍳#十二味#人見人愛酸菜魚#燒椒皮蛋#蔥油拌麵#紅糖糍粑

🔹九龍城// 十二味🔹人均約$200🔹▫️人見人愛酸菜魚 $218每次嚟到必食！我覺得係香港數一數二好食嘅酸菜魚😤酸菜魚入面好足料！魚好滑身同埋無骨👍🏼👍🏼份量又多，另外有勁多萵筍！浸埋啲湯好好食又脆又爽👅千祈唔好嗌唔辣，會冇咗啲香料變得唔好食，之前試過一次🫣雖然好少地方酸菜魚有得嗌唔辣，唔食得辣嘅人士都可以食到，但我會覺得冇咁好食🤔▪️酸辣土豆絲 $68炒得超級脆，個人覺得熱比涼拌好食😋嗌咗小辣唔算好辣，鍾意酸酸地土豆絲好入味🫂▫️夫妻肺片$68嗌咗小辣都好辣，自己好廢食唔到，但味道係OK嘅係香辣果種好惹味，但係食咗兩塊已經陣亡了🙉🙈唔識得好辣嘅大家睇路🤣因為係冇得揀唔辣的！🔹好飽評語經常食呢間酸菜魚，各個地區都有分店好方便🏘酸菜魚好好味之餘🐟其他嘢食例如紅糖糍粑，炒椰菜花，香鍋！個人都好推薦🫡大家有興趣試吓！ ！另外lunch大概60幾蚊有酸菜魚加個飯同嘢飲都好抵㗎😝🧠回頭指數：🔟🧏🏻‍♀️打卡港女：5️⃣🌬冷氣溫度：8️⃣🚽廁所評價：⏹🧾性價比呢：8️⃣

今日去到啟德食正宗四川菜，十二味，餐廳位於啟德嘉峯匯一樓，位置鄰近港鐵站，大概3分鐘步行距離，非常便利，十二味都有好幾間分店，一直都聽說這間餐廳屬於正宗四川菜系列，今日終於有機會來試一試。餐廳地方很大，空間感十足，非常先進地用QR code來下單，簡單又快捷。-乾煸四季豆味道好出色，非常嘢未，香脆可口，份量非常充足，炒得十分夠鑊氣，而且一點兒也不油膩，肉碎味道夠濃郁，這一碟小炒絕對值得配上大量白飯拌住食。-人見人愛酸菜魚 (粉條)酸菜魚我們選擇了小辣，酸度剛剛好，魚肉夠新鮮，份量都算多，肉質嫩滑嫩滑，酸菜魚湯味道鮮甜，濃郁而不鹹，另外配菜還有萵筍及雞髀菇，萵筍口感爽脆，吸收了酸菜魚高湯，味道層次頓然昇華，粉條十分煙靭，配上酸菜一起食，食到不能停手。適量的花椒帶給酸菜魚的麻香， 十分吸引。-評分 : 7/10

依排肥妹仔食辣食上癮成日都想食辣野，朋友知道左就帶我嚟食依間以川菜為主嘅十二味食飯，貪佢夠近地鐵站一出行五分鐘就到😆餐廳環境開揚，座位闊落，坐低擺埋野都唔覺得迫朋友話依到酸菜魚好食，但係我偏偏就唔叫，要食其實野😜川式口水雞$73🫦💦🐓食落惹味，辣同麻係慢慢咁滲出嚟，雞肉嫩滑而且紮實，雞皮仲幾爽口夫妻肺片$68👩🏻‍❤️‍👨🏻🌶🐮辣辣地唔會蓋過牛味，牛肚切條牛𦟌牛舌都切成大薄片，爽口之餘仲麻辣鮮香川香回鍋肉$98🌶🐖鹹香味十足，豆瓣醬嘅辣味令菜式更惹味，豬肉片一啲都唔韌，配白飯一流👍蔥油拌麵$38🍜食之前撈拌一下將麵條掛滿醬油汁，麵條彈牙惹味，想一啖接一啖咁食美滋滋芒果梳打$28🥭食左咁多辣又濃味嘅食物之後，當然要啲飲品嚟清新一下個口，冰涼甜甜地芒果味，解辣解渴一流，最緊要夠大杯😆

唔講唔知，原來十二味係啟德都有一間！平時食其他分店都要等位，呢間又大又寬躺，重點唔曬點等位，窗口位最正，最鐘意食佢哋嘅酸菜魚，麻辣土豆🥔絲，仲有霸王辣子雞！💛酸菜魚味道岩岩好，魚片滑捋捋冇咩骨，配埋粉絲一齊食，有舌尖上的味道！💛麻辣土豆🥔絲切絲功夫了得，每一條粗幼一致，口感相同！味道新鮮爽口！💛霸王辣子雞見到滿滿嘅辣椒🌶️可能你會以為好辣，其實不然，你可以同店員選擇你想要嘅辣度！入面嘅雞塊同腰果伴除辣椒香味，配上花椒麻麻的口感，非常特別，令人食完又想食！💛桂花冰釀甜甜的桂花味道，解辣絕對冇問題👍🏻

📍十二味九龍城沐泰街9號嘉峯匯1樓10號舖———————————————人見人愛酸菜魚 (配粉條)(💰: 218 hkd) (+$28 hkd)嚟到當然要叫餐廳嘅鎮店招牌- 人見人愛酸菜魚🍲 我哋只係叫咗普通份量配粉條，一上菜見到咁大盆都嚇親，兩個人分享都真係綽綽有餘呢🫢 酸菜配上嫩滑嘅魚片簡直最佳配搭✨仲要有好多唔同配料包括萵筍、杏鮑菇片、蘿蔔等… 食到嘴巴同個肚都大滿足🤣 魚片份量好足夠， 每塊都厚切，食落好香魚味但又唔會腥，質感滑溜😍唯一係小心食落可能有少少魚骨～湯底方面我哋叫咗小辣，其實小辣嘅辣度都已經幾足夠，食到好香嘅花椒八角味道🌶但又唔會太麻太鹹，唔會掩蓋咗主菜嘅鮮味，配上煙煙韌韌又吸湯嘅粉條，非常惹味，我哋都食到停唔到口😆💓紅糖糍粑(💰: 48 hkd) 雖然食完一大盆酸菜魚已經好飽，但感覺都係要食啲飯後甜品先至滿足😙紅糖糍粑熱辣辣新鮮炸起，外面炸到香脆可口，裡面質感好軟糯、彈牙，外脆內軟嘅口感絕對值100分💯 👏🏻 食嘅時候首先沾上黃豆粉，跟住再點紅糖煮成嘅汁，味道甜而不膩～果然係呢度嘅必點之選💖熱情果梳打(💰: 28 hkd) 聽落幾常見嘅飲品估唔到咁多人叫，原來真係

呢排發現自己開始食到少少辣就會好想係咁搵啲辣嘅舖頭挑戰今次我friend介紹一間比較出名嘅川菜因為佢話食過幾次都覺得質素唔錯雖然鋪頭位置喺啟德唔算好多住客嘅地方但係禮拜日其實都好多人食㗎入咗去之後就可以用QR code落單٩(´ε｀ ٩و～～～～～～～～～～～～～～～～～～～～♪ 飄香水煮魚 $218 (8.5/10)唔夠膽食辣嘅我決定挑戰一係小辣🌶️唔好比紅紅嘅辣椒迷惑左不過發現其實唔算話好辣～麻會多d講返魚既份量都幾多同埋都冇骨而且食落都幾軟稔再配埋彈牙寬粉～超正！♪ 蔥油拌麵 $38 (8/10)呢個比我想像中份量話唔算多不過好彩水煮魚已經都幾夠飽～不過味道都係好香的蔥油味道～麵條都算爽口都唔會太乾♪ 熱情果蘇打 $28 (8.5/10)我frd話要叫呢杯嘢因為佢係好大杯一上黎真係發現好大杯💕欣賞欣賞而且熱情果味都唔會因為太大杯而淡左食得太辣既時候就需要d蘇打去緩衝下～

🐟 人見人愛酸菜魚 連粉條 $246叫咗🌶小辣 走蔥魚肉份量正常厚薄適中 但留意有少量細骨所以食嘅時候要小心粉條其實應該係寛粉唔會得幾條 但如果可另加/ 再多啲就👍🏻平時唔食萵筍嘅我今次好奇食咗😂😂呢個有驚喜 竟然食到有椰青味佢就似係椰青味嘅瓜呢個唔錯👏🏻👏🏻👏🏻調味方面有啲炸蒜都幾香口 整體唔會太酸/太辣湯底都飲到小小魚味配料仲有啲雞髀菇 酸菜 冇記錯 好似有得揀有/冇油有油就可以保持住溫度所以我係有叫到嘅😂😂🐓武隆尖椒雞 $103叫咗小辣 加麻建議食得麻嘅可以叫加麻加咗真係食得好過癮😂😂雞肉都係用咗有骨嘅位置食落係好有鑊氣聞落有啲似乾炒牛河嘅味配料有薑粒 蓮藕粒 尖椒粒 紅椒粒等蓮藕粒幾爽甜 但小心同薑粒撈亂咬錯都幾辣😂😂🥭美滋滋芒果Soda $28食完濃味野要飲番杯🥭清新下唔會太甜仲有幾款飲品可以選擇

講到酸菜魚，媽媽當年第一次食酸菜魚就係食呢間，其實我耐唔耐都會去食下十二味😆呢度嘅午餐好抵食，仲有普通客飯餐，帶埋偽韓仔去食都有好多選擇！酸菜魚午市套餐午市套餐嘅酸菜魚份量比正常細，但係都好多魚，同平時食味道一樣，保持到水準👍🏻入面仲有萵筍，吸晒啲湯汁，非常美味😋金針雲耳蒸雞午市套餐呢個專登嗌俾偽韓仔食嘅，婆婆大贊佢哋嘅白飯，粒粒分明好有飯香🥰咁大碗飯，偽韓仔竟然食到一大半👍🏻呢到既雞都蒸得岩岩好，好滑！麻辣小龍蝦見到枱面張餐紙，印咗佢哋嘅麻辣小龍蝦，賣相非常吸引，忍唔住叫咗一盤細嘅😆我哋叫咗個小辣，辣得非常過癮，每一隻小龍蝦都爽口彈牙，而且蝦頭仲有好多膏😍勁正！飲品飲品方面，我叫左個熱情果梳打比偽韓仔，午餐只需加$8就可以飲到，抵呀！我自己就叫左個桂花酒釀，解辣一流呀😆

Fatfat都幾鍾意食辣，川菜呢啲麻辣菜式一定唔會錯過😝平時經過好多地區都見到呢間舖，開到成行成市，但係就真係未入過去食。今次食完，覺得味道認真唔錯😗下次有機會一定會再食🥰✎ 霸王辣子雞 川菜個種辣味真係好惹味，唔係一般辣醬可以媲美到，少鹹，但係都好味到我連啲雞既骨都照咬照吞🤣🤣不過佢啲骨又炸到幾脆，好易咬碎，可以吞到落肚。啲雞肉又唔粉，整體都幾好食😋✎ 惹油拌麵 麵條幾有彈性～每條都拌到有色，食落唔會一啲味道清淡啲一啲濃味啲，較均勻😚而麵條充滿蔥油味，好香～✎ 黯然銷魂炒飯 個份量都幾多，夠兩至三人既份量😌材料有豆角皮、紅蘿蔔、洋蔥碎、肉碎、蝦肉等。蝦肉唔會炒到好乾，保留到少少濕潤，而飯都唔會太乾身，粒粒分明，煎到金黃色😋摷下個底，都唔會有好多油滲出黎🥰👍🏻適當嘅油膩感，幫助入口，十分惹味👍🏻✎ 美滋滋芒果梳打 甜度適中，濃郁芒果味，唔會太勁梳打味，但係都幾好飲☺️

最近發現有間餐廳午市嘅🐟酸菜魚非常抵食($68)🥰大大碟之餘份量仲好多🤭我同朋友兩人一齊share食都無問題丫😋而入面配料除咗有魚片之外，仲有酸菜、萵筍、杏鮑菇同蘿蔔，可惜嘅係入面無配寛粉🥹而係配白飯如果可以自選配寛粉就更好啦🤭淨係食🐟酸菜魚當然唔夠喉啦😆我哋仲叫佐一份細嘅🦞小龍蝦🤭($188) 我諗我已經有兩年無食過了🥹🥹 見到呢到有🦞小龍蝦，真係忍唔住叫一份😆諗住細份應該得十隻八隻？🫣咁就錯啦🙅🏻‍♀️估唔到同樣咁大碟😆足足有十五~六隻小龍蝦🦞 味道方面仲可以根據自己嘅口味選擇辣度/麻度，醬汁味道濃郁，加埋又麻又辣真係夠晒惹味最後仲有超大杯嘅✨熱情果梳打🍹酸酸甜甜又夠凍🥰飲番啖消暑一流

咁啱同同事傾計，佢話想食辣野，我地一諗到就係十二味🧡 呢間係我好鐘意食酸菜魚嘅其中一間，食左好多次質素都係有保證😇 個重點係價錢不算太貴，性價比高嘅一間店！🐠人見人愛酸菜魚 $218嘩!! 一上到枱我地就嚇親😱 勁多勁大碗~ 表面上面放左大量辣椒&花椒，入面都有好多配料，除左滑嫩魚肉，仲有萵荀、雞髀菇、酸蘿蔔、酸菜😳我地叫左小辣，食落唔太辣，湯飲落幾鮮甜，飲埋d湯一流🤤燒椒皮蛋 $ 48同平時食嘅灰色皮蛋唔一樣，佢係金黃色嘅，好吸引！😍 皮蛋食落好有彈性，配埋醬汁超好食☺️熱情果梳打 $28估唔到係咁大杯!! 呢度嘅份量都係偏多~ 兩個share飲都完全冇問題，消暑又解辣🤩總括而言 (5個💖係最高)好味指數 : 💖💖💖💖🤍服務態度 : 💖💖💖🤍🤍環境打卡 : 💖💖💖🤍🤍回頭指數 : 💖💖💖💖🤍📍 十二味 (嘉峯匯)🏢 啟德沐泰街9號嘉峯匯1樓10號鋪位🕗 星期一至日 11:30 - 22:00

十二味係香港都好多分店，都係我鍾意既川菜店之一，今次試下佢地啟德嘅水準有冇變到先。餐廳係樓上鋪頭，唔認真睇可能行過左都唔知。不過裝修都好新淨，又比較有特色，好適合一班朋友傾下計。川式口水雞 $68口水雞最緊要係香辣，雞肉完全入哂味，麻香同埋辣味取得平衡，而且雞肉一啲都唔韌，餸飯真係一流。極品麻婆豆腐 $68另外一個極之送飯嘅小菜之一，幼滑嘅極品豆腐加上豬肉碎、豆瓣醬、花椒，少少辣，簡單又惹味。蔥油拌麵 $38好香嘅蔥油，香而不膩，拌面一流。好大碟又好味😋么妺兒冰粉$32有提子乾，嫩滑爽口，消暑極品。紅糖糍粑 $48糍粑新鮮熱辣辣製作，首先粘上黃豆粉，加上紅糖煮成嘅汁，好煙韌。必點真係必點，次次去到有點 ！熱情果梳打$28勁大杯，係出面梳打嘅double份量，好適合食完辣野解辣。真係要兩隻手先揸得住！特別抵飲😘😘😘💰人均 150 晚餐

酸菜魚餐廳越開越多，其實我已經食咗好多間連鎖店，點知竟然比我發現到喺啟德開咗一間新嘅，而我未食過嘅！我就一定要去試吓。這間餐廳裝修很新穎，完全唔迫，坐得好舒服，而且仲喺新區啟德，好多新樓入面，比較年輕化，亦都唔使喺旺角尖沙咀呢啲地方迫人。叫咗佢嘅招牌人見人愛酸菜魚（粉條）小辣 $246講明人見人愛，我就一定會覺得佢好好食，我唔係好食得辣，所以淨係叫咗小辣，更加能夠帶出佢酸菜湯嘅味道，亦都唔會蓋左魚肉嘅鮮味。魚肉肉質都好滑，而且仲有粉條食，兩個人食一定夠飽！美滋滋芒果蘇打 $28因為想飲下甜野，但又唔想飲汽水，叫咗佢嘅芒果🥭蘇打，原來都同酸菜魚好襯，食完啲酸辣味，飲啖芒果蘇打，gur 1 gur佢❣️❣️埋單每人大概$150 ，已經連埋+1 ，下次食酸菜魚又有新選擇啦！