十三姨 (白加士街)

營業中

休息中

一直在我bookmark list上嘅「十三姨」，終於趁呢個假期去試。午飯時間到達，好多人呀，如果我遲少少到嘅話就要企喺門外等位啦。坐低後店員放低咗一”杯”七彩蝦片作餐前小食。餐廳有午市套餐供應，配飲品(凍飲唔需要加錢😬)，另可加錢要特色小食。▫️嚦咕嚦咕 (HKD72) - 「十三姨」招牌菜之一。有玫瑰雞鎚、雞叉燒、溏心蛋、粉絲拼米粉。我加咗$15轉翠玉瓜麵，原因係我想盡量食少啲澱粉質😬 每款湯麵係用個小鍋上，我呢個「嚦咕嚦咕」放喺我面前時仲係冒緊煙嘅，啱晒最近凍凍地嘅天氣食。翠玉瓜麵份量都唔少，反而配料就細細件。以玫瑰雞鎚為例，唔知係唔係要襯番個菜名，雞鎚只有頂部係有肉食嘅，真係一啖就咬咗去啦😂😂我幾欣賞「十三姨」嘅祖傳雞湯底，味道淡淡地，同翠玉瓜麵味道幾夾。我飲咗好多啖湯底之後完全唔覺得口渴！食湯麵而又食得辣嘅話我建議加啲「十三姨辣椒醬」，可以為清清地嘅湯底調吓味。飲品叫咗杯烏龍冰茶～杯飲品有半杯都係冰～太多喇🤦🏻‍♀️

Quite a popular restaurant so made it right after they opened at 12:00. No queues, no waiting, just beautiful.Champion Chicken Soup (Glass noodles and rice noodles)Chose this because it was labelled as signature and I was craving noodles. The soup was plainer than I thought, which was actually great because I added green chilli paste and it was the perfect kind of hot for a Hong Kong winter day. The noodles were filling without being heavy. The sausage rolls offered nothing much so wouldn’t orde

【 🍛 好似叉燒飯(素食) 】---包好飲一杯 👉🏻 蜂蜜蘋果茶🍵---($68) *設加一服務費*～～～📍評分：9.5/10 ～～～⏩ 呢間bookmark左好耐終於黎試下，一坐低就有三色炸蝦片送🤩，香口野餸飯一流😛！蝦味夠濃🦐，炸得又夠脆口，微甜好好食！最鍾意粉紅色，好靚好少女心💕！而且仲送口罩套，總之服務好貼心💯，店員好nice🥰！～～～賣相好吸引啊😍，好似紅綠燈咁❤️💛💚，呢個形容我覺得幾貼切XD‼️素叉燒炸好重焦香味🔥，外皮炸得超香脆，食落卜卜聲💥，外脆內軟！最正係個醬汁啊❣️，蜜香味真心超出🤤，燒得好香，鹹甜度調得啱啱好，絕對係非常之惹味香濃既醬汁👏🏻！真係同食叉燒飯冇分別😆，應該係炸麵筋🤔，但係我食到一樣既味道，應該呢個好似仲好食😜！煎蛋微燶邊🍳，蛋汁撈飯絕對冇得輸啦🤩，濃濃既蛋黃香好甘香濃郁，蛋控至愛🥚！配埋日本珍珠米🍚，口感特別彈牙，同埋有日本米獨特既米香🌾，仲有微脆既炸豬油渣餸飯🐷，夠灑香口惹味！菜心亦好爽甜多汁🥬，可以中和下d濃味野！～～～蜂蜜蘋果茶帶甜甜既蘋果香🍎，同蜂蜜既香味好夾🍯，飲落好柔和好潤喉💦，仲有新鮮蘋果粒！～～～✅ 整體黎講，食物既質素比預期更好👍🏻，令

枱枱都會送彩色蝦片！又有貼心口罩袋👍🏻金牌牛肋條銀針粉食咗一嚿牛肋條  味道普通🧐炙燒玫瑰雞槌湯粉絲 （轉銀針粉+多青~~）雞槌好好食！~~~不過就細隻咗啲ww要求多青，但比啲湯浸開後唔覺多蔥了😶銀針粉有細個食嘅味道

🥢嚦咕嚦咕(玫瑰雞搥，雞叉燒，溏心蛋，粉絲配米粉)湯底係調味比較淡嘅雞湯，玫瑰雞搥(兩件)炸得香口，雞叉燒肉質嫩滑，溏心蛋無乜特別。除左粉絲配米粉，入面仲有腸粉，但呢度嘅粉絲唔係屬於彈牙果種，同埋米粉又比較碎，腸粉唔掛湯又無乜米香，唔係好合個人口味🥢上等牛肉陽春麵(安格斯牛肩胛，溏心蛋，陽春麵）呢個麵嘅湯底比較濃郁，附上青檸同芫荽，有啲越式牛肉麵嘅風味！安格斯牛肩胛份量好慷慨，而且肉質同味道算唔錯，牛肉味濃，而陽春麵彈牙，又掛湯，相比之下會喜歡呢個牛肉麵多過雞湯麵。🥢椒鹽魷魚鬚炸粉唔厚，外層香脆，魷魚鬚彈牙！🥢蝦片(贈送)

生酮友好餐廳🤩👍注意: 不適合嚴酮人士🙈今次去到佐敦分店 裝修同旺角分店差不多都係行中國風，木枱木椅🪵🪵今次決定試新野~😋之前去都係食翠玉瓜麵🥒⭐今次試: 大三元 $70+$18 →轉椰菜花扮飯🍚有溏心蛋、燒雞卷🐔🥚雞絲拌"飯"，可見雞絲相當足料👍椰菜花扮飯真係扮飯扮得好似❗好有驚喜❗如果想食下纖維又唔想食澱粉質🤔推薦你試一試呢個椰菜花扮飯😉 口感一流👍 粒粒分明👍調味亦唔會過重👌🏻如有需要，可自行再添加醬油🍶

📍 十三姨 ~ 佐敦白加士街42-50號金寶樓地下6號舖已經9點ish啦，諗住食個快嘅就返屋企，點知好似鬼揞眼咁樣🤦🏻‍♂️🤦🏻‍♂️🤦🏻‍♂️就入咗呢間咁嘅嘢😒😒😒 入到去都已經有啲唔對路，算啦好又一餐唔好又一餐，諗住叫佢嘅招牌菜就冇死啦，點知🤯🤯🤯真心好L伏🤷🏻‍♂️🤷🏻‍♂️🤷🏻‍♂️1)十三飛牛湯粉絲配米粉，寫到明係湯底就係靈魂，材料包括安格斯牛肩胛、牛肋條、糖心蛋、粉絲配米粉，簡單講只係一個普通肥牛粉絲配米粉，湯底味精太多，飲完一啖口渴到爆🥵🥵🥵其實最基本嘅煮米粉都做得唔好呢一碗嘢點會好食🤦🏻‍♂️🤦🏻‍♂️🤦🏻‍♂️仲要係推介招牌菜🤯🤯🤯簡單講句呢米粉爛晒嘅咁點食😒😒😒其實唔想我食出聲囉😖😖😖我可以去過第二間㗎😩😩😩2) 蒜蓉拍青瓜，全晚最好食嘅嘢🤦🏻‍♂️🤦🏻‍♂️🤦🏻‍♂️青瓜新鮮就做到㗎啦。環境正正常常，如果好食就一定會係合理，垃圾到一個點😭😭😭真係千祈唔好去，唔知點解OpenRice 🍚所以咁多Like😤😤😤。

一坐低侍應就送上一客蝦片，味道不錯！麵食嘅湯底飲落好清，對於我黎講有啲淡冇乜味，但我已經唔算食得重口🤷🏻‍♀️麵嘅份量好多，食半碗就已經夠晒飽～但係啲餸就好少，雞鎚只有三小舊…加埋個咁清嘅湯真係。。😂 同行朋友話佢個銀針粉都OK，我未試過就唔知啦～成餐我覺得最好味嘅就係份蝦片哈哈.#炙燒玫瑰雞鎚湯粉絲 $66#金牌牛肋條湯銀針粉 $62#蜂蜜蘋果茶

鐘意食湯面既你千祈唔好錯過！♥️之前去旺角嗰間分店，永遠都勁多人排隊，次次都排咗好耐，今次去佐敦呢間分店，原來會小人排d!所以如果大家唔想排隊就記住喺佐敦嗰間分店啦！一坐低佢會有一碗蝦片同埋一杯茶俾你，杯茶裏面有一個佢哋嘅茶包，好濃郁既味，唔係普通一大壺沖出嚟嘅茶！ 我次次黎親都會食銀針粉😍因為唔係度度都有得食，不過試得太多銀針粉，都會想試吓佢其他麵食，都好好味😋如果你食得辣嘅！可以加埋佢個辣椒醬，係自家秘製嘅，夠辣，加埋落個麵到簡直Perfect match！！另外佢個蜜糖西多雞翼都好好味！！都值得一試！🥰🥰

本身係一心諗住去食澳牛嘅但係都有啲人排隊所以食咗對面呢間十三姨望落去啲野食名都幾有特色午餐就有埋野飲今次我就揀左炙燒玫瑰雞搥雞湯粉絲🌹聽落似係用玫瑰露醃左啲雞飲品要咗個蘋果茶如餐牌所見啲麵會係成煲上嘅所以會熱辣辣♨️夏天食就會有啲太熱我諗冬天食會開心啲講返個玫瑰雞鎚，佢上面真係有啲玫瑰花瓣😂但係食落去其實冇乜特別 係一個普通鹹味雞鎚半隻糖心蛋正正常常 至於個粉絲除咗粉絲之外仲有三條腸粉有少少九唔搭八嘅感覺🤭雞湯係好味嘅唔算話超級鹹但係我食得清淡都覺得配粉有少少唔夠味要加番少少自家辣椒醬佢仲有其他牛肉湯底嘅麵食不過定價都覺得偏高要成60幾70幾蚊一碗麵黎講食材方面唔係真係好高質素湯底亦唔算太出色呢個價位會有更多其他選擇

工作人員態度十分差、、、、本人2人14 :30左右到此店想試吓鵝肝飯，跟著店員給我們近cashier位置有張2人枱但真的很窄，然後跟店員說想換一張、、、因為此時店內有4一5張是吉枱而且門口又冇人等所以希望食得舒服啫，點知店員回覆這張2人枱已經很wide啦，當時火都唻呀，不過這還未算，我後面又有2人入來食但佢可以給他們其他4人枱，於是即時走人。就算你啲嘢幾好食都好，接待客人是這樣的話，都是劉華嗰句今時今日咁嘅服務態度，笑咗。😆😆

佐敦同尖沙咀都係我番工既飯堂，佐敦真係好多好野食，今次黎試十三姨既lunch，我叫左雞叉燒米粉湯麵，粉麵有得轉粉絲，陽春麵，加錢轉翠肉瓜麵都得先講碗湯，味道濃沃，似雞湯味，食麵果陣想飲晒成碗湯佢！雞叉燒味道都唔錯有4舊覺得少左啲，仲有3舊豬腸粉唔知點解咁加落碗湯麵入面。總結黎講係幾好食亦會覆桌。但是！重點黎了！佢除左雞叉燒出名之外，在湯麵入面另一樣餸都出名就係玫瑰雞槌，剛好同行友人食呢樣，我就可以同佢分享交換左一件食（利申：是在開始食之前）雞槌味道濃烈！啱晒重口味既人！但係！份量超少， 有睇過其他post既人都知道佢個樣係點。就係有一半的雞槌肉不見左，朋友戲稱店家拎左啲肉黎整雞叉燒。一碗粉麵配3舊雞槌，份量極少，十分不抵食。同行友人以前食開旺角分店，佢話以前係完整的雞槌，今次見到一半份量的雞槌感到失望。希望店家可以改善呢個問題，中午食雞槌麵都唔平要成$76。呢個價錢我認為在佐敦有其他更好既選擇。

朋友要食生酮餐於是就搵咗呢度，嚟到見到餐牌即刻被個鵝肝飯深深吸引，雖然都擔心會肥膩，但實在太中意食鵝肝啦，唔食鵝肝飯一定會後悔，為咗唔想咁飽就將白飯轉咗扮飯，於是乎同朋友各自都叫咗一個鵝肝扮飯，再加咗一個薯蝦卷（唔記得咗餐牌個名）。鵝肝飯上枱個樣勁邪惡，色香味俱全，但唔知點解個鵝肝飯令我諗起學校飯堂嘅雜扒飯，可能大家都係簡單但又飽肚好味？不過食食下我有啲後悔自己食一個鵝肝飯，食咗三分一已經覺得好飽啦，冇諗過椰菜花都可以咁飽兩個人share一個飯可能會好啲。個薯蝦卷就有少少失望，炸得唔夠均勻有啲位唔脆而且好多油，略嫌隻蝦細咗啲。最唔開心係個餐牌有啤酒但冇啤酒提供有啤酒配鵝肝炸物應該會食得爽啲

健康翠玉瓜麵炙燒玫瑰雞湯粉絲 +$10 翠玉瓜拼粉絲玫瑰雞 香脆 唔會太過油膩另外有檸檬 雞鎚配上檸檬汁 不過咁細隻嘅雞鎚仔都幾得意 但感覺肉就唔多翠玉瓜拼粉絲 好特別嘅配搭有菜有粉絲感覺健康

呢日放工叫老公陪我醫肚先行街 ,  沿路行去佐敦.....見呢間比教多人排隊等位同等外賣 , 就試呢間.....又咁啱有位....坐底就比杯茶同比一碟餐前小食蝦片 ,  落單後大約10分鐘就黎齊食物.....牛肉陽春麵牛肉都算大塊同算多 , 仲有半隻流心蛋添 , 個湯好有肉味飲左幾啖.....手撕雞伴雞油飯 , D飯好香雞味同埋軟熟 , 不過我嫌多薑蓉......叫左杯話梅可樂好醒胃食物容器會用竹墊墊住 , 我覺得幾靚同特別 , 不過枱與枱距離比較狹窄 !