2025年11月25日 星期二呢日行過紅磡商場，離遠就見到「十三姨酸菜魚」個招牌，黑底金字夠晒搶眼，門面乾淨企理，裝修走中式簡約風，有啲文青感但唔會太浮誇門口仲有大大張餐牌，主打酸菜魚同一系列川味小菜，睇落選擇唔少，價錢都算親民，啱晒同朋友嚟打邊爐食晚餐餐牌選擇多元，小鍋米線可以自由配搭，而晚市主打「小鍋米線」同「四式套餐」，米線可以自選湯底，包括清湯、番茄、酸辣、麻辣、沙嗲同配料，最多可以揀4 款配料而配料選擇超過 30 款，由牛筋、豬手、鴨血、魚腐到金菇、芋頭都有，辣度仲可以自選添另外更加有冷撈米線同麻辣熱食我就要左招牌十三姨酸菜魚幼薯粉，一上枱就聞到酸香撲鼻，湯底呈金黃色，酸菜夠哂發酵味，酸中帶辣，花椒香氣滲透晒成碗湯魚片滑溜溜，完全無骨好咬口，配埋幼薯粉真係絕配，粉條吸晒湯汁，入口酸辣夠勁又唔會太重口，食到尾都唔覺膩辣椒同花椒浮喺上面，視覺上已經夠晒震撼，食落仲有層次感，真係醒胃又過癮呢個係椒鹽小酥肉，外皮炸到金黃酥脆，咬落去「咔」一聲，肉質嫩滑唔乾柴椒鹽味唔會太重，啱啱好提味，配埋旁邊嘅辣椒粉一齊食，鹹香中帶微辣，好適合做下酒小食份量唔算少，幾個人夾住食都夠分，食完仲想即刻追加飲品我要左凍檸檬薏米水，清清地帶微酸，薏米煲得夠腍唔會硬，檸檬片浮面，飲落有層次感味道冰凍爽口，啱晒配辣野一齊食，解膩又降火，飲完成個人都涼晒整體嚟講，「十三姨酸菜魚」唔止酸菜魚出色，其他小菜都好有水準，餐牌選擇夠晒自由，價錢合理，份量足，服務都幾有禮貌下次會想試埋佢哋嘅麻辣牛筋同撈米線系列！…查看更多
