匯星廊

都係因為工作關係，行機場館，先至要入嚟結果，都係食呢一間拉麵烏冬。（次次都係食呢間）烏冬$108包豆漿或者汽水（今日冇豆漿，變咗橙汁）冇問題，係咪應該同人講聲呢？收銀員話：豆漿就係我哋嘅術語，其實係橙汁！當然知道佢係講笑，不過，你代表公司，係咪應該正常啲呢？ ）另外加錢，正價$52 ，跟餐$25嘅燒豬仔髀，結果，豬仔髀嘅尺寸，同$12嘅滷水蛋一樣大？就算係加$25 ，你應為這價錢合理啦？ 香港餐廳，你俾返啲良心好嗎？ 香港人精神，係有良心㗎。後記： openrice 唔俾人出post! 太尖酸刻薄，構成誹謗！咁我修飾吓啲字眼啦！我個人認為， 物非所值！ …查看更多

Attended an event at the Asia World Expo, and had lunch at this noodle bar. .I ordered the Noodles with Dried Shrimps Roe & Chinese Chives Wonton in Broth. The wontons came with four pieces. The chives were fresh and the shrimps were plump, making the wonton mouthful and satisfying, esp after they absorbed the tasty broth. The noodles were quite chewy. The meal came with a complimentary glass of soy milk or soft drink, and I selected soy milk, which was quite smooth with a strong bean aftertaste. .Customers have to order and collect their food at the counter, so it's kinda like self-service in some ways. …查看更多

香港服務態度真係比呢班人拉低晒，真係不知所謂，非常之唔開心嘅Experience。話說我哋行到去落單，本身睇到個落單嘅女仔A態度都係一般，說話冇尾音，從來沒有眼神接觸，唔算有善。落單後我哋坐喺出餐嘅吧枱，之後食物出咗，一位睇嚟較資深嘅女職員將我哋嘅餐擺喺我哋面前，一切都冇問題。我都講唔該。直到我在叫第二個餐，我見個餐出咗，一直都擺喺吧枱下便個table top，於是我就話「唔該，請問嗰個係咪我哋嘅餐」。今次呢位女仔B，一樣係唔會有眼神接觸，更居然將個餐擺喺吧枱另一邊叫我自己過去攞。然後唔理我仲走咗。冇晒人，我唯有行過對面囉。之後見到個着晒黑色西裝嘅阿伯，好明顯係經理。真係好想同佢反映吓，因為真係覺得點解要咁樣。我好有禮貌咁同佢反映，佢嘅答覆居然係「我哋呢度係自己取餐嘅」跟住又走咗。首先自助取餐佢冇明顯指示，就算當我睇唔到應該要自己取餐，其實都可以有好多更好嘅回應同解決方法。香港點樣同內地爭⋯…查看更多

入到黎亞洲國際博覽館，以為會冇啖好食周圍行嚟行去，發現咗呢一間店咁啱呢排身體唔係咁舒服，想搵間清淡啲嘅嘢食食吓發現竟然有花膠鮑魚食，聽落好似好補咁就叫咗個嚟試吓個面好足料，而且雞湯味好啱啱好，唔似雞粉落嘅湯唔知個面，原來本身會有菜，所以另外加咗$25叫多碟菜，本身以為係普通生菜，竟然有菜芯食盡量都幾夠填飽肚，啲雞都唔係嚡平時唔係咁鍾意食米線嘅我，竟然食得晒感覺都唔錯，可以一試價錢方面喺博覽館嚟講，算係咁$138碗都係細碗但係個形式就類似food court ，要自己叫完餐自己搬過去枱嗰度，如果自己一個人食就唔係咁方便…查看更多

四川麻辣湯米線🍜$98熟肥牛肉，風味川辣牛丸，孜然牛肉串😎去到好遠食午餐😂呢度真係冇太多選擇🤣價錢比起市區貴好多🥲幸好味道不過不失😆自助拎餐，而且都幾多人去食🌝Spotlight Bar 匯星廊 (赤鱲角)赤鱲角亞洲國際博覽館1樓…查看更多

第一去亞博。係為了去睇show，其實我估大部人都係去睇show先去！睇show前去到行市集，所以就決定係亞博食啦~ 原先以為都會好似機場咁多餐廳，但原來得好少，仲要間間都好多人排 (冇show日子唔知啦) 8點開show, 6點幾已經開始搵餐廳........爭D諗住企係到食外賣算 (灰) 呢間望落去環境好好，每張枱間隔得比較遠，有空間感餐廳唔算多位，不過條隊keep住有move，照排啦，叫做有望7點幾入到去食。結果7點零都排到入去 (安慰) 排到下一張到我地時，都可以叫住野食。(算係咁啦)我同老公，再加老公2位朋友，一共4位一齊食，排到我地時，話要分開枱，又話要同人搭枱，不過我地行到入去，明明可以4人一枱..... 可能出面reception個waiter唔清楚啦~老公好鍾意食雲吞麵，一見到就二話不說order，佢平時好快食晒，今次勁慢，唔知係因為唔夠好食，定真係份量咁多~而米線控的我，就真係覺得唔好算好食，而且份量又真係多，所以都有食剩不過都叫做食得落嘅，咁嘅情況下，睇show前入到去堂食當贏唔會推介大家專程入去食呢間，不過好似我地咁，睇show前又已經身在亞博，呢間環境算係咁！食物質素一般，價值合理！OK！…查看更多

送完朋友機，見亞博館新開咗間粉麵嘅餐廳，一於去試吓😋 叫咗個韭黃雲吞麵，上碟五粒雲吞，蝦夠大隻，爽口彈牙👍 湯底清清地，同個麵好夾味，一啲鹼水味都冇，值得一讚全部粉麵可以散叫或者轉套餐，有個小食同飲品。今次揀咗蒜香雞翼，雞翼香口入味，配埋杯豆漿，夠哂滿足😆店員好有禮貌，落單嗰時仲好好心機教我download亞博館個Apps拎8折🤪…查看更多