動漫樂園及主題餐廳

一個有野玩有得食既地方我地就食完先去玩geh去既時候剛剛完左個新年套餐 所以就試左佢地時不時會轉既晚餐啦呢度係整好多粟米南瓜湯 有粟米粒粒 鹹淡濃度都好合適今次既湯 亦都食到南瓜味番茄大蝦意粉 份量剛好 醬汁甜左d 但茄膏同番茄既比例都唔錯，有三隻蝦 有挑蝦腸 肉質夠實佢地既特飲都唔錯 雖然甜但心情好當然就要飲甜d haha.- 西日式番茄大蝦意粉 ($76)- 跟餐)- 藍柑柚子星空梳打 ($19)- 檸檬黑加倫子梳打 ($18)加一: No…查看更多

進入餐廳前，要經過小遊戲樂園之後先進入到餐廳。主題餐廳內，牆壁都貼滿卡通人物圖案，小朋友非常之喜歡！餐廳內位置非常之寬敞！卡位呢邊有鹹蛋超人卡通圖案，亦都非常之舒適，非常適合一大班朋友約會或家庭聚餐！我今次下午茶餐時段，叫咗個雞翼薯條🍟雞翼有三隻，薯條一大碗，小朋友至愛！價錢相當合理！另外叫咗碗日式蟹柳拉麵，有半粒流心蛋，三條蟹柳、一堆粟米粒、仲有椰菜同筍！印象中40幾蚊碗！分量正常！味道冇乜特別！算係咁啦！…查看更多

There were game machines beside the café and therefore the environment was a bit noisy. Took a seat and ordered the main dish of Red wine braised ribs with mushrooms and rice. There were six large brisket pieces served in a pan with a plate of rice with mushroom. The standard of brisket was cooked conventionally with red wine, tomato, carrot and subtle spices, taste like Cha Chaan Teng while seasoned rice was more attractive to me because of the balanced of saltiness and the flavour a bit dried mushroom slices. Can have a try if no idea of where to go.…查看更多

係Megabox行到7點幾，友人開始嗌肚餓，咁我地就開始諗下晚餐食乜好。經過呢間鋪既門口見佢有餐牌擺放左出來，個Menu又好似唔錯咁，咁我地就入左去食喇。由於大家都好肚餓，所以都嗌左比較Heavy既食物，包括：鐵板芥末子燒汁肉眼扒薯菜和鐵板春雞薯菜。落完order之後都等左半個鐘d食物先到，有少少失望，個肉眼扒雖然份量十足，但黎到既時候係暖暖的，估計應該係做好左之後放左好耐先有職員送來。燒春雞就好少少，至少黎到既時候都係熱。薯菜方面就不要抱太大的期望，勉強都還可以入口。…查看更多

MEGA BOX Lift門一出，小米就看到這個色彩繽紛的遊樂場。看到門前佇立的餐牌，價格合理，所以在此午餐。　餐廳就位於遊樂場所最入最篤的角落，就座後，開始最重要的事：選菜。點了二個午餐，慢慢等待食物來到。　　日式咖哩吉列豬扒飯　職員放下吉豬飯後就離去，唯有自行將整碟咖哩飯移到小米面前，然後就發現食指和中指有油。　　　正常拎碟方法，是拇指按著碟邊的上面，然後食指中指無名指放在碟邊的下方，以這種手勢拎起碟子。可是碟邊的底部竟然有油，唔係呀化！！　　　日式咖哩，照計是偏甜。但這個啡黃色咖哩，味道較似沙茶醬／沙嗲醬，總之不辣，還有沙沙口感。不過，小米依然津津有味地享用咖哩吉豬，咁當然無問題啦！　　　胡麻汁大蝦藜麥漢堡　漢堡包很厚身，芝麻包夾著几件蝦肉，點點藜麥配大量的蘑菇，几塊生菜，感覺好健康。  只是漢堡包真係好厚身，餡料又多。一面食包，一面漏餡又滴汁，胡麻和配料都落在伴碟的沙律菜，就當做沙律Dressing。　軟棉棉的炸薯角，表面仍然反光，感覺很油膩。　　炸薯角有油是正常的，但木柄位也有油光呢！吉豬碟邊有油，漢堡包盤的木柄位也有油。這個是衛生的問題。熱咖啡　　忘了告知職員要黑啡。　加左白色液體的咖啡，嚐不到咖啡原味，飲到一半就放棄。用膳過後，細看場內的遊戲，真係消遣和燒錢的好地方。不過，我還是比較喜歡掟彩虹。…查看更多

之前已經在團購網看過這主題餐廳有優惠，一直想帶小朋友來玩玩！時間久了，也就不了了之⋯今次約了朋友在附近，打算逛逛便走，剛巧看到這主題餐廳，兩隻小魔怪當然唔放過玩嘅機會啦！ 這個是給120cm以下年幼小孩免費玩樂（5mins)的區域下午茶set很抵食（竟然忘了影餐牌，失敗！）更想不到主題餐廳能有這質素，點四款餐，四款都好吃，絕對值得帶同家中寶貝一起來吃喝玩樂！8吋pizza肉醬薯蓉芝士火腿三文治雞翼薯條…查看更多

呢間餐不知所謂，好似第一返工，無人係門口做接待，應該好快摺。成間餐廳有5-6個侍應，無人叫無人做，你推我做，我推你做，全部都唔想做，不知所謂，所謂親子餐廳，求其有個兒童餐，就話親子餐廳，都樓下茶餐廳無分別。…查看更多

Weekday來到Megabox這間餐廳試試, 可能是地點關係, 真的很少人, 坐得很舒適!餐廳出面是個遊樂場(類似冒險樂園), 直走進去, 便是餐廳。正出面有個給小朋友的遊樂場, 免費玩5分鐘。餐廳樓底很高, 枱與枱之間有很多距離, 其實真的很少有這麼大空間感的餐廳了。牆上都有很多動漫的圖案, 還有其他有心思的裝飾, 對面有一大枱家長與小朋友開生日party, 都完全不會影響我們。還有卡位, 沙發, 環境來說, 真的坐得舒適和自由。店員通常在櫃檯, 不會打擾到你。但你需要時能立即過來, 服務態度也很好。 有set dinner。有小食。香草南瓜雞肉絲炒意粉 $65份量都很够大, 估唔到個南瓜意粉味道不錯, 南瓜一點也不漏, 雞絲其實幾乎是雞塊, 大大舊, 而且都滑, 並沾滿了南瓜味。整個意粉的南瓜味都洽到好處, 香而不膩。墨西哥薄餅 $78另外這個墨西哥薄餅, 來了的時候, 有點覺得怎麼賣相如此簡單。但吃完, 卻覺得值得推介。它裏面的肉餡, 很juicy, 而且加上墨西哥的香料, 和表面的千島醬, 伴著脆皮, 真的很不錯, 值得一試!雖然值錢不算是便宜(也不算貴), 但環境舒適, 有空間感, 親子, 朋友, 情侶都適合來, 加上動漫主題, 食物質素也不錯, 其實值得一試。可惜它的位置比較偏僻, 大多數人如果不特別找, 外面看來都會以為只是一間遊樂場, 不知道裏面是餐廳。…查看更多

同小朋友們去Mega box玩具反斗城買嘢,順便食埋飯,老公見入面有嘢玩又有嘢食,諗住比小朋友開心下,門口好似冒險樂園甘,很多遊戲機,仲有衫仔賣tim成個埸好大,牆身有好少屬於我細個既卡通人物,亦有現在我的小朋友喜歡的,但得我們同另外一台客,好奇怪,好清靜。首先叫左個蟹柳拉面比仔仔食(麵質吾錯,少少彈牙了),點知仲送左條綱絲,雖然有換比我地但D態度嘛麻地;叫左杯忌廉,但完全無氣既,又換過,D侍應西晒口面,好似我們好麻煩好 挑剔 甘,仲一句Sorry都無芝士狂魔既囡囡,諗住她叫個芝士焗薯條比她,實鐘意啦,點知食吾到两條,就成碟擺係度,無再食過!我幾鐘意食個海鮮pizza,幾廿蚊千祈吾好說佳有D咩海鮮,總之吾難食就〇k,千島醬係組細個果口味道,係用來回憶的_一間餐廳食物同服務都好重要,如果食物差,可以用服務來塔救,如果两樣都吾〇k,甘就聽天由命…查看更多

同事介紹了我這個地方， 今日同小朋友第一次去咗呢間cafe食野，環境都不錯，地方也很乾淨，cafe 出面可以換金幣玩，令外有啲小朋友T-shirt同文具，都幾低嫁，我買了兩件小T比小朋友都係99，之後換佐小小金幣比小朋友坐車車就去佐間cafe食野， 叫了份扒扒同小朋友一齊食，價錢同味道都不錯，啲員工也很好人，食物來得都好快，整體今日都好快樂，同小朋友黎這裡都是不錯選擇，下次再黎試其他野食先.......…查看更多

今日同個仔一齊過來megabox溜冰跟住溜完之後就去咗動漫樂園度玩估唔到樂園入邊有間餐廳味道幾好服務態度也不錯最尾走果陣個經理仲送咗幾粒糖比我地都幾nice下次會再黎過…查看更多

黎過幾次都未寫過食評😅黎個綜合先團購代幣得知有間餐廳系入面...小朋友見到個門口已經好興奮🤡換左代幣要食飽飽🍴先可以去玩🕹每次黎都系假期,每次餐廳都吾洗等位每次諗住拿林食飽就去玩,所以冇影相😂第一次黎到安排坐中間位置坐左一陣就話有人book左枱要調去第二度野食未到吾緊要,張就下冇問題👌嗌左個類似拼盤既野,大概$160有薯條🍟雞翼🍗pizza🍕....小朋友最開心下午茶餐-地獄海鮮🦐🐟拉麵以為真系好地獄,原來得個名😝第二次坐近門口位嗌左個兒童餐🍱白汁雞扒🐤飯舉手舉左好耐想拎2隻碗2杯水最後都系自己出去拎仲快趣不過出到去拎比侍應眼望望之後問拎咩答完想拎碗仔佢就用佢既手指👆話我知系邊唔該哂🙏第三次系最少客既一次,全場得3枱可能因為火車寿司🍙開左既關係今次亦系完全冇人理既一次😰舉手冇用系連嗌唔該都冇用呀終於有人理我地喇👏個樣👹完全系全世界得罪左佢?嗌哩樣冇果樣冇....今次亦令我的起心肝打食評…查看更多

妹妹推介呢間既有得食又有得玩既餐廳，最適合一家大細黎。餐廳位置與下層玩具反 斗城同一位置，地方好大，有三分一位置係擺放精品售賣品，例如文具，公仔和衣服等等。有三份位置擺放遊戲機，好似籃球機、推糖機、掉彩虹銀仔等……再行入去就係餐廳位置， 餐廳牆身貼滿卡通圖案 ，咁啱今晚唔多人，坐到舒服卡位，地方算頗闊落，枱與枱之間都可以有兩個人經過嘅。嘢食嗰part，我哋叫咗一個芝士鮮茄菠蘿焗豬扒飯， 豬扒幾鬆化，感覺似食緊大家樂嘅一哥焗豬扒飯 。胡麻醬雞髀露蘑菇意大利粉 ， 雞髀肉味道剛剛好，有胡麻的香味又唔會太濃 ，而且冇白汁甘油膩。 墨西哥薄餅薄餅皮比較脆薄， 餡料醬汁都足夠。 水牛城雞翼 ，雞翼炸得好香脆， 所有食物上枱嘅時候都係熱辣辣，賣相亦算有心思。另外加咗26蚊加兩個南瓜湯， 南瓜湯係偏稠，唔會水汪汪， 西瓜汁 雖然唔係太甜但係係新鮮即榨，唔會溝曬糖水。…查看更多

今日星期日放假，又要變身扮好媽媽角色😎撞岩尋日2~12~2017係我個仔既細佬12歲生日，咁今日就同佢補祝生日飯，而壽星仔話鐘意据扒，當時我地響MageBox 行緊，最後大家都決定食呢間主題餐廳！一入座就覺得好色彩繽紛既感覺，成間店牆上都畫上不同的公仔圖案，仲有我最愛既咸旦超人，真係好得意。睇完餐牌後一人點左一入扒餐，另加左幾樣散叫同埋飲品……壽星點左T骨扒餐（燒汁）我肥仔點左什扒餐（蒜蓉汁）我點左肉眼扒餐（黑椒汁）跟住佢地話要點小食，我都諗住既然慶祝生日，當然佢地想食咩都由佢啦，所以無諗過份量問題，由得佢兩兄弟點豬助骨，芝士焗肉醬薯條，我就點左塊辣肉腸Pizza，至於飲品，我飲青蘋果益力多梳打我仔飲左2杯凍朱古力壽星飲士多啤梨奶昔+紫檸檬沙冰咪講笑，呢餐飽到甩碌，我除左食晒自己份肉眼扒外，仲食埋佢地既配菜，兩個男仔根本就係眼寛肚窄，佢地自己份扒都食唔晒，當然更加無可能食到小食啦！真係唯有叫佢地打包返屋企做宵夜，但呢間我都覺得幾好食，除左好食之外，每一位服務員既服務態度都超好🖒真係好有禮貌，唯一有點小失誤就係我食唔晒啲野要打包，問服務員攞2個外賣盒，但攞黎既外賣盒根本唔岩用，後來我再問有無一啲無格既外賣飯盒，竟然係無既，咁我唯有將豬肋骨切開一舊舊先放入盒內，但呢款盒亦唔適合放Pizza，亦抱住世上無難事，只有格硬黎既宗旨，將食唔晒既野打包好……………查看更多

🎈這店位於九龍灣megabox， 面積甚大 ，除了有不同的遊戲設施外，一路走入去，就會見到餐廳。🎈餐廳門口有個地方提供給小朋友嬉戲，免費玩5分鐘。🎈內部環境廣闊，完全無壓迫感，樓底高，枱、椅及整體裝修以簡單為主，牆身有不同動漫主題的漫畫牆紙，頗吸引!🎈餐廳提供幾款精選晚餐，由$58-$88不等，加$26可額外從沙律、餐湯及甜品三款中選兩款配搭。🌞美式雜扒配飯及飲品 $88份量夠晒大，疊到一座山，有雞扒、牛扒、豬扒、腸仔、煙肉及配菜，甚為豐富，各款扒類不“鞋”不韌，肉林入味，配上醬汁食味道不錯。🌞咸蛋超人兒童餐 $88沙律、雞翼、超人蛋包飯、超人啫喱及橙汁1杯。其實無乜挑剔，因為小朋友鍾意，就係咁簡單。從外觀上，用上咸蛋超人餐盒是吸引的，而超人蛋包飯及超人啫喱都很受小朋友喜愛。不過唯一就是咸蛋超人較傾向男孩子所喜愛的類別，若果有多一款女孩子喜愛的類別就更好。🎈整體來說，食物味道不錯，不用加一是一個賣點，另外，要留意食物供應至晚上八點半，要食就要早些到了。…查看更多