勇記海南雞

營業中

休息中

呢間海南雞主力做成隻海南雞外賣佢地仲有另一間分店係九龍區以前因為係上環返過工有買過呢間海南雞返屋企做加餸佢地d海南雞一般係下午4pm左右賣晒就會提早收鋪所以佢地堂食座位供應好有限堂食除左海南雞飯，仲有喇沙湯粉食呢次我就試堂食喇沙海南雞米線所有堂食都送個椰子湯，椰子湯還ok佢地個喇沙海南雞湯底好重椰香味食到有少少花生味不過堂食就貴d, 同埋雞肉都唔算比得多我飲埋個湯勉強先夠飽雖然味道係唔錯，但都係海南雞正d

每周我都幫襯勇記至少一次，但勇記逢紅日都休息，今周尚未去過勇記，傍晚一回到上環，便又走到勇記，到達時客人仍不太多，瞥見牆上張貼的單張上，有一款較新的蔥油海南雞油撈麵，心想鵝油撈吃得不少，但未試過吃雞油撈麵，便柯打了一客跟一杯桂花烏龍茶來解脂。 由落單後約五至十分鐘便上檯了。碗中除了嫩滑的雞肉外，還有麻辣醬、蔥油、青瓜絲及雞油，將所有配料撈勻後便正式開動，混合了麻辣醬的辣勁丶蔥油加上雞油的香，以至青瓜絲的爽，令撈麵在香辣中帶鮮爽味，令人更開胃大嚼，一箸麵跟著吃一啖爽滑的雞，不禁追著吃過不停，不久便吃光了。 美中不足的是麵底只有油麵，假如可改用粗麵來撈，一定會更加好味。#古滑的雞絕不滑稽

之前就聽朋友講「勇記海南雞」好正，好多傳媒都有報道，每次lunch經過都見到排長龍。有日晏咗出去食lunch，見到冇太多人，就決定去試吓。我叫咗去骨海南雞飯。雞肉方面，真係唔算突出，唔覺得特別嫩滑，口感比較普通。個醬汁亦都唔算好惹味，冇咩層次感，難以令人印象深刻。至於個飯呢，唔夠油香⋯好普通原本充滿期待，點知有啲失望。以呢個水準，如果要排隊等候嘅話，我未必會再食。可能期望太高，所以有啲落差🙂‍↕️

話說我已幫襯這間勇記很多年，從來都知道是高壓式用餐，平時都是下午三四點才幫襯，因為知道他食飯時間很多人，那天心血來潮12:00進店不用等位，亦已馬上落單點菜，點了雞髀海南雞飯及湯，今次的飯有點生，到我食到差不多尾聲時候，一位女店員從我桌上一手抽起單子，用向我發脾氣語氣給說話我聽，差不多40分鐘喇喎，你個位有人等緊呀，跟着我回應他，我入嚟嘅時候你又唔講有限時？！個阿姐行開咗同另外一個阿姐喺度唱雙簧，心想如果你一早講明我就唔入嚟食啦，你這裏又不是坐得舒服，而且亦知道你是食飯時間，次次食完就走啦，根本不會再逗留，於是我湯也不飲便走了，大佬，我有俾錢食飯㗎，我覺得個女店員抽我張單出來睇果下已經好冇禮貌，再加上佢語氣好似要趕我走咁，我覺得好侮辱囉！真金白銀俾錢食嘢，香港人見到你差不多食飯時間，自己都會識做食完就走啦，你真係以為自己間舖頭好闊落，坐得好舒服咩？打工仔都係搵兩餐，搵食搵食啫，所以呢間舖頭我black list 佢，以後都唔會再幫襯！而家平時行過見到個舖頭名都藐視佢。

話說我已幫襯這間勇記很多年，從來都知道是高壓式用餐，平時都是下午三四點才幫襯，因為知道他食飯時間很多人，那天心血來潮11:40進店不用等位，亦已馬上落單點菜，點了雞髀海南雞飯及湯，今次的飯有點生，到我食到差不多尾聲時候，一位女店員突然從我桌上一手粗魯地抽起單子，用向我發脾氣語氣給說話我聽，差不多40分鐘喇喎！你個位有人等緊㗎，跟着我問她，咁我入嚟嘅時候你又唔講有限時？！個阿姐行開咗同另外一個阿姐喺度唱雙簧，心想如果你一早講明我就唔入嚟食啦，你這裏又不是坐得舒服，而且亦知道你是食飯時間，次次食完就走啦，根本不會再逗留，於是我未飲埋d湯便走了。大佬，我有俾錢食飯㗎，我覺得個女店員抽我張單出來睇果下已經好冇禮貌，再加上佢語氣好似要趕我走咁，我覺得好侮辱囉！真金白銀俾錢食嘢，仲要受你哋氣？離譜呀，其實香港人見到你差不多食飯時間，自己都會識做食完就走啦，你真係以為自己間舖頭好闊落，坐得好舒服咩？打工仔都係搵兩餐，搵食搵食啫，所以呢間舖頭我會black list 佢，以後都唔會再幫襯！而家平時行過見到個舖頭名都怕怕藐視佢。

勇記海南雞在紅磡區有點名氣，但由於店舖位置不太方便一直未有機會一試。假期來到上環卻發現勇記的蹤影，就內進吃個late lunch。餐廳面積不大，假期客人不多，因此我一個人也能夠坐到卡位。餐廳有不同的食物選擇，第一次來就要點她們最招牌的海南雞飯，奉送飲品或湯，見店家推薦就覺得要碗限量的椰子雞湯。雞湯細細的一碗，味道卻十分濃郁，有突出的椰子香甜和雞味，是偏重口味的，但熱辣辣飲也幾舒服。海南雞飯($66)迅速送上，是次我得到雞翼的部位。油飯的味道不錯，有雞油味但油膩感很低反而頗輕盈，特別是飲完濃味的湯有很大的反差感。雞件大概有五、六件，每件都不大，肉質是嫩滑的，味道也是偏淡一點，雞味不濃，正正常常，大概要沾著旁邊附上的泰式醬汁會比較惹味。味道來說勇記的海南雞是可以的，唯獨份量偏少，男士或者肚餓的女士就未必夠飽，經過可以一試。

好認同另一篇負評嘅標題 好食但係都係西平日12點幾出去買外賣，買完之後我一直企喺舖頭外面冇行開過，仲要企得好近，都一路有留意住有冇叫我號碼。一直未等到，但係都無啦啦可能聽到有啲後過自己嘅號碼都有。咁我都冇催嘅，因為有時都明白未必一定順號碼，大家叫嘅嘢食唔同，加上食飯時間都好忙嘅。但係阿姐衝出嚟嗌某啲number,聲稱話已經叫咗好多次，我見有啲當事人個樣都好愕然，個個都心9諗咁嘅樣，應該心諗都冇聽過佢叫，亦都有人話冇聽到阿姐叫，咁阿姐都係堅稱全部都嗌過好多次，係你哋聽唔到啫。好啦，呢個時候我直接剷咗入去問阿姐攞啦，相信我嗰個應該都係「叫咗好多次，我聽唔到」。咁阿姐喺佢個好多外賣嘅櫃入面摷俾我啦，見佢都摷到好入先有嘅。咁我都完全冇出聲，因為都費事同佢拗，拗嚟都冇意思。點知遞咗袋外賣俾我之後，阿姐都好大聲好惡咁樣同我講，叫咗好多次㗎喇！我哋全部外賣都叫咗好多次！你係唔係行開咗？我同佢講我一直都企喺門口。雞係好食嘅，只不過其實有冇必要個客都冇同你算帳或者話你，都仲要死撐呢？其實有時有啲嘢唔使講到咁死嘅，我都唔會100%肯定係聽唔到，可能我真係有機會聽漏咗呢。所以話都唔明點解做到咁躁底。忙還忙，

太急促，好似要倒落去咁，職員見到你就嚟食完就已經望住你，準備收你啲嘢，催促得太過份，見你食完之後，總之40分鐘都未夠就同你講出面有客等緊。知你多客嚟食，但都要顧及吓其他食客嘅感受㗎！

海南雞飯（$66）個雞係幾好食連雞皮都醃得超入味油飯都幾好食但覺得有少少偏乾同埋可以再加啲味冇諗過個湯比到驚喜之前食金雞嗰啲係落南瓜勇記落紅蘿蔔成件事協調好多椰子味又好夠出但店員都幾冇禮貌頭頭對正冷氣同埋風扇又有開就禮貌問啡短頭髮女店員可唔可以閂細少少個冷氣其實如果佢話唔得呀較唔到/老細唔俾都算點知佢勁寸話 吓仲閂呀 已經好細喇喎 再閂就熱完全唔helpful 有冇諗過幫個客調位都解決到件事有諗過會唔會係伙記行嚟行去係熱過食客所以開咁大但佢明明自己都着長袖衫😂

👏🏻每次經過呢一間海南雞飯都大排長龍，我喺上網見到佢嘅評價都幾好，今日咁啱喺附近同朋友喺上環就決定同朋友試吓呢一間海南雞飯係咪真係咁好食！😛 我哋排咗15分鐘入到去，覺得味道其實都幾好，不過座位就有少少迫，海南雞都非常嫩，咁啱我有雞髀位，非常好彩，佢嘅肉質其實幾好食，再加埋佢本身秘製嘅醬汁！油飯同埋佢嘅海南雞配搭整體上都唔錯，我覺得呢個份量，如果普通晏晝食係夠飽㗎，價錢嚟講都唔算太貴重送一個椰子秘製例湯，都值得排隊，不過如果下午茶時間嚟食應該就唔會咁多人！

#勇記海南雞 早幾年前已經聽聞喺紅磡非常出名嘅勇記海南雞喺上環開分店，當時有唔少媒體報導，有次行過未開門都見到人龍，真係怕咗。之前行過見佢冇乜人排隊，就諗住去試下。以防萬一都係十二點前去到，真係唔使排，不過就一定要搭枱，因為都已經有好多客，雖然店舖好似好忙，但店員認真mode得嚟仲保持到基本禮貌，唔係一味話忙趕客咁款。兩大名物泰式海南雞飯同椰子雞湯$66，湯係好夠熱，啲煙係咁湧出嚟，好多椰子不過好硬食唔到，但離遠都聞到有椰子香。雞湯非常濃郁好夠味，留意到應該係接近全場都叫椰子雞湯。期待已久嘅海南雞飯，海南雞斬得夠大件亦比得幾多，唔同部位都有，最正當然係雞髀位，但空口食一啖有種白切雞嘅感覺，除咗雞翼比較入味，其他底味比較淡，味嘅來源嚟自泰式辣醬，夠辣惹味好食。本身對勇記都有啲期望，因為曾經被形容為海南雞天花板，今次食過確實係好食，但未至於神級，嫩滑程度同底味調教未算最好。加上環境唔大名副其實係一間小店，坐得唔算舒服食完就要走。勇記海南雞上環蘇杭街102號江寧大廈地舖

勇記海南雞 上環蘇杭街102號江寧大廈地舖 #勇記海南雞#海南雞#椰子雞湯#油飯#food#hk 又到Lunch時段，今日好想食海南雞一於去勇記，呢個時間太多人都係外賣返公司食算，趁今日介紹下。 招牌去骨泰式海南雞飯(油飯)，$66，外賣+餐具+$2之下$68。 海南雞份量頗多，雞皮入口爽脆，雞肉嫩滑，美味!沾上醬汁更惹味。 油飯粒粒分明，口感偏硬唔夠香口(一時時，有時正常口感)。 椰子雞湯，十分足料，椰香味濃，味道清甜，讚! 嘆個滿足的午餐。

上個月去左炮台山嘅雞少，雖然份量都足，但雞無雞味、飯太硬兼個湯唔知想點，如果大家唔記得可以去睇番嗰個食評。今次就要介紹番其中一間正嘅海南雞飯，上環嘅勇記海南雞。講真，位處蘇杭街中段嘅勇記，地點真係唔算方便，我諗如果唔係食過、喺附近返工、或者有人推薦嘅話都唔會搵到嚟呢個位🤦🏾之但係佢嘅出品又真係好食，雞肉嫩滑油份適中、油飯軟硬度適中、佢個醬唔係三色醬、而係類似泰式嘅特制醬，夠曬惹味。 （9/10）俾多個貼士大家，佢呢個飯餐有湯送，如果送曬就送杯茶。佢個湯好飲，但非常搶手！晏左少少到都會無曬。就好似我今日咁就同個湯無緣🥲 所以建議大家如果想試佢個湯要喺食晏時間早d到呀！

真心食得好急。正常用餐時間都唔容許。30分鐘內請離座。最差係用餐體驗，店員由落單到食緊野，都好高壓𥄫住、催住想你快啲交枱。成間店係用店員眼神、言語、收枱極快，去營造一個高壓嘅環境。當日午市，約12:30二人用餐無需等位，直入，要搭枱係可以理解例如1. 坐低店員企住喺你隔離問你食咩，其實餐牌都未打開 ，我地係直入餐廳無需排隊，根本無事先睇到餐牌2. 我話睇睇先，個店員照企喺隔離唔會行開3. 一路食，睇住坐對面兩位食客，不斷俾店員逐樣收枱，飲湯見你放低碗、匙羹，見差不多飲到底就即刻伸手收碗，睇住位食客無奈用手護碗話未飲完4. 食完牙籤了下牙，店員已大聲對店外等入座客叫「兩個就有，好快！執完枱比你！」有心無心都好，其實聽到啲說話真係好大壓力，明係逼你即走，出哂口術比壓力你呢間舖食野，你只可以一口氣，唔好停，入座即點餐，飯餸嚟到就喺咁食，停一停都會比人收碟野食係ok，店員我相信都係聽order做野，縱使表面好似有基本禮貌，但成個用餐氣氛好差，食得太辛苦，傾句計都好似有罪。講真，又無人賴死唔走，使唔使咁chur?

店舖門面比較細，晏晝要長期排長龍。可以嘗試晚市去食，性價比高，味道是得出冇味精同埋冇雪味，算係中上環海南雞不錯嘅選擇。服務都可以接受，門面都唔係大陸人唔會大呼小叫