創發茶餐廳

以前食物幾有水準，現在不知所謂。牛腩米得兩舊腩，仲要係無咩肉，味道有些“梅“。其他似瘦肉。河粉一都唔彈。魚旦完全無味。價錢又不是抵。伙記態度惡劣，明知要落單好似睇唔到你一樣，好像求他幫你寫單。一次比一次差，以後不會再來。…查看更多

我好多時都會係荔枝角姐姐的家過夜, 所以要搵一間好的飯堂 !!小菜我會推介中式牛柳, 但其實我最愛都是煲仔飯!!可能我喜歡食飯焦, 所以我覺得係一流!檸檬茶也是very good! 夠茶味!…查看更多

突然灑一陣大雨，淋到我全身濕晒，求其走入間茶餐廳避雨。要個最基本的沙嗲牛肉加煙肉公仔麵，飲熱奶茶。麵淥得爽口好吃，沙嗲汁亦濃郁，如果汁多一點仲好，但係牛肉就太「化學」了。煙肉反而要好一些，起碼不會乾柴柴咁。熱奶茶夠滑，茶和奶味平衡得宜，比起早幾日在金鈿飲的苦澀奶茶，好一萬倍不止。雨勢轉弱，快快手埋單離開。…查看更多

嘩~我未食過一間茶餐廳係做得咁好，對自己咁有要求囉~我食左佢個栗米斑塊同沙律骨，總有LEE個冬菇雞煲。D魚係外脆內X(唔識打)，沙律骨炸到脆一脆，配埋個沙律醬真係十分開胃。冬菇雞煲火氣十足，D雞又夠滑，唔會鞋。一個餐，有一個小菜(大大碟)，一個飯，一碗湯，$40幾蚊，抵啦~不過服務就....唔知係咪佢出面有影幾張明星相，同又多客幫襯GE關係。我個人覺得個收銀幾串下。人地係招待D客人，佢連笑都唔笑下，好似連望都唔想望你咁，收完錢就走咁GE咁感覺(唔係佢走，係我地走)。對整體而言我會覺得有少少美中不足。…查看更多

** 此 食 肆 的 第 三 個 OK **尋晚(2-12-2008 Tue)放半日假去醫院睇媽媽,到7:45pm左右全家人同我男友,但除o左大嫂外,一齊落街食晚飯,爸爸就姪女話想食雲吞麵,又諗吓諗吓,都係o黎呢間,又話呢間都係咩都有.o黎到,好多人,o岩o岩有一張圓枱畀我o地7個人坐,我o地叫o左雲吞麵,肉絲炒麵,星州炒米,蒸烏頭套餐,牛腩麵,咖哩牛腩飯同金錢肚牛筋麵.今晚唔知咩事,等好耐,所有o既麵食先到o黎,我o地分別開餐,中途,大哥接聽電話,同我o地講媽媽唔得喇.我o地叫未有o野食o既爸爸,二哥同男友返醫院,佢o地未到o既o野即改做外賣.而我o地就狼吞虎嚥咁食,我食金錢肚牛筋麵.有金蒜同蔥花o係面,算幾大碗,麵唔太腍,金錢肚同牛筋都腍,湯唔太濃,OK o既.埋單$210.00,應該計錯數.…查看更多

** 此 食 肆 的 第 二 個 OK **今晚(29-11-2008Sat)同男友去醫院睇媽媽,就只有爸爸在,睇完後一齊食飯.爸爸話o黎呢間,啊.我o地o黎到,等o左一陣有四人卡位,幾闊落,男友睇中$119.00o既三人行套餐,包三碗湯或茶,三個白飯,一個煲仔菜同兩個中式小菜.我同男友要湯,爸爸要熱檸水.湯係紅蘿蔔,粟米.大大碗又幾濃,唔錯.我o地叫o左:1. 韭黃叉燒炒蛋韭黃唔多.蛋同韭黃都炒得唔夠,應該係為o左賣相靚,味道淡淡咁.2.粟米斑塊男友原本想要粟米斑球,亞姐話斑球冇炸過,斑塊有炸,男友就揀斑塊.呢個有好多粟米羹,斑塊係脆,味道就適中o既.3.啫啫排骨煲好熱,有好多豬膶,好香,不過有啲過火,肉質’鞋’,呢個係三樣o野中最濃味,但唔係咁好食.白飯,唔係幾得,好乾.…查看更多

呢間野唔係開左好多年門口附近貼左些明星相唔知呢度係米出名喇但夜晚真係幾多人地方細更覺得迫有可能係附近冇乜食店開得夜好多人黎食宵夜價錢方面其實唔平大約40至50蚊一個客飯但味道過得去我爸爸鍾意呢度既蒸魚用料都幾新鮮我叫過豆腐班塊有些水準…查看更多