創發茶餐廳

以前食物幾有水準，現在不知所謂。牛腩米得兩舊腩，仲要係無咩肉，味道有些“梅“。其他似瘦肉。河粉一都唔彈。魚旦完全無味。價錢又不是抵。伙記態度惡劣，明知要落單好似睇唔到你一樣，好像求他幫你寫單。一次比一次差，以後不會再來。…Read More

我好多時都會係荔枝角姐姐的家過夜, 所以要搵一間好的飯堂 !!小菜我會推介中式牛柳, 但其實我最愛都是煲仔飯!!可能我喜歡食飯焦, 所以我覺得係一流!檸檬茶也是very good! 夠茶味!…Read More

突然灑一陣大雨，淋到我全身濕晒，求其走入間茶餐廳避雨。要個最基本的沙嗲牛肉加煙肉公仔麵，飲熱奶茶。麵淥得爽口好吃，沙嗲汁亦濃郁，如果汁多一點仲好，但係牛肉就太「化學」了。煙肉反而要好一些，起碼不會乾柴柴咁。熱奶茶夠滑，茶和奶味平衡得宜，比起早幾日在金鈿飲的苦澀奶茶，好一萬倍不止。雨勢轉弱，快快手埋單離開。…Read More

嘩~我未食過一間茶餐廳係做得咁好，對自己咁有要求囉~我食左佢個栗米斑塊同沙律骨，總有LEE個冬菇雞煲。D魚係外脆內X(唔識打)，沙律骨炸到脆一脆，配埋個沙律醬真係十分開胃。冬菇雞煲火氣十足，D雞又夠滑，唔會鞋。一個餐，有一個小菜(大大碟)，一個飯，一碗湯，$40幾蚊，抵啦~不過服務就....唔知係咪佢出面有影幾張明星相，同又多客幫襯GE關係。我個人覺得個收銀幾串下。人地係招待D客人，佢連笑都唔笑下，好似連望都唔想望你咁，收完錢就走咁GE咁感覺(唔係佢走，係我地走)。對整體而言我會覺得有少少美中不足。…Read More

** 此 食 肆 的 第 三 個 OK **尋晚(2-12-2008 Tue)放半日假去醫院睇媽媽,到7:45pm左右全家人同我男友,但除o左大嫂外,一齊落街食晚飯,爸爸就姪女話想食雲吞麵,又諗吓諗吓,都係o黎呢間,又話呢間都係咩都有.o黎到,好多人,o岩o岩有一張圓枱畀我o地7個人坐,我o地叫o左雲吞麵,肉絲炒麵,星州炒米,蒸烏頭套餐,牛腩麵,咖哩牛腩飯同金錢肚牛筋麵.今晚唔知咩事,等好耐,所有o既麵食先到o黎,我o地分別開餐,中途,大哥接聽電話,同我o地講媽媽唔得喇.我o地叫未有o野食o既爸爸,二哥同男友返醫院,佢o地未到o既o野即改做外賣.而我o地就狼吞虎嚥咁食,我食金錢肚牛筋麵.有金蒜同蔥花o係面,算幾大碗,麵唔太腍,金錢肚同牛筋都腍,湯唔太濃,OK o既.埋單$210.00,應該計錯數.…Read More