利苑酒家 (時代廣場)

營業中

休息中

星期日 一行三人 準時8:00到達銅鑼灣利苑，人吾太多 ，服務員有禮貌 ，叫左6個餸 叉燒拼三層肉、菠蘿咕嚕肉、素鵝、龍蝦湯泡飯、避風塘富貴蝦球、海味雜菜煲，每一道菜都好高質。叉燒拼三層肉-叉燒有微燶邊、肉嫩，三層肉脆皮 吾肥 兩樣燒味都好食。菠蘿咕嚕肉味道正常，素鵝炸得香口，好食下次必定會encore ，龍蝦湯泡飯附送香口脆米好好食，避風塘富貴蝦球微辣有特色，海味雜菜煲足料有豆腐粉絲多蝦乾湯底濃郁好味，侍應服務周到，埋單$1100 ，地點方便有泊車優惠，今次太飽食吾到甜品楊枝甘露下次會再來食。

好想食片皮鴨，銅鑼灣首選都係利苑，今日嗌左一.片皮鴨兩食，鴨肉生菜包好fresh二.例湯三. 金銀蛋莧菜四. 菠蘿咕嚕肉五.素鵝六. 蓮藕餅七. 西施泡飯本人至愛係泡飯,個脆米加埋湯飯真係出色五個人食好夠

當你日日都出街食飯，就會有個趨勢，點菜越來越簡單，通常都係一人點一個菜，然後再點個湯就夠了。今次Honey話，唔知揀咩好啊？你話事啦。我就最快捷省事，點一個肉一個菜，一個老火🔥湯，蜜汁叉燒一碟，勝瓜雲耳一碟，豬肚豬骨湯，搞掂。😘😘蜜汁叉燒瘦多肥少，燒得焦香鬆軟，一碟有十幾舊，份量不少。勝瓜翠綠，雲耳油黑， 用上湯煮，好似落左豬油，非常惹味，素菜用豬油，是絕佳的配搭。老火湯是一如既往地到位，湯渣都好多，最鐘意煲湯豬肚點醬油食，超好食。

姐妹相約，去飲茶，我點利苑，第一次去！服務質素真係👍，尤其當時為我啲服務的哥哥仔！后面睇到其他某間分店的服務點評，慶幸來到銅鑼灣，食物👍服務👍，這才是傳説中的利苑！😊以後每次从佐敦坐車來銅鑼灣呢？完全值得！😄🤟 31-5-2022

今日同爸爸去食晚餐,我爸爸喜歡大排檔，而我不喜歡因為好嘈雜同不乾淨,所以最後選擇這一間利苑，我比較喜歡酒樓食，因為起碼有服務，利苑食得多係點心,但晚餐係第一次食，今日都點左幾款片皮鴨-味道ok,而鴨肉選擇用涼瓜炒鵝掌扒花膠-價錢不平,但味道很普通燒肉-來到見到份量好小，好細粒，但皮都幾脆卜卜蟹-好重牛油味，這個我不太喜歡,因為食不到蟹的鮮味白肺湯-飲落去沒有味精,而且很濃,幾好飲總括黎講,食晚餐就覺得價錢不值,質素一般,但環境ok,

從來無去過利苑酒家. 原本今朝係去觀塘果間點知full booking唯有揀過另一間. 銅鑼灣分店11:30booking仲有位就即刻搭車過去. 一去到有2條隊好有秩序, 指示清晰. 我11:27到幾分鐘內已經入到去. 由上菜到埋單所有員工都好有禮貌, 好貼心經常有人幫手換熱茶. 朋友同我都覺得食得好舒服開心 (加上枱與枱之間有一定距離, 完全聽唔到隔離枱講咩👍🏼). 所有員工都有笑容, 感覺好好👍🏼 食客除左為左食物質素而食之外, 整體感覺都好重要

我地叫咗個始創西施泡飯，超級咸頂唔順取消咗，兩個炸饅頭，味道一般，一碟日式蔥爆牛肉粒，又咸又油，完全唔值呢個價錢，唯獨好食嘅糸XO白玉蒸魚球，好似蛋白蒸魚，好滑，最後叫左黃金鳯尾海蝦，呢個味道都可以，但糸亦偏咸，全部餸都偏咸…

其實每間利苑的質素上落頗大，Times Square 這間本來還可以，但近來每況愈下，每次黎都為了服務員都搞到一肚氣，好多人但個個都好似好忙好忙，時運高睇你唔到。今次幾個上菜職員都黑口黑面，撞埋張枱借力埃住上菜，搞到成張枱搖晒，想點呀？！衰過大排檔！ 食物亦然，好似這個生拆蟹肉粥，以前好好食，好鮮甜，依家得個鹹字，稀過羹，毫無廣東粥的香綿，一杯湯咁，啲深橙色唔知邊度黎，好恐怖！！ 未夠兩點，啲點心依樣無嗰樣又無；嗰壺鐵觀音好澀，不過仍個問題就一向都係架喇！ 總而言之，記住唔好再黎！

喺時代廣場行完街，諗起食中菜就去左利苑。我同老婆兩個人叫咗三個菜，分別係炸子雞，咕嚕肉，同埋蟹肉粉絲煲。半隻炸子雞，皮脆肉嫩。雞皮一咬 入口樂樂聲。食完意猶未盡，下次會再食。工夫菜蟹肉粉絲煲真係好好食。新鮮蟹鉗結實彈牙，夠晒鮮甜，蟹肉大大件， 數量又夠多，粉絲乾身不油膩，條條分明亦由蝦蟹湯汁煮乾製成。真心推薦。咕嚕肉，肉質爽口咬勁完全無骨。 甜酸度把握得好好唔會食落太甜膩。份量十足。 絕對送飯。食完主菜點都要食返個甜品分別叫咗蛋白杏仁茶及桂花桂圓湯（個名真係唔記得）蛋白杏仁茶利苑最出名嘅甜品。食落有奶香及充滿杏仁味兩者取得平衡。 而另一個桂花桂圓湯清甜解你食完飯飲返碗真係身心舒暢。

星期日中午同家人去了利苑酒家飲茶，利苑的點心用料講究，不但新鮮，而且手工精巧，係一間相當高水準的廣東點心酒樓。其實她也有很多高級中式菜式，不過我多數都是去飲茶，可能遲少少去試吓啦。我最喜歡就是燒乳鴿，皮脆肉嫩，不過如果乳鴿再大隻D就好了。紅油抄手也是我很喜歡的一款點心，紅油不辣，而且又有油香，十分美味。雖然腸粉較普通，但勝在材料新鮮，都值得一試。我哋又吃了上湯鮮竹卷，乾炒牛河，青瓜，义燒包等等，每樣點心都有自己的特色。最後大家緊記訂位，因為我相信利苑是一間很有名的酒樓，所以有時都會一位難求的。

去過尖東利苑後，留下烙印，想再次去時代廣埸分店，又全線休息，终於過年前營業，又來老way! 千層糕＄39，一看就知正，四四方方，顏色有光澤，多一點奶黃就膩，少一點蛋就唔香，現在是完美，香滑軟綿誰及妳，再次為妳著迷有點醉。 蒜香排骨陳村粉＄42, 大碟大籠過上次，粉薄通透，但我較喜歡厚身，像豬腸粉類，蒜香排骨盡其本份，肉質彈鮮。 潤燒鹽香乳鴿＄75，分不出潤燒與紅燒分別，可能聽去有水份多些，好彩真正乳鴿～細隻，皮薄，所以翼無乜肉，可以嚼骨～騷香骨，味宜，想了解老人家喜歡啜頭，我試吓，頭皮薄過張纸，咬一吓，咬到脆骨，無特别，刮舌。 白粥＄14，稠，米白肥嘟嘟，與乳鴿，好合拍，一濃一淡，一黑一白，陰陽混轉，味生輝。 西施蛋白杏仁茶＄30，有西施咁白，幼滑，蛋白合水準，杏香自然，不是杏仁精。 安南子燉天山雪蓮＄38，侍應極力推介，不在餐牌，只說有红棗百合……，就說好，睇單先知真命，安南子即胖大海，清熱，配红棗減其寒性，天山雪蓮，武俠劇裏起死回生靈丹妙藥，質地像桃膠，整體即紅棗水，滋潤。為這餐畫上甜味句號。

前排生日，我哋都好耐冇嚟酒樓食飯，就一於到利苑酒家食返餐勁嘅！呢間利苑酒店就係我哋平時都有幫襯開嘅！我就叫咗我屋企人最鍾意食嘅象拔蚌刺身，刺身十分之新鮮，食落口感都好爽口，我簡直食唔停口！雖然價錢真係有啲貴但係都算值得！屋企人生日就梗係唔可以食得咁渣喇，一人一隻糖心鮑魚，份量好足，鮑魚炆得十分之林，而且都好入味，配埋隻鵝掌就十分之搭！我哋都嗌咗其他唔同嘅菜式總體而言我地都食得1好滿意， 生日豪一餐獎勵下自己同屋企人都要應該嘅！

一兩年前於這間酒樓食過晚飯，覺得不錯，但飲茶就是第一次，結果發覺點心質素非常差，當日叫了四款點心，分別是春卷，燒賣，菜苗餃和糯米雞。首先是春卷，分量是四小段，大概是外面其他酒樓兩條的份量左右，奇怪的是皮還算是脆的，但裏面的餡就是凍的。燒賣和菜苗餃好明顯蒸過時了，皮都已經蒸到爛了，一夾就已經散開。完全不合格。糯米雞算是正正常常，沒什麼好評論的。之前試過這間酒樓品牌的其他分店都是很不錯的，唯獨這間的點心可謂完全不合格，非常失望。尤其以這價錢，完全不值得。我下次還是選擇到這品牌的其他分店飲茶好了！

今日專誠飲餐茶，以往都有到其他分店食過，但之前有味精但今日超重，食到中途已經口嚨開始乾狂飲水同頭痛。真係想唔到，搞到大家都食得唔爽，希望改善，真係唔希望佢比以前未成米芝連時偷工減料，只係想嘗真口味真美食

無雪山餐包 無鳳爪 lol 咁開黎做咩 lolWhat the hack is going on with this branch?? The light is dim and the environment is unpleasant.