利東軒

營業中

休息中

我哋9個人叫咗6人餐（全包）加一隻燒鵝。佢話9個人食6人全包宴要比足9位茶芥。呢樣嘢我哋都覺得問題不大，只係覺得收3位茶芥就比較公道。食物質素已經唔係好，有2位侍應態度仲要好「奴嘈」，會喺客人面前鬧交（已經唔算忙，入座率大概一半）。重點嚟喇，我哋個餐有一個鹿茸菌花膠燉螺頭湯。飲飲吓發現湯渣只有土茯苓、薏米、瘦肉同雞，明顯比錯湯。問侍應，佢話唔好意思，原本個湯賣晒，不過呢個湯仲好。咁樣敷衍我哋就算，冇其他任何表示。我哋亦冇再追究，只打算永不錄用。

開瓶費：Free呢間土瓜灣酒家真係令我不停回頭，再次返嚟呢度食！一，價位真心抵；二，食物質素高碟頭大；三服務嘅姐姐都係好好滷水豬腳仔師傅有返熱過，暖暖地食係最好最正，而且滷得入味又夠淋蒜蓉蒸石蠔每次嚟必點！$68/88有4隻，仲要大大隻，香港好難搵到，味道亦調較得好好豉汁蒸白鱔呢個都係好味，唔會比豉汁蓋過鱔味，而且下面墊塊荷葉，真係少見又難得小炒皇今次師傅可能唔同左，鑊氣多咗，少咗出水而冇打芡，口感更乾爽香口 至於料方面一樣咁足啫啫雞煲上枱熱辣辣冒晒煙，汁底好香好濃郁，唔會過，雞量十足，好抵食

因不久前揾食肥華和靚媽，在此酒楼飲中午茶，被此店一個内有燉湯一盅，兩款海鮮，及三樣小菜而祇售$988嘅六人全包宴所吸引所。所以在3月17日靚媽生日當晚，肥華約同靚媽大家姐兩公婆和佢哋嘅五弟兩夫婦，合共六人到此店食呢個全包宴，作為慶祝靚媽，今年生日嘅晚飯。而今餐呢個經濟實惠套餐内嘅菜式，普遍都Ok，席内除咗個紅酒燴牛仔骨，味道偏淡被肥華評為C級評分食品外，其他菜色都有B級起錶評語，加上肥華用加兩款有A級評分嘅餐前小食，爽脆蘿蔔及京式素鵝，和此店侍應員工對顧客欣勤服務態度，今年呢餐靚媽生日宴肥華百份百滿意。⭐️⭐️⭐️⭐️⭐️⭐️👍🏻👍🏻👍🏻👍🏻👍🏻👍🏻

開瓶費：FREE已經幫襯過兩次嘅新開酒樓，環境裝修光猛靚仔，係冷氣大少少。食物價位中檔次合理，服務都唔錯人手足，閒日嚟講只有半場客。。。爽脆蘿蔔 $ 48醃浸過，入晒味，少酸、鹹同辣，開胃清爽滷水豬腳仔 $ 68滷水用嘅香料十足，食到八角同丁香，而且入味小食份量唔細蒜蓉粉絲蒸石蠔 $ 68 / 4隻四隻有手掌般大隻，蒸完蠔肉冇點縮水，非常嫩滑多汁嚟親都必點！深海龍躉兩味 $ 298清蒸非常好味，唔算油，豉油偏清淡少少，同時有老鼠耳墊底碧綠炒球唔會hea，好多三色椒加西芹，魚片都有近10件，反而炒球油膩少少星期一至四 $1 優惠4-7人享一隻頭抽醬油雞輕微過熟，不過啱晒舊區老人家口味。雞嘅醬油味同樣帶有輕輕滷水嘅八角味道上湯菜心 $ 88菜心幼細，非常嫩，冇渣，又同你配啲老鼠耳，好似唔洗錢咁！4人埋單$ 685好抵食 搵唔到新地方嘅會再繼續嚟幫襯

Ot完同幾個同事到附近搵地方食餐飯順便吹吹水上菜都幾快 d姐姐會主動幫你換下骨碟加熱水荷葉蒸鱔幾出色 仲叫左鮑魚、雞煲、一盅燉湯燉湯料非常多 味道都唔錯 餸菜份量夠大定價唔算貴 我哋一行四人都食到飽一飽！

3月3日揾食肥華帶靚媽，到土瓜灣呢間新張不久嘅酒楼飲茶食點心，此酒楼地下舖面，有自動扶手電梯方面客人，到達一楼大堂呢個設施值得一讚。但此店侍應員工，嚴重不足，有個別員工更衹顧和熟客閒話家常，對肥華及靚媽嘅，揮手及呼喚就視而不見聽而不聞，足足等咗差不多廿分鍾才有侍應員工，為肥華呢枱客開茶及開食品記錄咭。幸好此酒楼早茶食品選擇繁多，味道OK之外，價錢亦算相宜，如果有心光顧此店嘅顧客都好似，揾食肥華一樣，乜都冇喺得時間多，咁到呢間酒楼嘆茶，消磨時間喺一個明智嘅選擇，反之若喺趕時間人仕，就不宜到此店，光顧早午茶市。

我妹妹同我阿公早上飲早茶，落完單嘢食到咗食食吓先發現有樣嘢未到當然就立即查詢員工，其後員工發發現係員工漏咗單咁當然要求加返，但嗰位員工竟然可以話時間過咗電腦禁唔番早茶要我哋俾正價咁我想問吓漏單係你哋同事漏嘅，你同我講因為時間過咗電腦就唔返，要我哋比正價呢個做法啱唔啱呢？你隨便撳樣嘢補返個價錢，再叫廚房整返有幾難？到底係唔係恰小妹妹同老人家呢？PS嘢食係唔錯嘅，但服務態度有啲問題

收工想同幾位同事坐得舒服D傾下計 就約左去試下呢間酒樓野食上菜夠熱辣辣 招呼都唔錯有我鐘意食既蒸鱔同埋蒜蓉生蠔 好食重點都係性價比高 價錢相宜又夠份量 日常食飯聚下腳係一個唔幾好選擇!  

一上到去已經聞到好大陣煙味枱布又污糟食飯期間職員3次倒瀉氣水落我老爺度只係俾張濕紙巾我老爺再攞枱布印枱抹地就算餸菜入面有發泡膠而經理同職員嘅態度同處理手法都極差

問佢地攞外賣盒黑面，或我們唔一次過講，食物唔夠熱，去其他酒樓還好！下次搵鬼幫趁，真係未試過咁樣，職員鬼咁肉酸的反應，一次怕咗佢啦，好難再叫我去第二次，去漢寶酒樓，好過呢度一百倍！芝麻卷好難食，好唔掂，菜烚到琳曬，收費混亂計錯數，仲要冇笑容，真係趕客，連經理部長都唔掂，我絕對唔會介紹人幫趁，

琴晚同朋友聚餐，上咗利東軒，我哋叫嘅係雞煲，之後打邊爐。嘢食算係唔錯啦，啲嘢飲任飲，有雪糕，最緊要係人唔算多，十點收舖，畀我哋留到差唔多十一點，都冇摧我哋走人，態度算係唔錯。嘢食ok啦，中規中矩，我哋都係志在傾計，所以都冇乜所謂。算係一處唔錯嘅朋友聚舊嘅地方，我哋今次九個人出席，六點開始，坐咗差唔多五個鐘頭，唔錯！佢哋任飲，其中包埋啤酒；我哋食完雞煲，嚟咗個海鮮拼盤，之後飲左花膠雞湯，跟住就打邊爐，食品算係豐富嘅，味道就都係不過不失啦。

基圍蝦扮海蝦 d魚肉梅既 羊腩煲好細份 食完 桶蠔扮蒸蠔 食完即屙 基圍蝦扮海蝦 d魚肉梅既 羊腩煲好細份 食完 桶蠔扮蒸蠔 食完即屙 基圍蝦扮海蝦 d魚肉梅既 羊腩煲好細份 食完 桶蠔扮蒸蠔 食完即屙

位於土瓜灣道的茶樓，上一手結業差不多一年後現在重開，叫利東軒，因為見到價錢不差，有燒鵝同豪食，所以今晚不煮飯，外出試下晚餐。今次重開的茶樓，廚師做出來的茶算不錯，碟頭算大，味道OK 的，夠5個人已有$1半隻燒鵝同優惠價$68/4隻蒸蠔，當晚的晚餐算不錯。白飯是的自己煲的，碗飯不大，但只收$13的價錢已算這樣。這處我覺得可以再來食飯，裝修後環境都算OK ，食物也看出用心，希望這處的keep 住本心，保持食物的質素，環境清潔，服務的熱情，繼續長做長有。#街坊茶樓

屋企附近又新開左間食肆，本來係貪圖平同埋近，點都要試吓點知都幾好喎，鳳爪就正正常常啦，牛仔骨超正必須嗌多份我哋入座個陣時個場都好旺，食物即嗌即蒸，但都好似唔使等得太耐…環境都幾舒適嘅，明亮乾淨，完全冇新裝修個陣味服務仲好周到好好添（因為真係好似都未有試過去酒樓食點心，D姐姐會幫我哋換碟）睇係服務都好好嘅份上，同經理打聽下，原來仲有火鍋同埋雀房添，晚市還有多款$1餸可揀，睇嚟要盡快約埋老友們過嚟敘敘舊喇