利得火鍋 (已結業)

九龍城利得火鍋.味道：7.5/10🌟抵食：7/10🌟環境：7/10🌟.九龍城好似特別多打邊爐好去處👀今日小編就去咗其中一間，利得火鍋～叫咗比較出名嘅蕃茄豬骨湯底🍅真係見到好多豬骨好足料🐷必點手切牛肉！牛肉非常鮮甜厚薄適中，大大盤好抵食🥰牛柏葉都非常推介，非常爽脆唔老😀仲好貼心有個兜仔俾你擺入去，唔會錄錄下唔見咗🤣其他各項都係不過不失，冇伏都冇話特別🤔overall，呢度都可以係打邊爐唔錯選擇❤️.#香港 #食評 #foodie #食好西 #discoverhongkong #香港好去處 #香港美食 #打卡 #打邊爐 #火鍋 #九龍城 #香港打邊爐 #利得火鍋 #九龍城好去處 #九龍城美食 …查看更多

去咗間食鍋嘅地方，第一印象就係新鮮過癮，唔駛講，直頭係色香味俱全🍲！首先，個牛拼盤就攞咗鏡，牛利托、牛根啲肉質滑嫩，嚼勁十足，每一樣都係香噴噴，有股淡淡嘅甘香。湯底就下咗注蕃茄豬骨😋，酸酸甜甜嘅湯味，夠晒提鮮！跟住中場休息咗下，來個四寶丸。ID叫我特別鐘意嗰墨魚丸，真係爽口得嚟又彈牙，好過癮！我仲攞咗啲餃子類嘅雙拼，喺雲吞同水餃當中游走，每一啖都係有驚喜，皮薄肉嫩，新鮮到爆！又點少得揚州炸魚皮拌蓮藕片呢個神招式，一啖下去嘎吱作響，夠晒口感。啲西洋菜金菇就嘆咗佢清新爽口，整體來講，均衡又美味🥬！食到最後，之不過個肚仔有限，仲留有啲遺憾……嗰種服務好到不得了，環境又整齊，正喎～下次有朋友聚舊，一於直奔呢間，大家一齊食個夠本！…查看更多

好耐無來，諗住帶小朋友鍾意吃牛肉，過來打邊爐，吃完埋單，我O大個嘴，麼依家呢間野貴左咁多，4大1小，埋單1100幾，睇番佢以前啲餐單，先發覺咩都貴曬，個牛肉先貴得離譜，相差一百幾，我都知道現在麼都貴，但佢呢個加幅無40%，都一定有30%，以前覺得佢打邊爐抵吃，現在覺得佢賺到盡，d食物洗乾淨拿出來，又唔洗佢煮，都可以收咁貴，無下次…查看更多

去九龍城就當然要食火鍋啦呢間利得火鍋都算好出名朋友是食家都大力推薦我們住在2樓房間冷氣足又夠私隱可盡情聊天食材方面,全部都好新鮮,選擇又豐富份量仲好足好夠建議一定要點手切肥牛仲有炸脆骨魚腩同餃子都好好味啊唔講太多,有圖有真相吧…查看更多

秋天到，有咩好過烚吓烚吓打邊爐😋一諗就諗到利得，手切牛新鮮好好味又靚，唔食多啲都對唔住自己呀我哋一行四人，叫咗個豬骨湯底真係好足料呀手切牛最少要食三碟先夠喉芝士蟹子丸新鮮又彈牙總之成餐飯大家都好滿足👍🏻…查看更多

去九龍城打邊爐選擇好多，今次試吓喺google有4.2分嘅利得。環境係港式地道打邊爐，千祈唔好諗住裝修好企理嗰啲，除咗舖面仲有樓上，喺隔離唐樓上樓梯，我哋無上去唔知咩環境。3個人叫咗：- 鮮茄豬骨煲- 象拔蚌刺身- 珊瑚蚌- 蟶子- 田雞- 墨魚丸- 脆鯇骨- 粟米 - 蓮藕- 本地手切肥牛👍🏻- 出前一丁食物新鮮，分量充足，價錢亦唔貴，我覺得手切肥牛最好味，有牛味但無膻味亦唔韌，推介！服務態度友善，店員會主動清碟/枱同加湯，食物質素好，唔介意地踎啲嘅話絕對係打邊爐嘅好選擇。…查看更多

一間看門面你估佢唔到咁正嘅火鍋店。今日一行11人，book了間在一樓的大包廂，店舖外在內在裝修都不漂亮，所以大家還是把焦點放在食物吧😆。先說小食，基本上她所以餐前小食都很讚👍🏻，大家一定要試，推薦椒鹽茄子，一絕👍🏻👍🏻👍🏻。今日集中說牛肉，她有兩款主打，一款油花均勻肉質軟滑，一款牛味十足肉質鮮甜。我自己是喜歡肉味濃郁那種，不騙你，咬落真係甜的，不要以為夠肥就好呢😆。其它配料全部不錯，雲吞水餃也是必點。但說了今天主打牛肉，其他留待下次介紹吧！…查看更多

踏入秋涼時分，又係打邊爐的好時候！原本想去佐敦嗰邊，怎知間間餐館都說限時兩個鐘🤨一班朋友打邊爐，旨在一邊傾一邊慢慢食，怎可以兩個鐘內完成，所以決定轉戰人流比較少的九龍城，利得是最好的選擇。幫襯利得已經有好幾次，環境雖然是舊了些，但喜歡這裡的食物夠新鮮，價錢合理，老闆夠親切。我們一坐下來便急不及待狂點。湯底選了最傳統的莞茜皮蛋，湯頭鮮甜但當然並沒有濃郁的莞茜味。我們點了手切肥牛兩碟，部位不同所以口感也不同。兩碟高質素的牛肉也只不過盛惠$248一碟，真的是超值。個人比較喜歡這碟，輕輕灼六七秒已可入口，牛味特濃，口感鬆軟。這碟也不錯，油脂分佈比較多，口感柔軟，但肉味不夠前一碟。其餘的配料也不錯，尤其是鵝腸，新鮮又滿帶肥膏，灼一會入口爽脆，絕不會像香口膠般咬極都唔爛，好好味！朋友們很喜歡土魷片，灼完待一會再撕開一條條像小食般食，別具風味。打到中途，突然傳來一陣陣花雕酒味，原來是隔離檯點了花雕雞煲，我們大家面面相覷，二話不說就叫老闆換湯底，來一客花雕雞，老闆教路，落雞後湯一滾便熄火焗二十分鐘，雞肉鮮嫩入味，我們當然照做，果然雞肉入味但有點老左，應該焗短一點時間效果會好些。除了花雕雞，老闆另浸了兩隻蝦比我們試，肉質鮮嫩，最終我們點了一碟，蝦打橫全隻浸，味道更好更入味。這裡的象拔蚌都不錯，有大有細任君選擇。我們點了一隻中型的，大概$780，切片做刺身爽口，膽則放入鍋灼熟食，好鮮甜。之後我們再點了菜，蘿蔔，萵筍，烏冬、芋頭之類的蔬菜類，大家捧著個大肚離開，這一餐足足食了四個鐘，實在超滿足☺️…查看更多

食利得唔係第一次，不過食雞煲真係第一次! 以往去親利得打邊爐，都一定係叫蕃茄豬骨湯底 或者 蕃茄魚尾湯底，因為呢2個湯底都真係好正!! 今次我地一行12人，一坐低就叫左個蕃茄魚尾湯底，老闆娘就問我地試唔試下雞煲，話今日買左幾隻新鮮雞所以叫我地試下，我地就叫左一個雞煲。等上菜的時候，我地都叫左2碟炸魚片頭，既香口又不油膩，配埋個泰式辣醬，都真係愈食愈開胃。黎到利得，一定要食佢個A牛 (即係手切A級牛肉)，脂肪分怖的好平均，超正呀真係，每次食個水準都仲係度，我地12個人叫左2碟，再加左碟牛柳粒，平時出面D 牛柳粒淥完好硬好難咬到，佢呢隻好味又易咬開，好好味。另外我地都叫左好多唔同種類既食物，佢個手打墨魚滑及蝦滑都有好多蟹子係面，仲有蝦串，好新鮮，即叫即串起，所以淥熟左仲係好甜。第一次食佢個雞煲，水準一流，麻味好香，蔥蒜既味道仲係度，無流失到。整體黎講，食咁多次利得都係好好既水準…查看更多

呢幾年好興果d乜乜物物打邊爐呀，蒸氣鍋呀，不過我對邊爐ge情義結，都係麻甩大排檔邊爐，呢間野好低調，就係一間火鍋店，完！ 點解我最愛呢間野， 原因有2，1就係豬骨湯底，2就係手切牛！餐前小食炸魚片頭，味道還好，唔緊要，呢個唔係重點主角1出場：蕃茄豬骨湯底個湯好甜呀，真係飲左半碗湯落肚！感覺唔太味精的，推介！主角2手切牛$248次次食完都好掛住佢，因為除左好食，真係好好食，牛唔會好肥，又有牛味，CP值好高，其他配料都新鮮，韮菜餃包得唔錯，值得一試，其他野食就唔逐一介紹，可以望望圖啦，呢餐真係好滿足好開心，希望下次可以快d再去食…查看更多

19/4/2019 復活節假期的第一天，落大雨，都無阻我哋 11人打邊邊。喜歡呢度地方寬闊，坐得舒服。火鍋湯底又多選擇，我哋開晒三個爐，叫咗五個湯鍋！方便大家用面前嘅湯鍋。Order 咗食物，好快就送到，食材又新鮮美味！放滿一枱款款不同的食物，食得開懷！…查看更多

小女子好少黎九龍城食飯，因為家住港島，而且感覺上九龍城食野都唔算平。今晚一行十人由朋友仔帶領下，試試利得先黎到睇一睇餐牌，嘩嘩嘩價錢好抵食喔💕❤️💕十人嗌3個鍋5款湯底，有點兒瘋狂掛....不過我鍾意牛肉係打邊爐嘅靈魂，大碟手切牛肉都只係$248,雖然未去到入口即溶，但性價比都超高響鈴炸魚皮午餐肉豚肉片魚頭脆肉鯇白鱔片豬腰雲吞四寶丸冬瓜....種類多到不得鳥，而且水準ok 一輪狂風掃落葉，我地前後嗌左3轉野食希望好快有機會再黎啦…查看更多

其實都有幾個月冇黎打邊爐，但係無時無刻都覺得應該要返嚟，既然有韓國人嚟香港探我，一於盡地主之誼，即係帶佢去食我鍾意食嘅嘢。嚟咗呢度都有好幾年，從來冇失望過，今日三個人，食咗千二蚊，叫咗差唔多五個人嘅份量，但係實在太太太太太滿足啦！清清地皮蛋豆腐湯底，一碟靚牛肉就已經係一切！咁當然仲有好多好多要食嘅嘢。墨魚丸蝦丸花枝桂花蚌西洋菜竹笙炸響鈴白鱔片！炸魚片頭係我嘅必點，佢哋會將魚片頭新鮮炸起，當小食又得，通常我會將佢過一過湯食。同價錢嘅料全部可以雙拼。 呢個真係唔使多講！…查看更多

邊爐虫又咬人，向很多選擇的九龍城出發，無訂位，只好考慮較不熱門的店，這裏星期六臨急訂位～成功最貴湯底也不過一百幾十，太實惠了吧豬骨番茄湯底（例牌）好多料，原本一定預四人份，骨桶、雞腳、粟米全都有四件。自鍾愛麻辣後，很久沒有吃豬骨底，沒有失望。番茄並不是假味茄膏，自然風味的滾湯底，老闆又提醒加點湯在骨髓內攪一下才用飲管吸，更味美 手切本地肥牛（大），好好味，有牛味肉亦嫩，切得大片，肥瘦恰到好處必吃 菜籃吃得心安，菜非一大棵，而是被摘開了的，意味著什麼？較大機會有洗菜。食物可以雙併，選了鮮魷併牛柏頁。魷魚是鮮味的，份量多而且切得大大片，最終吃不完，但可能用鹽洗關係，吃起來較咸。四寶餃，有著應有的味道，韭菜餃、水餃、魚餃、雲吞各有各味道，穩陣之選。好海鮮的也不用擔心，這裏是有的選擇，只是今次實在飽，吃不下了。店員招呼超周到，不用叫也會主動協助加湯、調火、收碟、換食碟，阿哥阿姐招呼恰到好處。店是舊了點，店內亦有一陣陳舊味道，我也不敢光顧他的廁所😅。坐地舖基本也是四−六人圓枱，二人坐是很闊落的，樓上還有一層，相信格局會較焗促。若不是請客應酬，這裏即使環境不非常好，食物質素、招呼、價錢平衡下，是絶對可以接受的。兩個人只吃了$608:)，雖然無叫海鮮🦀🦐🐊🐚🐟或其他貴價食物，確實不算貴。下次再來，要找多兩人來或不會再叫多料的豬骨底，好讓留肚選擇其他食物。…查看更多

中學朋友聚會，眨下眼二十多年了，各人已有不同的發展……其中有一位老友經常喺九龍城一帶食飯，佢推介我地要試下呢間利得火鍋， 於是我們约好一同六人去616了鋪外鋪內都很懷舊，好有以前大排檔嘅feel，我們點了手切肥牛，炸魚片頭，墨魚滑，牛肉丸，牛柏葉，啤酒汽水梗係少不免了……手切肥牛的確是我們的至愛，我們總共叫了三碟， 三碟都可以保持水準，絕對可以再encore ！黃金魚片頭， 外面少少脆， 裏面仲十分柔軟 仲有香潮州魚蛋味！好好食 ！至於其他配料，水準都合格以上，這是一個不錯的老友聚腳的好地方…查看更多