利強記北角雞蛋仔

營業中

休息中

好多年前都有經常幫襯寶林分店 。相隔多年，上星期買了一底雞蛋仔， 一開始比左一尾過度烘的給我 。 食落很硬身，不像一般的雞蛋仔咁香脆 。 根本咬不開 。 然後職員職做過一個新的給我 。新做的雞蛋仔的蛋漿可能較少，食落沒有以前的好吃， 中間的料係好少 。 $28一 底，我覺得有更好的其他選擇 。 我不會再幫襯呢一間 。 有機會日後會去尖沙咀分店睇下有冇同一問題 。

係咁加價加到$28一底已經好貴，結果係勁少醬好似接近無既咁少，個餅無蛋香又薄又乾又唔脆。之前食過雞蛋仔仲衰，影衰哂個利強記個朵，明明學生時期喺北角食嘅時候真係超好食。呢間都一定唔會再幫襯，兩個阿姐都好似唔優做咁。

超差的體驗。加到$28都算，但裏面嘅料比以前更加少。仲慘過食白麵包嘅感覺。完全冇醬料喺入邊，都唔知自己食緊啲乜。只此一次。下次一定唔會再食。咁樣做生意返相，有客返頭都幾難.

北角雞蛋仔係好味又夠脆，等10分鐘就有一底新鮮出爐雞蛋仔，但係都幾貴，仲不停加價，現在係寶琳地鐵站買一底要 $28，另外仲有粉果、魚蛋同燒賣都 OK 好味，同埋一定要試佢哋嘅辣汁。

兩隻化骨龍一出寶琳地鐵站🚉見到有雞蛋仔買 🦖🦕異口同聲話好肚餓雖然$25一底 確實有啲貴🫢但係做媽咪既 都會即刻買比兩隻化骨龍食🫣原味雞蛋仔 $25即叫即整 等大約十至十五分鐘⏲️拎上手已經蛋味欠奉 咬入口係完全無蛋味而且顏色望落去燒得好淡 感覺欠缺火喉雖然咬入口有少許脆 但唔係果種外脆內軟嘅口感呢個價錢 我諗一次就已經夠了👋🏼利強記北角雞蛋仔 📍將軍澳港鐵寶琳站1樓11號舖📍北角英皇道492號地舖📍 尖沙咀彌敦道178號地下#利強記北角雞蛋仔 #雞蛋仔 #格仔餅 #街頭小食 #將軍澳 #相機食先 #hkig #tseungkwano #foodblog #hkfoodie #foodie #foodieblogger #foodiehk #hongkongfood #hkfood #foodstagram #hkblogger #blogger #foodstagram

農曆新年前的週末，我們走去辦年貨了。太太看中了一些賀年小食，而最近的分店竟然在寶琳，於是，我們就決定來寶琳的新都城行街。當我們一出地鐵站，兩個小朋友嚷著要吃。但我們準備去找地方食午餐啊，可是小朋友不太願意，一定要係地鐵站先吃。原因呢，就是他們見到雞蛋仔，而且是馳名的《利強記北角雞蛋仔》分店。那就好吧，一人一份。主角當然是即叫即製既雞蛋仔啦。因為是即叫即製，所以出來的雞蛋仔是十分的脆。然而，每一粒雞蛋仔都是有脆的外層，軟綿綿的內心，粒粒都是實心飽滿，不是只有脆而是空心的次等貨。氣味香，味道甜，怪不得成為人人排隊要的雞蛋仔。買雞蛋仔，當然也買埋格仔餅啦。因為是即叫即製，出來的格仔餅是絕對的熱辣辣。內心的花生醬、糖同牛油都完美地完全溶解，如果沒有那紙袋包著，內裡的醬早已經滴到一街或一身都係。而且，這格仔餅烤得剛剛好，有少少脆，內心夠結實而甜美。真的，大家吃了這格仔餅之後已經半飽，搞到我們一家直接 skip lunch，行完街先食下午茶。雖然是分店，而且只是地鐵站的分店。但依然做出水準高的雞蛋仔同格仔餅。我們買時，未開始有人排隊，在旁邊慢慢吃時，我們就看見人龍慢慢地 build up 了。

~ 估唔到$25 的格仔餅是這樣的。 餅身薄，也沒有蛋香味，而且花生醬和奶偏少，（其實買時：已聲明走糖~ 但要醬多，結果...都是少）。整體：它跟其他小店的格仔餅來說，它的餅身和味道真的需要改進....改進，賣相.....也不吸引啊！~ 但收錢的姐姐就很友善，什麼都說可以😂。~

今日落車個陣有啲餓，喺地鐵站見到呢間久仰大名嘅利強記，就試下佢嘅格仔餅因為佢係即叫即整嘅，比錢嗰陣叫咗佢要多料同分開一半，方便同朋友一齊share等咗大概8分鐘左右就有得食喇~本身摸落去熱辣辣仲好期待，食第一啖發現佢個餅底唔夠脆，叫咗多料但其實又好似冇乜分別，得中間嘅位有醬料 其他餅邊嘅位都無乜餡，呢個位有啲失望！同埋砂糖唔夠多，識落就好似得返花生醬~兵仔本身都係一個鍾意食格仔餅嘅人，出面嘅小食店整得比呢間嘅水準更加好，所以對今次嘅格仔餅有少少失望🙍🏼頒發軍階:下尉🎖🎖

利強記北角雞蛋仔係香港開左好多間分店，今日口痕痕又去買番餅雞蛋仔，未排到已經聞到蛋香，好想食。 雞蛋仔即叫即整，外脆內軟, 香甜可口。雞蛋仔的味道好吃、好脆，外脆內軟，令人好快就食完一件雞蛋仔的了。

好耐冇食雞蛋仔，諗住買黎食，點知買咗垃圾。本身職員俾份已經整好既雞蛋仔我，但份雞蛋仔，白雪雪，又分開哂。咁我要求要份即整一份烤得耐啲既雞蛋仔。點知份雞蛋仔都係烤得唔夠，白雪雪咁，口感韌，一啲都唔係外脆內軟，超難食，隨便係街買都好食過佢。。。。。。。。。。。。。。。。。。。。。。。。。。。。。。。

去完街見六點幾未夠鐘食飯 經過地鐵站好耐無買過格仔餅 ，就同個姐姐講”多奶多糖呀唔該”，點知佢話 “乜都多，錢唔多”新年流流 真係想鬧佢 不過最尾都無 由得佢不過對上次OpenRice食評係一年前又係俾依間野既姐姐激到要登記個戶口寫食評無諗過事隔咁耐都仲係咁等左幾分鐘到手了 乾曾曾 好似未熟晒咁啲醬好似無味咁 明明有啲醬係邊邊 但無味 無醬既位 好乾！唔會有下次 另外朋友叫左個魚蛋，辣辣地但係唔好味，記得半年前食都唔係咁既味，真係唔得。

以前喺附近讀書, 放學成日都會嚟買雞蛋仔。即使宜家好多店鋪創作新口味, 始終覺得傳統口味最好食, 而利強記更加獲米芝蓮推介。難得weekend過嚟行街,梗係嚟幫襯下, 搵返啲童年回憶! 比起尖沙咀分店, 寶琳分店整潔衞生好多, 而且價錢較實惠(一底$19, 加$9多一底)。冇幫襯咁多年, 質素仍然維持高水準, 繼續忠於傳統只做原味。外貌方面每粒雞蛋仔都好完整, 色澤均勻。吹風時間控制得好, 底層極脆薄蛋奶味濃之餘亦唔過甜!

三個阿姐好似唔憂無生意，態度極差。啲order出亂左，阿姐自己嗌完number又唔對飛既號碼，遲來既客人，反而有得先攞食物，等左一陣發覺唔對路，行埋去同佢講，佢立即黑面，好似我做錯野咁，唔好意思都無句。早年剛開業時，質素唔錯，但今日剛剛買左一底雞蛋仔，唔脆又唔夠熱。你話整得好食，小朋友扭計要買，受下氣都算數啦，反正無堂食，都係下賣攞走，但食物質素又keep唔到，啲員工面口又差，真係好鬼離譜，價錢又唔平一定無下次。

今晚食完飯經過北角雞蛋仔聞到好香忍唔住買左一個，$19一個應該係最近加左價。買完唔洗等即刻有得食，仲要係新鮮出爐，熱辣辣。一咬落去真係好脆，不過咬落去有少少好空嘅感覺，而味道亦唔錯，有蛋味。

#街頭小食 #掃街 #雞蛋仔我最近真係好口痕好想食雞蛋仔不過雞蛋仔真係好蝦人㗎唔係度度都好食我呢就好鍾意食北角雞蛋仔同埋媽咪雞蛋仔今日終於比我見到不過雞蛋仔啦即刻忍唔住衝出去買又香又脆入邊很重好重蛋香味而且仲軟林林軟林林😋😋😋😋😋 北角雞蛋仔 新都城地鐵站分店$19獵狗推介🌕🌕🌕🌕🌕 #香港美食 #hkdinner #香港美食 #相機食先 #hkfoodie #hkfoodieblogger #foodstragram #foodlover #吃貸 #香港 #followme #hkig #hkfood #like4likes #likeforfollow #foodiecoupletour #香港情侶日常 #hkfoodblogger #hkfoodlover #couplethings #foodie #hkfoodies #hkcouple #hktour #instafood