利寶閣

一向對利寶閣都有好感野食快又齊員工服務都好好今晚食埋大閘蟹放題先除左有唔同形式包括：焗；清酒凍：蒸大閘蟹隻隻整出黎味道都好正：好入味再加上真係得呢間可以食哂唔同既味道又可以每次拎2隻：又新鮮同34兩都已經好多膏仲要有任食片皮鴨肉質飽嫩,配埋青瓜甜醬加滑皮味道超夾；仲有好多小菜同可以驅寒的熱薑茶,十分貼心總共食了35隻,好滿足還有蟹膏糯米飯,啖啖蟹膏最後還有精美鮑魚劃上完美句號鮑汁冬菇十分惹味；下年一定會再食…查看更多

晚市男經理態度勁差古惑- 點菜時 佢完全唔理你唔覆單 當你隱型咁就走左- 落完單就叫第二個人黎同你講 冇蒸魚 轉炒魚片 但價格不變。晚市先第一round 餐牌寫有但其實沒有- 就黎食完飯 突然放一碟酸菜去你枱 但原來唔係送既 係突然另外加錢入你張單- 埋單時唔想俾單你睇 要同佢講明冇單唔簽賬 佢先攞返張單出黎 一睇就知咩事哩個晚市男經理態度手法，大家想試自己去一轉…查看更多

在觀塘巧遇朋友，她帶我到這兒聊天。因為大家也吃了早餐，所以只點了4款點心。蜜汁叉燒包：外皮柔軟內饀美味，好吃。白灼西生菜：菜爽脆但量比較少。蝦餃拼粉果：兩款外皮都不會過厚也不會過黏，有水準。蝦餃内饀爽彈，素粉果內饀味道美口感佳。排骨陳村粉：排骨不多，陳村粉口感不錯，若多一點醬汁會更好吃。點心不錯，我更發現此酒樓在店內自製燒鵝，我的家人愛吃燒鵝，下次到來會一試。…查看更多

老友網購了利寶閣大閘蟹放題；原以為打風要改期…4pm颱風“圓規”去了海南島！酒樓照常營業，太好了！5：45pm到達，共十幾枱人等候。掃完安心出行就入座，開始計時，食兩個鐘。落單，鹽焗/清蒸/花雕，每人每種只可落一隻；兩個人一次盡落都係得6隻…未食完要趕快加單…枱面有提示最後落單時間。未有蟹食，先去排隊攞片皮鴨。自助區有臘味糯米飯、薑汁糕、蜂巢糕、薑茶湯圓和凍楊枝甘露。見到有飲品櫃和雪糕櫃，但人龍遮擋…放棄了。埋位剛上鹽焗蟹，蟹身細小蟹膏不多…張紙巾好似面積大過佢…蟹膏沾了鹽分充滿油香！推介。每位送菜胆鮑魚一隻和排骨湯一盅…鮑魚入味彈牙，湯內只撈到三粒排骨，無飲。片皮鴨似是廣式，加埋熱辣辣餅皮捲住食，味道ok。每件餅皮都有一張點心紙分隔，好細心！一籠籠大閘蟹上枱，食啊食…點解只食到鹽焗味同清蒸味…吾覺有花雕味嘅？兩個人，分別食到三數隻爆膏甘香蟹，其餘的蟹膏不多，鮮甜亦欠奉…收吉碟落單都快。可能枱枱心急加單，勁食比賽咁！為免浪費，最後20分鐘，才努力處理剩下的十幾隻蟹鉗…時光飛逝，漏了一張單都無時間追，飲啖茶，深呼吸！冷靜下來，與蟹蓋陣合照後，望望鄰座的戰績，大家會心微笑。…查看更多

非常差，服務態度一般，這樣價錢不用來！1,大閘蟹細衹有2兩左右。2,絕對不是任食，頭一輪我們三個人叫6隻，之後再叫6隻，已經很耐也是未來，約15分鐘，再下多一次單，再10分鐘未來，再追單才來3隻，之後再落兩次單，又遲遲未來，結果再追單才來6隻，拖拖拉拉不停下單追單，真心不愉快！3.食物質素，真心一般，薑茶淡。4.片皮鴨也不算新鮮熱，衹是微暖，配料也是差。5.奉勸大家考慮清楚才試，不要存在小小希望，這樣才不會失望！…查看更多

叫一個四人龍蝦套餐，居然比一隻波士頓龍蝦開邊，大佬你唔係澳洲龍蝦炒球，四個人點分？若果你餐牌寫住龍蝦乙隻，我根本唔會叫！我唔期望你每人有一隻，你都每人有半隻啊！谷x氣到相都冇影，隻炸子雞又梅又林，連嗰少少食材錢都慳，永遠不要幫襯…查看更多

今次飲茶有個好唔愉快經歷...話說本身我地點解揀呢間茶樓,係因為我地想食點心放題,早三日前我已經打定電話BK枱,因為BK左枱先有優惠!!咁我地果日11點準時到達,點知出面個支客姐姐話無優惠喎!!然後佢又解釋得唔清唔楚...之後又話要早10幾日網上訂先有!!即日即時BK都無優惠,之前食過幾次不嬲都係用電話BK枱有優惠!!唉... 咁佢話無就總知無啦...有種俾人呃左既感覺...之後我地散叫點心算喇, 無食放題...叫左幾個點心...個蝦餃同牛肉KEEP到水準!!腸粉都唔錯, 不過都係基本野...無乜特別, 最好味係碟排骨!!本身想叫多幾個, 但係可能心情關係,好似食乜都無乜感覺無乜味咁... 唉!!…查看更多

Book左尋日(8/9)閒日1:15食佢個點心放題大約食到3:30左右佢先叫我地埋單個段時間都唔算好多人但係上菜速度好慢叫完第一輪之後點心起碼要追單追3次先會到就算尼到個數量都唔啱之前上網訂位個時有寫住會送每人1客灌湯餃或其他點心中途都問左幾次但係去到有人吹我地埋單之後都無上到個灌湯餃最後就無食到就走左-價錢方面上網預約就收左每人$134先個日埋單就會收埋茶錢,加一最後埋單每人承惠$170 平時普通去飲茶如果食到人均$170 真係會飽到爆肚但係尋日俾左$170 食得個幾粒燒賣蝦餃-貼錢買難受方面對住啲熟客又烚熟狗頭錦好聲好氣叫人幫我跟一跟張單又西曬面都唔知係咪有病我講緊我係咪有病俾錢買難受真係第一次嬲到要係Openrice 留comment愈諗愈嬲 愈寫愈嬲💢不過平心而論其實野食味道不過不失（可能係因為我淨係食到幾粒燒賣蝦餃😹 其他全部漏晒單）真係超級唔抵食就算係去食都記得唔好食點心放題¯\_(ツ)_/¯-完-…查看更多

住官塘區，去過呢區大大小小酒樓，第一次黎呢間，見佢較少人，唔洗等太耐位。不過當中一位負責我地坐嗰個區域嘅男員工真係乞人憎都爆。坐低之後洗完野，家父「唔該，唔該」咁叫嗰位男員工4-5次收走啲水兜，嗰個男員工望都唔望就行左去。期間有個女員工負責點餐各樣都做得到位，不過問題又黎，去到尾段有碟野食等左成40分鐘都未到。咁岩嗰位男員工又行過，家父問佢「爭碟茄子(想睇下有無入單，無就取消)」，家父講完頭四個字，嗰個男員工完全無回應又掉頭走。我望住呢個人佢究竟有無追單，而佢只係走入茶水嗰到拎其他茶杯岀黎，對我地個追單完全無視。之後，我叫女員工叫嗰個人過黎，又叫左四次個男員工終於行返過黎，我即刻問佢咩態度，佢即刻話「追茄子呀嗎～」，我咪話「咁你有無覆我地呀？你係調頭走喎，咁唔情願你咪唔好做囉。」。而家呢啲時勢大把人無野做，其實啲咁差嘅員工真係應該淘汰，唔尊重我啲後生我真係無乜所謂最多叫第二個人，唔尊重我屋企人，我真係同你玩過。附上呢位官塘區最惡劣餐飲業員工照片，同等左40分鐘都等唔到嘅茄子單一張。…查看更多

第一次都食下點心放題，去左觀塘利寶閣黑松露2小時點心放題.有近40款風味點心利寶閣全新黑松露點心放題每位更送黑松露蟹鉗酥、黑魚子鮮蝦腐皮卷、花膠灌湯餃!全部即叫即做，任點任食甜品還有椰汁紅豆糕、回味脆麻花、楊枝金露等好味之選：黑松露鮮蝦餃-- 皮薄蝦又彈滑，入口好有黑松露味道。晶瑩鮮蝦餃--蝦肉爽口帶出蝦既鮮香味。花膠灌湯餃--湯餃有、豬肉、蝦味道好清，微微雞湯味味道比較清。鮑汁鳳爪-- 鳳爪夠入味帶有彈性同嚼勁。百花燒賣皇--紮實飽滿唬既內餡裡鹹中帶鮮甜既味道。牛肉球--牛肉球肉質夠嫩滑，底下墊著腐竹蒸好入味。黑金流沙包--掐開包，熱熱流沙內餡再加上鹹甜的口味非常好入口。咸水角-- 最喜歡咸水角漲卜卜夠香夠熱夠脆，餡料味道剛剛好。紅豆糕做得好香滑而甜度剛剛好，好喜歡呢款蝦多士-- 細細件好精緻而且仲好脆口，蝦肉仲好彈口春卷--入面有香濃芝士，喜歡芝士可以一試。 利寶閣 (觀塘) 觀塘開源道79號鱷魚恤中心9樓…查看更多

朋友話利寶閣做緊嘅放題好正，叫我陪佢食🤤🤤利寶閣6月全新晚市放題，有成40幾款菜式食品任食，有雞煲、燒味、龍蠆片、酸菜魚、青胡椒白酒煮海蝦、糖水、飲品等等。💕💕當中最正係北京片皮鴨、龍蠆片同草飼小牛牛板脊任食，重點推介。片皮鴨外皮烤得超香脆， 令人垂涎欲滴。原盎鮑魚佛跳牆湯底濃郁，真材實料，鮑魚彈牙。😊每2人仲送一隻時令奄仔蟹🦀🦀，好大隻，最正係爆晒膏。😍好少食粵菜放題，感覺新鮮，食左好多片皮鴨🤣。 …查看更多

利寶閣 推出兩小時任食點心放題, 超過30款點心任點, 再推六款限定黑松露主題點心。自問胃口大嘅, 唔洗就住自己budget, 瘋狂食點心, 呢個放題就岩哂你!入座每位送:花膠灌湯餃、黑松露蟹鉗酥、黑魚子鮮蝦腐皮卷黑松露限定系列:必食嘅蝦餃都有列入黑松露系列中, 鮮甜爽口蝦肉餡料, 再多陣陣黑松露香, 坊間酒樓較少可以食到! 蝦多士: 嫌有d油, 但幾鬆脆叉燒腸粉: 腸粉夠滑, 但只係面層加咗黑松露, 所以整體食落松露味唔太出經典點心系列:晶瑩鮮蝦餃: 原味蝦餃, 包住鮮甜爽口蝦肉餡料, 更突出到鮮甜味 鮮蝦菜苗餃: 皮薄, 除鮮甜蝦肉餡料, 再加入了些少菜蔬, 透出外皮, 賣相吸引。百花燒賣皇: 嫌質地有d實, 餡料口感好似食緊唔彈牙嘅魚蛋牛肉球: 質地林, keep到juicy肉汁, 點少少喼汁食, 唔錯!咸水角: 外表微脆軟熟不油膩, 肉碎餡料份量比較多, 又有肉汁。黑金流沙包: 雖然熱辣辣, 但做唔到流心效果, 入面已凝固, 蛋黃味重。鮑汁鳳爪: 入味, 很有膠質, 很落有少少漿口有少量甜品選擇, 是日糖水同埋椰汁紅豆糕椰汁紅豆糕有椰香, 紅豆軟糯, 整體甜度剛好點心即蒸, 所以要預時間落order等食。酒樓同場亦供應非放題式點心, 所以上檯食物需要一d時間等待...…查看更多

港女之最愛黑松露真係配咩嘢食都得？利寶閣推出左黑松露點心放題我身為吃貨界港女代表必須去試下啦！上網訂位最後我用$134 一位就食到啦！同我平時去飲茶都係差唔多價錢，抵！每位都送黑松露蟹鉗酥、黑魚子鮮蝦腐皮卷、花膠灌湯餃!無得再叫嘅。黑松露菜式仲有黑松露蔬菜香菇包個樣就好吸引呀整到成個冬菇咁入面呢係香菇味好重，但係就唔係好覺黑松露味黑松露叉燒腸其實就係有少少黑松露喺腸粉上又唔會失去左原本嘅味道又有少少黑松露味而我自己最鍾意黑松露鮮蝦餃呢個配搭最match，而且蝦餃爽口又彈牙！另外仲有40幾款其他點心小食可以叫所以點樣都會食飽！…查看更多

趁住老竇放假，我哋近近地嚟到觀塘呢邊搵好嘢食～見到呢間酒樓做緊奄仔蟹放題，就好想嚟試吓～酒樓好大，坐得好舒服～而家晚市放題做緊$248一位，任食兩小時，有唔同款式嘅高級粵菜選擇，感覺好正！堂煎百日澳洲草飼牛牛板脊佢係即使喺大堂煎嘅牛板脊，炒得好香好有鑊氣，調味好好，食得好滋味～老竇幾鍾意食，仲有encore添！爆膏奄仔蟹每人送一份奄仔蟹，超級多膏，好新鮮嘅蟹，入面都有好多蟹肉，食落好香～好鍾意佢爆膏嘅感覺～京式片皮鴨一碟片皮鴨，配埋一籠皮同埋青瓜蔥，仲有醬汁～片皮鴨好香，好脆皮，包住鴨肉食好正，配埋醬汁好好味😋原盅佛跳牆一大盅湯入邊有大大隻鮑魚，仲有啲肉等等～好香嘅老火湯，熬製得好正，新鮮又好飲，幾鍾意啲鮑魚，好彈牙！古法紅棗蒸頭腩龍躉嘅頭腩肉好香，配埋紅棗，食得幾滋味～肉質幾嫩滑，而且好新鮮健康米水浸斑片有好多米水浸住斑片，都鍾意佢嘅理腩片，好多肉，而且唔會覺得腥，幾好食😋蒜蓉粉絲蒸元貝好大隻元貝，鋪滿粉絲係上邊，調味好香，有好濃嘅蒜蓉味，元貝好新鮮好好味！蒜蓉炒時蔬一碟炒得好香嘅白菜仔，同樣有好濃嘅蒜蓉味，好香口～回味脆麻花好耐冇食脆麻花，幾香脆，配埋糖漿好甜，不過幾好食😋係一款懷舊嘅甜品～…查看更多

父親節一家四口食飯，上網預訂咗午市點心放題。大時大節人多，坐位已經十分之逼喼。我哋未到一點半就落第一輪單，結果等到兩點半，所有蒸點都未到。四個人應該有四份灌湯餃，點知只來左三份，差個一份催左成個鐘都未有。一同侍應講，次次都俾人黑面，話父親節人多係咁家啦！最後，有個好人些少的女部長幫手，追到三點終於先來到第一輪叫的蒸點！個放題又話係黑松露放題，黑松露蝦餃來左四粒想再叫就冇，黑松露蝦多士又冇，其他基本到好似蘿蔔千絲酥，楊枝甘露呢啲食都未食就同你講全部都冇！都唔知叫咩點心放題！絕對絕對唔會再來！…查看更多