別忘了

今天吃的是位於太和廣場「別忘了」，入門兩棵櫻花許願樹將你引入，淺木色裝修配粉嫩櫻花點綴，環境溫馨又帶啲少女心，好适合情侶約會同姊妹聚會，服務都够耐心周到。 汤底选择：芫荽皮蛋+麻辣 第一次尝试芫荽皮蛋湯底，原本以為會几古怪，带住好奇品出意外惊喜！湯底奶白，芫荽香味同皮蛋醇厚係意外地夾，飲落清潤回甘，皮蛋煮到半融嘅狀態开始濃郁甘香，完全冇違和感，襯海鮮同豚肉特別鮮甜。另一邊麻香汤底夠勁唔死辣，越煮越香辣，涮肉必备唔多講啦SET.B套餐 澳洲M7牛胸腹（店家熱推）：全場最靚品質！大理石紋油花，輕輕一淥 10 秒就捲起，入口即化似牛油，脂香爆炸又唔膩，配麻辣湯更突出濃郁肉味。 澳洲M7大米龍：肉質結實有嚼頭，牛味比胸腹會更突出，淥耐少少都唔韌，鍾意原汁原味必點。 日本鹿兒島茶美豚梅肉：豚肉薄切勻稱，脂肪比例靚，口感滑溜帶少少微甜，冇咩豬羶味，點芫荽皮蛋湯鮮味會好出。 澳洲250日穀飼卡Beef：肉色深紅，这款原牛味最浓，口感紮實唔柴，點少許醬油已經好正。 精選牛板腱：中間筋絡分明，咬落彈牙有勁，筋肉交織口感過癮，記得唔好淥太耐。 西班牙粟飼豬梅片：瘦肉為主但軟腍唔乾，豬肉味清新，怕肥膩可選呢款。 飲品： -芒橙賓治：芒果同橙肉打成果汁，甜中帶微酸，果肉纖維豐富，解辣一流。 -紅西柚乳酸：係我最爱！西柚酸甜撞乳酸菌清爽，開胃又消滯 人均$200左右，SET.B套餐性價比抵到饱，M7牛胸腹同大米龍的質素對得住價錢，湯底有心思尤其芫荽皮蛋驚喜滿分！環境浪漫得嚟唔侷促，適合三五知己慢慢涮談。值得翻兜～ …查看更多

喺太和廣場經過見到呢間餐廳叫「別忘了」，感覺好特別，同時被店內兩棵好大嘅櫻花許願樹吸引咗，好奇一下原來係台式任食火鍋店 🤩 採用淺木色系裝修，環境舒適，乾淨企理，有種溫暖家嘅感覺，而且可以喺櫻花樹下打邊爐，成件事好浪漫~~ 一共有四個餐可以選擇，湯底款款都好想試，最後揀咗 120 分鐘 Set B，酒香麻油雞湯 x芝士牛奶湯 😎😎麻油雞湯有香嘅芝麻味，個湯濃郁得嚟帶點甘甜；芝士牛奶湯有濃濃嘅奶香味，加上芝士嘅鹹香令口感更加豐富，兩款湯底都係咁滋味十足 😋😋Set B 有七款肉可以任食~ 澳洲M7牛胸腹、澳洲M7大米龍、鹿兒島茶美豚梅肉、澳洲250日穀飼卡樂Beef、牛板腱、豬梅片、羊肉卷，每款肉都好新鮮，尤其澳洲M7牛胸腹好香肉味，又夠嫩滑，食足幾 round！ 最驚喜係呢度嘅台式飲品都係任！飲！可以瘋狂飲珍珠奶茶啦 🤣 仲有台式甜品 eg 芋圓、雪花冰、窩夫 🤤🤤🤤 有幾款指定甜品只可以每位揀一款，試咗個 真 芒果雪條，啖啖都係冰凍嘅果肉，大滿足！最後有書籤提供，俾大家留言掛上許願樹，好有儀式感！如店名一樣，希望大家別忘了身邊嘅一切 ❤…查看更多

趁住放假真係搵朋友食飯，佢帶我去九龍區冇嘅打邊爐任食🫰🏽逐樣去講首先梗係要講吓個環境，餐廳會有啲櫻花樹，成個感覺好pink😂好少女，即刻諗起櫻花樹下😂🌟SET B 120分鐘打邊爐 $318唔知係咪食午市嘅關係，自助區冇晒蔬菜，改為QR code落單，唔影響我哋瘋狂點單模式😌另外餐廳設有醬料區同埋炸物區，打邊爐配料有面類、炸魚皮、響鈴；炸物區係熟食，有芋泥球、小酥肉、炸番薯條、春卷😙我覺得好啱食🥰-🌟芝士牛奶鍋湯底叫咗芝士牛奶鍋同沙茶鍋，一定要講吓芝士牛奶鍋😝職員會喺你面前倒，最驚喜嘅位個湯底一開始粉紅色㗎🤩滾起咗之後有濃濃嘅奶香味，成個感覺有啲似葵廣芝士烏冬😂唔知大家食過未😂另外仲有一樽仔牛奶俾你覺得唔夠味嘅時候可以加落去🫰🏽但係我哋食到底就覺得加清湯都已經好足夠🌸-🌟沙茶鍋沙茶鍋就正正常常，好就好在叫兩個湯底唔使加錢😙🫰🏽-🌟澳洲M7牛胸腹
專攻牛肉係基本啦🙈呢一款油脂分布好明顯，肥膏位帶啲爽口嘅感覺，口感唔會好單調😚唔食肥膏嘅話可以掹走佢，肉質會瘦削啲🫶🏽各有好處啦🫶🏽🌟澳洲M7大米龍
呢個又係必點，我食咗八碟就知覺得幾正啦😌大米龍係澳洲M7和牛嘅一個部位，具體嚟講係牛嘅「肩胛脊肉」或「肩臀肉」嘅一塊，位於牛嘅肩同臀部之間🙈牛味濃郁，油脂分布好靚，口感軟滑，唔覺食吓一嚿又一嚿😚-🌟炸魚皮
炸魚皮炸到脆卜卜冇淋曬！嚿嚿大大件🌸-🌟甜不辣
甜不辣味道對板，出面好難買🥹-🌟A菜
A菜煮得爽口清甜，保留咗原味，配鍋底好襯。🌟娃娃菜
娃娃菜嫩滑入味，煮到腍晒朔晒湯汁，特別係可以放落去牛奶鍋度🫶🏽兩者好夾-🌟金菇菜
金菇菜煮到軟腍，又係索汁一流🌟醉雞
肉質嫩滑，酒味好重🤣-最開心係佢除咗打邊爐配料，亦都可以用QR code揀一啲熟食😆-🌟台灣香腸
台灣香腸烤到juicy，薄薄地一片片，甜甜地好好食😆-🌟醃蘿蔔
醃蘿蔔酸甜爽口，食到好膩嘅時候食番一兩片，清新解膩😝-🌟鹽酥雞
鹽酥雞炸到外脆內嫩，調味夠晒香🙈有各類型台式飲品可以叫，另外亦都可以揀少甜少冰之類選項😝甜品亦都唔係Hea貨，除咗一人一杯嘅MÖVENPICK雪糕之外，仲有雪花冰、芋圓、甚至窩夫🤩真係眼花撩亂，整體係覺得有啲重口味，食到尾有少少鹹，其他都唔錯🫶🏽…查看更多

「別忘了」裝潢以簡約台式風格為主導，寬敞空間配以木質裝潢和綠植牆，營造出溫潤自然氛圍，餐廳內嘅signature 櫻花樹裝飾增添打卡趣味，室內明亮舒適，整體氛圍相當到位🤗「別忘了」有4款價位嘅任食套餐，仲可以選擇90/120分鐘，而不價位嘅套餐則有不同品項嘅食材選擇。我地今之就揀了中等價位嘅Set B 套餐😆😆任食火鍋嘅重點就係可以係時間內無限暢食肉類、海鮮與自助區。「別忘了」嘅食材新鮮，選擇豐富，讓人目不暇給。餐廳提供多款湯底，我地選擇了椰皇雙子鍋和芫荽皮蛋湯。椰皇雙子鍋湯底加入咗椰汁同椰子水，所以湯底特別濃郁帶濃濃嘅椰香，涮牛肉特別好味；芫荽皮蛋湯則係香港人最愛下火口味😆，皮蛋同芫荽份量不少，食到最後連湯底都變成綠色就知幾足料啦😚😚套餐的無限追加超過50款自助區美食、甜品、飲品，更是加分之處係大部分食材係用QR code 自助下單，亦都唔會有漏單嘅情況👍🏻👍🏻。自助區亦都有數款台式小食，人氣炸物地瓜薯條係必食之選❤️另外仲備有台式滷肉飯🥰肉類方面就最推介牛味濃郁嘅澳洲M7牛空腹同埋油花分布平均嘅精選牛板腱，應該仲配備多款蔬菜🥬選擇balance 番🫢推薦飲品爆打雷萌四季春，四季春茶底清香不澀，混入爆珠的果味爆發，入口涼爽帶微酸，完美中和火鍋的熱辣，作為解渴之選一流💯重點係連甜品都可以任食😮有多款台式甜品，檸檬愛玉凍、芋圓仙草冰等等，可惜我哋已經食到太飽。除咗任食甜品之外，每人總會有隱藏福利，可以喺指定款式選擇一款雪糕/雪條，我哋就揀咗M牌雪糕同原條芒果雪條，原條芒果雪條芒果鮮甜juicy，外層薄冰增添脆感。🤗🤗…查看更多

晚餐時間喺太和搵野食選擇唔太多見到呢間咁多人比就打算入去試吓裝修都空間都幾好幾乾淨見到有6成人都係打邊爐但我打算快食就算邊爐以外選擇唔多叫左鹽酥雞麻辣鴨血湯米線鴨血有4舊 份量ok個湯底就真係辣得制唔食得辣係完全食唔到 啲辣油太勁鹽酥雞就正正常常冇咩特別野飲見佢promote可以免費轉超大杯凍檸茶真係1.5隻手板咁高完全飲唔哂PS：食唔到辣嘅關係，我同朋友交換咗佢碗豬扒蕃茄湯米線個茄湯真係唔得係好假嘅人造極稀嘅茄汁味豬扒分開上碗麵就得米線同湯 菜都無條個人覺得dry得黎完全唔好食價錢6 70蚊都唔係好抵唔知係咪主打打邊爐忽略咗其他食物質素個人覺得評分係誇張左…查看更多