別忘了

營業中

休息中

🎵🎶如有天櫻花🌸正開🎶🎶今日放學搵完朋友仔，去左天水圍搵食，比一棵櫻花樹吸引左😍我地就等位去試下係櫻花樹環境下食Lunch先店員安排我地坐低後，比左2張充滿櫻花色彩嘅書簽比我地後面空白地方可以寫上自己嘅願望，然後掛上去店鋪入面櫻花🌸樹到✨ 麻辣鴨血牛肉麵（我另加牛肚）招牌嘅牛肉麵加埋鴨血，係完美配搭牛+鴨血嘅份量都好多✨ 原味塔香鹽酥雞飯鹵肉飯充滿油香，汁同啲飯撈埋一齊真係好好食，鹽酥雞好酥脆，肥瘦適中，真係大愛😍✨ 手煮仙草奶茶(凍） 仙草、奶茶比例岩岩好 甜度適中✨ 别忘了檸檬紅茶(凍） 有別於一般的檸檬茶，飲完會忘不了果種紅茶味道😍😍😍

「別忘了」個名似歌名咁優美餐廳裝潢一樣係咁靚今日好好彩比我哋排到櫻花樹下位入座派一張許願咭，可以自行縛上樹（但記得要帶筆去寫🤣）Gimmick講完，講返食物，食台灣嘢有散點有任食火鍋兩樣我都想試！不過今日戰力麻麻火鍋下次先試（價錢真係抵）藥膳牛肉麵牛肉幾淋，幾入味，有驚喜湯頭我覺得係藥膳加少少紅燒都幾香，如果下次嚟打邊爐有呢個湯底我都會叫返佢麵都ok，唔算太淋食台灣麵經常會出現炆到好淋嘅紅蘿蔔呢度就冇，如果有，個麵嘅色水會再靚啲㙮香鹽酥雞飯（辣）呢個好食！感覺還原度幾高幾鍾意佢個鹽酥雞加左蒜蓉，特別香雞粒非即叫即炸，淋左啲在所難免到於個肉燥飯我覺得份量都幾足食到底都仲有肉碎汁係少左啲（但我本身唔鍾意撈汁）台灣腸好開心見到佢有比蒜片（無蒜不歡之人🙈）套餐加錢換購台式飲品味道都可以，珍珠奶綠珍珠係細粒版，可以啖啖都有珍珠仲可以自選甜度，啱晒我唔飲甜嘅人總結一下，口痕想食台灣野呢間都ok係呢個價錢嘅貨色除咗環境靚之外，佢都幾乾淨下次會再試下火鍋套餐👍

台式別忘了打邊爐-天水圍別忘了天氣開始凍🥶突然好想打邊爐，今次呢間台式放題荃灣，天水圍都有分店㗎，係一人一火鍋，可以自己選鍾意嘅火鍋湯底😛點左椰子雞湯，藥膳當歸湯同台式壽喜燒，極上牛翼板set極上牛翼板唔錯😋肉味香濃，豬妹片同牛肉片都唔錯，不過牛肉片唔係幾夾藥膳湯底😅出面仲有好多蔬菜，配料，台式甜品都唔錯㗎! 不過每人一款既甜品就比較遜色😅當晚星期五都好full，有興趣記住提早訂枱

今次同阿妹帶個仔去食lunch 再次黎到別忘了 上次係夜晚打邊爐 今次試下佢地既午市套餐 見到佢地牆上的一句好扣人心弦「別忘了」是一個連接回憶的地方，你未必曾在這裡留下回憶，但你會在這裡勾起一些回憶及留下一些新回憶招牌牛仔麵牛肉份量超級多 十分足料 入面有牛腩 牛筋 牛肚 牛丸 牛筋 牛肉好淋 而且多汁好入味 肉質軟硬適中 牛丸爽口 陣陣牛味飄出黎塔香鹽酥雞飯鹽酥雞 外皮脆卜卜 內裏雞肉嫩滑多汁 小朋友都忍唔住係咁伸手要拎雞肉食滷肉飯 份量多 滷肉入味又唔會太鹹 做到一啖飯配一啖滷肉兩杯台式飲品近排個仔見我飲 佢又會搶住要 飲完見唔算太甜 所以都照比佢飲少少過下口癮

都有一段時間冇寫食評... 冇乜深度感受就懶得寫🤣別忘了，真係忘不了🤣食物ok, 雖則選擇不多，不過都岩揀既~環境ok, 如果能坐在櫻花樹下感覺更好吧~不過，這些都不是令人難忘...🤣 難忘的是服務態度吧...🤔本來食得好好感覺良好，直到... 諗住最後order甜品，QR系統卻話已cut單... 問職員，check完話：係呀，15分鐘前會cut單... 擾攘一輪最終職員幫手落單...。 我唔可以話佢地錯，不過，好難要食客自己計住時間幾時是last order吧，如果職員主動提醒last order會更理想吧，免爭拗，大家好做🤔 其他火鍋店通常都會拿賬單來順便問last order... 這間是冇聲冇息cut你單的😏Times up Pens down!! 夠鐘要走我明白，不過職員做法是否可令人舒服d呢... 夠鐘就即過來執野收鍋叫人走, 其實已截單，只是食埋已經來左的食物啫，是否可俾d彈性時間處理？！如果出面有人排隊等位，我都還接受，然而，出面水靜鵝飛，是不是要用這方法叫人走呢...我唔可以話佢地錯，只是身為顧客的我，感覺唔好啫😏 別忘了，忘不了，冇下次🤣(提外話，十十下時我們還研究

兩點黎到呢間餐廳, 好多人係入面打緊邊爐, 不過我就係黎食個快手午餐! 有好多台式美食選擇, 而且勁好彩俾我坐到櫻花樹下🌸..呢度係用QR code落單, 好方便!..『招牌蕃茄牛肉麵』HK$58牛肉又淋又滑, 唔會乾爭爭, 我加錢要左牛筋同牛肚, 加HK$8有好多件! 好豐富😋麵質亦都好彈牙! 蕃茄湯底又勁yummy 😋 ..『台式排骨飯』HK$56叫左左排骨飯, 好有驚喜! 排骨炸得香脆, 而且大大塊好抵食🤤加左少少辣粉係面頭, 唔會好辣但又增加左風味🤩滷肉飯嘅半肥瘦豬肉同惹味醬汁超好送飯🍴..『鹽酥雞』HK$15叫左個小食鹽酥雞, 炸到脆卜卜, 但雞肉仍然好嫩滑🫧..跟餐叫左檸檬綠茶同檸檬紅茶, 茶底清香👍🏻清清淡淡好refresh 👀..同埋午市唔使加一, 好抵食🤤而且有張卡仔俾食客可以寫低個人願望, 掛係鋪頭度, 好得意🤭°°°°°°°°°°°°°°°°°°°°°°°°°°°°°°別忘了 @dontforget_hk 📍 天水圍天湖路2號天耀廣場LG樓15-16號舖#MrsLong #hk #hkmami #hkbloggermama #Longs #influencer #

係天水圍站附近有間幾高質嘅打邊爐，今日一於嚟試下Lunch set😆😆上次坐唔到櫻花樹下面，今次終於都坐到，入座仲會送上書籤，可以掛上樹或者帶走。等緊嘢食嗰陣都睇下其他人寫嘅內容，都幾得意🤣🤣🍜麻辣蕃茄湯香菇貢丸甜不辣米線麻辣蕃茄湯帶有辣味同少少酸酸甜甜，兩種味道非常突出但又唔會掩蓋對方嘅味道，香濃又惹味。配埋台灣必食嘅甜不辣同香菇貢丸，2樣配料都好夾依款湯底😉😗🐮招牌牛肉麵(牛肉、牛筋、牛肚、牛丸)揀左藥膳湯底，湯底帶甜亦都食到有藥材味，牛肉、牛筋、牛肚、牛丸份量足夠。牛肉帶有脂肪，肉質嫩滑。牛筋牛肚幾入味、牛丸亦有少少爆汁效果👍🏻👍🏻仲叫左台式飲品百香果綠茶加愛玉同別忘了奶綠🧋🧋

來了天水行街， 發現有一間以台式火鍋為主， 同時亦有傳統台式美食的食肆，外觀佈置像日本櫻花🌸一樣。 而且食客可以寫下個人願望， 掛上許願松上，好特別。 （5⭐️最高）招牌牛肉麵 （5⭐️）當中有牛肉，牛筋，牛肚，牛丸。 牛筋又淋又滑好容易入口； 牛肚爽口彈牙🤩， 牛肉好juice , 牛丸多汁爽口， 麪質亦都爽口入咪。 yummy 😋 塔香鹽酥雞飯（5⭐️）好滋味的鹽酥雞， 入口爽脆， 又套脆卜卜， 入口雞肉嫩滑而夠味， 真係好野味💕。檸檬綠茶 （5⭐️）因為選了走甜及微冰，清清淡淡的🌱， 相反有一種refresh 既感覺。 手熟仙草奶茶（5⭐️）香清細緻的仙草， 入口爽口👍🏻、彈牙。 奶香味比較濃郁😍。 四季春（5⭐️）顏色以粉紅色為主，甜度適中，與新鮮清檸味好夾❤️。

很有台灣風的一間台式餐廳，裝潢清新簡潔。在店內的正中間，還有幾棵超大超美的櫻花樹🌸，樹上可以掛上客人寫上的願望卡仔💌別出心裁。🔹原味塔香鹽酥雞套餐鹽酥雞肉嫩，不嚡口，唔會炸到好硬身，份量很多，大約有7-8件雞塊。另外免費配上檸檬🍋綠茶🍵🔹紅燒牛肉麵香濃的牛骨湯底，配上台灣風味的牛肉，肉質淋身。麵條軟硬適中、掛上湯汁👍🏽🔹百香果綠茶 好香的百香果味🔹台南府城蝦捲自家製蝦捲，口感豐富，有馬蹄的爽脆，再加蝦餅，腐皮炸到脆脆的，非常好食。

食物質素及價錢可以，但係埋單果陣強烈建議大家一定要check 單。餐廳5點前入座係免加一。一入座就會開張單寫明幾多位、（根據佢系統）幾點入座、總共幾錢。今日去食果陣明明入座張單開啱一大一細16:54 分入座，銀碼都啱。餐廳系統亦準時cut單。但係拎張單去俾錢果陣就無啦啦變咗兩個大人兼加一。問返佢仲要唔check 返張單就話係因為我地係5點後入座。最後叫佢查返入座果陣開果張單先至話係因為埋咗數所以收錯錢⋯好彩今次我發現到啫，如果係老人家俾錢真係未必夠眼睇到。做生意咁唔老實，好食都真係唔會想再幫襯。

適逢我們家既生日季節 今個月我同媽媽 下個月我妹妹 所以我地4大1小去到一間開左冇耐既台式火鍋店 外面有個靚靚打卡位 櫻花樹下 即刻想唱返首歌🎶😂餐廳面積雖然唔大 但位置好闊落 坐得好舒服 大選👍🏻 不過咁樣所以就好full 要等到8:30先有位🥺時間上可以選擇90/120分鐘 有4個set選擇 湯底有9款 預設鴛鴦鍋唔洗加錢👍🏻我地揀左90分鐘 因為普遍任食火鍋90分鐘都係可以食到飽一飽🤰🏻🫃🏻Set方面我地揀左b 極上牛翼板 肉類分別有極上牛翼板🥩🥓 紐西蘭頂級肉眼草飼牛 精選牛鍵板 西班牙栗飼豬梅片 日本鹿兒島茶美豚梅肉 羊肉卷 出面有蔬菜麵類任拎🥬🌽 每台一開始就會預設每款肉各一 每一碟份量都好足夠 基本上冇再叫過肉🙈湯底揀左招牌台灣麻辣鍋 台灣香濃椰子雞湯 台灣惹味沙茶湯 十小時香濃豬骨湯🫕最特別的我覺得係台式飲品任飲🍹 而甜品係有窩夫🧇 呢兩樣我真係大大讚👍🏻成個感覺好好 服務態度都99分 留一分進步空間先🤣 妹妹已經講定下星期會再黎食多次

別忘了近日天氣轉涼，心思思去咗附近天耀商場新開既別忘了食火鍋放題。呢到既火鍋放題同其他最大既分別係，呢到仲有埋甜品放題架。🤗🤗別忘了既裝修好粉紅，啱晒我地女仔打卡，除咗打卡之餘，仲可以寫低願望然後掛上樹上，幾得意。 😆😆呢到座位空非常闊落，仲要係卡位黎，都幾好坐。入座後，我地仲可以一人叫一個湯底，咁我地就叫咗一個昆布清湯，同另一個台式壽喜燒。 呢到係用QRcode手機落單，上菜速度快到我地嚇親，啱啱禁完，放低手機，轉個頭啲野就到齊，勁有效率。💕💕我地今次平平地叫咗個set A，都有兩款牛肉，牛板腱同埋肉眼草飼牛，加埋豬梅片同羊肉卷，都算幾豐富。四款你肉都唔過太肥，入口嫩滑。除此之外，出面仲有好多配菜比大家夾，有丸類，各式蔬菜菰類，仲有啲台灣名物米血糕等，材料都好新鮮好多款式。😍😍不得不提佢地既台式小食，我地一坐低就叫咗幾款試下。台式鹽酥雞扒真心好好食，雞扒入面好juicy，我地忍唔住encore咗。其他甜不辣，台式香腸等都做得好有水準，去到記得要叫黎試下！🥰🥰

好一陣無黎天水圍，黎買野順便食下野，又來到別忘了，是日食個午市套餐先。兩點來到，好多人等位，食打邊爐同台灣面都多，真係好受歡迎。等左五分鐘左右就有枱，哈哈，好好彩有幾枱人一齊走。今次終於坐到櫻花樹下啦，係幾靚🌸，快快用個QR CODE落單先，一小時用餐架。⭐辣味香酥雞扒飯朋友叫左雞扒飯，有驚喜喎，個雞扒炸得香脆酥軟，大大塊啖啖肉🤤加左辣粉更惹味。滷肉飯夠香口，半肥瘦豬肉加上調味剛好的醬汁，真係好好撈飯。⭐魚皮餃麻辣蕃茄湯台灣麵自己就叫左台灣麵，麵質彈牙掛湯，湯底蕃茄味濃郁帶甜味，辣醬又香又麻，但就堅辣，中辣都食到流鼻水，哈哈，打破左我一向覺得台灣野唔辣嘅觀點。下次都係小辣得啦，係辣過頭啫，其實幾好味的😆⭐檸檬綠茶叫左走甜，茶底清香，但一片青檸唔太夠酸。⭐芋泥冰淇淋窩夫原來有得散點甜品，叫左份窩夫，厚身多芋泥😍仲有焦糖醬又香又甜，正喎😍😍原來午市唔使加一，兩個人食左$145，抵食🤤

除咗火鍋外 別忘了還有必食台灣牛肉麵😋分別有自選麻辣米線 /精選套餐👈包檸檬綠茶或紅茶 ( 冷/熱)招牌牛肉麵 💰68🐮🐮 好澎湃 有牛腩 牛筋 牛肚 牛丸👍樣樣都好大件 炆得入味 牛氣十足 yummy湯底入口濃郁 好好飲 食埋有著勁嘅面底 抵食又美味 極力推介🤤辣味台式排骨飯 💰56排骨即叫即炸香脆 肉質柔軟juicy😚配上鹹香爽口既菜脯 肥瘦適中滷肉加埋濃甜滷肉醬汁撈飯食 口感豐富到呢~~芋圓仙草凍💰38飯後食甜品 忘不了幸福的滋味🤣🤣🤣

必到好去處，想不到天水圍也有隱藏的台式餐廳，午市除了午餐還有火鍋，午餐時間也有不少人光顧。麻辣鴨血牛肉麵麻辣湯底散發醉人香氣，濃郁牛肉與鴨血交織出絕妙口感，湯底濃厚清純油脂感不會太厚肉，牛肉軟腍入口易撕開，加上酸菜解膩感。原味塔香鹽酥雞飯（走蔥）鹽酥雞外皮酥脆金黃，咬下去噴香四溢，內裡多汁嫩滑的雞肉，配上九層塔的點綴，香氣撲鼻，難以抗拒。別忘了，檸檬綠茶清新的檸檬與綠茶的完美結合，酸甜交融，一口下去讓加入愛玉，口感更佳。鳳梨紅茶鮮甜多汁的鳳梨搭配清甜的紅茶，口感醇厚，滋味獨特。台灣香腸經典的台灣風味，彈牙的口感帶來滿滿的滿足感，香氣四溢，回味無窮。還有許願簽可以寫完掛在樹上。