別忘了

營業中

休息中

我地揀左Set A 90mins 晚市$198一個人💰星期五晚大概7點去到 拎左飛要大概等到8點⌛️證明都幾多人去試🤔湯底：沙茶湯+麻辣湯沙茶湯台式火鍋店好似比較少見，初時味道都濃郁，但係加湯之後就沖淡左，因為加落去既湯係普通清湯🤔麻辣湯辣度都幾足夠，都夠香有麻既感覺，但係始終覺得佢似係買單黎既湯頭開出黎😂個味道好熟悉Set A肉類包括牛肩肉同埋紐西蘭嫩牛肉牛肉食落都嫩口 但係牛味略嫌不夠豬肉就覺得幾好 嫩到唔似食緊豬肉咁😂除此之外都有時間炸物可以係出面夾有紫芋丸 薯條 炸香蕉糕 番薯仔呢d炸物都幾新鮮 仲酥脆既炸香蕉糕好特別 都係第一次食🙊個味道既surprise😀覺得奶茶類別既飲品就差緊d 特別係d珍珠 有d硬硬地🤔甜品有多款選擇 有不同種類既窩夫揀 我就試左既原味，黎到就微暖 味道一般 冇乜蛋味🤔雪花冰🧊係牛奶味道既 上面再淋左d煉奶最後可以揀一個movenpick雪糕或者一個森永布丁🍮揀movenpick雪糕比較抵d😂因為個布丁比較細而且味道一般🙊

呢間火鍋店最近開業，因為環境好靚，又係台式火鍋，所以就嚟試下。我哋揀咗set B，90分鐘任呷。湯底：台灣香濃椰子雞湯🥥🐔🍲＋自家制台灣蕃茄湯🍅🍲，椰子雞湯好清香，蕃茄湯好濃郁，2款湯底都好正😍食物：極上牛翼板，紐西蘭草飼牛，肉類質素唔錯❤️；其他台式小食都幾好，最驚喜係有榴槤炸彈，榴槤味道好突出，好正💕飲品：荔枝梳打🍹＋鳳梨梳打🍍🍹，味道正常。甜品：火龍果雪花冰🍧，飄雪世界🍧，淡淡嘅味道，為呢餐火鍋寫下完美嘅句號🥰

最近發現天水圍竟然開咗間台式火鍋店，一直覺得天水圍冇乜好食，見開咗新嘢，梗係要去試吓！星期日下午兩點左右去到，大約等10分鐘左右有位。呢間餐廳其實唔止做火鍋的，如果唔食火鍋都可以單叫台式食品。餐廳不算很大，枱和枱的距離窄，私隱度不算高。裝修都算係幾靚，中間的枱有櫻花樹，非常浪漫。今次主要係黎食午市60分鐘定量放題，最平$88 西班牙栗飼豬梅片 150g，最重要係免加一！仲要星期一至日都同價！超佛心！首先職員會係入座前問你點邊種價錢的火鍋，之後再揀湯底。湯底有9款選擇，全部都好吸引！因為喺門口已經聞到好香嘅椰子雞湯味，所以今次揀咗台灣香濃椰子雞湯和台灣惹味沙茶湯。兩款都很推薦！入坐起開始計時60分鐘，一夠鐘就會有人黎執枱。火鍋配料都係自助吧自己拎，種類都算幾多，而且樣樣都新鮮好食。有平時食其他連鎖火鍋放題店少有的響鈴和炸魚皮。有少量台式小食例如地瓜球等等。150G的肉比想像中多，差D飽到食唔曬！味道就正常發揮。掃QR code可以點台式飲品和甜品。都幾多選擇而且質素都唔錯！建議早啲order飲品，要等10分鐘左右。我們叫了珍珠奶綠和荔枝梳打。雖然珍珠奶綠味道係唔錯，但建議唔好叫呢類型嘅飲

今天星期六和媽媽去別忘了吃午餐，試試新開的任食放題，我們選了午餐定食60分鐘，選了$88豚肉和$99牛胸肉，肉類只是一份，而其他食材蔬菜丸類飲料甜點是任食的，整體食物新鮮，環境整潔，員工態度有禮，每枱還有一張願望卡，可以寫下願望掛在粉紅色樹上，本人覺得幾有心思，下次會再光顧。

呢個商場終於有新餐廳，今日終於可以試下😋叫咗個$88 豚肉餐同$98牛肉餐都可享用點甜品同飲品☺️平日下午3點後唔使等位。座位都好寬敞 出面自取食物唔算多 以台灣火鍋來講竟然冇寬粉有啲失望 但甜品係出色嘅！ 分量唔大，可以再食其他嘢 甜度亦恰到好處 唔建議食麻辣湯底，因為唔夠辣而且太鹹遮蓋左牛肉嘅鮮味 ，壽喜燒湯底值得推薦 令到豚肉同牛肉味相當突出 今次第一次試60分鐘，下次試吓食長啲時間可以再食多啲甜品 會再幫襯😊

朋友介紹呢間新野CP值的確高，重點係台式特飲任飲仲要即叫即整，甜品任叫唔嬲，二百頭任叫任食任飲火鍋，每人自選湯底，牛肉質素高，蔬菜選擇都唔少，有少量炸物/小食，仲有movenpick雪糕，不過座位就係唔太多，唔想等太耐就要早D去。

見天耀新開張，Openrice無圖無盛，就去睇荃灣分店既相，見唔錯，即管試下。去到就揀左setC 90分鐘，本身想揀120分鐘，但8點半入座10點last order，90分鐘就算。睇荃灣既menu setC會有海鮮，但落單時完全無海鮮，問佢地佢地話海鮮係荃灣限定，但價錢一樣，當堂比佢吹到啤一聲。揀好湯底就坐埋位落單，唔學似出面啲打邊爐咁會有頭round肉自動上枱，所有野要落單先有，一坐低已經落單，由坐低計等左20分鐘先見到第一塊肉出現。啲肉一上枱已經見雪到有啲發黑，但真係太餓亦唔理太多，但食落完全無雪藏味，亦無牛味，只知淥左唔夠10秒已經韌到咩咁。野飲，款式唔多，但啲糖應該好貴，全部都淡到飛起現場環境唔大，位唔多，通道都唔算闊，最白痴係有啲地磚位鋪石春，搞到收碗車仔推唔到，咁就塞住條路。兩大兩細咁就食左1300蚊，完全唔值！1300仲有好多好既選擇，最後要食王子面去填飽個肚。呢間野永無下次

新台式火鍋店開張！好多人呀！之前荃灣食過，好味！門面可以比客人寫願望在書簽上掛起好靚呀！套餐方面同荃灣一樣，只係發覺冇咗九宮格套餐，唔知開幕之後會唔會有返呢？食品方面同荃灣一樣，部份蔬菜、炸物、丸自己取。其餘飲品甜品小食採用即叫即製，用QR code落單，有送餐服務，非常有誠意。同坊間火鍋店擺晒出嚟唔同，雖然未必趕得上最多嘢食，但係品質方面我覺得比其他火鍋店做得好，可能因為廚師係台灣人，口味方面都幾地道。服務方面，新店做得好好👍都會搵返我哋嘅意見，上菜都好快。肉方面，我覺得係要讚嘅，真係靚過出邊好多好多火鍋店，而且我覺得佢嘅豬肉都出奇地好味，本來唔食多豬肉嘅我都叫多一兩碟嚟食。最後我覺得90分鐘啱啱夠， 120分鐘會食得更加多嘢！由於性價比唔錯，下次試吓120分鐘先