初麥手作烘焙

營業中

休息中

呢兩樣嘢係呢間麵包店最出名嘅包，超好食😋😋🍞流心芋泥布甸包😍🥧布甸蛋撻😍入面既布甸有淡淡牛奶味，唔會太甜😚，麵包又煙煙韌韌😋長龍店，要睇時間，唔係成日都買到，今日經過咁啱出爐😊再配埋西柚味咖啡沙冰做下午茶🥰如果買唔到布甸包， so far其他包都好好食，仲有Bagel ，QQ波麻薯我都中意食，煙煙韌韌😍所以有時經過我都會特登入嚟買啲包返去做下午茶🥰有心機做嘅包，值得咁多人排隊買😙

聽閒呢度出名芋泥布丁包，一直都好想試。但每次都買唔到。原來分開咗兩個時段出爐，難得嚟到試下其他款。 👅 𝓜𝓮𝓷𝓾𝓼🌟 紫薯麻糬包一咬落去麵包鬆軟，食落紫薯同麻糬餡份量平均。紫薯偏淡不會甜，麻薯有少少淡牛奶味，食落感覺有口感。喜歡淡同健康既朋友岩哂！🌟 布甸蛋撻好似大型版蛋撻， 新鮮出爐買好香，凍食食落牛油皮鬆脆，布甸蛋味香濃，甜度剛剛好。 希望下次再經過都可以買到香芋布丁包💜💜。📍北角英皇道483-497號東寶大廈地舖

布甸包開到周圍都係 當然要搵方法突圍而出😎呢間麵包店就推出咗特色嘅流心芋泥口味💜🤍上層同樣係軟滑嘅布甸 下層就係綿密清甜嘅芋泥蓉 仲有粒粒芋頭 加埋香脆法包🥖令成個口感同味道都更加之豐富✨

第一次食係因為咁啱閒日早咗收工、剛剛買到。因為實在好好味嘅關係，今日放假再嚟買，不過今次要排隊。餅店每日有幾輪出爐時間，可以上FB或IG睇，費事摸門釘啦。不過啲時間12點，3點，6點，唔放工都好難買到。北角嘅街坊真幸福。今次準備充足，排左半個鐘到我。每人限買4個咋，如果屋企多人，記住叫多個人排。上次食咗原味同芋頭味，今次四個全部都買曬芋頭味😆買返屋企嘅話，記得食之前要焗一焗呀！我用氣炸鍋返熱，焗到個包脆一脆，布丁熱辣辣！原味都好食，不過芋頭味更佳！啲布丁動L動L，中間流心，奶香味重但唔會過甜，簡直係一試難忘！絕對有質素，想再食。

因為同事介紹，知道響北角地鐵站附近有一間好出名嘅麵包舖，尤其係麵包舖每日出爐嘅布甸包。 每日都大排長龍， 好彩同事分享左布甸包出爐時間表所以先可以就住啱嘅時間去排隊買咋！溫馨提示每人每次只限買四個！評分：🌕🌕🌕🌕🌕法式布甸包法式布甸包可以選擇用微波爐叮5秒或者室溫食，如果叮熱咗布甸蛋漿有入口即溶嘅感覺配合豬軟熟嘅布甸包皮，係有種好似焦糖布甸站麵包嘅口感，推薦推薦。芋泥布甸包芋泥布甸包係基於法式布甸包嘅餡料再加粒粒芋泥，當布甸將配上芋泥，口感會冇咁甜，配合鬆軟麵包皮同埋叮熱咗5秒整體口感會俾布甸麵包更好食

今日紅日終於無咗人龍 仲見到好多麻糬卷蛋 平時好快賣哂 即刻買件焙茶卷嚟試 哇好重手亦好大舊 58元 抵唔抵就見人見智 平時普通麵包鋪賣普通卷蛋都18+ 依家依舊份量都好足 品嚐完埋我覺得佢賣三至四十蚊我先會返轉頭幫襯 首先佢嘅培茶味唔算好突出 係淡淡嘅香氣嗰種 而忌廉量好充足足以包哂成舊卷蛋 忌廉味 我估佢都有加培茶落去打 但味道都係唔夠濃 至於靈魂麻糬 好軟糯做個重心非常出色 可惜佢中間係無嘅 換句話講 佢只係頭尾擺咗麻糬 唔係一整條卷蛋都食到佢 如果麻糬加入培茶製 我諗整體培茶味會更出 成個卷嘅培茶味都會倍增 我覺得先值58元依個價差啲唔記得仲有主角卷蛋 軟綿線嘅海綿蛋糕質地 質地好唔錯 軟得嚟卷得起咁多饀唔會裂 美中不足真係唔夠濃味啊 不過北角好似都係得佢有賣麻糬卷蛋 所以無比較無傷害 將佢切成四份都可以解決下上班族tea time 癮 除返開又係抵喎

網上見 有布旬包不過原來得反2果段先有🥲12:30，15:300所以我就等17:30既布旬蛋撻布旬蛋撻新鮮出爐所以熱辣辣🥴皮鬆脆既👍🏻有蛋香甜度剛好等既時侯又買左個紫薯麻糬包包正常發揮乾麵包咁入面有滿滿既紫薯紫薯就吳甜食入D食到有麻糬麻糬就無咩味巴撕克蛋糕表面少少硬硬地入面就相對軟中間係無流心結: 布旬蛋撻值得一試，簡單黎講係厚蛋撻而已巴撕克蛋糕都可以普通食下#布旬蛋撻#紫薯麻糬包#巴撕克蛋糕#初麥手作烘焙

作為芋頭控其實對任何芋頭產品都會想試第一次去先知布丁包有分時段的，所以兩手空空而回今次約了朋友lunch完剛好接近3:30，所以來碰運氣，遠處看到人龍都非常擔心買唔到然後店員會逐一問客人要兩個還是四個布丁包，安排上算不錯呀結果買了兩件芋泥布丁包，$19x2=$38芋泥香甜細滑，布丁質地也不錯，我自己鐘意近乎蒸水蛋那種口感，她的布丁像奶凍的口感，像糊狀般，味道都不會過甜，不過食完一件會有點膩，若果甜度再調低一點可能更好農夫包好煙韌，少許鹹味配起芋泥布甸一起吃，真的不錯除了招牌布丁包以外，我見其他麵包都被客人掃空，疫情下生意艱難，衷心祝福這小店繼續越做越好

新開業既初麥，網上已經好多食評今日我12:05到左，排第三人，大約12:25時店員會出黎統計要買既件數，每人限買4件。店員12:30準時幫排隊既人包裝同埋單，此時可以見到收銀旁滿滿新鮮出爐既布甸包原味布甸包 $15芋泥布甸包 $19麵包口感煙韌，布甸味香，口感唔會太甜芋泥口味可以食到細粒既芋頭，芋泥飽滿店員態度友善，見到有網友話出爐時間安排較混亂，建議去之前可以睇佢地IG先。每日布甸包出爐時間：12:30/ 15:30/ 18:00 or 18:30個人覺得非常值得一試

專程係為左芋泥布甸包而來，上網睇有三段時間出爐，諗住等晚上18；00果輪，點知撲了個空。去到先知暫停左🥲唔緊要，雖然布甸包賣哂，但都仲有布甸蛋撻～呢個布甸撻係外層鬆化嘅曲奇皮，比出面坊間嘅蛋撻較高身，不過其實食落都只係一個蛋撻😂大家唔好期望咁高😂但都係好食嘅😊仲試左個菠蘿麻糬波波，係外層係鬆脆的菠蘿皮，咬開係煙煙韌韌嘅口感，係想像得到的味道，可以一試。

北角人氣長龍布甸包 首先私心比個負評先 黎左4次先買到 佢地布甸包 分3個時段1230/1530/1800-1830 但成日都暫停 詳情可以留意佢哋ig/fb 但佢哋一時公布 一時又唔公布 就算公佈都報得好急 對跨區朋友極度不有善 所以只適合港島區朋友.OK抱怨完 講返今日實測記錄今日星期三平日12:10去到 已經有10幾人排隊到開賣嗰時12:30 大概已經有30至40人排隊以新開嘅麵包店來講 排隊人數已經好誇張⭐️流心芋泥布甸包$19⭐️法式布甸包$15‼️布甸包外層 煙韌程度相當高 好似bagel外層咁😋芋泥蓉好多 啖啖芋泥蓉 有小小芋頭粒粒😋布甸甜度比偏高 可以形容為半凝固狀態的吉士醬.如果同嘉多利比較 2間同樣好食今日呢間平d 甜d 外層煙韌d 布甸凝固d.⭐️菠蘿皮麻薯波波$5😋咬開煙韌實淨 雖然空心 但其實都好飽滿.今日見到排隊主要係上班族 家庭主婦感覺成間麵包舖 都賣啲煙煙韌韌嘅麵包又賣bagel 又賣麻薯波波 又賣布甸包全部都係相當邪惡嘅產物 相當呃like唔太出名嘅情況下 都有咁多街坊排隊 可見質素.#hkfunfoodrecord窮遊香港#hkfunfoodrecor

📌初麥手作烘焙～北角前排自己都陷入左食布丁包嘅熱潮🥹呢間位於北角新開嘅麵包店 主打布丁包🍮芋泥口味又幾特別 即刻要去排下隊買👅星期日排咗大概20分鐘就買到 算係排得短每日有三輪出爐 分別係 12:30/15:30/18:00or18:30⌛️詳情都係要留意番佢哋IG公布 有時剩係得兩輪‼️每人限購四個不設預留 所以係先到先得㗎😗我第二輪去早10分鐘到就已經係尾幾個 排滿25個就會截龍～食完嘉多利再食呢間就有個比較👀1️⃣ 芋泥布丁包 $𝟭𝟵 (𝟵/𝟭𝟬)芋泥布丁包真係第一次見 味道幾創新🤩仲有一粒粒芋頭係入邊 口感豐富真係要焗熱佢嚟食 係會食到外脆內軟😍法包會變到好酥脆 然後芋泥變得流心非常綿滑🤌🏻芋泥的份量比起布丁多 完全滿足到芋頭控！2️⃣ 傳統布丁包 $𝟭𝟱 (𝟳/𝟭𝟬)相反呢個原味布丁包就比較普通🤔嘉多利實在好食好多 不過就要排45分鐘以上🤦🏻‍♀️相比下呢間味道偏甜偏膩 奶味亦都比較突出而且唔知點解法包亦都冇芋泥版本咁酥脆😢💡整體嚟講 芋泥布丁包超級值得一試！推介大家真係要焗熱嚟食 原味就嘉多利比較好食啲 😋去開北角不妨買嚟試吓 希望以後呢間唔使排太耐隊🫣✄----------------

近期布甸包真係熱潮一浪接一浪 好似好多間麵包店都有出！呢一間北角新開嘅麵包店竟然推出咗芋泥口味 超級特別！內膽除咗軟滑嘅布甸之外仲有好多芋泥 口感綿密得來又帶芋頭粒粒嘅口感 食落唔會好甜 同布甸嘅口感好夾😍

早幾日喺公司附近發現到呢一間新開嘅麵包店，見到有最近好高人氣嘅布甸麵包😍而且佢哋仲係有粒粒芋頭喺裏面！！！除咗布甸麵包之外佢哋仲有其他麵包、蛋糕等⋯另一樣好吸引嘅就係佢哋嘅葡撻，分別有兩款（曲奇皮$12/酥皮$8），曲奇皮嘅比較高身好似食緊布甸咁🤤，如果去開北角嘅話不妨可以去買來試吓！

😋 菠蘿qq波 $5菠蘿皮超鬆脆！ 食落係甜甜地脆卜卜，加埋麻糬波波夠煙韌，吾係想像中既空氣感，成個包食落都好有層次感！ 😊 芋頭麻糬燒 $14作為芋頭控要試下呢款麵包，可惜餡料比較少，麵包比例較多。芋頭係有少少顆粒，食落吾太甜，麻糬就煙煙韌韌，麵包同普通麵包差唔多，未有太大驚喜Ps 麵包店有熱款布甸包同芋泥布甸包，每日會分3輪供應，可惜每次買吾到！ 下次有機會要試下💕抵食程度：⭐️⭐️⭐️⭐️食物質素：⭐️⭐️⭐️⭐員工態度：⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）