出羽櫻鐵板料理

好好食！最鍾意食佢嘅set lunch 牛肉薄燒😋😋😋😋，如果想食飽D,推薦竹餐，有魚，帶子，沙律，性價比高！真心推！味增湯都幾好飲😋😋😋😋😋😋三文魚炒飯或者炒烏冬都好好食…查看更多

和老婆兩個人，我點的竹餐有牛肉薄燒帶子骨腩，她點的廚師發板有金菇牛卷大蝦雞扒魷魚。整體不過不失，埋單$276沒加一。除了要吐糟奶茶淡然無味，著實奢求不了什麼，但有幾點希望如果老板看到可以考慮一下：1. 骨腩就別用了，吃起來不太友好。如果想盡用食材，骨可以煲湯(魚骨味噌湯)，碎肉可以炒飯2. 承上，把白飯改三文魚鐵板炒飯3. 現時竹/雪餐主菜牛雞二選一，然後骨腩可改龍利柳，因應1&2可改成牛雞魚3選14. 因應魚變了主菜，side可以加上魷魚/墨魚等小海鮮5. 可以考慮加入花椒油松露油，或者日本一點山椒油，調味就不會那麼單一，寫出來好看之餘就幾瓶油成本也不高6. 如果人少就盡量位上，感覺會好很多如果按以上都改了，其實食材就只增加了一份小海鮮和幾滴調味油，菜單看上去更吸引，收回加一也可接受。…查看更多

鵝肝多士，不是用厚多士，用普通方包，咁你就吾好收成百幾蚊兩塊，$250 牛柳同花園餐廳品質一樣，帶左2千兩人去食，但質素真低，叫吾到其他，最後兩人$1049，食左1小時吾夠，食左1隻包魚，2塊鵝肝，1塊牛柳（千祈唔好叫牛柳），雞泡魚干，炒什菜，2杯生啤（每$68），1枝青島，係清酒煮蜆最好食，廚師同侍應都係坐埋一邊，吾覺有咩招呼，總括就係性價比極低，真係吾會有第二次，一千蚊兩個人，這市況，buffet 都食到。…查看更多

一個平日的晚上有朋友突發帶我到紅磡這間頗有歷史感的 #出羽櫻鐵板燒料理看看餐牌 平均$7-800有個二人前鐵板餐 當中包括嘅食物選擇配搭都很有彈性 大致會有大蝦 鵝肝 豬牛魚 等不同配搭 性價比很不錯席前料理的好處就是可以欣賞師傅的手勢 雖然這裏不是高級鐵板燒店 但見師傅熟練沈穩的表現一點都不輸給其他店食物雖然沒有精緻的presentation 但整體表現中上 黎開附近都可以一試另外有趣的是店內不斷播懷舊老歌 老闆亦都喜歡跟食客傾偈 是一間有家庭式感覺的懷舊店 …查看更多

星期五晚八點幾，餐廳圍着鐵板燒枱的大概15至16個座位，黐得密密的。不過一心想食「鐵板燒」，就勉強攝咗埋去。惡夢就開始了…（1）座位放得太密，隔離幾位食客相識的，不停大聲暢談。傾偈當然正常，但座位靠得太密，隔離位食客係咁喺我耳邊大叫，仲要陶醉地哼歌。我點食飯啊？（2）廚師唔衛生，望住個廚師用紙巾擤完冇洗手，冇抹手，就繼續煮食。所有廚師都冇用口罩。（3）去到一半就大鑊了，廚師/老闆將音樂轉做80年代快歌，「墳」機，大聲到不得了，我以為係酒吧/80年代disco，嘈到想即刻逃離現場。應該係餐廳想買酒，所以開大個音樂俾啲食客hi hi 哋買多幾杯酒。(4) 食物同價錢不成正比，魚生不新鮮，其他都好一般，個炒麵直頭燶嘅（睇相）。 聽返當區朋友講，呢間鐵板燒已經變左「飲酒、嘈！」真係食嘢前，要多啲睇OpenRice的😭評語。…查看更多

見呢間鐵板燒喺紅磡長期屹立不倒 搵日夜晚終於去咗試 平時見到滿晒座 嗰日一個客都無LOL 然後發覺呢個價錢食到咁飽係好驚喜:0▫️ 大蝦自選一人餐 [$168+1]成個鐵板餐有- 三文魚刺身- 和風沙律- 麵豉湯- 老虎大蝦- 2個main，我揀咗日本帶子同牛肉薄燒- 炒什菜- 炒飯- 紅豆雪糕杯上菜次序好random😂佢上咗炒飯先。。之後先再上三文魚刺身and so on 但係呢個價錢食鐵板燒好抵 三文魚刺身正常夠厚肉 牛肉薄燒好香好多蒜😍飯好大碗🤣但都炒得香嘅日本帶子佢切開咗一半 賣相即刻爭啲但都不過不失了 呢個價錢要求都唔會太高😂如果住紅磡 得閒落樓下想食好啲 佢都係一個好嘅選擇(((o(*ﾟ▽ﾟ*)o)))…查看更多

街坊鐵板燒，價錢合理，口味正中。有平民價，有貴價，任君選擇。選擇平民價的也不差，價錢尚算便宜便可吃到鐵板燒，選擇也不少。貴價的也有很多選擇，也比在其他地方為便宜。雖然地方環境不大，不過氣氛好好，師傅好俾心機，廚師手藝高，食物用料高質，價錢亦比其他日式鐵板燒平宜。好廚藝，手工一流，食物新鮮，菜品好，食材火候控制準承，簡直係味覺同視覺的享受，主動與客人溝通，收費超合理。酒類以清酒為主，生啤得一種選擇，當然這裡不是吃裝修的，最緊要衞生，與朋友閒聚也不錯，份量也足夠，非常值得推介。…查看更多

三文魚一擺入口就有成個海喺我口中爆,因為佢鹹過海水😧牛肉仲嚴重過三文魚,淨係食到嗰咸味,應該係冰鮮牛肉,要樣冇樣,要味道,冇味道，得死咸🗿隻雞根本就唔係雞,係鹽粒,好柴。本身個嘴受傷,食完之後個嘴啲傷口好乸,因為真係太鹹...餐廳冷氣好凍,建議個餐嚟到之後等十分鐘,佢就可以變成壽司咁:)好抵食,因為一個價錢食咗兩個唔同物種嘅嘢!我成世人未試過咁難食嘅嘢😧佢唯一個優點,就係佢冇人食,夠清淨🫨…查看更多

市面上有林林總總既鐵板燒餐廳，呢間算得上係性價比高既一間晚市2人set 由$720 up除返開都係300-400 一個人就可以食到刺身、海鮮、牛肉、雜菜、炒飯/炒麵、甜點🤤一邊聽住舊歌、一邊同三五知已共聚、so chill…查看更多

路過諗住試吓，午餐嘅套餐價錢，以鐵板燒來講尚可，但係以普通午餐來講就偏貴。因為份量好少。而且佢個鐵板燒，佢係去另一邊鐵板嗰度燒，作為顧客我完全睇唔到佢燒個過程，其實食鐵板燒就係睇住個廚師係你面前燒，咁你去咗第二度嘅話，就冇乜意思了⋯⋯所謂薄燒牛肉，其實係肥牛，而且佢應該捲埋嚟燒，入面唔知加咗啲蔥定係蒜，定係碎肉。佢有一半去縮到乾晒，有一半係生到見紅⋯⋯肥牛係急凍肉類，冇理由咁生咁樣俾人的。杯熱飲好細杯，好少見到餐廳會有咁細杯飲品。帶子佢有去除內臟，係唯一抵讚的。仲有，個麵豉湯上面有奇怪飄浮物，唔似係未溶嘅味噌，唔知係乜嘢；個白飯好硬⋯⋯…查看更多

今日同朋友小聚實在係太耐冇食鐵板燒了所以就book咗呢間舖頭食鐵板燒敘舊今日叫咗虎蝦鵝肝豬扒set一開頭就會上沙律、麵豉湯、三文魚刺身同埋甜蝦刺身係食完刺身之後就食鐵板鵝肝！外脆內院入口即溶好開心食完鵝肝之後就食鮑魚我覺得還好 不過不失食完鮑魚之後就食黑松露芝士魚啲醬淋左上去之後搞到條魚原本煎脆左都變淋 唔係太理想之後就係虎蝦我覺得好好食，係我嘅口味啊正！！跟住就係豬我啲朋友覺得牛都好好食之後就食咗炒飯同甜品今餐飯非常圓滿！下次都會再嚟…查看更多

Weekday同老公下就2pm 去呢間食鐵板燒。環境都叫做寬敞，當時冇乜其他客人。我哋叫左個皇牌套餐。首先上左個和風沙律、麵豉湯同三色刺身，呢几樣野食嘅質素就不提也罷（系最平民食肆嘅質素）。畢竟醉翁之意不在洒，呢d side dishes 質素就算麻麻地都可以包容嘅。老虎大蝦🍤：咬口爽脆、蒜頭加上醬汁係個鐵板上面抄啊抄抄啊抄、虎蝦夠晒大隻咬囗非常充實，雖然係冰鮮蝦仍不失蝦味。醬汁嘅配搭又剛剛好，吾會太搶蝦味，整體滋味。南非鮑魚：大大隻爽口彈牙鮑魚，獨特嘅味道加上喺鐵板上面燒，帶少少燒焦味但係又好清新。法國鵝肝：Standard水準和滋味，因為鵝肝本身一個咁好嘅食材基本上上得鐵板燒都會係好食，而今餐個鵝肝大小都系可以嘅，好味和牛燒+茶美豚茶美豚呢個品種嘅豬豬嘅飼料都好講究架！佢地係食橡果長大，又會系飼料中加入綠茶葉，令佢地嘅肉質細嫩無渣，富肉香卻不羶。一般豬肉都會煮到十成熟，而呢隻靚豬豬七成熟就可以入口㗎啦，而且肉質嫩滑鮮甜。日式炒飯今餐炒飯嘅醬汁仲加咗之前上的虎蝦嘅蝦膏落去炒，干身炒飯粒粒分明，很滋味總體來說，性價比很高的一餐，但份量不是很足夠，如果是胃口輕大的朋友，吃完也未必夠飽！可能胃口較大的朋友要另外再散叫一些配菜才足夠飽！…查看更多

喺紅磡嘅呢間鐵板燒已經幫襯左好多次啦今次都係第一次決定打食評價錢非常之大眾化 我多數都係叫竹餐$82之前男朋友叫過和牛嗰個飯亦都非常唔錯 牛味好香，已經包括左餐湯沙律飲品前菜同埋牛肉薄燒 有帶子同埋銀雪魚銀雪魚有時候會係三文魚骨腩或者係龍利柳加$30可以轉炒飯炒飯非常之香口同埋好食😋職員同老闆態度都非常好呢個價錢係星期一至日每一日都一樣唔會有分別好多地方假期都會加價呢度就唔會所以值得加分簡直就成為我嘅飯堂職員亦都非常好記性我每次到佢都會同我打招呼又加分！…查看更多

喺紅磡想食日本餐 唔一定要食啲好貴好高級嘅日本料理 想貼地啲 可以試吓呢一間出羽櫻鐵板燒料理😝Lunch hour時間嚟到 見到都有幾多位 雖然唔係咁多人嚟食 但係味道其實唔錯友人叫咗個鐵板燒牛仔骨 牛仔骨有三大件 黑椒味唔算好出 但係牛仔骨嘅肉質絕對唔係出面餐廳嗰啲乸到腍滋滋嘅牛仔骨 不過略嫌牛仔骨有少少過生 怕生嘅朋友可以要求佢煮熟啲 有牛仔骨同炒菜 好快就扒晒碗白飯啦😺竹餐望落豐盛好多 首先有沙律 沙律有好多麻醬 食落都幾甜 而主菜有牛肉薄燒 帶子 三文魚骨腩 炒菜 帶子就只得一粒 味道亦都普通 牛肉薄燒就非常好食 蒜味非常之濃郁 三文魚骨腩又唔算太乾身 食落幾香口 幾重油香 炒菜就平衡返成餐食咁好多肉嘅罪疚感 成個餐真係幾唔錯☺️其實一定係叫竹/雪餐比較抵食同精緻啲 因為樣樣都有啲 不過都係睇返你個人口味啦 如果有啲食物唔啱食 單點一款都唔錯嘅🤤…查看更多

承蒙朋友仔既好運黎左呢度食大餐😋😋餐廳唔大，裝修唔係好靚、不過食材新鮮如果唔係要靚景的話呢度係CP值幾高既地方正所謂餐廳細細物以罕為貴全晚只有一隻龍蝦一隻蟹、龍蝦控既我梗係揀左龍蝦啦😋😋😋 2人餐upgrade去新鮮龍蝦只係$1900，唔係伊勢丹龍蝦而係澳洲龍蝦，呢件事真心好抵食前菜：正正常常冇乜特別呢度係半隻，我地4個人、師傅好細心幫我地開邊share 👍🏻龍蝦新鮮多肉、師傅掌握火候非常好又唔會過熟、調味都好夠😋😋 美中不足既係可能拎埋個蝦頭去整麵豉湯就perfect la我地個餐仲有大過手掌既虎蝦，雖然睇得出係冰鮮但師傅都煮到爽口彈牙好好味😋鮑魚好新鮮、都係果句火侯好緊要、師傅煮到剛剛好😋😋話說我忙住食隻龍蝦食唔切鮑魚、細心既師傅會係你食既時候幫你加熱返、呢個細心真係要比個like佢👍🏻👍🏻因為小妹我唔食牛所以揀左豬…um…如果有得揀都係唔好食豬啦，呢個豬可能唔肥？口感麻麻地、食哂又好飽咁睇返朋友仔個牛，好明顯出色好多、朋友仔話連塊麵包都好好食🤪蒜蓉炒雜菜，正常原本呢個係炒公仔麵，點知師傅可以俾我哋揀竹炭烏冬、wooo….正😋😋個烏冬口感好彈牙，師傅仲加左bb沙律醬去炒、好新奇最後甜品係荔枝雪糕、為呢餐畫上一個完美嘅句號😌😌總結….我會再幫襯👍🏻👍🏻抵食啊Joe師傅都好nice…查看更多