凱薈

位於尖沙咀the one 17樓景觀良好，座位舒適食物除左點心紙上之外仲有一大排自己夾既食物非常滿足香港人咩都想試既心態食物都即叫即蒸熱辣辣最好食係個羊肚菌棉花雞同牛肉球包點類都熱辣辣味道唔錯當然百幾蚊食放題就唔好要求點心質素會好高但都絕對同一般茶樓既差唔多水準喇最欣賞佢可以一件件咁叫非常好既安排服務都好唔錯阿姐忙到不得了但應客都好有禮貌落單同事睇單準確一張單都無漏過舒舒服服嘆足2個鐘值得encore!…查看更多

買咗KKday 放題 差到極 上菜慢 第一輪嘅片皮鴨要去催單先有 已經等咗成個鐘 員工人手明顯不足放題需要客人自助 呢點表示明白 但前題係自助區係需要有員工refill 但因為員工數量不足 令到自助區形同虛設 自助區醬汁長期不足 點心質素差 我希望係只係放題而供應次一級品質 唔希望等同凱薈婚宴的質素 Kkday 套餐原本係灌湯餃由放題任點變成每位一份 片皮鴨亦變成每人每次限叫3片 不過亦無需對灌湯餃有過大期望 只係放大版瑤柱水餃 放題常見嘅漏單cut單不作多提 再次落單可解決問題 酒樓餐具乾淨程度絕對有待改善 屋邨酒樓級數…查看更多

我哋喺網上平台訂咗$138放題午餐，滿心期待的片皮鴨真的不知所謂，四個人佢限定每人得3 片，即係12片片皮鴨，但只係上4塊包皮！同經理反映：你要問我攞就得㗎啦！咁點解你唔上足12片呢？ 感覺鴨肉並不是新鮮片皮鴨，而且醬汁有點酸，完全係唔想食第二轉，非常失望。餐前小食都算多選擇，但係個咖喱魚蛋啲魚蛋係霉嘅！雞翼呀、啊豬肚絲啊、還OK嘅。炸茄子啊，咖喱角春卷個皮係非常之硬。點心放題，我哋11:05坐低，肯定唔夠10分鐘我哋就遞交點心紙，但張點心紙放喺我哋枱面嘅時候，上面寫住列印時間係11:38 ！所以佢真係去到11:50幾分先至上點心俾我哋！質素數量還OK。但選擇冇預期嘅多，得20幾款，並不是60幾款！總括而言，$138加$18茶位再加16.8（原價嘅+1 )每人其實$172 ，並不是想像中的平因為唔止我哋一台追點心，所以啲服務員都懶得理我哋！總之服務又唔完全到位，點心數量及質素只係一般，賣點嘅片皮鴨令人失望！…查看更多

近期造訪了位於尖沙咀The One商場的凱薈宴會廳，重點體驗了其限時推出的「片皮鴨點心放題」優惠活動——午市僅需$118元，夜市只需$148，即可暢享120分鐘的片皮鴨點心盛宴，性價比十分突出。 餐廳空間雖不算開闊，但勝在裝修明亮整潔，整體氛圍清爽舒適。尤為亮眼的是，這裡坐擁180度維多利亞港海景，邊嘆茶邊欣賞無敵海景，視覺與味覺的雙重享受，瞬間提升用餐體驗。 點心品類豐富，涵蓋近30款選擇，其中「片皮鴨任食」無疑是最大亮點，滿足食客對這道經典菜式的暢吃需求。此外，還能嘗到不少港式點心，比如皮薄餡足的灌湯餃，咬開瞬間湯汁四溢，口感層次鮮明；經典的蝦餃也十分出色，皮極薄，且裡面的虾肉頗多，飽滿彈牙，燒賣也保持高水準，餡料新鮮入味。 除了點心，餐廳還設有熱食分區，提供多樣化選擇：冷盤小食開胃解膩，熱食、糖水、湯品暖胃貼心，連炒粉麵、銀針粉這類主食也一併涵蓋，輕鬆满足不同食客的口味偏好。 服務方面同樣值得稱讚，工作人員回應及時，上菜速度快，全程無需長時間等候，用餐節奏舒適順暢。更貼心的是，在此消費還可享受免費3小時免費泊車優惠，進一步降低了出行成本，對自駕食客十分友好。綜合來看，無論是朋友小聚還是家庭飲茶，這裡都是性價比頗高的選擇。…查看更多

 《警世》超難食點心片皮鴨放題早前我於KKday預訂了Eternity的點心片皮鴨放題，一人$99 ，去到食完要比+1同埋茶錢，點知竟然中大伏！此餐廳位於尖沙咀The One，進入嘅時候睇到餐廳裝修豪華，令到我都深感期待。入座後，我們的位置可以望到維港的景色，景色確實不錯！但是這裏的食物10分差劣，片皮鴨的鴨肉是凍的，而皮就好似橡筋咁硬，咬咗咬唔到，真係認真難食！所有食物嘅味道都10分難食，例如灌湯餃一夾個皮就散，潮州粉果都係，馬拉糕硬實實，一啲都唔好食。有唔少嘅點心仲要有奇怪嘅味道，好似酸酸餿餿咁。咁多款食物入面只有燒賣一款味道正常。另外值得一踩嘅係呢間店嘅服務，店內職員10分稀少，每位都忙到踢晒腳，唔小點心蒸好之後都擺到凍晒先送到府上。另外，我哋冇晒水飲嘅時候將個水煲交咗俾一個職員，等候超過20分鐘（將近半個鐘）水煲都未返返嚟，最後要我嘅朋友去拍嗰個職員嘅膊頭幾次，水煲先返嚟。由於嘢食太難食，最後我哋都食唔晒，嘥咗唔少嘢食呢間餐廳用八個字概括嘅話，我會係金玉其外，敗絮其中，擁有美好的環境，但沒有珍惜，整出難食過屎嘅食物，提供差過印度嘅服務態度。原本喺出面睇以為好正，食過之後先知中伏。總括嚟講，呢間餐廳係我人生入面食過最難食嘅餐廳，無論係服務態度定係食物都係劣中之劣，呢次體驗可以話係十分不良好，如果大家想體驗吓啲咁難食嘅食物，又或者想體驗吓差劣嘅服務態度，就歡迎嚟吓啦！凱薈 (尖沙咀)地址: 香港尖沙咀The ONE…查看更多

凯薈之前聽朋友講尖沙The One有點心放題幾抵食,所以今晚就諗住去試下,$168兩小時,計埋茶芥加一$204.5 ，6點鐘到熱葷種類好多，有胡椒豬肚湯,咕嚕肉,炒四季豆,燒粟米,煎蘿蔔糕，韭菜豬紅，炆冬菇，炆蓮藕，炒飯麵，炒米和粉紅豆沙......胡椒豬肚湯，有鹹酸菜，有重重嘅胡椒味咕嚕肉，皮唔脆，有新鮮菠蘿做配料，肥瘦均勻，甜甜酸酸好開胃炆冬菇和蓮藕好入味炒飯太乾而且冇味道燒粟米太乾其他一般發揮，合格點點心👍蝦餃，薑汁紅棗糕，牛肉球，蝦餃，馬拉糕，棉花雞👎流沙奶黃包冇流沙燒賣好難食金錢肚醬汁味太濃，咸灌湯餃皮厚,內餡味道怪怪其他一般發揮片皮鴨鴨肉好乾,包皮吾熱和乾,好一般甜品紅豆沙甜度適中不過豆少總結食物種類多,但質素就一般,冇乜嘢係特別出色,環境舒服,地方寬敞乾淨,服務親切值得一賺,CP值高,不過食一次就夠…查看更多

在kkday用超優惠價訂咗兩位晚餐,我地六點去到未爆場,所以出邊囉嘅嘢食非常充足,就算寫紙仔嘅點心都出得好快,職員態度都好友善,但去到七點就全場爆滿了,出餐就開始慢少少,但都是可接受範圍,這個價錢真是沒有挑剔的意念…查看更多

除咗極差都唔知醒寫乜嘢差 總言之就係極差態度差食物差環境又唔係好乾淨又坐得唔舒服 咁嘅價錢 唔值得 怪唔得啲人 成日不想食嘢 做壞香港人 老闆做嘢中指是這樣的不如唔好做 影衰香港人 飲茶食到一把火 叫老闆留意員工 如果員工係老闆嘅話不如叫佢執咗佢 尖沙咀都做到咁樣離曬譜…查看更多

我從來吾寫食評，但實在太離譜，2小時任食，我地一坐低就order 點心，吹速左3次，已經1.5hrs －籠點心都冇黎過，只食左小量炸物，叫2件黎一件，最終一肚氣走，自助區一早比人清哂，到我地3pm呢輪得番D汁…查看更多

最近呢間茶樓搞咗點心放題，睇落去幾得意就嚟幫襯吓。成個體驗等多過食，120分鐘有超過一半時間以上係等。食物質素一般一般。體驗真係非常之差，根本就唔係搞咩放題。一張單之後乜都冇嘅。出面嘅食物又要凍，裝醬料嘅樽亦都難。片皮鴨嘅皮嚟到都凍晒。我哋總共有5個人嚟食，但係就只係得4塊皮。當你食完第一單要加單嘅時候等得仲耐。職員不單止冇幫你加單。到差唔多夠鐘嘅時候，啲職員仲要扮晒嘢，扮好心幫你去廚房睇吓仲有冇嗰啲食物，但其實就係博你等，想伓等到唔耐煩自己走佬。絕對唔會再嚟食…查看更多

🧭凱薈•尖沙咀🍴尖沙咀彌敦道100號The ONE 17樓最後成日係網上見有點心放題，咁岩今次見kkday 有做優惠，即刻試吓 過下點心癮😛120分鐘仼食點心加片皮鴨🦆經kkday book枱，仲有每人送既燉湯！好正🤤真材實料既老火燉湯！一黎到，就梗係乜都叫左一轉先啦🤭最先 就係片皮鴨，鴨肉多過皮🤣但都可以接受。至於皮有小小失色，雖然夠熱，但係都係有小小膠膠地咁🙂‍↕️點心時間🍚都會好快就一次過上哂啲點心，應該係每次一次過蒸成枱既野食。全部都係熱辣辣出爐燒賣，腸粉都好食，我地一人一份灌湯餃都好大隻 係湯水小左啲啲。。。但係包類同粉果麻麻地，懷疑係個面粉一般。自助吧🍤🍛上面有一啲炸物，一啲冷盤，都多種類選擇。亦都有澱粉類，炒飯，炒麵同銀針粉甜品: 紅豆沙 唔太甜，合格🤭環境🌝一上到係有見到維港景既，但未必會安排你坐窗邊位。如果唔係同一般酒樓差唔多。只係佢空間闊落，唔會坐到好貼。服務好一般，會一直話重複左幾次呢樣份量好多好多，食唔哂架你地。我地話食得哂食到，都唔太好服務。然後其實出到黎每樣份量都唔多 岩岩好。🙄#hongkong #hongkongfood #foodstagram #foodie #tsimshatsui #香港#覓食 #香港美食 #九龍 #尖沙咀#酒樓 #港式 #點心 #片皮鴨#仼食#燒賣#蝦餃#馬拉糕#腸粉#紅豆沙…查看更多

買了網上平台 的晚餐票價，人均1xx,用餐人多，餐點也沒預期的好，看到我們人多但給了一個超狹窄的位置，跟隔壁桌根本就是像同桌一樣，上桌後也沒有問要什麼茶，只說有汽水，可樂，橙汁汽水，冰水如要的話要20元一杯⋯，吃完結帳之後照收茶芥18/人，問她說怎麼沒有上茶，他說在香港就算是喝熱水也是要收18/人，還說你要喝什麼茶，你現在去拿⋯（重點我們已經吃完了😡）講話態度超差，如果說一下不好意思，道歉的話就算了，但是態度還大過客戶，難怪要靠跟網上平台 配合這種促銷方式，才能經營下去，下次絕對不會再來這種地方消費，對香港的餐飲業覺得惋惜⋯失望…查看更多

食物質素不錯，但客量正常情況下，酒樓都負荷唔嚟，等成個鐘先出到兩件點心😔120分鐘放題有大部分時間都係等嘢食上自助檯比較多炸物，咕嚕肉都不錯點心方面不推薦小籠包、馬拉糕...片皮鴨都ok，但想加單就趁第一輪比返張點餐紙嘅時候就好， 唔係嘅話真係有排等🫠…查看更多

啲侍應態度直頭趕客， 打去訂位時已經奇差， 算，或者食物ok,點知食物真係一般都ok,但不輪聽電話嗰個到入去帶位都好似欠左佢錢咁，可以用垃圾級嚟形容， the one好多食肆，可以嘅千祈咪自己去買爛受…查看更多

一心成家人諗住上去飲茶，之前都覺得ok 嘅……點知十二點幾上到去遇著佢地做放題，人手唔夠已經好混亂，客又多行嚟行去，落單又亂哂大龍……都算……點知原來放題同飲茶可以叫嘅係一樣，茶樓就狂出餐比放題嗰班，真正飲茶又漏哂D點心……唔知想點……又唔好食喎失望到……最唔接受到見到佢地出餐，將食物放到餐車最低層接近職員隻腳同地面又冇蓋……衛生程度真係好唔掂囉……親手趕客～冇下次……！😔😔…查看更多