凱日宴會廳

營業中

休息中

藉住母親生日嘅大日子，我地一家人去咗呢間酒樓飲早茶，呢間家一次幫襯，聽過對佢嘅評價都唔差，所以去試下，有啲可惜嘅係，事實跟我食到嘅味道有所落差，不同菜式嘅質素、味道有啲極端。正常發揮凱日蝦餃皇⭕️蟹籽燒賣皇（2粒）⭕️11點前落單$9.8，堅抵廣東叉燒包⭕️香煎蘿蔔糕⭕️鮮蝦腐皮卷⭕️鮮肉蒸餃子⭕️叉燒酥以上幾樣野，都係正常所有酒樓都差唔多味道，唔會話太驚喜嘅嘢。有驚喜懷舊魚翅餃✅雖然稍為有少少乾，但味道係兒時嘅感覺皮蛋瘦肉粥✅味道夠粥夠綿，我鍾意嘅味道韮王鮮蝦腸✅蝦夠爽脆同夠大隻蟲草花綿花雞✅我好鍾意佢個魚肚，夠入味順得炸脆奶✅，外皮夠脆，餡啱啱好夠滑。比較差沙茶金錢肚❌本來望落好似好好食，可惜係味道偏咸；荷香珍珠雞❌另一個可以用差嚟形容嘅係，完全冇料，得啲糯米同啲汁咁，比起淘大點心更差，呢一個最令人失望。蘿蔔千絲酥❌冇乜咬口，同外表一樣唔太理想。豉汁蒸肉排❌平時我好鍾意食茶樓嘅蒸排骨，可惜呢碟嘅賣相都味道都係欠奉。叫咗冇食到秘製醬蒸鳳爪陳皮牛肉球因為家人買咗張券，點都要再嚟食晚餐，姑且睇吓佢晚巿會唔會有驚喜。

去到的時候，茶樓不算十分多人，剛開始坐低座位時服務還算可以。之後坐下叫餐，一開始上餐速度還可以。中途我發現有一樣點心好耐都沒有上，然後我就問服務員，然後服務員就話一早就已經沒有，就話打單比我睇，個時才發現服務員漏點，但係就沒有向我們反映或者叫我們轉其他款式點心，服務態度非常差，落單錯誤唔即時向顧客反映，仲鬧顧客情緒唔穩定。從此黑名單的茶樓，叫身邊人都唔可以再去。食物又是放好耐再俾顧客，送到上都已經變凍。真系令人失望、失望。服務員都唔知有沒有培訓過，每個人都沒有笑容，真系見到都大打折扣，印象分可以扣到沒有。

25年2月8號在觀塘鱷魚恤中心海逸宴會廳食晚飯，叫了一隻清遠雞，上枱時半隻雞都係生嘅唔熟有血，叫經理處理，經理態度極差只可以叫廚房微波爐返叮，用微波爐翻叮嘅雞買到二百幾蚊一隻點可以接受？其他酒樓特價一蚊雞都好食過佢好多。最重要就係經理服務態度極差😡

近期鐘意觀塘鱷魚恤嘅凱日飲茶因為擺枱無咁逼，點心夠熱上點心同沖水都夠快，味道唔錯有蝦嘅點心特別高質，因為蝦鮮又爽今次就試下其它發現佢地嘅豆沙包同煎魚餅都好好食今次蘿蔔糕就失手了，太多粉同煎得唔夠焦香但整體都係唔錯

今日陪兩老去觀塘APM行街，行到攰就去咗鱷魚恤中心嘅凱日宴會廳飲下午茶。兩老要求：坐得舒服、夠冷氣、唔使搭枱、可以慢慢食。呢間酒樓完全符合佢哋兩個嘅要求。我哋叫咗三個下午茶優惠孖寶，再加兩個下午茶優惠點心，一共八樣野。🥢鮮蝦菜苗餃水晶皮有少少厚，但係因為入面嘅料都好足夠，所以整體嚟講都算好食。🥢斑斕生煎包綠色嘅斑斕包包住豬肉，斑斕包有淡淡的斑斕香味，入面舊豬肉餡都夠多汁。🥢脆煎蓮藕餅食到一粒粒嘅蓮藕，煎得好香，但係唔會好油膩。🥢蔥花炸兩腸清淡咗啲，不過炸兩香脆，腸粉皮都唔算太厚。🥢潮州蒸粉果圓圓脹脹嘅粉果，上枱嘅時候都係熱辣辣。🥢豉汁魚茸釀茄子厚切茄子配上大大舊魚蓉，多汁，不過冇乜特別。🥢我不是春卷根本就係普通嘅鮮蝦春卷，比佢個名呃咗。🥢脆皮燒鵝檬粉檬粉夠幼滑，燒鵝都唔會太韌，個湯都幾清。每一樣點心都係熱辣辣咁樣上枱，飲下午茶都算唔錯，坐得都算舒服，唔太迫，食完之後可以慢慢坐到3:30，直到有員工大叫清場，我覺得呢一下有啲扣分，好似飯堂食完嘢趕客走咁。

今日陪兩老去觀塘APM行街，行到攰就去咗鱷魚恤中心嘅凱日宴會廳飲下午茶。兩老要求：坐得舒服、夠冷氣、唔使搭枱、可以慢慢食。呢間酒樓完全符合佢哋兩個嘅要求。我哋叫咗三個下午茶優惠孖寶，再加兩個下午茶優惠點心，一共八樣野。🥢鮮蝦菜苗餃水晶皮有少少厚，但係因為入面嘅料都好足夠，所以整體嚟講都算好食。🥢斑斕生煎包綠色嘅斑斕包包住豬肉，斑斕包有淡淡的斑斕香味，入面舊豬肉餡都夠多汁。🥢脆煎蓮藕餅食到一粒粒嘅蓮藕，煎得好香，但係唔會好油膩。🥢蔥花炸兩腸清淡咗啲，不過炸兩香脆，腸粉皮都唔算太厚。🥢潮州蒸粉果圓圓脹脹嘅粉果，上枱嘅時候都係熱辣辣。🥢豉汁魚茸釀茄子厚切茄子配上大大舊魚蓉，多汁，不過冇乜特別。🥢我不是春卷根本就係普通嘅鮮蝦春卷，比佢個名呃咗。🥢脆皮燒鵝檬粉檬粉夠幼滑，燒鵝都唔會太韌，個湯都幾清。每一樣點心都係熱辣辣咁樣上枱，飲下午茶都算唔錯，坐得都算舒服，唔太迫，食完之後可以慢慢坐到3:30，直到有員工大叫清場，我覺得呢一下有啲扣分，好似飯堂食完嘢趕客走咁。

星期日帶媽咪去官塘凱日宴會廳飲茶， 樣樣味道都唔錯，蘿蔔絲酥天鵝炸得好鬆化，燒賣同牛肉球大大粒， 鹵水鵝掌入味，幾大碟 😋😋 有好多部電視， 落地玻璃睇到觀塘景，坐得舒服，侍應服務幾nice， 又會主動沖水同收碟👍👍

假日同長輩去酒樓食野，約左黎凱日。呢間平時食點心都唔錯，今次黎到見到有個4人套餐，個餐有一個小菜併盤，一個主菜，一碟飯／麵，同埋3籠點心，仲每人一盅燉湯。覺得夠我地食，幾抵，所以叫左黎食。佢地啲茶有個細爐仔熱住，keep住溫度，唔錯👍前菜有4味，水晶肉，川味皮蛋，四喜烤夫，油炆竹筍，每樣小小，中間仲有啲日式酸薑（我個人幾鍾意食），加埋都幾大碟，睇落養眼，味道唔錯，食落開胃。👍點心點左腸粉，素餃，燒賣王，質素唔差，有水準。主菜叫碟菜遠炒安格斯牛肉，黎到發現擺埋盤😂😂菜心鋪底，上面雲耳加牛肉，側邊放左啲配菜（唔知食唔食得，我地冇食🤣🤣）賣相幾靚，食落入味，不過覺得雲耳多左啲，牛肉少左啲，如果可以多返小小牛肉，咁就最好。飯要左福建炒飯，正常水準，好食。燉湯一人一盅，料太多啦，成隻雞腳，又多豬肉。😅😅😅如果小啲料，多返啲湯水，我會開心啲囉（我本人唔鍾意食湯渣）

一直都幾鍾意呢個品牌無訂枱walk in，好彩都有位，位置也算不錯母親節當然就食母親節餐啦呢個價錢，竟然有咁嘅份量，絕對超值每一樣食物嘅賣相都好吸引味道當然都唔差啦服務亦都貼心，好滿意父親節都會考慮再回頭

同朋友們飯聚，30/3/2024夜一齊到觀塘鱷魚恤中心搵食，最後選中凱日宴會廳。晚上七點多到，唔駛等位，只有寥寥可數幾枱客。點了一個四小龍套餐 半隻燒鵝及鮮荷芋籠仔金菇蒸勝瓜。招牌金湯燴花膠，有濃濃南瓜及一塊薄薄花膠，似甜品多些。清蒸珍珠龍躉，足夠4人份量，蒸得剛好。蟹籽沙律蝦球，一上枱已很吸引，每個蝦球都用一個小蒸籠盛著，味道唔錯，沙律醬配炸蝦，無咁熱氣，蝦球下有一塊菠蘿。秘製杭州一口骨，每塊都好入味，一咬已脫骨。半隻燒鵝，份量足，美中不足，當中有幾塊未熟鮮荷芋籠仔金菇蒸勝瓜，清清地甜品~桂花糕 ]]

今日lunch同幾位同事去左鱷魚恤8樓宴會廳飲茶，好彩有book位咋😎估唔到咁full叫左孖寶（燒肉拼叉燒＋上素炒米粉），蝦腸，牛肉腸，鮮蝦炸雲吞，豉油王炒面，仲有例牌飲茶會叫嘅點心.......叉燒上枱已經香氣撲鼻，米粉炒得好有鑊氣而且好入味，不過豉油王炒面就比較遜色炸雲吞嘅皮好香脆，入面個餡仲好鬼熱添呢間酒樓值得讚嘅地方就係每樣點心，炒粉放上客人枱都可以熱辣辣

昨晚約了朋友尼到官塘鱷魚恤中心凱日宴會廳晚餐，這裏地方寬敞，光線充足，環境舒適，不會覺得有擠迫感，不過侍應的服務態度就認真麻麻。秘制藍梅骨 （例）$128藍梅骨配上了鮮嫩的沙律菜，望落美觀。排骨掛滿了甜甜酸酸的藍梅醬汁，食落令人胃口大開，不過可惜排骨不夠脆口，不會有外脆內軟的感覺，有點冧。蝦乾魚腐浸勝瓜 （例）$108這道菜有勝瓜、魚腐、雲耳、蝦乾和甘筍絲。勝瓜青綠脆口，湯吸收了勝瓜和蝦乾的精華，清甜可口。魚腐吸收了湯的清甜味，十分滋味。紀子糕甜品 (這個糕點是送的）滑滑的果凍吸收了紀子的香味，甜度適中，食落十分舒服。

收工約咗朋友係觀塘食飯， 近近地去鱷魚恤中心， 本來想去8樓百樂門 , 原來已經冇做，依家轉咗間叫凱日宴會廳， 酒樓新裝修， 粉藍色碗碟好靚😍😍 , 茶壺仲有燭台保溫 , 尢其依家冬天, 飲茶唔會涷 , 呢個加分👍👍我地叫咗片皮鴨例牌，賣相唔錯 , 仲有蝦片 ,  咕嚕蝦球 ，甜酸度剛好,  蝦球好大粒,  好多菠蘿 ,  梅子炆豬手好淋 ,  臘味炒苗，幾大碟 , 樣樣都好味道😋😋， 食得好飽，又坐得舒服！ 朋友拎咗個蛋糕仔手信食完飯一齊食,  果時已經差唔多10點, 侍應招呼唔錯 ,  仲好nice叫我地食埋先👍👍下次會去飲茶試下點心 ! 

今日下午同屋企人飲茶，因為基於假期，所以提早book咗枱飲茶。12:30嘅枱 等咗半個鐘都無枱同服務人員反映 佢哋嘅反應係 - 呀姐 無枱呀- 人哋未食完 我冇理由叫人走㗎喎明白假期係會多人 所以亦都有提早book枱客人係準時到，但係未能喺已約定嘅時間提供座位咁我book枱嘅意義喺邊度呢？ 半小時後，前台話可以入座 ，但係其實座位亦都未處理妥當好。當員工係擺設緊座位嘅時候，枱布揚起嘅時候直接撥到家人和老人家。 當時職員亦未有和老人家致歉，要客人提醒先去致歉。相信呢個價位有其他選擇，可以提供更好嘅服務同食物質素。

媽媽朋友介紹嘅，所以今日陪媽媽試一下，點心價錢尚算經濟，星期六，日加幾蚊，都可以一試。先來一個鳳爪排骨煲仔飯，有1隻鳳爪 (破開了)，排骨唔似雪藏嘅，好有肉味凱日蝦餃皇(兩件) ，我哋order係震撼早茶優惠，相片係兩客嘅份量 $15.8 x 2, 蝦餃好大隻，蝦好大爽口，食得出有筍粒喺入面，好食跟住係孖寶 - 沙爹金錢肚 [$39.8/2], 賣相唔錯，金錢肚有多舊，略嫌未夠冧，咬唔斷㗎，要全件放晒入口，墊底嘅蘿蔔就比較差，好似未冧，蘿蔔無咩汁，有渣添 孖寶- 香茜叉燒腸 [$39.8/2]，我哋唔喜歡，腸粉屬於有彈性嗰隻，底厚但唔吸豉油，最接受唔到眼見都好多肥豬肉粒唔使等位，裝修新靜，開業幾個月，我哋喜歡普洱茶，好順滑，每枱都有個小火爐熱住壺茶，但如果唔鐘意金屬茶壺嘅朋友要三思了！ 服務都唔算太差但又唔算好啵，有個小插曲，初時上枱嘅鳳爪排骨煲仔飯，有怪味，原來啲鳳爪咗，即時同束馬尾女部長反應，女部長靜定而冷淡回應表示會換，我當時有啲擔心，換出來嘅會唔會都係，幸好女部長換出來的是剛蒸好熱辣辣嘅，整個對話女部長沒有為佢哋嘅食物品質出問題而表示歉意，現在飲食業人手短缺，服務水平大不如前喇