凱日宴會廳

營業中

休息中

一直都幾鍾意呢個品牌無訂枱walk in，好彩都有位，位置也算不錯母親節當然就食母親節餐啦呢個價錢，竟然有咁嘅份量，絕對超值每一樣食物嘅賣相都好吸引味道當然都唔差啦服務亦都貼心，好滿意父親節都會考慮再回頭

同朋友們飯聚，30/3/2024夜一齊到觀塘鱷魚恤中心搵食，最後選中凱日宴會廳。晚上七點多到，唔駛等位，只有寥寥可數幾枱客。點了一個四小龍套餐 半隻燒鵝及鮮荷芋籠仔金菇蒸勝瓜。招牌金湯燴花膠，有濃濃南瓜及一塊薄薄花膠，似甜品多些。清蒸珍珠龍躉，足夠4人份量，蒸得剛好。蟹籽沙律蝦球，一上枱已很吸引，每個蝦球都用一個小蒸籠盛著，味道唔錯，沙律醬配炸蝦，無咁熱氣，蝦球下有一塊菠蘿。秘製杭州一口骨，每塊都好入味，一咬已脫骨。半隻燒鵝，份量足，美中不足，當中有幾塊未熟鮮荷芋籠仔金菇蒸勝瓜，清清地甜品~桂花糕 ]]

今日lunch同幾位同事去左鱷魚恤8樓宴會廳飲茶，好彩有book位咋😎估唔到咁full叫左孖寶（燒肉拼叉燒＋上素炒米粉），蝦腸，牛肉腸，鮮蝦炸雲吞，豉油王炒面，仲有例牌飲茶會叫嘅點心.......叉燒上枱已經香氣撲鼻，米粉炒得好有鑊氣而且好入味，不過豉油王炒面就比較遜色炸雲吞嘅皮好香脆，入面個餡仲好鬼熱添呢間酒樓值得讚嘅地方就係每樣點心，炒粉放上客人枱都可以熱辣辣

昨晚約了朋友尼到官塘鱷魚恤中心凱日宴會廳晚餐，這裏地方寬敞，光線充足，環境舒適，不會覺得有擠迫感，不過侍應的服務態度就認真麻麻。秘制藍梅骨 （例）$128藍梅骨配上了鮮嫩的沙律菜，望落美觀。排骨掛滿了甜甜酸酸的藍梅醬汁，食落令人胃口大開，不過可惜排骨不夠脆口，不會有外脆內軟的感覺，有點冧。蝦乾魚腐浸勝瓜 （例）$108這道菜有勝瓜、魚腐、雲耳、蝦乾和甘筍絲。勝瓜青綠脆口，湯吸收了勝瓜和蝦乾的精華，清甜可口。魚腐吸收了湯的清甜味，十分滋味。紀子糕甜品 (這個糕點是送的）滑滑的果凍吸收了紀子的香味，甜度適中，食落十分舒服。

收工約咗朋友係觀塘食飯， 近近地去鱷魚恤中心， 本來想去8樓百樂門 , 原來已經冇做，依家轉咗間叫凱日宴會廳， 酒樓新裝修， 粉藍色碗碟好靚😍😍 , 茶壺仲有燭台保溫 , 尢其依家冬天, 飲茶唔會涷 , 呢個加分👍👍我地叫咗片皮鴨例牌，賣相唔錯 , 仲有蝦片 ,  咕嚕蝦球 ，甜酸度剛好,  蝦球好大粒,  好多菠蘿 ,  梅子炆豬手好淋 ,  臘味炒苗，幾大碟 , 樣樣都好味道😋😋， 食得好飽，又坐得舒服！ 朋友拎咗個蛋糕仔手信食完飯一齊食,  果時已經差唔多10點, 侍應招呼唔錯 ,  仲好nice叫我地食埋先👍👍下次會去飲茶試下點心 ! 

今日下午同屋企人飲茶，因為基於假期，所以提早book咗枱飲茶。12:30嘅枱 等咗半個鐘都無枱同服務人員反映 佢哋嘅反應係 - 呀姐 無枱呀- 人哋未食完 我冇理由叫人走㗎喎明白假期係會多人 所以亦都有提早book枱客人係準時到，但係未能喺已約定嘅時間提供座位咁我book枱嘅意義喺邊度呢？ 半小時後，前台話可以入座 ，但係其實座位亦都未處理妥當好。當員工係擺設緊座位嘅時候，枱布揚起嘅時候直接撥到家人和老人家。 當時職員亦未有和老人家致歉，要客人提醒先去致歉。相信呢個價位有其他選擇，可以提供更好嘅服務同食物質素。

媽媽朋友介紹嘅，所以今日陪媽媽試一下，點心價錢尚算經濟，星期六，日加幾蚊，都可以一試。先來一個鳳爪排骨煲仔飯，有1隻鳳爪 (破開了)，排骨唔似雪藏嘅，好有肉味凱日蝦餃皇(兩件) ，我哋order係震撼早茶優惠，相片係兩客嘅份量 $15.8 x 2, 蝦餃好大隻，蝦好大爽口，食得出有筍粒喺入面，好食跟住係孖寶 - 沙爹金錢肚 [$39.8/2], 賣相唔錯，金錢肚有多舊，略嫌未夠冧，咬唔斷㗎，要全件放晒入口，墊底嘅蘿蔔就比較差，好似未冧，蘿蔔無咩汁，有渣添 孖寶- 香茜叉燒腸 [$39.8/2]，我哋唔喜歡，腸粉屬於有彈性嗰隻，底厚但唔吸豉油，最接受唔到眼見都好多肥豬肉粒唔使等位，裝修新靜，開業幾個月，我哋喜歡普洱茶，好順滑，每枱都有個小火爐熱住壺茶，但如果唔鐘意金屬茶壺嘅朋友要三思了！ 服務都唔算太差但又唔算好啵，有個小插曲，初時上枱嘅鳳爪排骨煲仔飯，有怪味，原來啲鳳爪咗，即時同束馬尾女部長反應，女部長靜定而冷淡回應表示會換，我當時有啲擔心，換出來嘅會唔會都係，幸好女部長換出來的是剛蒸好熱辣辣嘅，整個對話女部長沒有為佢哋嘅食物品質出問題而表示歉意，現在飲食業人手短缺，服務水平大不如前喇

酒樓喺5月才開張，見佢新開，就嚟試吓，接駁港鐵站，交通非常方便。 酒樓內環境寬敞，餐具以翠綠色為主☘️☘️，茶壺🫖則用熱爐🔥坐熱，全程保温👏🏻北京片皮鴨半隻～份量尚可，經理都係即場片出嚟，只係得皮嘅又有，皮連肉嘅也有，算不錯👍🏻 最攪笑係用七彩蝦片墊底，正👍🏻，我最鍾意食蝦片😋宮廷龍雞湯煲仔翅～叫了2碗🍲🍲，都係即場滾起，🔥熱焫焫，上枱都仲滾緊🔥，算足料，幾好味😋當晚是閒日晚上，客人不算太貴，服務員態度非常好👍🏻

8號颱風「泰利」高掛卻風平浪靜，露天地段的地鐵照常行走，因此決定到就近的鱷魚恤大廈飲茶。見有新開的茶樓又不用等位，便決定一試。鮮竹卷是剛剛炸好的，卻不怎麼脆口，龍蝦湯就是一個橙色的芡汁，以價錢而言，出品算不錯。小肉排有點過肥，而且一粒豆豉或一點豉汁也沒有，與名字並不相符。菠蘿包是熱的但酥皮就是不怎麼脆，餡料卻是可以的。鯪魚球已變壞還帶微酸，隨手叫侍應取消，可能那位侍應是負責其他枱的，態度有點惡劣。魚肚厚身，百花也彈牙，最重要的是芡汁不太鹹或太稠。

因為他不喜歡吃中菜，這年來，我跟至愛的小炒變得十分疏離；所以當朋友讓我挑選慶祝生日的地方，我立即就提議到酒樓或大排檔吃小炒或中菜！但朋友很怕熱所以大排檔這個提議很快被無視了，最後選址了位於觀塘嘅【凱日宴會廳】，原因是「就腳」。【凱日宴會廳】座落喺APM隔嚟嘅鱷魚裇中心，地理位置非常方便。放工之後約埋三五知己想食中菜嘅話，呢度的確係一個唔錯嘅選擇，如果中意打返幾圈嘅話，呢度都有麻雀提供添！ 入到去當天大概兩成滿座，其實呢間酒樓吃過後，食物出品及價位其實都比想像中的好！係會回頭可以再吃的。MENU眼看都好多選擇。◼️脆皮燒乳鴿而家坊間都唔係好多地方有得嗌乳鴿嚟食，見呢度有得嗌就嗌嚟試下先~ 乳鴿外皮燒到脆卜卜，食落肉質都幾Juicy！如果中意惹味啲嘅話，配埋椒鹽點嚟食嘅就仲香口！◼️大獎-金磚豆腐呢道係名符其實嘅功夫菜，望落雖然好似無咩特別，一咬落去先發現好有驚喜，外皮好薄，入面嘅豆腐仍然保持住好水嫩嘅口感同狀態之餘，味道都好唔錯！點一點餐廳附上嘅陳醋，再將味道層次昇華咗。呢道菜唔算飽肚，可以作為前菜咁一路食一路吹水！◼️蝦醬海山骨食完頭先豆腐菜式，再試呢款蝦醬海山骨，發現佢哋嘅炸物係做得幾好。

觀塘一向都是人流興旺，食肆林立的繁盛商業區。今晚到觀塘地鐵站旁的鱷魚恤中心8樓的「凱日宴會廳」晚膳。一出電梯，就是一個無柱的大堂，天花掛滿晶瑩亮麗的水晶燈，甚有氣派，可以筵開數十席。兩旁還有VIP貴賓房，可唱K，更附設電動麻雀枱供耍樂。彩色精美餐牌上展示很多中菜美食，而且價錢大眾化，相當吸引。「脆皮燒鵝皇」，新張酬賓，晚市半價優惠三選一之一，我們選了半價$73的“例牌”。一大碟，份量令人驚喜。燒鵝皮脆肉嫩，入口有獨得香味。「杭州一口骨」，糖醋排骨，肉質爽口，切得剛好可以一啖一塊，所以叫”一口骨”。糖醋醬汁調校得宜，不太酸而惹味。「沙薑焗鮑魚雞煲（6隻）」，原煲滾住上，熱騰騰，香噴噴。雞煲除了雞塊外，還有六隻大鮑魚。鮑魚切花，特別入味，肉質彈牙。雖然主角是鮑魚，但配角的雞塊也不俗：大件、嫩滑、入味。總括而言，以平民價錢，吃到高質中菜，而且環境和服務都講究，絕對是超值。

年紀漸大好似越嚟越鍾意飲茶一盅兩件，今日咁啱又同爹d媽咪去觀塘整完d嘢，順便飲下午茶當lunch。點了幾款點心一個炒飯，加壺鐵觀音認真唔錯。脆皮甘荀造型咸水角呢個咸水角造型成個甘荀仔咁，橙色，上面有d芫荽，好得意，層外皮都唔厚，料足，蝦米香。牛肉腸都幾足料，皮薄，牛肉係薄皮下望落去，好吸精，食落腸粉好滑。野菌棉花雞雞肉好嫰滑，魚肚好厚又腍，吸滿湯汁，野菌好香，好味。燒賣飲茶必食，呢度既燒賣蝦肉大大粒，豬肉都足料，加上冬菇，食落爽口，我自己食了2隻，唔錯。龍蝦湯鮮竹卷非一般嘅鮮竹卷，除咗嘅腐皮卷用龍蝦湯沾黎食，食落係唔同d，d湯幾濃厚鮮味，入面既料好似肉粒、甘荀、蝦肉都好多，皮薄餡靚。咸魚雞粒炒飯好足料呀，咸魚咸香，雞肉多多，炒飯粒粒分明唔太油，份量好多，食唔曬，要打包。假日酒樓好多人等位，我地好在啱啱整哂d嘢早黎，下午茶時間黎到啱啱好入到座。呢度嘅食物點心質素唔錯，一定會再嚟。個場地好大，晚飯仲可以打麻雀。

聽啲街坊講，鱷魚恤中心開咗間新嘅酒樓，今日特登過嚟幫襯一下，啲裝修好新淨好靚，都幾宏偉，好適合人哋嚟結婚擺酒，廳房有麻雀耍樂，私隱度十足，落地大玻璃採光度十足，又有風景睇，感覺開揚，仲可以打麻雀，正！即使係星期六日公眾假期，點心紙都有好多超值優惠，又多選擇，好抵食，茶杯碗碟筷子都好精美，脆皮燒鵝米線（碗）（優惠） - $24.8（六日價）脆皮燒鵝米線抵食夾大件，燒鵝的份量好多，而且皮脆肉嫩，啖啖肉，不會過肥，但有充足的燒鵝油脂香，在口中散發開來，凱日蝦餃皇（2件）（優惠） - $16.8（六日價）蝦餃皇有金箔點綴，而且大大粒，打卡一流，蝦餃皮薄，口感軟糯，餡料彈牙，正宗皮薄餡靚，宮廷濃雞湯煲仔翅（優惠） - $68/位實物如圖，無花無假，輕輕用匙羹潷一羹，已經見到好足料，好多翅，而且濃雞湯惹味，味道又不會過鹹，黑松露蝦春卷（大點）炸得非常非常非常香脆，不知是否因為用這個器皿盛載，令到春卷唔會淋咗，內裏的餡料也很彈牙，黑松露亦很香，木魚花脆皮蘿蔔糕（大點）第一次見酒樓會咁樣整蘿蔔糕，好特別，蘿蔔糕外皮特別脆，口感好好，加上醬汁和木魚花調味，惹味得嚟又不會過鹹，蟹籽燒賣皇（特點）燒賣好大粒

約左屋企人係觀塘食晚餐，擇左間酒樓係鱷魚恤中心8樓，應該係開左無耐既酒樓。晚市有好多特價菜式。花生 $15/碟、茶芥 $15/位，價錢都約宜。今晚黎食飯見到好多人黎打電動麻雀😂好似套餐好抵咁 。。晚市半價小菜有燒鵝，叫左「脆皮燒鵝皇 半價 $73」超抵食！皮脆肉厚！咬落爆少少汁，熱辣辣，呢個價超值👍🏼。🥢宮廷濃雞湯煲仔翅$68呢個又係好多人叫，雞湯煲仔翅一煲煲一人份量，上枱仲滾緊，雞湯好濃厚又香，一梳梳翅好足料。。🥢鍋燒斑頭腩煲$148炒香配料，再炸起斑頭腩，撈埋一齊又惹味。魚好厚肉大骨。。🥢秘製蝦乾唐生菜煲$108十分入味，有超多蝦乾同肉碎！整得有鑊氣。。價錢幾實惠又大份👍🏼下次可以同屋企人再黎食🤭

觀塘鱷魚恤大廈開了一間新酒家，凱日宴會廳，一於帶兩老去試下！🔸一人一個濃湯雞煲翅先，即場用has爐煮熱，生滾雞煲翅，好正！味道真係好濃，好香的雞味，而家翅一大疏！材料十足！優惠期間只是$68！🔸惹味的鮑魚雞煲，是用鮮鮑魚的，而且比想像中大隻，雞件也大大件的，很有肉，肉質滑嫩👍🏻🔸川味酸菜魚，與坊間比較，我是幾欣賞這個味道，這個沒有太濃烈，也沒有很麻的感覺，我家人都吃不到又麻又辣，而這個少少辣不麻的味道可以吃到魚的鮮味，魚質嫩滑，配料也十分喜歡，一粒粒像魚腐的，好好味！有薯粉和芋絲！🔸最後送上桂花糕，好開心，清香桂花味！