冚棒唥 (廣福大廈)

朋友同我慶祝生日而去，主要因為佢喺旺角比較方便加上店名夠過癮，點咗兩個晚市套餐，分別係 $158 同 $168，包一份主食、一碗乳酪/餐湯同一杯 $45 以下飲品，先付款後享用-乳酪加咗燕麥、香蕉，健康好味；南瓜湯都好飲，稀稠度適中；牛肝菌慢煮雞胸意粉菌味比較重，雞胸唔講得上好嫩，意粉正常；牛油大啡菇蘆荀燉飯啡菇幾滑，飯有牛油香，煮得比較濕冇咩嚼勁；飲品美祿唔再細路同海鹽檸檬梳打都唔錯，整體食物質素還可，但音樂聲太大好難傾偈…查看更多

這間 café 絕對是一個驚喜連連的好地方！除了咖啡品質出色之外，食物更是讓人眼前一亮。我點了 Carbonara、焦糖洋蔥吐司，以及油漬蕃茄牛油果多士，每一道都充滿驚喜。- 🍝 Carbonara 比不少西餐廳的水準還要高，香濃滑順，令人回味。- 🥑 油漬蕃茄牛油果多士 則加入了生洋蔥於牛油果醬中，令整體味道更有層次，出乎意料地好吃。- 🧅 焦糖洋蔥吐司 是我的最愛，暖暖的焦糖洋蔥配上冰涼的 cream cheese，冷熱交融，一流的味覺配搭！整體體驗令人非常滿足，是一家值得回訪的 café。✨…查看更多

好友回港，闊別三年，要搵間餐廳坐低慢慢詳談，第一間諗到可以去嘅地方就係「冚嘭唥」，因為地方舒適、乾淨，地點近旺角地鐵站，E1出口行6-8分鐘，而且老闆好好人冇限制入座時間，除非爆棚啦。剛好碰上他們轉新菜單，便要去試一試！今次新菜單推出晚市套餐，套餐包括了廚詩餐湯或乳酪碗，主菜及飲料，好少套餐會包乳酪碗，這個構思非常之適合夏天呀！今晚的餐湯是羅宋湯，味道非常濃郁。好友的乳酪碗也非常清新，胃口大開！主菜方面，我們點了地中海芫荽雞扒意粉及比目魚扒，兩度菜式也非常美味，味道恰到好處，唔會太濃太鹹，見到餐牌還有好幾款新菜式，十分期待下次再嘗試！飲品當然唔會失望，番石榴咖啡及latte！大家都要減肥，今次冇食甜品！雖然如此，詳談了兩個半小時，已經很大的十大滿足！…查看更多

名字很有趣的食店(粵語口語「陷辦難」)，店內由幾位女士在打理，環境乾淨整潔，坐得舒適；店內放有台灣很流行的「汽車沙發」，看到它便想起當年看的流星花園(可惜杉菜已走了)。🥲旺中帶靜的廣東道，平日早上非常繁忙，但到晚上便變得非常寧靜；餐廳最繁忙也是由中午到黃昏時段，尤其是星期六日，所以逢星期一至五，晚上六時至九時，每單滿$150，便可享有85折優惠；每滿$350，更可享有75折優惠。😊之前來食過一次午餐，店內非常繁忙，但今次試吓晚上來，全晚就只有兩枱客人，非常清靜；食物款式選擇不多，除了全日早餐，便只有一款蓋飯及三款意粉，還有些小食、甜品及飲品，感覺種類也是以午餐或下午茶為主力。😅因我們不吃牛肉，所以只有選全日早餐或意粉，但上次已試了全日，今次就選這兩款意粉吧！🤔分別點了「差點入米芝蓮的卡邦尼」及「清萊的冬蔭公公」，卡邦尼意粉爽滑唔會過腍，醬汁香滑濃郁，表面放有一隻半生熟水煮蛋，味道也算不錯。😋冬蔭公公口感帶微辣，香味十足，惹味非常，青口鮮嫩多汁；連一向戒食澱粉的老婆，也吃得津津有味，實在難得。👍🏻她說上次試過「冰火斑斕咖啡」非常好喝，今次自然翻兜；我因不想喝凍飲，選了普通的「美式咖啡」。☕️因滿$350有75折優惠，加多件甜品就剛剛好，今日自家製蛋糕是「香蕉合桃咖啡海綿蛋糕」，口感軟綿，帶有淡淡的香蕉味，加上中間加入鬆脆的合桃，也是很不錯的。😋食物確實不錯，可惜選擇太少，還是比較適合午餐或下午茶，或是間唔中來一次晚餐。😝#差點入米芝蓮的卡邦尼 $108#清萊的冬蔭公公 $128#自家製蛋糕(香蕉合桃咖啡海綿蛋糕) $48#美式咖啡 $35#冰火斑斕咖啡 $50#冚棒唥 (廣福大廈)(香港)地址: 香港旺角廣東道983號廣福大廈地下D號舖電話: +852 24680806…查看更多

一睇個名，我完全冇諗過係一間Cafe嚟，仲喺度諗緊點解你個女仔決定去呢度食晏…okay嚟到見到呢個佈局都安心啲，環境唔錯，係自助形式，餐具同埋水都係擺喺出邊，收錢同埋煮嘢食嘅系同一個人嚟，超級忙。不過開放式廚房油煙就大咗啲…我坐正喺出錯位隔離，我覺得成個頭都係油煙味入返正題，佢個Menu設計得好有心思，每一味菜個名就咁睇都未必估到係咩嚟，食材配搭都好新穎，係fusion泰菜!!!!!! 玩味十足😍冬陰功海鮮意粉少少辣🔥 惹味！好出色，冇補充(唯一缺點係有我唔鍾意食嘅茄子🍆) 呢度好多味餸都有茄子..其中有個小食就係燒茄子我哋都嗌咗，成餐飯好多茄子另外我哋仲嗌咗薯條同埋另一個意粉~嘢飲我就揀咗：冧巴溫花生咖啡🥜Pancake方面都有啲選擇困難，諗咗好耐揀咸定係揀甜，最後揀咗甜嘅侍應姐姐好貼心咁同我哋介紹右下角喺啲cream上面嗰舊牛油，話係特製有咖啡味，食嘅時候其實完全唔記得咗係牛油嚟，因為好好味係咁食…食完要減肥lu…查看更多

冚棒唥@旺角🪡旺角廣東道983號廣福大廈地下D號舖💰$130-$160食完會想再食既全日早餐，我覺得佢份量好有誠意，食材新鮮，環境又舒服，叫埋杯咖啡可以chill住enjoy假期，Cafe仲有意粉/沙律/主食選擇，定期都會轉menu，期待期待。🥪冚棒唥全日早餐 $138All day breakfast有黑糖麥包，芝士大啡茹，烤腸，煙肉，薯餅，炒蛋，焦糖香蕉，沙律菜，款式豐富，芝士大啡茹超juicy，食落又唔會膩，烤腸足料又香脆，所有配搭都好出色，絕對係有誠意既全日早餐。🥗最經典的凱撒沙律 $78沙津採用新鮮生菜，食落爽口，只要加多$20可以選擇烤雞or香蒜大蝦，烤雞好入味又滑嫩。沙律菜份量如果可以多啲就完美啦😆黑糖麥包甜度啱啱好，鬆軟易入口。🍮焦糖牛奶布甸 +$38只要order咗套餐加$38可以有布甸，入口即溶，牛奶味重，值得一試。…查看更多

🥩 蔥鹽牛柳粒蓋飯 HK$118・味道：香蔥鹽醬鹹香🧅，加埋牛柳粒嘅油，同埋炸蒜，撈埋好惹味🥩！仲有一定好食嘅流心蛋中和油膩感🍳，想像到嘅美食！牛柳粒嘅牛味唔算重，如果可以煎香啲更好！不過有蔥鹽醬吊返個牛脂香出嚟，所以幾好食👍🏻！・口感：牛柳粒有少少筋，呢個爭咁啲，不過蔥鹽醬好食已完勝，小小似牛角鹽醬，流心蛋令到個飯更加滑同埋粒粒分明！🥓 冚棒唥全日早餐 HK$138＞黑糖麥包🍞、芝士大啡菇🍄、烤腸🌭、煙肉🥓、薯餅🥔、炒蛋🍳、焦糖香蕉🍌、沙律菜🥗・味道：芝士大啡菇入邊係cream cheese🧀，上面鋪咗層燒香咗嘅芝士，邪惡酸甜又夾雜咗鹹香味道，層次豐富好食！烤豬肉腸幾juicy，唔會好鹹～煙肉都係煎香左🥓，但唔會overcooked烤燶晒變紙咁，仲食到豬肉香，肥瘦分明！薯餅🥔、炒蛋🍳，正常發揮～焦糖香蕉一如既往嘅外脆內軟🍌，甜蜜好食！・口感：各司其職，該Juicy嘅Juicy，該脆嘅脆，該嫩嘅嫩，一個字，掂👍🏻！🥬 香烤椰菜苗 HK$58・味道：香烤椰菜苗有煎香到，而且面頭用酸忌廉加芝士調味🧀，好少食到，非常特別但好好食，酸鹹惹味！・口感：蔬菜好爽脆鮮甜，唔會煎到苦，不錯吃！🫖 泰椰奶紅茶冰 HK$65・味道：次次嚟都飲呢個！椰奶紅茶分開上🥥，可以自己較茶奶比例，椰汁濃重郁椰香，微微甜咁，調返紅茶茶香～熱椰奶倒落凍嘅紅茶冰度好有儀式感XD，紅茶茶香清幽，唔會苦澀，椰奶亦唔會蓋過茶香味，兩者好平衡，出色！・口感：順口好飲～🥤 海鹽檸檬梳打 HK$45・味道：海鹽同檸檬不嬲都超夾🍋，而且有返少少糖漿去較返個比例，整體係幾清新refreshing！・口感：而且夠氣夠gurrr，夏天飲解暑啱晒！・・・・・・・・・・・・・・・・・・・・🤰性價比：高～🤰9衝度：9衝～🤰結論：食咗三四次，每次都keep住高質！最重要係佢會換餐牌保持新鮮感，次次去都有唔同泰式fusion嘢食！餐廳嘅Staff都好Nice，環境舒服，大推俾所有波友🫶🏻・・・・・・・・・・・・・・・・・・・・…查看更多

Menu裏面嘅食物選擇都好豐富，有好多唔同嘅特飲或者咖啡選擇☕️☕️☕️冬陰功嘅意粉，呢個係值得推介🍝🍝另外再order咗個All day Breakfast，佢嘅配搭都好出色，可能本人比較鍾意食香蕉，覺得佢個焦糖香蕉幾好食😂😂但係整體成個All Day Breakfast都係好好食🍴另外嗌咗個椰汁嘅泰式紅茶❤️呢個都係比較推薦🙆🏼‍♀️因為其實我本身係一個好唔鍾意飲甜嘢嘅人，雖然依杯嘢飲係真係比較甜，但係可以接受到～…查看更多

聽名就知道係間玩味十足嘅咖啡店😆之前一直都未有機會幫襯佢佐敦店，都唔知佢已經搬咗嚟旺角🫣今次下午茶嘅時間嚟到，估唔到呢個時間仲有lunch set🤑已經包一杯$65嘅飲品🤩真係好抵🤑🤑🤑🥗香蒜大蝦凱撒沙律 ($98)即叫即整😆即時蒜香充滿全間鋪🤤叫人勁期待🤗蝦都幾多幾大隻，爽彈惹味👍🏻面頭兩塊係黑糖麵包，相信如果烘脆會更加好食😋沙律醬汁好足，而且芝士味十足，著重健康嘅重口味人士啱哂😛😛🥜冧巴溫花生咖啡 (原價$55)賣相絕對係No.1😍奶泡好厚身，用嚟浸脆脆嘅手指餅好夾😋飲落真係充滿花生香，仲會有粒粒花生嘅口感😙不過略厭偏甜，稍微蓋過咖啡香🫣當佢為甜品會加適合😇…查看更多

俾呢間個名吸引左🤣抱住唔好食都係一次啫嘅心態入咗去（通常呢d反而有驚喜🤭）果然drink list有驚喜*番石榴咖啡兩種味意外地夾，仲有好fresh😋另外仲有青瓜咖啡, 下次可以試埋😁All day breakfast*火烤凍芝士蛋糕口感 & 味道都好正,值得一試…查看更多

坐落喺旺角廣東道的舊區，門面設計有特色，小心路過會 miss 咗呀！鋪面唔算大，但都設計得頗得意，入去打個咭、飲杯啡，都係一個不錯嘅選擇。樣樣都想試，最簡單就是叫一個「唔駛諗套餐」，有All day breakfast, 飲品和甜品。冚捧唥早餐，故名思義，就是乜是都有齊。望落普普通通，但樣樣個煮話也不一樣。沙津菜夠新鮮，蛋夠滑，芝士釀大啡菇，香烤椰菜花、秋葵，焦糖香蕉，通通都十分出色。甜品正常，比較一般。這個很是特別，將個熱騰騰嘅椰奶倒落個凍冰冰的紅茶冰，個口感、味道、溫度也剛剛好，好飲。另外，選了個不一樣的素食餐。先來是一個扮蛋糕嘅薯仔沙律，沙律清新、好味，係略嫌內太多洋蔥，有點over.再來是冷盤的秋葵，個醬料香濃帶點惹味，整個味道就提升了。最後是杯冷萃青桔仔，其實是桔仔味嘅 Cold Brew，原來兩者結合又幾有趣喎！…查看更多

🤎香港有態度玩味𝐜𝐚𝐟𝐞🤎首先，叫咗係米芝蓮嘅卡邦尼意粉🍝黏到啱啱好意粉韌度啱啱好好Creamy食咗成碟都唔會漏好適合同朋友一齊share幾款菜式🤲🏻-同埋蕃茄意粉都唔係出邊平時食到嗰隻好Hea嘅味係有誠意之作！🙇🏻‍♀️配埋個All day Breakfast 絕對係皇牌每一樣都熱辣辣條蕉加埋焦糖一齊燒會食到脆皮嘅蕉同埋嗰個芝士蘑菇會食到好Juicy芝士好夾蘑菇嘅味道我哋仲嗌咗個叫武林秋葵🤜🏻🤛🏻嗰隻汁係平時泰國菜差唔多味嘅汁，但係係獨特嘅👍🏻成件事就襯埋好夾🤲🏻😽-再加埋熱辣辣嘅特濃朱古力夜晚食飯唔叫咖啡嘅首選驚飲咖啡瞓唔着，不如試吓呢杯朱古力啦🤌🏻-Cafe環境傾偈一流有返啲私隱同隔籬枱傾偈都唔會太聽到🫱🏾‍🫲🏻…查看更多

今日食左個香葉蕃茄意粉，茄汁是自己煮的，新鮮 basil 加秋葵和菇菇，意粉彈牙，水準很高。另外lunch 送左杯班蘭芒果特飲，吾太甜又有班蘭香味，好正! 呢個價錢，好抵。值得一試。員工也very nice …查看更多

冚棒唥是一家位於旺角的潮牌越式咖啡店，主打咖啡、輕食和各款沙拉。店內的裝修風格走文青風，非常適合打卡拍照，絕對能獲得許多喜歡攝影的人的喜愛。 這裡的菜單有許多美味的選擇，其中牛肝菌忌廉意粉和芝士黑松露厚多士是必點的推薦菜品。牛肝菌忌廉意粉的麵條煮得剛好，搭配濃郁的牛肝菌忌廉醬，口感豐富爽滑，絕對能夠滿足食客的味蕾。芝士黑松露厚多士則是一道美味的小食，多士上鋪滿了芝士和黑松露醬，每一口都帶來濃郁的口感和香氣。 在飲品方面，推薦試試他們的蝶豆花話梅蜜糖梳打。這款飲品口感清新，蝶豆花的自然顏色和話梅的酸甜味道相互融合，加上微微的蜜糖甜味，非常開胃又清爽。而且，這裡的飲品也非常適合拍照，色彩繽紛，絕對能夠讓你的照片更加多讚。 由於多士太美味，最尾一幅照片是本人在家複製的增量版芝士黑松露厚多士， 果真好評如潮， 是親友客人到訪必點菜色😜…查看更多

假日去旺角hea，想揾一間cafe休息下飲杯咖啡，見舖頭名好過癮，於是就揀呢間「冚棒唥」！門面有打卡位，而餐廳入面就麻雀雖小，五臟俱全！All day breakfast好正，有我最鐘意嘅大啡菇，而個塊肥豬肉就取代咗平時嘅煙肉，好食好多，話哂煙肉都加工過難免有至癌物質。整個breakfast都好滿意，全部食物都係原生食物，仲有香蕉蔬菜類(南瓜又取代薯條)，健康又有益！另外個飯tastic個飯就有啲散，食得有啲狼狽，入面嘅料竟然有菜芯😂真係有啲亂嚟，不過就健康嘅🫣嘢飲方面，我地叫左奶茶同開心果latte，兩杯都啱哂打卡，而且味道唔差，好鬼大杯對得起價錢，同朋友飲左好耐，同樣我地都邊飲邊傾左好耐！😂👏…查看更多