再臨閣

海景自助餐早排去左食自助餐有咁靚嘅景色都係四百零蚊一位食物質素都算唔錯成間餐廳長方形咁樣基本嘢都會有刺身 沙律 凍海鮮 牛扒幾款嘅食物比較推薦凍龍蝦雖然係比較細隻但係肉質都係爽彈 帶少少膏不過相比之下呢隻琵琶蝦就好食得多真係食得出鮮甜嘅味道最尾都攞多咗幾隻嚟食呢個牛肋肉燒得啱啱好三文魚同磯煮鮑魚食得過仲有大蝦係即刻係鐵板燒咁啱呢排仲喺香港懷舊主題有玻璃樽裝嘅汽水可以飲仲有啲特色飲品最後有香港特色甜品芝麻卷，楊枝甘露凍，豆腐花等等…查看更多

位於尖沙咀文化中心對面的YMCA酒店自助餐，位於酒店4樓，景觀望到對面灣仔會展中心，日落景觀一流，地點在尖東站出口行1分鐘，位置我比100分。凍海鮮供應長腳蟹、龍蝦、麵包蟹，海鮮新鮮鮮甜，冇乜雪味，亦多膏，刺身味道正常，水準之作。唯獨熟食區味道一般，提供的菜式有幾款是吸引，但很快比客人攞完，補充速度唔快，醉雞翼肉質過硬，避風塘炒蝦放久了唔算脆。甜品提供多款港式經典甜品，味道不錯，找回很多童年回憶。…查看更多

YMCA自助晚餐，地點方便，在尖沙咀，最適合收工約埋一齊食自助餐。自助餐冷盤種類頗多，龍蝦、長腳蟹、琵琶蝦、蟹鉗。龍蝦🦞長腳蟹 質素不錯。蝦🦐、蜆、青口，龍蝦仔刺身只有三文魚、𩶘魚，八爪魚、希靈魚，四款份種類比較少，但係有機燒鮑魚，爽口彈牙比較驚喜。三文魚肥美，八爪魚比較硬，鮑魚爽口。熱盤有焗蠔、豬手、炸蟹棒、蒸比目魚，雞、羊腩、北菇鴨掌……甜品款式比較懷舊，有豆腐花、馬豆糕、芝麻卷、木糠蛋糕…..都頗多選擇。焗疏乎厘，定時出爐，要預先去排定隊。生果都是西瓜，蜜瓜🍈火龍果…..雪糕糕係Häagen-Dazs，還有比較少的抹茶雪糕。位置之間比較寬闊，環境不大，攞食物非常方便，可以欣賞尖沙咀夜景。補充食品非常快，基本上不需要排隊就可以隨意攞食物。服務方面還是不錯的，收碟非常快，而且自助晚餐有晚上6:15直到9:30，有三個多小時，時間非常充裕。…查看更多

好記得自己細路時最鍾意放學後同同學去打波，一身臭汗時最佳娛樂就係成班人去士多一人一枝汽水。有時錢不夠，就會飲細吃汽水，開開心心吹水到日落西山，回憶真是無價。家陣香港越來越少可堪回憶的舊事物，未免有點唏噓。近日尖沙咀YMCA再臨閣就推出「經典懷舊廣東自助晚餐」，將餐廳打造成昔日的環境，當然要打返張卡緬懷一番。最開心係可以無限暢飲可樂玻璃樽裝飲品，包括可口可樂、無糖可樂、雪碧、分達及玉泉忌廉味汽水。 自助晚餐推廣日期為2025年9月1日至11月30日，供應時間為晚上6時15分至9時30分。 星期一至四：成人每位港幣$738，小童每位港幣$448。 星期五至星期日及公眾假期成人每位港幣$848，小童每位港幣$578。 小童價目適用於三至11歲。 經網上平台預訂，人均可去到不用$500。一入門口，已經有兒時熟悉的街頭擺設，即時打卡留念。 尤其是有樽裝可樂汽水任飲，雖然不是什麼好值租飲品，但開心回憶湧現。 凍海鮮係大堂中央的長檯，最吸睛一定係凍海鮮，開邊波士頓龍蝦任食，好多都有蝦膏，必食。 另外，琵琶蝦又係好少地方見到，肉質同樣爽彈，好味。 仲有龍蝦鉗、小龍蝦、藍青口、翡翠螺、蟹腳、青口、熟蝦及熟蜆，種類出奇地多，最開心係refill夠快，不怕海鮮位空盪盪。 而且逢星期5、6日、公眾假期及其前夕供應麵包蟹，又多一種海鮮，足足超過10款，係咪好豐富呢？ 刺身有磯煮鮑魚、赤貝、油甘魚及三文魚，老實講，食過好多次，今次質素係最好，而鮑魚又係一個必食位。 仲有即叫即整的花之戀壽司。 Carving Station有即煎虎蝦及牛扒，虎蝦即煎即食，好香口；而牛扒就等切到中間位先出手，帶血絲下肉味份外濃。 熱葷係熱葷中有幾款都好受歡迎，龍蝦鉗伊麵是其中之一，伊麵好入味，龍蝦鉗又啖啖肉，最啱懶人。 而清蒸比目魚勁厚肉又無骨，老人家食都不怕食到碎骨。 避風塘炒蝦就好香口，辣辣地好惹味。黑松露焗蠔焗至表面好香口，食落亦好creamy，不錯。 加埋釀蟹蓋、燒有骨西冷、鮮菌扒魚肚、蘿蔔炆牛腩、愛爾蘭羊肉、煎鯪魚餅、脆香豬手、臘味荷葉飯及滷水拼盤，都好啱老人家口味。 麵檔好多時都係普普通通一款就算，第一次係自助餐食到酸菜湯麪，配料有魚片、豬肉片、雞肉、魚腐、銀芽、豆腐卜、韭菜、魚角、豬紅、生菜、米線、油麵及米粉，我當然會整返碗。 其實佢仲有碗仔翅及魚肉等兒時街頭小食，記得試埋。湯品西湯是滑溜香甜的南瓜湯，而中湯是好家常feel既青紅蘿蔔豬肉湯。 頭盤有煙三文魚、水晶肴肉、南京凍鴨、廚師沙律、雞絲粉皮及醉雞翼。 個人幾鍾意碎雞翼，有淡淡酒香，雞皮又爽又滑。 Cold Cut 及芝士拼盤有黑松露軟芝士、黑胡椒吞拿魚及莎樂美腸。 甜品最吸睛一定係哈根大師雪糕，因為有比利時朱古力、Summer Berries & Cream、Pistachio & Cream、Caramel Biscuit & Cream以及 Mango & Cream五款不常見口味，大家記得試多幾款呀！ 再臨閣的甜品一向都係被人遺忘的一族，但老實講，又真係幾好，無論味道的配搭及質感，都相當到位，值得同大家介紹一下。 即焗即食既經典焗梳乎厘，質地鬆軟而芳香，自然是不能錯過。 押上自家名號的YMCA自家製曲奇餅，果然鬆化可口，如果配埋咖啡就最好。 同行朋友最愛黑森林蛋糕，原來懂的人更多，因為最快被消滅的就是黑森林蛋糕。 另外有特別日子提供的甜品。 懷舊黃梅果占蛋糕（逢星期五、六、日，公眾假期及其前夕供應） 核桃忌廉拿破崙（逢星期一至四供應，公眾假期及其前夕除外） 而懷舊系列有懷舊乾果蛋糕、焗蛋撻及葡撻、缽仔糕、芝麻卷、紅豆茶果、杞子桂花糕及楊枝甘露。 真係勾返童年回憶，如果有埋即整蛋卷同有「買餸籃即切滷水紅腸生腸」，飲品若然增添埋「美祿」、「和尚戴帽」同「黑牛」，就更加形神俱備了。 …查看更多

周末想覓一處能兼具經典粵味與多元選擇的自助餐，選中了尖沙咀YMCA酒店4樓的再臨閣，體驗下來確實沒失望。餐廳空間明亮通透，裝潢帶著沉穩的酒店式風格，座位間距舒適，不會有自助餐常見的擁擠感，無論是家庭聚餐還是朋友小聚都很合適。食物區域規劃得相當清晰，從粵式經典到異國風味應有盡有。最讓我驚喜的是經典粵菜區，糯米雞的糯米軟糯帶勁，內餡的香菇與雞肉香氣十足；香菇雞包鬆軟蓬鬆，咬開時餡料的鹹香汁水會緩緩溢出，完全是老廣熟悉的家鄉味。旁邊的海鮮冷盤區新鮮度夠，蝦子彈牙清甜，搭配自調的蒜蓉醬超開胃，不過種類不算特別豐富，算是小小的遺憾。 異國美食區同樣有亮點：日式刺身的三文魚油脂分布均勻，入口細嫩；法式芝士區的軟質芝士帶著奶香，配上台式的核桃醋麵包，口感層次瞬間拉滿。如果想吃點溫熱的，現做的炒面鍋氣十足，還能請師傅做一份蛋香濃郁的奄列，師傅動作麻利，不用等太久就能拿到熱騰騰的食物。 甜品區是收尾的驚喜，除了常見的蛋糕、曲奇，還有新鮮的草莓、菠蘿味乳酪，酸甜清爽剛好解膩。服務方面也值得一提，收盤很及時，補菜速度頗快，不會出現空盤太久的情況，問服務生食物的食材來源也能耐心解答，專業度夠高。 整體而言，再臨閣的自助餐勝在品質穩定、種類均衡，尤其粵式點心的水準超出預期。如果是想在鬧市中找一處舒適環境吃頓飽足的自助餐，這裡絕對是性價比不錯的選擇，下次大概率會再來試試他們的午市套餐。…查看更多

尖沙咀港青酒店嘅再臨閣，慶祝港青總部成立100 周年，依家做緊「經典懷舊廣東菜」主題自助晚餐，啱晒鍾意食懷舊菜式嘅人😁同時亦做緊「可口可樂」主題，全間餐廳用咗好多經典嘅可樂汽水做佈置，好靚！可以瘋狂影相打卡😍個主題會做到11月尾，可樂迷要趁早去食💪🏻自助餐有65折優惠，好抵，食物質素無將貨就價，好滿意！由18:15到21:30食足三小時，好充實，回本極易😎地方唔算大但入座全滿，氣氛相當好。取餐區設計唔錯，拎食物時唔會好擠迫。全落地玻璃，基本上99%嘅枱都係靠窗，望住文化中心、太空館同海景，景觀赢在起跑線～餐廳職員態度十分好，服務殷勤，收碟勤快，開心👍🏻📌海鮮選擇包括最多人鍾意嘅波士頓龍蝦、蟹腳、麵包蟹、小龍蝦、熟蝦、熟蜆、藍青口、翡翠螺、琵琶蝦，全部都非常新鮮📌刺身水準唔錯，三文魚同其他魚類質素中上，唔會有太多根。壽司有即做花之戀壽司，幾有心。📌熱葷方面有避風塘炒蝦、蘿蔔炆牛腩、煎鯪魚餅、鮮菌扒魚肚、魚肉碗仔翅、燒原條有骨西冷、即煎虎蝦、脆皮豬手、臘味荷葉飯、龍蝦鉗伊麵、滷水拼盆、即煮酸菜湯麵檔等。📌切合返個主題，可以任飲可口可樂玻璃樽裝汽水（可樂、雪碧、芬達、玉泉忌廉）📌每半時響鐘一次有新鮮出爐嘅即製焗梳乎厘，好多人排隊攞！好食，我都排咗兩次😂📌甜品款式都多，懷舊主題嘅有合桃忌廉拿破崙、砵仔糕、芝麻卷、茶果等。星期五六日公眾假期及其前夕仲有「懷舊黃梅果占蛋糕」巨大版🤪打卡一流～📌杯裝Haagen-Dazs雪糕任食…查看更多

講起食自助餐，大家可能即時諗起咩咩酒店，其實仲有一個地方我好推薦，就係尖沙咀YMCA的再臨閣。 佢哋會不定時更換主題，而今期做緊既懷舊廣東菜，就好岩同埋老人家嚟食。出自助餐桌兜個圈，地方唔算大，不過今趟主題實在太岩我心水，幾乎每樣嘢都想食，只怪自己胃納太有限。第一樣我最想吃的，係碗仔翅，隨著年代變遷，愈來愈難在坊間找到，我也有好多年沒嚐過了。呷一口，厚滑而不黏稠，肉絲、木耳絲、冬菇絲及魚肉，簡簡單單，就是那個久違了的味道。平時吃自助餐，我或許會略過粉麵檔，然而這裡的酸菜湯麵，就令我忍唔住要拿一碗跟朋友分享。酸湯的味道醒胃，自行加點花椒蒜，香氣更加誘人，吃起來也有點像酸菜魚的感覺。配上魚片、豬紅及魚腐等，有助打開胃口。一系列的熱葷就更能吸引到我，其中的鮮菌扒魚肚、蒸比目魚、煎鯪魚餅、滷水拼盆及蘿蔔炆牛腩等菜式，猶如阿嬤以前曾烹煮過的家常味，當然仲有啲恆常既焗蠔及釀蟹鉗等，都是不容錯過。龍蝦鉗伊麵，與及臘味荷葉飯，只令我想起以前飲宴的結尾，這裡就是更精緻的演繹，即使貓仔胃既筆者，都要每樣來些少。既然我推介得呢度，佢隨左經典既懷舊食品外，眾多恆常出品都做得有板有眼的。港人至愛的冰鎮海鮮，波士頓龍蝦、琵琶蝦及蟹腳固然出色，我這晚更有麵包蟹，另外仲有好多其他選擇，如翡翠螺、蜆、青口、小龍蝦等等，最讚係佢refill得好快。即煎虎蝦，睇住佢新鮮炮製，肯定好食喇。食肉獸既我，自當不會放過燒有骨西冷，著師傅俾塊生啲既我，嫩紅的色澤，岩晒我。然而，甜品才是重點，中西式都好吸引。你可以係度搵到俗稱菲林筒的芝麻卷，又有清香既杞子桂花糕，好少在自助餐桌遇到的紅豆茶果，與及砵仔糕。是夜可一次過吃勻這些昔日味道，興奮程度實在難以形容。西式的經典，大概要說到黑森林蛋糕、懷舊乾果蛋糕，同埋鮮忌廉什果蛋糕，簡直是兒時至愛。啫喱糖，加把傘仔之後，回憶即刻番晒嚟。記緊留意，七點半同八點，會有經典焗梳乎里 (每晚) 和懷舊黃梅果占蛋糕 (星期五、六、日、公眾假期及其前夕供應)，店方仲有生日牌俾大家打卡影相，是日剛巧有朋友生日，佢即刻開心到四萬咁口。講到經典，又無可能少左可樂，為設合呢個主題，特設玻璃樽裝可口可樂、雪碧、芬達及玉泉忌廉，可樂迷既我絕對滿意！「經典懷舊廣東菜」呢個主題做到11 月 30 日，我諗我要帶埋兩老嚟一次。…查看更多

今次去咗港青酒店再臨閣食全新「經典懷舊廣東菜」自助晚餐，真心驚喜啊～😍 一入門口就已經超有feel～有個復古打卡位，還原咗80年代街邊食嘢嘅場景，仲用咗可口可樂玻璃瓶加閃燈做裝飾！一邊食仲可以望住維港夜景📸✨🦞✨必食重點推介✨🦞✅ 懷舊冷盤：醉雞翼好入味、雞絲粉皮超滑溜～仲有南京凍鴨同水晶肴肉，開胃之選💯✅ 九款海鮮：波士頓龍蝦肉質彈牙、蟹腳鮮甜～小龍蝦同琵琶蝦都好新鮮🦀 另外仲有熟蜆、藍青口、熟蝦同青口。✅ 魚生控注意：三文魚肥美、油甘魚入口即化～磯煮鮑魚好入味，我encore咗兩轉🐟✅ 多款熱葷：避風塘炒蝦香辣惹味、蘿蔔炆牛腩好淋好入味～龍蝦鉗伊麵索晒龍蝦汁🔥✅ 即煮檔口：酸菜湯麵酸爽開胃、滷水拼盆好入味～碗仔翅真係童年回憶啊🍜✅ 童年回憶甜品：砵仔糕QQ哋、芝麻卷香濃～合桃拿破崙脆卜卜，懷舊黃梅蛋糕酸酸甜甜好解膩🧁🍹飲品方面有可口可樂系列玻璃樽裝任飲！有經典可樂、雪碧、芬達～爽啊！🥤🍨最正係Häagen-Dazs雪糕任食～當日有開心果同焦糖脆餅口味，兩款都係我嘅最愛，食咗三杯先捨得走啊！😍🍽️「經典懷舊廣東菜」自助晚餐⏰ 供應時間：每晚 6:15 – 9:30pm📅 推廣期：即日起至 2025年11月30日💰星期一至四：成人 $738｜小童 $488（3-11歲）星期五至日及假期：成人 $848｜小童 $578📍 再臨閣 尖沙咀梳士巴利道41號香港基督教青年會南座港青酒店4樓…查看更多

同朋友去尖沙咀再臨閣食佢個懷舊廣東自助晚餐，真心抵食！凍海鮮陣容誇張～波士頓龍蝦爆肉💥、蟹腳任拎唔手軟、小龍蝦同翡翠螺鮮甜冇雪藏味！最正係有琵琶蝦！平時buffet好少見。凍盤醉雞翼酒香入味，水晶肴肉凍食超爽口～魚生檔三文魚厚切到唔客氣，油甘魚油潤甘香，師傅手起刀落補貨快！熱食必食燒西冷🔥肉汁鎖得住，避風塘炒蝦鑊氣十足，蘿蔔炆牛腩入口即化～即煎虎蝦超大隻，蝦頭爆膏要encore！重點推薦✨臘味荷葉飯香氣撲鼻，即煮酸菜湯麵湯底濃郁，自助餐少見嘅懷舊功夫菜！甜品區瘋狂～即焗梳乎里膨脹到震📈，木桶豆腐花豆香濃郁，砵仔糕QQ軟軟，仲有絕跡江湖嘅芝麻卷同紅豆茶果，傳統手作誠意滿分！飲品係童年回憶殺🌟玻璃樽可樂、雪碧、芬達任飲，爽過樽裝！環境闊落坐得舒服，服務員收碟快手，晚市全場爆滿都唔會等好耐～懷舊主題勁有feel，長輩後生都啱洗！📌推廣期至2025年11月30日每晚6:15-9:30…查看更多

尖沙咀港青酒店推出咗期間限定嘅「經典懷舊廣東菜」自助晚餐，今日終於有時間去試吓😍，餐廳座位好闊落，坐得好舒服，加上可以望到維港景色，入夜更加靚😚，野食都十分有驚喜🤓❣️「經典懷舊廣東菜」自助晚餐 平日價 $738📍精選冷盤除咗沙律、芝士拼盤同煙三文魚之外，仲有好多經典廣東嘅冷盤，例如南京鹽水鴨、醉雞翼、水晶肴肉同埋雞絲粉皮😚，醉雞翼大大隻，每隻都充滿濃郁嘅花雕酒味👍🏻📍熟食有超級多款熟食，例如避風塘炒蝦🦐、蘿蔔炆牛腩、煎鯪魚餅、龍蝦鉗伊麵、脆香豬手、滷水拼盤、臘味荷葉飯、魚肉碗仔翅、蒸比目魚、鮮菌扒魚肚同埋即煮酸菜湯麵檔等等，嘢食多到試都試唔完📍冰鎮海鮮冰鎮海鮮有好多選擇，當中有波士頓龍蝦🦞、琵琶蝦、蟹腳、蟹鉗、熟蝦🦐熟蜆、青口及小龍蝦等，星期五六日及公眾假期仲有麵包蟹供應，款款都新鮮彈牙，當中encore咗幾次波士頓龍蝦同蟹鉗😋，波士頓龍蝦爆晒膏🤤，肉質超級爽口彈牙，蟹鉗啖啖肉，充滿海水嘅味道🤪📍環球美食有燒原條有骨西冷、即煎虎蝦、各款日式壽司刺身同埋即做花之戀壽司，西冷牛味濃郁，虎蝦彈牙爽口，屬必回本系列👍🏻📍懷舊甜品及各式甜品就算食到好飽都有第二個胃食埋甜品🤪，講到明係經典懷舊廣東菜系列，點少得懷舊甜品，有少見嘅懷舊啫喱糖、芝麻卷、紅豆茶果、砵仔糕、黑森林蛋糕同鮮果蛋糕等等，多帶10幾款甜品任君選擇，同場加映限時推出即焗疏乎厘，超級好食🤤，仲有勁大個懷舊黃梅果占蛋糕推出，咁當然相機食先啦🤪，仲有水果同無限任食Häagen-Dazs雪糕😆📍飲品除咗一般茶飲、仲有經典港式凍檸檬茶同樽裝可口可樂飲品，回憶即刻返晒嚟🤣，樽裝嘅可口可樂、雪碧、芬達同玉泉無限任飲，邊食邊飲，超爽🤓📆推廣日期：2025年9月1日至2025年11月30日🍽️供應時間：晚上6時15分至9時30分💰星期一至四：成人 $738 小童（3-11歲） $488💰星期五至日及公眾假期：成人 $848 小童（3-11歲）$578🏦是次消費總額 $1476（人均消費 $738） 👅好味度：9.5（10分滿分）再臨閣食物質素超正，而且refill嘅速度都超級快，啱晒香港人嘅速度🤣，所以唔擔心冇嘢食，職員嘅服務態度超級好，有乜需要幫忙都會主動協助同換碟速度好快手，值得再幫襯🤓🍽️再臨閣 尖沙咀梳士巴利道41號香港基督教青年會南座港青酒店4樓…查看更多

【港青酒店再臨閣｜懷舊廣東菜自助晚餐】最近去咗港青酒店再臨閣食佢哋新推出嘅「經典懷舊廣東菜」自助晚餐，真係好有驚喜🥳一入去就感覺好舒服，環境好靜好chill，裝潢有啲懷舊味，坐得又舒服，成個氛圍好適合慢慢歎☺️食物方面真係冇得輸‼️冷盤有醉雞翼、水晶肴肉、南京凍鴨，全部都好入味，啖啖都係回憶嘅味道～我最鍾意避風塘炒蝦同煎鯪魚餅，蝦好彈牙，鯪魚餅外脆內嫩，仲有臘味荷葉飯，香到唔捨得停口😋甜品區都好有誠意～焗梳乎里、砵仔糕、芝麻卷等⋯全部都好精緻，甜得啱啱好，唔試真係走寶😆點少得冰鎮海鮮：波士頓龍蝦、琵琶蝦、蟹腳、麵包蟹任你食！再加埋即煎虎蝦、花之戀壽司、燒原條有骨西冷，真係食到唔想走最後仲有Häagen-Dazs雪糕收尾，完美❤️最有feel係佢哋提供玻璃樽裝汽水！可口可樂、雪碧、玉泉忌廉味嗰啲，飲落去勁有懷舊感，好啱打卡✨…查看更多

帶爸媽去尖沙咀YMCA食自助晚餐，真係一擊即中長輩個心！佢哋9月開始做經典懷舊廣東菜主題，誠意滿滿， 除了美食，整個餐廳環境爸媽即刻話「呢啲先係舊時嘅味道嘛！」 滷水拼盤夠晒入味，脆香豬手咬落爽脆又唔膩，煎鯪魚餅滿滿都係魚肉鮮味，每一款都係地道老廣滋味。仲有回本區凍海鮮龍蝦、長腳蟹任你拎，完全冇雪味，解凍得夠，啖啖鮮甜，爸媽都不停話「呢個價錢真係抵食！」 甜品區仲有驚喜，懷舊布置影相打卡超靚，樽裝可樂即時有復古feel。芝麻卷軟滑煙韌，核桃拿破崙酥鬆脆到不得了，缽仔糕同紅豆沙茶果都夠晒傳統，連細個成日食嘅啫喱都還原到十足十，有返把遮仔即刻童年返曬黎！記得係網上平台買抵好多！…查看更多

等到頸都長埋，那網媒終於有自費食評新片嘞！一般都跟著那食評，再自己睇下得出結論而去試 😛八月十四日，風球過後。。由於無對手食自助餐，還是自己來吧！三點先決定上網買單，卻發現兩位起 😱。（心諗：咁架 😒）即刻打去問，前台話電話訂都係呢個價。既然有位當然食啦 ✌️被安排坐最篤篤的位置，電話已經講明今晚好full，係最後一張枱，亦即係往最後的那張枱 🤣唔，一坐低就覺得唔夠光 🥴我第一樣唔係攞魚生唔係攞龍蝦，係攞杯水，個名好似係維他命水。浸住啲咩？！香茅？！嘅凍水。 換著清水，我唔會有興趣飲 🙂魚生真係無攞，食唔落 😆。其實有好多嘢我都無試。食到後段覺得好頂，諗住搵啲消化嘅嘢，無意中夾到舊酸爽嘅唔知乜，食完都係唔知咩嚟。有食客見我夾都忍唔住問：係咩嚟 🤔？！好似無名牌。我一共食咗四粒，係有啲酸，但確實解膩 😮👏沒有太大記憶點，食物大部分都不錯。較為有印象的有青口👍、煎虎蝦👍、海南雞 👍關於年紀那問題，婉轉不如直入，哈哈 🤣下個月轉主題，可能會再來嘅 😛九月八日趁風球過後，再嚟，今晚相當失望。轉咗餐牌，無咩記憶點邊樣好食，相反就多的是 🙄煎虎蝦：翻煎 😂，有別於上次。滷味拼盤：豆腐尚可接受。其他果兩款都乾到一個點 🤦磯煮鮑魚：可能我見到個過程，感到失望，顯得唔好食，另舍凍咁 🤣冷盤豬肉凍：無之前咁好食入口化開。雞絲粉皮：醬汁是甜的。醉雞翼：酒味香甜，肉質不是嫩滑的。酒糟燒雞？！：同醉雞差唔多味，整體再乾柴一點。甘筍橙湯：覺得有趣，就像熱的橙汁呈杰狀。至於襯或否，我也不知道了 🤷‍♂️港式老西餅。杏脯蛋糕：我見咁完整無出手，到切開咗我都飽了，無試。懷舊蛋糕：有啲乾果咁嘅嘢，似莎莉蛋糕？！始終沒有影相，全靠記憶。既然唔識欣賞，忘記吧 🤣本身知道改咗餐牌係有啲卻步，聽到懷舊二字，感覺就像節省成本方向去行 😏唯有當香港人食返本土嘢，有一定要求吧 🤷‍♂️今晚靜到呢。。想再食龍蝦，見佢無 refill 都算。臨完場仲想嗒吓那款粉紅色酸爽解膩（我仲未知果粒係咩嚟，留意過真係無名牌），發覺收起了，那放棄吧 🤣員工們都熱情有禮 👏第一次嚟覺得不錯先有今晚。今晚一戰真係無 下次了，哈 🤣…查看更多

再臨閣自助餐已經想食好奈，見到KK day有優惠所以就訂了。首先環境好舒服，因為同行有小朋友，所要訂位時要求安排近甜品吧枱，咁啱又安排到近窗位，仲可以睇埋幻彩詠香江。 食物質數都唔差，龍蝦好新鮮，好彈牙，刺身每次比好大份，不過如果有埋生蠔仲一流，平時食自助餐最緊要係甜品，呢度最欣賞甜品，好多好有泰國特式，仲有榴槤pancake，又有心太軟，overall都ok,，最重要小朋友都食得開心。…查看更多

每次食buffet嘅重點一定係海鮮同魚生，波士頓龍蝦同蟹腳首先滿足咗我嘅要求，龍蝦彈牙清甜，部份仲有橙膏好正，蟹腳正常發揮，蟹鉗好甜。 值得一讚海鮮refill得好快，完全唔洗爭，仲有比較少見嘅琵琶蝦，食得好滿足。魚生有啲驚喜，三文魚、八爪魚、希靈魚同𩶘魚算係常見款，切得好靚仔夠大塊，重點係三文魚夠晒肥美，比平時日本餐廳食到嘅有過之而無不及。鐵板區幾有心，連牛肋骨都會幫你再煎一煎香。 大推虎蝦，order完師傅會即煎，非常新鮮大隻，開埋邊啖啖肉，encore咗好多次。熟食除咗巴東牛肉夠惹味之外，泰式豬手非常入味軟腍，充滿骨膠原。鮑魚夠彈牙，醬汁都幾香。泰式船麵檔湯底一流，淨係要咗菜底同魚蛋，淥咗一陣已經好入味，朋友食咗成個麵大讚好味。榴槤pancake榴槤蓉俾得好慷慨，pancake皮煙靭軟糯。 可以自己加料，不過我覺得本身榴槤蓉已經好夠臭好夠味，可以唔使搞咁多嘢包埋就咁食。…查看更多